Tağı Hümbətov

Qarabağın işğalından bu yana saçını kəsdirmir

1922
(Yenilənib 11:08 14.11.2016)
Bu həmyerlimiz torpaqlarımızın işğalına qarşı qeyri-adi etiraz forması seçib

İlham Mustafa, Sputnik Azərbaycan

BAKI, 14 noy — Sputnik. Azərbaycan 30 ilə yaxındır ki, müharibə şəraitində yaşayır. 20 ildən çoxdur ki, torpaqlarımız Ermənistan tərəfindən işğal edilib. Neçə illərdir, bu Vətənin övladları düşmən gülləsinə tuş gəlir, şəhid olurlar.

Gəncə sakini Tağı Tağıyev 17 ildir ki, mərhum həyat yoldaşının məzarını günaşırı ziyarətə gəlir
© Sputnik / İlham Mustafa

Elə bir Azərbaycan vətəndaşı yoxdur ki, bu müharibədən öz acı payını almamış olsun, işğala, müharibəyə etirazını bildirməmiş olsun. Tovuz rayonunda yaşayan Tağı Hümbətov isə, torpaqlarımızın işğal olunmasına qarşı qeyri-adi etiraz forması seçib. Belə ki, 55 yaşlı Tağı kişi neçə illərdir, saçlarına qayçı vurmur və saçını, işğaldan azad edildikdən sonra Qarabağda qırxdıracağına söz verib.

T. Hümbətov 1961-ci ildə Tovuz şəhərində anadan olub. Şəhərdə hər kəs onu sözünə düz, haqsızlığa qarşı olan adam kimi tanıyır. Onun sözündən dönməzliyi, mərdliyi demək olar ki, hər bir tovuzluya bəllidir.

Tağı Hümbətov
© Sputnik / Ilham Mustafa
Tağı Hümbətov ikinci qrup əlildir və bunun müqabilində 120 manat müavinət alır

Hümbətovu məhşur edən digər bir səbəb isə, onun neçə illərdir, topaqlarımızın işğalına etiraz olaraq saçlarını uzatmasıdır. O, yalnız saçlarını uzatmaqla qalmayıb. Müharibə dövründə birbaşa döyüş bölgəsində iştirak etməsə də, orduya, əsgərlərə hər addımında yardım etməyə çalışıb.

Öz şəxsi avtomobili ilə əsgərləri cəbhəyə daşıyıb. Yaralılara kömək olub. Tağı kişi bu gün də müharibə başlayarsa, canını, malını vətənimizin işğaldan azad edilməsi üçün əsirgəməyəcəyiini deyir.

Ona saçını uzatmaq asan başa gəlməyib. Bir çox qohumlar bu hərəkətinə görə onunla qohumluq əlaqələrini kəsib, heç yerdə işə girə bilməyib. Lakin hər kəsə bildirib ki, arzusu yerinə yetməyincə, sözündən dönməyəcək.

Tağı Hümbətov
© Sputnik / Ilham Mustafa
Dörd övladı, beş nəvəsi olan Tağı kişi, həm də şairdir

Tağı Hümbətov kasıb bir həyat yaşayır. İkinci qrup əlildir və bunun müqabilində 120 manat müavinət alır. Bu pulla bir ay dolanmağa çalışır. Və heç vaxt güzəranından narazılıq etməyib. Dövlətin hər addımını dəstəkləyir və Qarabağın da sülh yolu ilə azad olacağına inanır.

"120 manat təqaüd alıram, amma narazı deyiləm. Cibimdə 10 qəpiyim olsa da, ehtiyacı olana verirəm. Mənim həyatımda bir pinsip var, o da halallıq və düzgünlükdür. Çox kövrək adamam. Bir haqsızlıq görən kimi gəlib evdə uşaq kimi ağlayıram", — deyir həmsöhbətimiz.

Dörd övladı, beş nəvəsi olan Tağı kişi, eyni zamanda kövrək bir şairdir. Lakin buna baxmayaraq, heç vaxt sözlərini yazıya almaq həvəsində olmayıb. Şeirlərinin əksəriyyətini əzbər bilir. Habelə, deyir ki, bir neçə dəfə ondan şeirlərini qəzetdə çap etmək üçün götürüblər, amma sonradan heç birində öz imzasını görməyib…

