ASAN xidmətdə şəxsiyyət vəsiqələrinin verilməsi və dəyişdirilməsi

Vergi kredit borcu olanlar vətəndaşlıqdan məhrum edilirlər

7116
(Yenilənib 18:08 07.11.2016)
Borclu vətəndaşların şəxsiyyət vəsiqələrini yeniləmək hüququndan məhrum edilməsinə başlanıb

BAKI, 7 noy — Sputnik. Vergi və kredit problemi olan vətəndaşlar yeni problemlə üzləşiblər. Belə ki, həmin vətəndaşlar artıq şəxsiyyət vəsiqələrini yeniləyə bilmirlər.

Bu barədə Sputnik-ə, analoji problemlə üzləşən vətəndaşlardan biri məlumat verib. Onun sözlərinə görə, ailə həyatı qurmasından dolayı, şəxsiyyət vəsiqəsini yeniləmək üçün "ASAN xidmət"ə müraciət edib. Xidmətdə ondan köhnə vəsiqəsini qəbul etsələr də, yenisini verməkdən imtina edirlər. Səbəb kimi də onun vergi borcunun olmasını göstəriblər.

Məsələ ilə bağlı "ASAN Xidmət"in İnformasiya şöbəsinin müdiri Anar Hüseynov Sputnik-ə bildirib ki, vətəndaşlara şəxsiyyət vəsiqəsinin verilməsi və dəyişdirilməsi "ASAN xidmət"də həyata keçirilsə də, bu məsələ Daxili İşlər Nazirliyinin nəzarətindədir: "Bu cür problemlə üzləşən vətəndaş Daxili İşlər Nazirliyinə müraciət etməlidir. Çünki, mərkəzlərdə şəxsiyyət vəsiqəsinin verilməsi və dəyişdirilməsi xidməti Daxili İşlər Nazirliyinin əməkdaşları tərəfindən həyata keçirilir".

Problemi Sputnik-ə şərh edən hüquqşünas Elyar Həsənovun sözlərinə görə, vətəndaşın hansısa borcuna görə, şəxsiyyət vəsiqəsindən məhrum edilməsinə dair ölkə qanunvericiliyində heç bir müddəa yoxdur: "Vergi və kredit borcuna görə vətəndaşa şəxsiyyət vəsiqəsi verilməməsi qanunvericiliyə ziddir. Şəxsiyyət vəsiqəsi əlindən alınan vətəndaşın hüquqları məhdudlaşdırılır ki, bu da doğru deyil".

"Şəxsiyyət vəsiqəsi vətəndaşlıqla bağlıdır. Vətəndaşa vəsiqə vermədikdə, o, başqa hüquqlarını da reallaşdıra bilmir. Məsələn, nigaha girmək istəyir, amma borcuna görə vəsiqə verilmirsə, deməli nigaha girə bilməyəcək. Bu, nə dərəcədə doğrudur?!", — hüquqşünas bildirib.

E. Həsənov qeyd edib ki, belə hallar olduqda, yuxarı dövlət orqanlarına müraciət edilməlidir: "Vətəndaş ən yaxşı halda məhkəməyə müraciət edə bilər".

Vəkil Fuad Ağayev də Sputnik əməkdaşı ilə söhbətində sözügedən məsələni qanunsuzluq adlandırıb: "Bu haqda ilk dəfədir, eşidirəm. Əgər belə hallar baş verirsə, tam qanunsuzluqdur. Hər hansı borcun olması o insanın vətəndaşlıqdan çıxarılmasına səbəb ola bilməz. Hüquq subyekti məhdudlaşdırıla bilməz. O ki, qaldı borca, o borcun geri alınması başqa yollarla həyata keçirilməlidir, şəxsiyyət vəsiqəsindən vətəndaşı məhrum etməklə yox".

"Bu halla üzləşən zaman vətəndaş iki yolla hüquqlarını bərpa edə bilər: Birincisi, yuxarı orqanlara müraciət etməklə, ikincisi məhkəməyə üz tutmaqla", — vəkil qeyd edib.

