Əkin sahəsi

Özəlləşdirilmiş torpaqlarla bağlı məsələ ciddiləşir: "Əgər əkib-becərməsələr..."

278
(Yenilənib 16:21 15.11.2016)
Ekspert: "Torpaqdan istifadə olunmayanda, eroziyaya uğrayır və məhsuldarlığı aşağı düşür"

BAKI, 15 noy — Sputnik. Azərbaycanın bir çox rayonlarında müxtəlif şəxslər tərəfindən zəbt edilmiş torpaqlar var ki, illərdir praktiki olaraq ondan istifadə edilmir. Bu barədə Sputnik-ə Regional İnkişaf Mərkəzinin rəhbəri, AR Prezidenti yanında Dövlət İdarəçilik Akademiyasının inzibati idarəetmə fakültəsinin dekanı, professor Çingiz İsmayılov deyib.

Regional İnkişaf Mərkəzinin rəhbəri Çingiz İsmayılov
© Sputnik / Murad Orujov
Regional İnkişaf Mərkəzinin rəhbəri Çingiz İsmayılov

Xatırladaq ki, prezident İlham Əliyev Füzuli və Beyləqan rayonlarına son səfəri zamanı bu problemə toxunmuşdu: "Mənim göstərişimlə qısa müddət ərzində 200 min hektardan çox torpaq sahəsi o torpaqları qanunsuz şəkildə zəbt edənlərin əlindən alınıb və insanlara verilib. Əgər kimsə boş torpağı zəbt edibsə, bilsin ki, əlindən alınacaq. Əgər əlindən alınmağını istəmirsə əkib-becərsin, həm özü pul qazansın, həm də ki, insanlara xeyir versin. Ancaq o torpaqları zəbt edənlər görünür, maraqlı deyillər ki, orada nəsə iş görsünlər".

"Görünür, onların pulu o qədərdir ki, o torpaqlardan pul qazanmaq fikrində deyillər. Ona görə bu proses davam edəcək. Biz ilkin mərhələdə yalnız zəbt olunmuş 200 min hektar torpağı insanlara qaytarmışıq. Kənd təsərrüfatında bu gün gedən bu proses artıq öz bəhrəsini verməkdədir", — dövlət başçısı vurğulayıb.

Kimin torpağı haradadır?
© Karikatura
Kimin torpağı haradadır?

Torpağın milli sərvət olduğunu deyən İsmayılovun sözlərinə görə, torpaq istifadə üçün verilir: "Əgər o, özəlləşdirilibsə, bu o demək deyil ki, sahibinin ondan istifadə etməmək hüququ var. Əgər onlardan istifadə edilsə, xeyir gətirər və sahibi də əldə etdiyi mənfəətdən vergi verər. Ona görə də, torpaq milli sərvətdir".

Regional İnkişaf Mərkəzinin sədri bildirib ki, torpağı, faydalı qazıntıları, su ehtiyatlarını sadəcə "mənim mülkiyyətimdir" deyə saxlamaq olmaz: "Sadalananlar vacib resurslardır və onlarla düzgün davranmaq lazımdır. Dünya təcrübəsində, misal üçün, əgər beş il müddətində torpaqdan istifadə edilməsə, icarəyə verilməsə, o, auksiona çıxarılır".

"Əlbəttə, burada söhbət kənd təsərrüfatı üçün yararlı olan torpaqlardan gedir. Buna görə də, əgər torpaqdan istifadə edilməsə, o, özünün məhsuldarlığını itirəcək. Torpaq istifadə edilməyəndə, su, külək eroziyasına məruz qalacaq, münbit qatı sadəcə buxarlanacaq", — deyə İsmayılov bildirib.

Onun sözlərinə görə, zəbt edilmiş torpaqlarla bağlı məsələni çoxdan qaldırmaq lazım idi: "Bu gün bu məsələnin həm də qeyri-neft sektorunun inkişafı ilə əlaqədar olaraq gündəmə gətirilməsi vacibdir".