1922
Teqlər:
Tağı Hümbətov, etiraz, Tovuz, saç, Ermənistan, Azərbaycan, işğal, Qarabağ
Əlaqədar
On beş manata villa inşa edir
Bu evdə 271 şəhid yaşayır
Berlinə qədər döyüşən azərbaycanlı: "Bu vəhşiliyi heç faşistlərdən görmədim"
Şah əsərlər yarada bilərdi - bu gününə baxın
Onu görənlər gözlərinə inanmırlar
Türkiyə Prezidenti Rəcəb Tayyib Ərdoğan, arxiv şəkli

Ərdoğan: “Yuxarı sinif şagirdləri üçün əyani təhsil bərpa olunacaq”

8
Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

BAKI, 1 mart - Sputnik. “Türkiyədə ÇOVID-19-la mübarizə tədbirləri ilə əlaqədar yeni nəzarətli normallaşma mərhələsi başlayır”. 

APA-nın xəbərinə əsasən, bunu Türkiyə Prezidenti Rəcəb Tayyib Ərdoğan Nazirlər Kabinetindəki növbəti toplantısından sonra bildirib.

Prezident deyib ki, Türkiyədə yeni növ koronavirus infeksiyasının yayılması mavi, sarı, narıncı, qırmızı (zəif, orta, yüksək və çox yüksək) rənglərlə fərqləndirilməklə mübarizə tədbirləri bu dərəcələrə uyğun aparılacaq. 

Zəif və orta riskli ərazilərdə koronavirusla mübarizə tədbirləri ilə əlaqədar sərtləşdirilmiş qaydalar ləğv ediləcək, infeksiyanın yayılması yüksək və çox yüksək olan ərazilərdə isə yayılma dərəcəsinə görə, qaydalar ya saxlanılacaq, ya da daha çox sərtləşdiriləcək. 

Zəif və orta riskli ərazilərdə həftəsonu küçəyə çıxma qadağası yalnız bazar günlərinə şamil ediləcək, şənbə günləri bu məhdudiyyət ləğv olunacaq, axşam saat 21.00-dan səhər saat 5-dək ölkə boyu küçəyə çıxma məhdudiyyəti isə saxlanılacaq. 

Ərdoğan deyib ki, ölkədə 8-ci sinifdən başlayaraq yuxarı sinif şagirdləri üçün ənənəvi əyani təhsil bərpa olunacaq, zəif və orta riskli ərazilərdə isə ibtidai siniflər də daxil məktəblər açılacaq. 

Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

Yaşı 65-dən yuxarı olanlar və 21 yaşdan aşağı kateqoriyaya daxil olan gənclərin küçəyə çıxma məhdudiyyətləri zəif və orta riskli yerlərdə ləğv edilsə də, yüksək riskli yerlərdə bu qaydalar saxlanılacaq, çox yüksək riskli yerlərdə isə əksinə, artırılacaq. 

Qeyd edək ki, Türkiyənin eyni nəzarətli normallaşma mərhələsinə görə, böyük şəhərlərdə Şanlıurfa, Dyarbəkir zəif (mavi) risk,  Ankara, Manisa orta (sarı) risk, İstanbul və İzmir yüksək (narıncı) risk, Konya isə çox yüksək (qırmızı) risk qrupuna daxildir.

8
A journalist makes a video of the Instagram logo

"Instaqram"da yeni funksiya yaradılır

11
İstifadəçilər “Live Rooms”un yardımı ilə müxtəlif interaktiv funksiyalardan istifadə edə biləcəklər.

BAKI, 1 mart - Sputnik. Instagram sosial şəbəkəsi “Live Rooms” funksiyasını istifadəyə verəcək.

Bu barədə “Report” şirkətin saytına istinadən xəbər verir.

Qeyd edilir ki, yeni proqram dörd nəfərə qədər istifadəçini birbaşa yayıma qoşmağa imkan yaradacaq.

"Bu gün sizə dörd nəfərə qədər istifadəçiyə Instaqramda birbaşa yayım aparmağa imkan verəcək “Live Rooms” funksiyasını təqdim edirik. Əvvəl birbaşa yayımı yalnız bir nəfərlə apara bilirdiniz, amma indi sizə birbaşa yayımınızı "üçqat artırmağa" imkan veririk", - xəbərdə deyilir.

Şirkət həmçinin qeyd edib ki, funksiya daha çox biznes qurmaq və pul qazanmaq imkanları yaradacaq. İstifadəçilər “Live Rooms”un köməyi ilə müxtəlif interaktiv funksiyalardan istifadə edə bilərlər. Bunlar arasında birbaşa yayımda alqı və vəsait yığımı da var.

“Live Rooms” funksiyası yaxın vaxtlarda bütün dünyada mümkün olacaq.

11