İmişlidə məskunlaşmış kəlbəcərli məcburi köçkünlər

Məcburi köçkünlərə "qara kağız" paylanılıb

7309
Narınclar köçkünlərindən 23 illik "işıq pulu" istənilir

Ayaz Yaşılyarpaq, Sputnik Azərbaycan

BAKI, 21 noy — Sputnik. Kəlbəcər rayonunun Narınclar kəndindən olan, hazırda İmişlidəki qış otlağında məskunlaşan məcburi köçkünlərə, elektrik enerjisindən istifadəyə görə minlərlə manat debitor borclarının olduğu barədə bildirişlər gəlib. Bu barədə Sputnik-in bölgə müxbirinə köçkünlər özləri məlumat veriblər.

Onların sözlərinə görə, həmin bildirişdə ağlasığmaz məbləğ yazılıb: "İşıq idarəsinin işçisi gəlib bildiriş paylayıb. Kiminə 5, kiminə 10, kiminə 12 min manat borc yazılıb. Evlərimizə sayğac qoyulmasa da, "Azərişıq"ın yerli idarəsinin təqdim etdiyi bildirişdə sayğac nömrəsi və sərfiyyat göstəricisi qeyd olunub".

Kəlbəcər Rayon İcra Hakimiyyətinin Narınclar kəndi üzrə nümayəndəsi Gündüz Baxşəlıyev də, Sputnik əməkdaşı ilə söhbətində belə bir bildiriş aldığını deyib: "Mənim adıma da 8 min manat borc yazılıb. İşıq idarəsində bir neçə dəfə olub maraqlanmışam. Verilən cavab bu olub ki, "Qaçqınkom" tərəfindən indiyədək enerji haqqı ödənilməyib. Borc məskunlaşmanın ilk ilindən başlayaraq ta hazırkı vaxtadək istifadə edilmiş enerjiyə görə hesablanıb. Məbləğlərin müxtəlif olması ailə üzvlərinin sayından asılıdır".

Kəlbəcər rayonunun Narınclar kəndindən olan məcburi köçkünlərin məskunlaşdığı yer
© Sputnik / Kamal Almuradlı
Kəlbəcər rayonunun Narınclar kəndindən olan məcburi köçkünlərin məskunlaşdığı yer

İcra nümayəndəsi onu da bildirib ki, məskunlaşdıqları əraziyə ayrıca xətt çəkilmədiyindən, onlara elektrik enerjisi Muradxanlı İriləşdirilmiş Neft Mədənindən verilir. SOCAR-la "Zenith Aran Oil Company Limite" arasında Muradxanlı, Cəfərli, Zərdab yataqlarının birgə kəşfiyyatı, işlənməsi və neft hasilatına dair imzalanan müqaviləyə əsasən müəsisənin bazasında bu il Aran OİL Operating Companiy yaradılıb.

Eyni zamanda, "Azərenerji"nin enerji satışı və təchizatını həyata keçirən yerli strukturları "Azərişıq"ın tabeliyinə keçib. Cənab Baxşəliyev ehtimal edir ki, yeni yaranan qurumlar bu borcu üzərlərindən atıb və axırda elə fərdi qaydada köçkünlərin adına yazılıb.

İmişli rayon İcra Hakimiyyətinin başçısı Vilyam Hacıyev köçkünlərlə görüş zamanı
© Sputnik / Kamal Almuradlı
İmişli rayon İcra Hakimiyyətinin başçısı Vilyam Hacıyev köçkünlərlə görüş zamanı

Minlərlə manat borclarının olduğuna dair bildiriş alan Narınclar köçkünləri Qaçqın və Məcburi Köçkünlərin İşləri üzrə Dövlət Komitəsinə kollektiv müraciət ünvanlayıblar. Onlar yaranmış borca görə məskunlaşdıqları əraziə elektrik enerjisi verilişinin dayandırılacağından narahatdırlar.

