Yüksək radioaktiv şüalanma aşkarlanan avtomobillər, arxiv şəkli

Yaponiyadan gətirilən avtomobillərdə radioaktiv şüalanma aşkarlandı

387
(Yenilənib 12:05 29.11.2016)
Daxili İşlər və Ekologiya nazirliklərinə, fakt üzrə ciddi tədbirlər görülməsi təlimatı verilib

BAKI, 29 noy — Sputnik. Qırğızıstanda Yaponiya istehsalı, həmçinin Yaponiyadan idxal olunan qeyri-yapon istehsalı olan avtomobillərdə radioaktiv şüalanma aşkar edilib. Sputnik xəbər verir ki, bu barədə Qırğızıstan Gömrük Xidmətindən məlumat verilib.

Qeyd olunur ki, Yaponiyadan Qırğızıstana idxal olunan 183 ədəd avtomobildə yüksək fon radiasiya aşkar edilib. Fakt üzə çıxandan dərhal sonra, baş nazir Sooronbai Jeenbekov təxirəsalınmaz addımlar atılması ilə bağlı hökumətə göstəriş verib. Baş nazir Daxili İşlər nazirliyi, o cümlədən Ekologiya Nazirliyinin də aşkarlanmış fakt üzrə ciddi tədbirlər görməsini, mövzunu araşdırmasını istəyib.

Yaponiya istehsalı avtomobillər Azərbaycanda da populyardır. Bəs Azərbaycanın gömrük məntəqələrində idxal olunan avtomobillərdə radioaktiv şüalanma necə yoxlanılır? Ümumiyyətlə, bizdə də bu cür hala rast gəlinibmi? Və əgər rast gəlinibsə, hansı cavab tədbirləri görülüb?

İstifadə etməyin
publika.az
İstifadə etməyin

Suallara cavab almaq üçün Dövlət Gömrük Komitəsi ilə əlaqə saxladıq. Komitədən Sputnik-ə verilən məlumata görə, bu günədək nəinki Yaponiyadan, həmçinin digər ölkələrdən Azərbaycana gətirilən heç bir avtomobildə radioaktiv maddələr, şüalanmalar aşkar edilməyib. Komitə, həmçinin əlavə edilib ki, əgər nə vaxtsa bu cür halla qarşılaşılsa, dərhal lazımi cavab tədbirləri görüləcək.

Bəs həmin avtomobilləri qarşılıqlı müqavilələr əsasında ölkəyə gətirən şirkətlər nə vaxtsa belə bir problemlə üzləşibmi? Ölkənin ən iri avtomobil satışı şirkətlərindən olan "Nurgün Motors"dan Sputnik-ə verilən açıqlamaya görə, bu günə qədər nə Dövlət Gömrük Komitəsindən, nə də hər hansı müştəridən radioaktiv şüalanma ilə bağlı heç bir şikayət almayıblar.

"Biz bu haqda ilk dəfədir ki, eşidirik. Əlbəttə, təəssüflü haldır ki, Qırğızıstanda bu cür hala rast gəlinib. Ola bilsin ki, həmin avtomobillər fərdi sahibkarlar tərəfindən, həmin avtomobilin əsas istehsalat mərkəzindən gətirilməyib. Çünki biz inanmırıq ki, istər "Nissan" olsun, istər Toyota, istərsə də digər yapon markalı avtomobillərin əsas istehsalat zavodlarında bu cür neqativlik olsun. Bir daha təkrar edirik, indiyədək bizdə belə hal olmayıb", — deyə "Nurgün Motors"dan bildirilib.

Paytaxtın "Avtomobil satışı mərkəzi"ndə fəaliyyət göstərən satış ofislərindən də Sputnik əməkdaşına, bu iki problemlə üzləşmədiklərini deyiblər.

387
Teqlər:
radioaktiv şüalanma, maşın, gömrük, Qırğızıstan, Yaponiya, avtomobil
Xəstəxana, arxiv şəkli

Azərbaycanda İİV xəstələrinin sayı açıqlandı

1
Bir dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb.

BAKI, 1 dekabr — Sputnik. "1 dekabr 2020-ci il tarixinə İİV ilə yaşayan 7 247 nəfər mərkəzimizdə rəsmi olaraq qeydiyyata alınıb, onlardan 1 864 nəfər QİÇS mərhələsindədir. İİV infeksiyasından ölənlərin sayı 1 082 nəfərdir".

Sputnik Azərbaycan xəbər verir ki, bunu Respublika QİÇS-lə Mübarizə Mərkəzinin direktoru vəzifəsini icra edən Esmira Alməmmədova deyib.

O bildirib ki, bu ilin ilk 11 ayı ərzində Azərbaycanda 494 yeni yoluxma halı təsdiqlənib: "484 nəfər (98.0%) Azərbaycan vətəndaşı, 10 nəfər (2.0%) əcnəbidir. Azərbaycanın yoluxmuş 316 (65,3%) vətəndaşı kişi, 168-i (34,7%) isə qadındır".

1
Xalq artisti Arif Babayev, arxiv şəkli

Xalq artisti koronavirusa yoluxub

3
Gültəkin xanım: "Qanını yoxladılar, pozitiv çıxıb. Mən qripəm, məndə neqativ çıxıb, amma o məndən daha gümrahdır. Müalicəsi evdə davam edir"

Şahpəri Abbasova, Sputnik Azərbaycan

BAKI, 1 dekabr — Sputnik. Azərbaycan Milli Konservatoriyasının "Muğam" kafedrasının müdiri, Xalq artisti Arif Babayev koronavirusa yoluxub.

Bununla bağlı Sputnik Azərbaycan-a məlumat verən Arif Babayevin həyat yoldaşı Gültəkin Babayeva bildirib ki, sənətkarın vəziyyəti stabildir: "Bildiyiniz kimi, Arif Babayev bir müddət öncə insult keçirib. Ona görə də vaxtaşırı Mərkəzi klinik xəstəxanaya müayinəyə gedirik. Qanını yoxladılar, pozitiv çıxıb. Mən qripəm, məndə neqativ çıxıb, amma o məndən daha gümrahdır. Müalicəsi evdə davam edir" .

Məlumat üçün bildirək ki, Arif Babayev XX əsrin ikinci yarısından etibarən Qarabağ xanəndəlik məktəbinin görkəmli nümayəndələrindən biri sayılır. Onun yaradıcılığında "Şur", "Seygah" muğam dəstgahları, "Arazbarı", "Qarabağ şikəstəsi" zərbi muğamları xüsusi yer tutur. Xüsusilə, "Seygah" muğamını Arif Babayev təkrarolunmaz bir üslubda oxuyub. Xanəndə həm də təsnif və xalq mahnılarının ifaçısı kimi çox sevilir.

O, müxtəlif illərdə "Azərbaycan SSR Əməkdar artisti", "Azərbaycan SSR Xalq artisti", "Şöhrət" ordeni, "İstiqlal" ordeni, "Qızıl çinar" beynəlxalq mükafatı və "Şərəf" ordeni ilə təltif olunub.

3
Teqlər:
xalq artisti, Koronavirus, yoluxma, Arif Babayev