Məsələ barədə Sputnik-ə danışan millət vəkili Fazil Mustafa da, borca görə vətəndaşlıq hüquqlarının məhdudlaşdırılmasını doğru hesab etmir: "Hər hansı bir maliyyə borcuna görə vətəndaşı vəsiqədən məhrum etmək olmaz. Şəxsiyyət vəsiqəsi şəxsiyyətin tanınması sənədidir. Bu baxımdan malı mala qatmaq olmaz".

7116
Teqlər:
hüquq, qanun, "ASAN xidmət", borc, şəxsiyyət vəsiqəsi, kredit, vergi
Əlaqədar
Yeni struktur problemli kreditlər məsələsini həll edəcək?
Azərbaycanda problemli kreditlər rekord həddə çatıb
Kimlərə və niyə kredit verilməyəcəyi açıqlandı
Bağlanan banklardakı əmanətlər bata bilər, amma kreditlər qaytarılmalıdır
Azərbaycanda problemli kreditlərin həcmi beynəlxalq normanı üç dəfə üstələyir
Azərbaycanda problemli kreditlərin həcmi maksimuma çatıb
Konstitusiya Məhkəməsi kredit borcuna görə həbsi qadağan edib
Hirkan Milli Parkında ayı

Heyvanları qəfəsdə saxlayan restoran sahibi cəzalanıb

12
(Yenilənib 23:56 07.08.2020)
R.Bağırov onu da qeyd edib ki, aparılan araşdırma zamanı heyvanların vaxtlı-vaxtında qidalandığı, onlara baytar nəzarətinin həyata keçirildiyi və saxlanıldığı yerlərin təmizləndiyi müəyyən olunub.

BAKI, 8 avqust — Sputnik. İsmayıllı rayonu "Günəş Park" restoranında heyvanların qəfəsdə saxlanılması ilə bağlı şikayət Dövlət Ekoloji Təhlükəsizlik Xidmətinin əməkdaşları tərəfindən yerində araşdırılıb.

Sputnik Azərbaycan xəbər verir ki, bu barədə xidmətin rəis müavini Ramal Bağırov danışıb.

O bildirib ki, aparılan araşdırma zamanı sözügedən istirahət mərkəzində qəfəslərdə saxlanılan zebra, dovşan, dəvə, meymun, maral, tovuzquşu, qırqovul və dəvəquşunun xaricdən gətirilməsinə dair rəsmi təsdiqedici sənədlərinin olduğu, lakin saxlanılması üçün müvafiq icazə sənədinin olmadığı məlum olub.

"Faktla bağlı istirahət mərkəzinin rəhbəri Sərxan İsgəndərov barəsində akt, protokol tərtib olunub və o, 2000 manat məbləğində cərimə edilib.

Zooloji kolleksiyanın yaradılması məqsədilə icazə sənədinin alınması üçün restoran sahibinə icrası məcburi olan "məcburi göstəriş" verilib".

R.Bağırov onu da qeyd edib ki, aparılan araşdırma zamanı heyvanların vaxtlı-vaxtında qidalandığı, onlara baytar nəzarətinin həyata keçirildiyi və saxlanıldığı yerlərin təmizləndiyi müəyyən olunub.

12
FHN yanğın söndürənləri, arxiv şəkli

İlin birinci yarısında Azərbaycanda baş verən partlayışlarda 4 nəfər ölüb

6
2020-ci ilin I yarımilliyi ərzində respublika ərazisində 43 partlayış hadisəsi baş verib ki, bu da 2019-cu ilin I yarımilliyi ilə müqayisədə 2 hadisə və ya 5% çoxdur.

BAKI, 7 avqust — Sputnik. Bu ilin birinci yarısında Azərbaycanda baş verən partlayışların statistikası açıqlanıb.

Fövqəladə Hallar Nazirliyindən Sputnik Azərbaycan-a verilən məlumata görə, 2020-ci ilin I yarımilliyi ərzində respublika ərazisində 43 partlayış hadisəsi baş verib ki, bu da 2019-cu ilin I yarımilliyi ilə müqayisədə 2 hadisə və ya 5% çoxdur.

Baş verən partlayışlar zamanı 4 nəfər ölüb, 45 nəfər xəsarət alıb.

6