Qara kürü, arxiv şəkli

Saxta yumurta, düyü, indi kürü...

7407
(Yenilənib 18:18 28.11.2016)
Ekspert "həyacan təbili" çalır: "Bazarı təhlükəli, süni məhsullarla doldurublar"

BAKI, 28 noy — Sputnik. "Azərbaycanda qida məhsullarının istehsalçılarının 40 faizi, o və ya bu şəkildə istehlakçıları aldadır". Bunu Sputnik-ə açıqlamasında, "Azad İstehlakçılar Birliyi"nin sədri Eyyub Hüseynov deyib.

Azad İstehlakçılar Birliyinin (AİB) sədri Eyyub Hüseynov
© Sputnik / Kamilla Aliyeva
Azad İstehlakçılar Birliyinin (AİB) sədri Eyyub Hüseynov

Qeyd edək ki, bu günlərdə sosial şəbəkələrdə, yerli bazardan aldığı toyuq yumurtasının sarısını bölməyə, uğursuzcasına cəhd edən istehlakçının görüntüləri yayılıb. Yumurta sarısına barmağı ilə toxunmasına baxmayaraq, jelatin tikəsi kişinin əlindən sürüşürdü.

Sözügedən videoçarx saxta yumurta istehsal edən Çin texnologiyası ilə bağlı bu yaxınlarda yayılan məqaləni yadımıza saldı. Həmin texnologiyanın köməyi ilə hazırlanan yumurtalar insan orqanizminə qarşısıalınmaz zərər verə bilər.

Bununla belə, sözügedən videoçarxın yayımından sonra, Dövlət Gömrük Komitəsi (DGK) və Dövlət Baytarlıq Nəzarəti Dövlət Xidməti (DBNX) bəyan etdi ki, ölkəmizə Çindən toyuq yumurtası idxal olunmur. "Çindən ölkəmizə, sadəcə Rusiyada qablaşdırılmış 2 ton düyü daxil olub ki, bu da dövlət standartlarına cavab verir", — rəsmi qurumlar bəyan edib.

E. Hüseynov isə bildirib ki, Çində saxta yumurta istehsal edən texnologiya mövcud olduğu kimi, Azərbaycanda da 20 ildir, saxta qırmızı və qara kürü istehsal edən texnologiya mövcuddur: "Bir neçə il əvvəl bizim təşkilat çalışdı ki, istehsalçılar süni kürünün qabının üzərindən nərə balığının şəklini yığışdırsınlar. Hamı Azərbaycanı kürü istehsal edən ölkə kimi tanıyır. Xaricilər bura gəlirlər ki, təbii məhsul alsınlar. Amma əslində onları aldadırlar. Süni kürünün təbii kürü ilə heç bir əlaqəsi yoxdur. Azərbaycan saxta məhsulların istehsalında demək olar ki, Çindən geri qalmır".

O, əlavə edib ki, Azərbaycana süni yumurtalar Çindən yox, başqa ölkələrdən gəlir. Ona görə də, ekspert məsləhət görür ki, yerli istehsalçılar öz məhsullarının üzərinə öz ticarət nişanlarını yapışdırsınlar, istehsal tarixini və quşçuluq fabrikinin adını yazsınlar.

Qeyd etmək lazımdır ki, Azərbaycanda hər bir ev xanımı düyü alarkən, xeyli müddət onun qabına baxır ki, görsün o, sintetik deyil ki. Amma o düyünü qazanda qaynayan suyun içinə ataraq qaynatmayana qədər bilmək olmur ki, o, təbiidir, ya süni. Qeyd olunur ki, süni düyünü nə qədər qaynatsalar da, o, əzilmir və öz formasını uzun müddət saxlayır.

Hüseynov satışda süni düyünün ola biləcəyini istisna etmir. Onun sözlərinə görə, azad bazar ticarəti şəraitində heç kəs biznes strukturlarının işinə müdaxilə edə bilmir: "Şikayətlər olduqda, dövlət orqanları məhkəmələrə müraciət etməyi məsləhət görür. İş adamları da bundan istifadə edərək, ölkəni təhlükəli mallarla doldurur, yerli bazarı çirkləndirirlər".

"Mən birmənalı surətdə Nazirlər Kabinetinə müraciət edərək bildirmişəm ki, bu, anormal vəziyyətdir. Bunun qarşısını almaq lazımdır", — deyə istehlakçı hüquqlarının müdafiəçisi bildirir.

Ekspert, həmçinin qeyd edib ki, bu günlərdə onun təşkilatına, xaricdə istehsal olunmuş yağların keyfiyyətinə şübhə edən şəxslərin müraciətləri daxil olub. İş orasındadır ki, istehlakçıları yerli istehsalçılar da aldadır.

E. Hüseynovun sözlərinə görə, Bakıda "İvanovka" ticarət nişanı ilə süd məhsulları satılır ki, onların İvanovka kəndi ilə heç bir əlaqəsi yoxdur: "Bakıda cəmi iki obyektdə, həqiqətən də İvanovka kəndində istehsal olunan süd məhsulları satılır. Buna baxmayaraq, paytaxtda 13 "İvanovka" adında mağaza fəaliyyət göstərir. Amma o mağazalarda satılan məhsullar, tamamilə başqa yerlərdə istehsal olunur. Belə dükanlardan biri də, "İnşaatçılar" metrostansiyasının yaxınlığında fəaliyyət göstərir".

Ekspert əsl kərə yağını müəyyən etməyin çox sadə üsulunu da qeyd edib: "Qablaşdırılmış yağı soyuducudan çıxarandan sonra ona barmaqla toxunmaq lazımdır. Əgər onda dərin oyuq qalırsa, deməli, o yağ təmiz deyil. Təbii soyudulmuş yağ kifayət qədər bərk olmalıdır".

