Mənzildə qaz yanır

Mənzillərə verilən qazı gizlicə kəsirlər - əhali donur

586
(Yenilənib 14:03 28.11.2016)
Əksəriyyət binalardakı mərkəzi istilik sisteminin fəaliyyətindən narazıdır

BAKI, 28 noy — Sputnik. Bu il qış tez gəldi. Təbii ki, vaxtından tez soyuyan hava bir sıra sosial problemləri üzə çıxardı. Belə ki, ölkənin bir çox hissəsində vətəndaşlar mənzillərində istilik problemi ilə üzləşirlər.

Bina
© Sputnik / Murad Orujov

Sputnik-in əməkdaşı, "Mənzilinizi qızdıra bilirsiniz? Qızdıra bilirsinizsə, hansı üsulla?" sualına sosial şəbəkə istifadəçilərinin münasibətini öyrənib.

Günel Eyvazlı: "Baxmayaraq ki, bəzi binalar mərkəzi istilik sistemləri ilə təchiz olunub, əlavə istilik sistemləri olmadan (kombi, kondisioner, qızdırıcı sobalar), evlərdə istiliyi təmin etmək mümkün deyil. Təzyiq az olduğundan, evlər qızmır".

Namiq Salahov: "Evimizi qaz sobası ilə qızdırırıq".

Tərxan Paşazadə: "Demək olar ki, nəfəsimizlə".

Rumiyyə Miraslan: "Mənzilimizi kombi ilə qızdırırıq, daha doğrusu, qızdırmağa çalışırıq. Çünki, buna qızdırmaq deməyə insanın insafı yol vermir. Evdə, az qalır, kurtka ilə oturaq, uşaqlar dərs tapşırıqları ilə məşğul olanda, barmaqlarını isitmək üçün əlcək geyirlər, soyuqdan göyərmiş burunlarını şarfla, qulaqlarını papaqla isidirik. Bu azmış kimi, verilən qazın tərkibi o qədər bərbaddır ki, hər ay kombi ustası çağırmağa məcbur oluruq. Bu sistemdə nasazlıq yarananda, təmir olunması çox baha başa gəlir. Soyuqlar düşəndən bu yana kombi ustalarına 350 manat xərcimiz çıxıb, qarşıda hələ neçə ay olduğunu nəzərə alsaq, görün, nə qədər ziyana düşəcəyik. Çarəmiz, daha dəqiq, çıxış yolumuz bir odun sobası almağa və kənddən də bir-iki maşın quru mal təzəyi gətizdirməyə qalıb. Odun da yoxdur daha. Neyləyək, başqa çarəmizmi var?!".

Qızınmadıq istisinə...
© Karikatura
Qızınmadıq istisinə...

Elyar Həsənov: "2 ildir ki, binamızda mərkəzi istilik sistemi fəaliyyət göstərir. Digər qızdırıcılara baxanda ucuz və təhlükəsizdir. Sadəcə olaraq, həmin sistem çəkilib sona çatanadək çox problemlər yaranır. Ayrıca, onu noyabrın 15-dən yox, 1-dən işə salsalar, çox sevinərik. Onus da ödənişini edirik, niyə uzadırlar ki?!".

Həmida Rüstəmova: "Mənzili qızdırmaq üçün normal qaz və ya elekrtik olmalıdır. Bizdə isə bunların biri vardır, biri yox. Qaz zəifdir deyə elektrik qızdırıcılarını işə salırıq. O zaman da işıqlar sönür".

Rаhim Muradov: "Mənzilimizi qızdıra bilmirik. Lənkəran şəhərinin çox yerində qazın təzyiqi azalıb. Üstəlik gecə saatlarında da əhaliyə xəbərdarlıq edilmədən qazlar kəsilir. Lənkəranda binalarda ümumiləşdirilmiş istilik sistemləri SSRİ-nin süqutu ilə tarixə qovuşub".

Elşən Ağalar: "Suraxanıda vəziyyət qəlizdir. Qaz təzyiqi aşağıdır. Soyuqdan donuruq".

Aynur Şahkərimova: "Elektriklə işləyən kombi ilə evi isitməyə çalışırıq. Binaya neçə il idi, qaz vermirdilər, indi də qazı veriblər, amma millət sayğacın pulunu vermir deyə, qaz borusu bizə baxır, biz də qaz borusuna. O ki qaldı, elektrik kombisinin evi qızdıra bilməsinə, şaxta olan günlərdə mənzilimi çox soyuq olur. Üstəlik, onun müqabilində ödədiyimiz işıq pulu özümüzü odsuz-ocaqsız yandırır".

İlkin Qayıbov: "Camaat qaz olmamasından zülm çəkir. Bu qədər neftin, qazın ola, evdə soyuqdan donasan".

Anar Ocaq: "Bizim binada istilik sistemi yaxşı işləyir. Razıyıq".