278
Teqlər:
əkin, zəbt edilmiş torpaqlar, Çingiz İsmayılov, İlham Əliyev, məhsul, torpaq
Əlaqədar
Bakının bu hissəsində yağışlar torpaq çökməsinə səbəb ola bilər
Azərbaycanda torpağı qanla suvarılan kənd
İşğal altındakı torpaqlarımızın geri qaytarılması reallaşır
İran Azərbaycandan torpaq istəyir
Mars torpağına əkilən pomidorlar…
Həbsxana, arxiv şəkli

Penitensiar xidmətin məhkumun ölümü ilə bağlı açıqlaması: "Tibbi ekspertizanın rəyi var"

4
(Yenilənib 19:58 16.01.2021)
"Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir" - Mehman Sadıqov

BAKI, 16 yanvar - Sputnik. Ədliyyə Nazirliyinin Penitensiar Xidməti sosial şəbəkələrdə 13 saylı cəzaçəkmə müəssisəsində məhkumun döyülərək öldürülməsi və müəssisədə məhbuslara telefonla əlaqə qadağasının qoyulması ilə bağlı yayılan iddialara münasibət bildirib. 

Sputnik Azərbaycan APA-ya istinadən bildirir ki, Penitensiar Xidmətin şöbə rəisi Mehman Sadıqov sosial şəbəkələrdə yayılan həmin məlumatların yalan olduğunu deyib: "Röyal adlı həmin məhkum ürək-damar çatışmazlığından vəfat edib. Bununla bağlı məhkəmə-tibbi ekspertizasının rəyi də var. Müəssisədə heç bir əməliyyat keçirilməyib. Telefon danışıqlarına da hər hansı bir qadağa, yaxud məhdudiyyət qoyulmayıb. Bu cür böhtan xarakterli məlumatlar əvvəllər də yayılıb. Bu da məhkumların narahatlığına səbəb olur. Digər cəzaçəkmə müəssisələrində olduğu kimi, bu müəssisədə də tam sabitlikdir, iş öz ahəngi ilə gedir”. 

Qeyd edək ki, sosial şəbəkələrdə Röyal adlı məhkumun 13 saylı cəzaçəkmə müəssisəsində döyülərək öldürülməsi və həmin müəssisədə məhbuslara telefonla əlaqə qadağasının qoyulması ilə bağlı məlumatlar yayılıb. 

4
Prezident İlham Əliyev və Rəcəb Tayyib Ərdoğan Bakıda hərbi parada baxır

Əliyevlə Ərdoğan Ağdamdakı Birgə Monitorinq Mərkəzini müzakirə etdilər

3
Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

BAKI, 16 yanvar - Sputnik. Bu gün Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana telefonla zəng edib. 

Sputnik Azərbaycan bildirir ki, bu barədə Azərbaycan Prezidentinin mətbuat xidməti məlumat yayıb.

Telefon söhbəti zamanı Azərbaycan ilə Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi, əməkdaşlığımızın daim genişləndiyi bir daha vurğulanıb.

 Prezident İlham Əliyev Türkiyə Prezidentini işğaldan azad olunmuş ərazilərdə bərpa və yenidənqurma işlərinin başlanması barədə məlumatlandırıb və artıq bu işlərdə Türkiyə şirkətlərinin fəal iştirak etdiyini məmnunluq hissi ilə qeyd edib, bunun ölkələrimiz arasında əlaqələrin daha da möhkəmlənməsi işinə xidmət etdiyini bildirib.

Rəcəb Tayyib Ərdoğan dövlətimizin başçısına məlumatına görə minnətdarlığını bildirib və öz növbəsində, Türkiyə şirkətlərinin Azərbaycanın işğaldan azad olunmuş torpaqlarında bərpa və yenidənqurma işlərində iştirakından məmnunluq ifadə edib.

Dövlət başçıları Ağdamda Türkiyə-Rusiya Birgə Monitorinq Mərkəzinin tezliklə fəaliyyətə başlamasından danışıb, bu Mərkəzin fəaliyyətinin uzunmüddətli sülhün təmin olunması işinə xidmət edəcəyini bildiriblər.

Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

3
Teqlər:
telefon danışığı, İlham Əliyev, Rəcəb Tayyip Ərdoğan