II Azərbaycan Beynəlxalq Daşınmaz Əmlak və İnvestisiya Sərgisi

Bakıda dünyanın 100-ə yaxın brend tikinti inşaat layihəsi nümayiş olunur

78
(Yenilənib 16:53 23.11.2016)
Bu gün II Azərbaycan Beynəlxalq Daşınmaz Əmlak və İnvestisiya Sərgisi başlayıb

BAKI, 23 noy — Sputnik. Bu gün prezident İlham Əliyev və xanımı Mehriban Əliyeva, II Azərbaycan Beynəlxalq Daşınmaz Əmlak və İnvestisiya Sərgisi ilə tanış olub. Sputnik xəbər verir ki, əvvəl Əmlak Məsələləri Dövlət Komitəsinin sədri Kərəm Həsənov Prezidentə sərgi barədə məlumat verib.

O deyib ki, keçirilən II Beynəlxalq Daşınmaz Əmlak və İnvestisiya Sərgisində Azərbaycan ilə yanaşı, Türkiyə, Birləşmiş Ərəb Əmirlikləri, Gürcüstan, Kipr, Ukrayna, Rusiya, Portuqaliya, İspaniya, Macarıstan və Lüksemburqdan 100-ə yaxın brend tikinti və inşaat layihələri təqdim olunur.

Sərginin əsas məqsədi Azərbaycanda daşınmaz əmlak bazarının canlandırılması və bu sahəyə yatırılan yerli və xarici investisiyaların həcminin artırılmasıdır. Sərgi, həmçinin investisiya mühitinin xarici investorlara nümayiş etdirilməsi və sərmayədarların ölkədəki özəlləşdirmə prosesinə cəlb edilməsi məsələsində də əhəmiyyətlidir.

78
Teqlər:
daşınmaz əmlak, Mehriban Əliyeva, brend, İlham Əliyev, sərgi
Əlaqədar
İlham Əliyev Mənzil İnşaatı Dövlət Agentliyinə direktor təyin etdi
Əmlak bazarında vəziyyət ağır olaraq qalır
Azərbaycanda daşınmaz əmlak: qiymətlər düşməkdə davam edəcəkmi
Bölgələrdə əmlak alqı-satqısı "ölüb"

Kafe restoranlarda karantin tələblərinin tətbiqi üzrə əlaqələndirici şəxs olacaq

13
(Yenilənib 23:47 23.11.2020)
İctimai iaşə müəssisələrində COVİD-19-la əlaqədar karantin tələblərinin tətbiqi üzrə əlaqələndirici şəxs olacaq.

BAKI, 24 noyabr - Sputnik. “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” Azərbaycan Respublikası Nazirlər Kabinetinin 2020-ci il 6 iyul tarixli 237 nömrəli Qərarına edilən dəyişikliyə əsasən hər bir ictimai iaşə müəssisəsi tərəfindən karantin tələblərinin tətbiqi üzrə əlaqələndirici şəxs müəyyənləşməlidir.

Sputnik Azərbaycan-ın məlumatına görə, bu barədə Nazirlər Kabinetinin qərarına dəyişiklik edilib. 

Dəyişikliyə əsasən, karantin tələbləri üzrə əlaqələndirici (məsul) şəxs funksiyaları ictimai iaşə müəssisəsinin işçilərindən birinə həvalə edilir. Bu təyinat müəssisədaxili rəsmiləşdirilməlidir.

Həmin məsul şəxs epidemiya əleyhinə mövcüd tələblərin müəssisədə tətbiqinin təşkili, bu tələblərin yerinə yetirilməsinə yerində nəzarəti həyata keçirməklə bərabər nəzarətedici dövlət qurumları ilə qarşılıqlı fəaliyyətdə əlaqələndirici olacaq, müəssisənin işçilərini təlimatlandıracaq, dezinfeksiya tədbirlərini təşkil edəcək, bu tədbirlərin müəssisədaxili qeydiyyat formaları və cədvəllərini tərtib edəcək, icrasına müəssisə daxilində nəzarət edəcək.

Məsul şəxs koronavirusla (COVID-19-la) mübarizə ilə bağlı xəbərdaredici məlumatların qonaqlara, işçi heyətə və digər əlaqəli tərəflərə çatdırılmasını təmin etməlidir. Eyni zamanda məsul şəxs bütün təmizlik və dezinfeksiya tədbirlərinin davamlı olaraq qeydiyyatının aparılması üçün gündəlik müntəzəm nəzarət formalarını, habelə keyfiyyətə nəzarət cədvəllərini tərtib etməli və onların icrasına nəzarəti həyata keçirməlidir.

13
Azərbaycan və Türkiyə bayraqları olan tablo, arxiv şəkli

Ankara Opera Balet Teatrında ölkəmizə dəstək məqsədilə bədii proqram təqdim ediləcək

6
(Yenilənib 23:33 23.11.2020)
Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

BAKI, 23 noyabr — Sputnik. Ankara Opera və Balet Teatrında Azərbaycana dəstək məqsədilə zəngin bədii proqram təqdim ediləcək.

Sputnik Azərbaycan xəbər verir ki, proqram Azərbaycanın Türkiyədəki Səfirliyi, Türkiyə-Azərbaycan Dostluq, Əməkdaşlıq və Həmrəylik Fondu (TADƏHF) və Anadolu Mədəniyyətlərin araşdırılması və inkişafı dərnəyi tərəfindən birgə təşkil olunacaq.

Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

6
Teqlər:
dəstək, proqram, teatr