Qorxmuş insan

Çıldaqçıda başımıza gələnlər: hər şey olduğu kimi

1080
Xalq təbabəti kimi qəbul olunan çıldağa müraciət etmiş insanlar yaşadıqları gerçəkləri bölüşürlər

BAKI, 13 noy — Sputnik. El arasında "çıldaq" kimi tanınan türkəçarə qorxugötürmə üsulu var. Deyilənə görə, bədənin bir neçə nahiyəsinə yandırılmış parça, yaxud közərən çubuq toxunduraraq, insandakı qorxunu götürmək olur. Bu müalicə üsulu, xüsusilə Bakı kəndlərində məşhurdur.

Sputnik-in əməkdaşı, sosial şəbəkə istifadəçilərinin çıldağa münasibətini: inanıb-inanmadıqlarını, çıldaqçı yanına gedib-getmədiklərini öyrənib. Beləliklə:

Sevinc Şabanova — tələbə: "Uşaq olanda aparıblar çıldaqçının yanına. Onun əlindən güclə qaçmışam. Mən bu müalicə qaydasını ciddi qəbul etmirəm".

İlkin Cəlilzadə — televiziya əməkdaşı: "Çıldağa münasibətim çox pisdir. Mənasız vaxt itkisi hesab edirəm. Ayrıca, batıl inancdır. Üzərliyə ondan çox inanıram".

Günel Fərhadova — gənc yazar: "Getməmişəm, getmək niyyətim də yoxdur. Qorxu idarəolunandır. İnsan beyninin imkanları məhdud deyil".

Cəlal Səfərov — idman meneceri: "Çıldağa münasibət birmənalı deyil, beyinə hopmuş stress və qorxunu verilən şokla çıxarmağın, inkişaf etməmiş, arxaik bir üsuludur. Yəni, ziyanın olmadığı aşkar görünür, amma psixolji bir hal olduğunu, həmçinin tibb sənayemizin də bir o qədər fərqlənmədiyini nəzərə alsaq, camaatın öz seçiminə buraxmaq lazımdır. Uşaqlıqda aparsalar da, indi uzaq olduğu üçün getmirəm, amma bir dəfə gərək yoxlayım".

Vüsal Qarayev — journalist: "Getmişəm. Kabab iyi verdim. Qolumun yanığı bir-iki həftə sağalmadı. Bir sözlə inanmağa dəyməz".

Sabirə Quliyeva — menecer: "Kim deyir ki, çıldaq yalandır? Çox qorxmuşdum və məhz çıldaq sayəsində özümə gəldim. Bir sözlə inanıram və qəbul edirəm".

Gülşən Şərif — jurnalist: "Faydası yoxdur. Bir dəfə — illər öncə getmişəm. Qadın dedi, "qorxuluğun çoxdur, 3 gün gəlib-getməlisən". 3 gün getdik-gəldik, amma yanmaqdan başqa qazandığım nəsə olmadı".

Fidan Sunay Leyli — həkim: "Çıldağın tibbi əsası var, haradasa… Məsələn, "insulin şoku" deyə bir müalicə metodu var. Psixi xəstələrdə ən son baş vurulan tədbirlərdəndir. Xəstəyə insulin vurulur, təqribən 30 dəqiqə hipoqlikemik koma yaradılır. Sonra yenidən qlukoza vurularaq vəziyyət geriyə döndərilir. Belə xəstələrdə bu koma zamanı psixoloji effekt yaranır. Təsir mexanizmi tamam aydınlaşdırılmayıb, amma hesab olunur ki, belə koma halı psixi vəziyyəti müəyyən qədər yaxşılaşdırır. Mən çıldağı bu əsasa görə qəbul edirəm, çıldağın təsirindən yaranan qəfil qorxu, diksinmə, sanki şok yaratmaq kimi bir mexanizm var. Yəqin ki, ona əsaslanıb əvvəlki qorxunu aradan qaldırır".

Elşən Ağalar — fotoqraf: "Uşaq vaxtı aparıblar. Hazırda münasibətim çox pisdir. İnanmıram belə şeylərə".

Elnarə Məmmədqızı — evdar xanım: "Getmişəm. Qolum, ayağım, boynum — hamısı yanıb. İnanmıram".

Nazim Quliyev — musiqiçi: "Getdim, bəhrəsini də gördüm. Övladlarımı da aparıram. Qorxunu çıxarır, insan yüngülləşir".

1080
Teqlər:
çıldaqçı, insan, qorxu, xalq təbabəti, müalicə, çıldaq
Mövzu:
Xalq təbabətinə marağın artması (5)
Əlaqədar
Salvador Dali falçı idimi?
Rəml atıram, fala baxıram - əsrlərin fırıldağı
“Çöpçülər həkimlərimizdən güclüdür”
Baş həkim çöpçülərə qarşı çıxdı
 “TOÇKA-U” raketinin buraxılışı, arxiv şəkli

Beynəlxalq təşkilatlar rayonlarımızın raket atəşinə tutulması barədə məlumatlandırılıb

1
Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması diqqətə çatdırılıb

BAKI, 22 oktyabr - Sputnik. Müdafiə Nazirliyinin Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov tərəfindən ölkəmizdə akkreditə olunmuş xarici hərbi attaşelər və beynəlxalq təşkilatların ölkəmizdəki nümayəndələri üçün bu gün növbəti brifinq verilib.
Sputnik Azərbaycan-a Müdafiə Nazirliyindən daxil olan məlumata görə, brifinqdə qonaqlara Ermənistan Respublikasının münaqişədə birbaşa iştirakı, Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması, eləcə də humanitar atəşkəs razılığına əməl etməyərək açıq şəkildə onu pozması haqqında ətraflı məlumat verilib.
Əlavə olaraq, işğaldan azad olunmuş Cəbrayıl, Füzuli və Zəngilan rayonlarının ərazilərində olan inzibati yaşayış mərkəzlərinin, tarixi-memarlıq və dini abidələrinin dağıdılması və talan edilməsi, eləcə də döyüş texnikasının tibbi təyinatlı texnika adı altında döyüşlərdə istifadə edilməsi barədə də məlumat diqqətə çatdırılıb.