586
Teqlər:
bina, mərkəzi istilik, ev, mənzil, hava, soba, kombi, elektrik, işıq, qaz, soyuq, qış
Əlaqədar
Qaz idarəsinin işçisini qətlə yetirdilər
Bu qış qazın qiymətinin qalxması nə dərəcədə realdır?
Qaz sızması bir ailənin faciəsinə səbəb oldu
Soyuq havada uşağın üzünü şərflə bağlamağın ziyanları
Hökumətdən xəbərdarlıq: paytaxt sakinlərini soyuqdan donmaq təhlükəsi gözləyir
Evsiz adam paytaxtda soyuqdan donaraq öldü
Türkiyə Prezidenti Rəcəb Tayyib Ərdoğan, arxiv şəkli

Ərdoğan: “Yuxarı sinif şagirdləri üçün əyani təhsil bərpa olunacaq”

8
Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

BAKI, 1 mart - Sputnik. “Türkiyədə ÇOVID-19-la mübarizə tədbirləri ilə əlaqədar yeni nəzarətli normallaşma mərhələsi başlayır”. 

APA-nın xəbərinə əsasən, bunu Türkiyə Prezidenti Rəcəb Tayyib Ərdoğan Nazirlər Kabinetindəki növbəti toplantısından sonra bildirib.

Prezident deyib ki, Türkiyədə yeni növ koronavirus infeksiyasının yayılması mavi, sarı, narıncı, qırmızı (zəif, orta, yüksək və çox yüksək) rənglərlə fərqləndirilməklə mübarizə tədbirləri bu dərəcələrə uyğun aparılacaq. 

Zəif və orta riskli ərazilərdə koronavirusla mübarizə tədbirləri ilə əlaqədar sərtləşdirilmiş qaydalar ləğv ediləcək, infeksiyanın yayılması yüksək və çox yüksək olan ərazilərdə isə yayılma dərəcəsinə görə, qaydalar ya saxlanılacaq, ya da daha çox sərtləşdiriləcək. 

Zəif və orta riskli ərazilərdə həftəsonu küçəyə çıxma qadağası yalnız bazar günlərinə şamil ediləcək, şənbə günləri bu məhdudiyyət ləğv olunacaq, axşam saat 21.00-dan səhər saat 5-dək ölkə boyu küçəyə çıxma məhdudiyyəti isə saxlanılacaq. 

Ərdoğan deyib ki, ölkədə 8-ci sinifdən başlayaraq yuxarı sinif şagirdləri üçün ənənəvi əyani təhsil bərpa olunacaq, zəif və orta riskli ərazilərdə isə ibtidai siniflər də daxil məktəblər açılacaq. 

Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

Yaşı 65-dən yuxarı olanlar və 21 yaşdan aşağı kateqoriyaya daxil olan gənclərin küçəyə çıxma məhdudiyyətləri zəif və orta riskli yerlərdə ləğv edilsə də, yüksək riskli yerlərdə bu qaydalar saxlanılacaq, çox yüksək riskli yerlərdə isə əksinə, artırılacaq. 

Qeyd edək ki, Türkiyənin eyni nəzarətli normallaşma mərhələsinə görə, böyük şəhərlərdə Şanlıurfa, Dyarbəkir zəif (mavi) risk,  Ankara, Manisa orta (sarı) risk, İstanbul və İzmir yüksək (narıncı) risk, Konya isə çox yüksək (qırmızı) risk qrupuna daxildir.

8
A journalist makes a video of the Instagram logo

"Instaqram"da yeni funksiya yaradılır

11
İstifadəçilər “Live Rooms”un yardımı ilə müxtəlif interaktiv funksiyalardan istifadə edə biləcəklər.

BAKI, 1 mart - Sputnik. Instagram sosial şəbəkəsi “Live Rooms” funksiyasını istifadəyə verəcək.

Bu barədə “Report” şirkətin saytına istinadən xəbər verir.

Qeyd edilir ki, yeni proqram dörd nəfərə qədər istifadəçini birbaşa yayıma qoşmağa imkan yaradacaq.

"Bu gün sizə dörd nəfərə qədər istifadəçiyə Instaqramda birbaşa yayım aparmağa imkan verəcək “Live Rooms” funksiyasını təqdim edirik. Əvvəl birbaşa yayımı yalnız bir nəfərlə apara bilirdiniz, amma indi sizə birbaşa yayımınızı "üçqat artırmağa" imkan veririk", - xəbərdə deyilir.

Şirkət həmçinin qeyd edib ki, funksiya daha çox biznes qurmaq və pul qazanmaq imkanları yaradacaq. İstifadəçilər “Live Rooms”un köməyi ilə müxtəlif interaktiv funksiyalardan istifadə edə bilərlər. Bunlar arasında birbaşa yayımda alqı və vəsait yığımı da var.

“Live Rooms” funksiyası yaxın vaxtlarda bütün dünyada mümkün olacaq.

11