Dənizkənarı parkda Şaxta baba və Qar qız, arxiv şəkli

Xəbərdarlıq gəldi: "Uşaqlarınızı şaxta babalardan uzaq tutun!"

4271
Üstü tez açılan yalanlar uşaqların xəyallarını alt-üst edə, onlarda böyük psixoloji problemlər yarada bilər

BAKI, 24 noy — Sputnik. Heç kəsə sirr deyil ki, Şaxta Baba, Santa Klaus, yaxud da digər personajlar olmadan müxtəlif ölkələrdə Yeni il şənliklərinin keçirilməsi mümkün deyil. Böyük Britaniyanın Ekseter Universitetinin (The University of Exeter) tədqiqatçıları isə hesab edirlər ki, uşaqların möcüzəyə inanmaları onlarda gələcəkdə böyük psixoloji problemlər yarada bilər.

Alimlərin fikrincə, uşaqlarını Santa Klausun həqiqətən də mövcud olduğuna inandırmağa çalışan valideynlər, özləri ürəklərinin dərinliyində öz uşaqlıqlarına, uzun illər əvvəl qarşıladıqları Yeni ilə qayıtmaq istəyirlər. Alimlərin fərziyyəsinə görə, bu faktı böyüklərin fantaziya janrında yazılan kitabları oxuması və filmlərə baxması da təsdiq edir.

"Valideynlərin uşaqları Şaxta Babanın mövcudluğuna inandırmasına dəyərmi?" sualına alimlər belə cavab veriblər: "Uşaqlar valideynlərinin simasında həqiqət daşıyıcılarını görürlər. Onlar biləndə ki, möcüzələr heç vaxt mövcud deyil, onda ən yaxın adamlarına və əziz insanlara olan inamları sarsılır. Əgər uşağın Santa Klausa inamı mühafizə olunsa, onda o, böyüyəndə nağıl personajının həqiqətdə mövcud olmadığını öyrənəcək və bu ona zərər verməyəcək. Misal üçün, adətən uşaqlara deyirik ki, Santa Klaus uşaqların yaxşı və pis hərəkətlərini öz kitabında qeydə alır, sonra isə yaxşı uşaqlara hədiyyə, pis uşaqlara isə kömür verir. Amma uşaqlar böyüdükcə həqiqəti dərk edirlər və sevimli personajları ilə bağlı möcüzələrin həqiqət olmamasına sadəcə təəssüf hissi ilə yanaşırlar. Böyüyəndə artıq Şaxta Babanın ona hədiyyə gətirməməsi də, insanı heç narahat eləmir".

Mütəxəssislərin fikrincə, əgər valideynlər uşaqları nağıl qəhrəmanlarının elədiklərinə səmimi olaraq inandırıblarsa, onda bu "müqəddəs yalan"ı sona qədər danışmalıdırlar. "Üstü tez açılan yalanlar uşaqların xəyallarını alt-üst edə, onlarda böyük psixoloji problemlər yarada bilər" — deyə psixoloqlar bildirirlər.

Bununla yanaşı, tədqiqatçılar hesab edirlər ki, valideynlərdən də uşaqlara qarşı münasibətdə kristal dürüstlük tələb olunmur. Məsələn, uşağın sevimli ev heyvanı öləndə, ən yaxşısı uşağa onun "xüsusi yer"də olduğunu deməkdir. Belədə bir müddət sonra o, uşağın yadından çıxacaq.

4271
Teqlər:
uşaq, Yeni İl, Qar qız, Santa Klaus, Şaxta Baba
Əlaqədar
Qanunsuz Şaxta Baba və Qar Qızı 80 manat cərimə gözləyir
Bu ölkələrdə Yeni il keçirmək qadağandır
Bakı Yeni il astanasında
Yeni il ərəfəsi aviabiletlərin qiyməti endirildi
Bakıda buludlu hava, arxiv şəkli

İstirahət gününün havası açıqlandı

4
(Yenilənib 12:41 23.01.2021)
Havanın temperaturu Abşeron yarımadasında gecə 1-3 dərəcə isti, gündüz 6-8, Bakıda gecə 1-3 dərəcə isti, gündüz 6-8 dərəcə isti olacaq.

BAKI, 23 yanvar — Sputnik. Bakıda və Abşeron yarımadasında yanvarın 24-də havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Milli Hidrometeorologiya Xidmətindən Sputnik Azərbaycan-a verilən məlumata görə, mülayim cənub-qərb küləyi əsəcək. Havanın temperaturu Abşeron yarımadasında gecə 1-3 dərəcə isti, gündüz 6-8, Bakıda gecə 1-3 dərəcə isti, gündüz 6-8 dərəcə isti olacaq. Atmosfer təzyiqi normadan yüksək 770 mm civə sütunu təşkil edəcək, nisbi rütubət gecə 70-80 faiz, gündüz 50-55 faiz olacaq. Azərbaycanın rayonlarında hava şəraitinin əsasən yağmursuz keçəcəyi gözlənilir. Ayrı-ayrı yerlərdə duman olacaq. Qərb küləyi əsəcək. Havanın temperaturu gecə 1-6 dərəcə şaxta, gündüz 7-10 dərəcə isti, dağlarda gecə 5-10 dərəcə şaxta, gündüz 0-5 dərəcə isti olacaq. Gecə və səhər dağlıq və dağətəyi rayonlarda yolların buz bağlayacağı ehtimalı var.

Tibbi-meteoroloji proqnoza gəlincə, yanvarın 24-də meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

4
Gənclər və İdman naziri Azad Rəhimov, arxiv şəkli

Gənclər İdman naziri Azad Rəhimovdan xəbər var

34
(Yenilənib 12:02 23.01.2021)
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

34