Qeyd edək ki, Narınclar kəndi də daxil, Kəlbəcər rayonu 1993-cü ildə Ermənistan hərbi birləşmələri tərəfindən işğal olunub. Rayonun əhalisi Azərbaycanın 700-dən çox yaşayış məntəqəsində məskunlaşıb. İmişlidəki qış otlaq sahəsində Narınclar kəndinin keçmiş sakini və ya onların övladı olan 230 nəfər (64 ailə) yaşayır.

7309
Teqlər:
"Qaçqınkom", bildiriş, işıq pulu, Narınclar, "Azərişıq", elektrik enerjisi, məcburi köçkün, Kəlbəcər, SOCAR, İcra Hakimiyyəti, İmişli
Əlaqədar
Məcburi köçkünlərin bir qisminin yemək xərci kəsiləcək
Məcburi köçkünlərin məskunlaşdığı binada yanğın baş verib
Məcburi köçkünlərə yemək xərci üçün verilən aylıq müavinət artırıldı
Dövlət Komitəsi məcburi köçkünləri sui-istifadədən əl çəkməyə çağırdı
İşsiz məcburi köçkünlərə orta aylıq maaşların verilmə qaydası dəyişib
Koronavirus testi, arxiv şəkli

Xaricə gedənlərlə bağlı müəmma: hələ baş vaksinasiyaya qarışıb

3
(Yenilənib 13:05 16.01.2021)
“Əslinə qalsa, bu proseslərlə bağlı suallara mərhələ-mərhələ cavab veriləcək. Əsas odur ki, vaksinasiyaya başlanılsın” - Şahmar Mövsümov

BAKI, 16 yanvar — Sputnik. “Xaricə səfər zamanı koronavirusa görə test tələbi hələlik mütləqdir. Ancaq peyvənd olunacaq şəxsin xarici ölkələrə səfəri zamanı test tələb olunub-olunmayacağı barədə hələlik qəti fikir söyləyə bilmərəm”.

Sputnik Azərbaycan-ın məlumatına görə, bunu Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bildirib. Ş.Mövsümovun sözlərinə görə, hələ ki bu məsələyə  baxılmayıb: “Əslinə qalsa, bu proseslərlə bağlı suallara mərhələ-mərhələ cavab veriləcək. Əsas odur ki, vaksinasiyaya başlanılsın”.

3
Mövzu:
Azərbaycanda COVID-19 əleyhinə vaksinasiya
Bakıda çovğun, arxiv şəkli

Bazar sürprizi: Bakıda qar yağacaq, çovğun olacaq

6
Bakıda və Abşeron yarımadasında hava şəraitinin dəyişəcəyi, arabir yağıntılı olacağı, sulu qara, qara keçəcəyi gözlənilir

BAKI, 16 yanvar — Sputnik. Azərbaycanda hava şəraiti kəskin dəyişəcək.

Milli Hidrometeorologiya Xidmətindən Sputnik Azərbaycan-a verilən məlumata əsasən, yanvarın 19-u axşamdan 21-i gündüzədək Bakıda və Abşeron yarımadasında hava şəraitinin dəyişəcəyi, arabir yağıntılı olacağı, sulu qara, qara keçəcəyi gözlənilir. Şimal-qərb küləyi 15-20 m/s, arabir 23-25 m/s-dək güclənəcək. Havanın temperaturu ötən günlə müqayisədə tədricən 5-10 dərəcə aşağı enəcək. Çovğun olacağı, yanvarın 21-22-də gecə saatlarında yolların buz bağlayacağı ehtimalı var.

Azərbaycanın rayonlarında isə yanvarın 18-i gündüz qərb rayonlarından başlayaraq hava şəraitinin dəyişəcəyi, arabir yağıntılı olacağı, bəzi yerlərdə qar yağacağı, ayrı-ayrı yerlərdə intensiv olacağı gözlənilir. Qərb küləyi arabir 15-18, bəzi yerlərdə arabir 23-28 m/s-dək güclənəcək. Havanın temperaturu ötən günlə müqayisədə tədricən 5-10 dərəcə aşağı enəcək. Çovğun olacağı, yolların buz bağlayacağı ehtimalı var.

6
Teqlər:
çovğun, qar, xəbərdarlıq, hava proqnozu