Bununla əlaqədar olaraq, hüquq müdafiəçisi məsləhət görür ki, qida məhsullarını almamışdan əvvəl onların qablarına ehtiyatla toxunaraq yoxlamaq lazımdır.

7407
Teqlər:
saxta, kürü, yemək, düyü, qida, Eyyub Hüseynov, yumurta, məhsul
Əlaqədar
Restoran və kafelərdə müştərilər yedikləri qidanın tərkibini biləcəklər
Pediator: Süni qidalar uşaqlarda ciddi fəsadlar yaradır
Bu qidaları əsla ətlə yeməyin
Bu robot canlı orqanizmlərlə qidalanır
Bu qidaların istifadəsi qadağan edildi
Uşaq qidaları ilə bağlı "həyacan siqnalı"
Koronavirus testi, arxiv şəkli

Azərbaycanda daha 226 nəfər COVID-19-a yoluxub

88
(Yenilənib 17:33 04.08.2020)
Son sutka ərzində yeni yoluxma hallarının müəyyənləşdirilməsi ilə əlaqədar 6409, ötən müddət ərzində isə ümumilikdə 751 246 test aparılıb.

BAKI, 4 avqust - Sputnik. Azərbaycanda koronavirus infeksiyasına yeni 226 yoluxma faktı qeydə alınıb, 588 nəfər müalicə olunaraq sağalıb və evə buraxılıb.

Bu barədə Nazirlər Kabineti yanında Operativ Qərargahdan məlumat verilib. COVID-19 üçün götürülən analiz nümunələri müsbət çıxmış 5 nəfər vəfat edib.

Посмотреть эту публикацию в Instagram

Публикация от Sputnik Azərbaycan (@sputnik.az)

İndiyədək ölkədə ümumilikdə 32 910 nəfərin koronavirus infeksiyasına yoluxması faktı müəyyən edilib, onlardan 28 348 nəfər müalicə olunaraq sağalıb, 473 nəfər vəfat edib, aktiv xəstə sayı 4 089-dur. 

Son sutka ərzində yeni yoluxma hallarının müəyyənləşdirilməsi ilə əlaqədar 6409, ötən müddət ərzində isə ümumilikdə 751 246 test aparılıb.

88
Pulun sayması, arxiv şəkli

Narahatlıq doğuran məsələ aydınlaşdı sosial ödənişlərdə heç bir azalma olmayacaq

10
(Yenilənib 15:44 04.08.2020)
Parlamentin Əmək və sosial siyasət komitəsinin iclası keçirilir. İclasda dövlət büdcəsinə dəyişikliklər müzakirə olunur

BAKI, 4 avqust — Sputnik. "Azərbaycanda heç bir sosial layihənin icrası təxirə salınmayıb".

Sputnik Azərbaycan xəbər verir ki, bunu Milli Məclisin Əmək və sosial siyasət komitəsinin bu gün keçirilən iclasında komitə sədri Musa Quliyev deyib.

O bildirib ki, məşğulluq tədbirləri uğurla həyata keçirilir. Ehtiyacı olan şəxslərin mənzillərlə və avtomobillərlə təmin olunması da tam həyata keçiriləcək: "Bu sahədə olan proqramlar tam həcmdə həyata keçiriləcək. Pensiyalar, sosial müavinətlər və digər sosial ödənişlərdə heç bir azalma olmayacaq".

Qeyd edək ki, bu gün Milli Məclisin növbədənkənar sessiyası başlayıb. Növbədənkənar sessiya çərçivəsində bu gün Əmək və sosial siyasət komitəsinin iclası keçirilir. İclasda dövlət büdcəsinə dəyişikliklər müzakirə olunur.

10
Termometr, arxiv şəkli

Pnevmoniya, qrip, zökəm infeksiyalardan qorunmaq üçün ...

0
Mütəxəssislər vitaminləri və digər dərman vasitələrini qəbul edərkən həkimlə məsləhətləşməyi tövsiyə edirlər.

BAKI, 4 avqust — Sputnik. Ekspertlərin fikrincə, D vitamini sağlamlıq üçün çox əhəmiyyətlidir.

Sputnik Azərbaycan xarici mətbuata istinadla xəbər verir ki, D vitamini orqanizmin müdafiə sistemi ilə əlaqəlidir.

Həkimlərin fikrincə, D vitamini çatışmazlığı çox zaman qəbul edilməyən və ya stressin, yorğunluğun əlaməti kimi qəbul edilən əlamətlərlə özünü göstərir.

D vitamini çatışmazlığının əsas əlamətlərindən biri sümüklərin ağrıması, oynaqlarda iltihabi proseslərin yaranmasıdır.

Eyni zamanda D vitamni çatışmazlığı zamanı qrip, pnevmoniya, zökəm və digər infeksiyalara yoluxma riski artmış olur.

D vitamni çatışmazlığının digər əlamətləri daimi yorğunluq hissi, depressiv əhval, yaraların gec sağalması, əzələlərdə ağrı, saçın tökülməsi və s. var.

Mütəxəssislərin fikrincə, tələb edilən qədər vitamin almaq çox asandır.

Məsələn, qida rasionuna dəniz məhsulları, göbələk, yumurta və pendir daxil etməklə D vitamini qəbul etmək mümkündür.

Eyni zamanda açıq havada idmanla məşğul olmaq da faydalıdır.

Mütəxəssislər vitaminləri və digər dərman vasitələrini qəbul edərkən həkimlə məsləhətləşməyi tövsiyə edirlər.

0