1
Teqlər:
Azərbaycan Müdafiə Nazirliyi, Siyəzən, Kürdəmir, Qəbələ, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
İsrail səfiri Gəncədə: “Qurbanların başına gələnləri dinləmək ürəyimi ağrıdır”
Qəbələnin atəşə tutulması nəticəsində bir nəfər xəsarət alıb
Prezidentin köməkçisi: "Qəbələyə raketlər Qafan və Cermuk bölgələrindən atılıb"
Hikmət Hacıyev Ermənistanın Qəbələ, Kürdəmir və Siyəzənə raket atəşi barədə
Ermənistan ərazisindən Siyəzən, Qəbələ və Kürdəmir raket atəşinə tutulub

Azərbaycanın İranla sərhədindəki Ağbənddə bayrağımız dalğalanır - VİDEO

49
(Yenilənib 19:30 22.10.2020)
Dövlətimizin başçısı Ağbənd zastavasında Azərbaycan bayrağının qaldırılmasının videosunu da paylaşıb.

BAKI, 22 oktyabr - Sputnik. Ağbənd qəsəbəsinin azad edilməsi ilə Azərbaycan və İran İslam Respublikası dövlət sərhədinin tam nəzarətə götürülməsi təmin olundu.

Sputnik Azərbaycan bildirir ki, bu barədə Azərbaycan Prezidenti İlham Əliyev Twitter hesabında məlumat verərək, bu münasibətlə Azərbaycan və İran xalqlarını təbrik edib.

Həmçinin dövlətimizin başçısı Ağbənd zastavasında Azərbaycan bayrağının qaldırılmasının videosunu da paylaşıb.

​Qeyd edək ki, bu gün müzəffər Azərbaycan Ordusu Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndlərini, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndlərini və Ağbənd qəsəbəsini işğaldan azad edib.

49
Teqlər:
Prezident İlham Əliyev, Azərbaycan ordusu, erməni təxribatı, Ermənistan-Azərbaycan, Dağlıq Qarabağ münaqişəsi, bayraq, Ağbənd qəsəbəsi, sərhəd, İran, Azərbaycan
Mövzu:
Azərbaycan və Ermənistan arasında müharibə
Əlaqədar
Dövlət başçısı: "Azərbaycan və İran dövlət sərhədi tam nəzarətə götürüldü"
Füzuli, Cəbrayıl və Zəngilanın 20 kəndi və 1 qəsəbəsi azad edildi - İlham Əliyev
İlham Əliyev: "Sülhməramlılarla bağlı həlledici sözü biz deməliyik"
İlham Əliyev: "Ermənistanın bu hökuməti ilə sülhlə nizamlanma perspektivi çox uzaqdır"
İlham Əliyev: "Dağlıq Qarabağda heç bir referendum olmayacaq"
Milli Məclis

Milli Məclisin növbəti plenar iclasının vaxtı gündəliyi məlum olub

0
(Yenilənib 19:26 22.10.2020)
"Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" qanun layihəsinə, "Hərbi vəzifə və hərbi xidmət haqqında" və digər qanunlarda dəyişikliklərə baxılacaq

Xalid Məmmədov, Sputnik Azərbaycan

BAKI, 22 oktyabr — Sputnik. Milli Məclisin növbəti plenar iclasının vaxtı məlum olub.

Sputnik Azərbaycan-ın məlumatına görə, parlamentin iclası 27 oktyabrda keçiriləcək. İclasın gündəliyinə 8 məsələ daxil edilib.

Bunlar aşağıdakılardır:

1. "Azərbaycan Respublikasının Xocavənd rayonunun Vəng kəndinin Çinarlı kəndi adlandırılması haqqında" Azərbaycan Respublikası qanununun layihəsi barədə.

2. "Hərbi vəzifə və hərbi xidmət haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (üçüncü oxunuş).

3. "Təhsil haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

4. "Peşə təhsili haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

5. Azərbaycan Respublikasının Meşə Məcəlləsində, Azərbaycan Respublikasının Torpaq Məcəlləsində, Azərbaycan Respublikasının Mülki Məcəlləsində, "Torpaq islahatı haqqında", "Torpaq bazarı haqqında", "Bələdiyyə torpaqlarının idarə edilməsi haqqında", "Dövlət rüsumu haqqında", "Daşınmaz əmlakın dövlət reyestri haqqında" və "Torpaqların dövlət ehtiyacları üçün alınması haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

6. Azərbaycan Respublikasının Əmək Məcəlləsində və Azərbaycan Respublikasının Ailə Məcəlləsində dəyişiklik edilməsi haqqında Azərbaycan Respublikası qanununun layihəsi barədə (birinci oxunuş).

7. "Hərbi qulluqçuların statusu haqqında", "Əhalinin sağlamlığının qorunması haqqında", "Yol hərəkəti haqqında", "Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında", "Avtomobil yolları haqqında", "Özəl tibb fəaliyyəti haqqında", "Dövlət qulluğu haqqında", "Psixiatriya yardımı haqqında", "Onkoloji yardım haqqında" və "Tütün məmulatlarının istifadəsinin məhdudlaşdırılması haqqında" Azərbaycan Respublikasının qanunlarında dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

8. "Tibbi sığorta haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (birinci oxunuş).

0