Asan Xidməti_Yasamal şöbəsi

Artıq "ASAN Xidmət"in bu imkanlarından da faydalana biləcəyik

151
"Xüsusi imkanlar" bölməsində sürücüləri daha bir yenilik gözləyir

BAKI, 7 noy — Sputnik. Sürücülər "ASAN ödəniş" sistemindən istifadə etməklə öz işlərini daha da asanlaşdıra bilərlər. "ASAN Xidmət"in mətbuat xidmətindən Sputnik-ə verilən məlumata görə, yeniliklərdən faydalanmaq üçün ilk növbədə www.asanpay.az portalında qeydiyyatdan keçib "elektron kabinet" yaratmaq lazımdır.

Elektron imza və Asan imza sahibi olanlara isə qeydiyyatdan keçmək tələb olunmur. Onlar şəxsi imza vasitəsilə qeydiyyatdan keçmədən elektron kabinet yarada bilərlər. Artıq qərarsız cəriməni www.asanpay.az-da elektron kabineti olan hər bir sürücü plastik kartla ödəyə bilər.

Bundan əlavə, sürücü cərimə ilə razılaşmadıqda şikayət edə bilər. Hər bir sürücünün elektron kabinetdə cərimənin olub-olmaması ilə bağlı çıxarış əldə etmək imkanı var. Elektron kabinetdə ödənilmiş cərimələrlə bağlı ödəmə tarixçəsi bölməsi mövcuddur. Cərimələrlə bağlı müvafiq orqan tərəfindən protokol, foto və videolar əlavə edilərsə, bu halda elektron kabinetdə sürücü istənilən vaxt onlara baxa bilər.

Elektron kabinetə yerləşdirilən cərimə barədə sürücüyə SMS göndərilir. Elektron kabinetin üstünlüklərindən biri budur ki, sizin mobil nömrəniz DYP-də olmaya bilər, lakin www.asanpay.az-da qeydiyyatdan keçdikdən sonra yazdığınız nömrəyə elektron kabinetdə öz əksini tapan cərimə barədə SMS göndərilir. Cəriməni bir ay ərzində ödəmədikdə dəbbə pulunun hesablanması nəzərdə tutulan gündən bir neçə gün öncə yenidən SMS vasitəsilə sürücüyə xəbərdarlıq mesajı göndərilir və hansı tarixdən etibarən cərimənin üzərinə dəbbə pulu hesablanacağı qeyd olunur.

Sürücü istifadəçi adı və ya email ünvanı, eyni zamanda şifrəni qeyd etməklə elektron kabinetə daxil ola bilər. Şəxs şifrəni unutduğu zaman qeydiyyatdan keçdiyi nömrə və ya e-mail ünvanı vasitəsilə şifrənin bərpa olunması mümkündür. Mobil telefon nömrəsi hər hansı səbəbdən (korlanma, dəyişmə, itirilmə və s. səbəblər) ləğv olunan və ya email ünvan vasitəsilə şifrəsini bərpa edə bilməyən şəxslər 1 saylı Bakı "ASAN xidmət" mərkəzinə şəxsiyyət vəsiqəsi ilə müraciət edə bilərlər.

Eyni zamanda, sürücü istədiyi halda hər hansı bir səbəbdən şəxsi kabinetdə qeydiyyatdan keçdiyi nömrəni şəxsi məlumat bölməsində "Məlumatları dəyişdir" əmrindən istifadə etməklə dəyişdirə bilər. Cərimələrin olub-olmaması barədə çıxarış əldə edən sürücü, onu saxlayan DYP əməkdaşına təqdim edə bilər. Çıxarışın həqiqiliyini QR kod oxucu ilə yoxlamaq mümkündür.

"Xüsusi imkanlar" bölməsində sürücüləri daha bir yenilik gözləyir. Şəxs mülkiyyətində olan və ya etibarnamə vasitəsilə idarə olunan nəqliyyat vasitələri ilə bağlı tərtib olunan protokollar barədə elektron kabinetdən məlumat əldə bilər. Bunun üçün avtomobilin dövlət nömrə nişanını və qeydiyyat şəhadətnaməsinin seriya və nömrəsini daxil etmək lazımdır.

Qeyd edək ki, hazırda "ASAN ödəniş" sisteminin 100-dən artıq ödəmə terminalı fəaliyyət göstərir. Onların əksəriyyəti Bakıdadır və paytaxtın müxtəlif ərazilərində, eləcə də, Dövlət Yol Polisi şöbələrində terminallar mövcuddur. Rayonlarda isə ödəmə terminalları yalnız "ASAN xidmət" mərkəzlərindədir. Sürücü həmin terminallar vasitəsi ilə protokolun seriya və nömrəsini daxil etməklə cəriməni ödəyə bilər.

151
Teqlər:
xidmət, sürücü, "ASAN xidmət", ASAN, "ASAN ödəniş"
Əlaqədar
ASAN Xidmət Kürdəmirə yola düşüb
Səyyar ASAN bu rayonlara gedir
Səyyar ASAN Biləcəriyə gedir
Səyyar ASAN xidmət Salyan və Qobuda
Səyyar ASAN xidmət növbəti səfərinə çıxıb
ASAN xidmət sizə evinizdə xidmət edəcək
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

5
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

5
Teqlər:
psixoloji yardım, sosial, reabilitasiya, əziyyət, müharibə, uşaqlar
Tərəvəz piştaxtası, arxiv şəkli

COVID-19 xəstələrini tez sağalda bilən qidalar

28
(Yenilənib 22:58 27.11.2020)
Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaları qəbulunu ehtiva edir

BAKI, 27 noyabr — Sputnik. Britaniya alimləri COVID-19-un müalicəsini sürətləndirən məhsulları müəyyən ediblər. Sputnik Azərbaycan xarici mətbuata istinadla xəbər verir ki, qidaların immuniteti gücləndirməsini öyrənən araşdırmaçı Emma Derbşir və Con Delanj qida və qida əlavələrini təhlil ediblər. Araşdırmanın məqsədi COVID-19-dan sonra immuniteti bərpa edən və immuntetə yardım edən qidaları müəyyən etmək olub.

Müəlliflər tibbi qidalanmanın 65 yaşdan yuxarı insanların immunitet sisteminə təsirinə xüsusi diqqət yetiriblər.

İmmunitet sisteminin dörd komponenti var: T-limfositlər, B hüceyrələri, komplement sistemi və faqositlər. Belə ki, bu komponentlər daxil olan virus və bakteriyalara qarşı bir maneə rolunu oynayaraq vücudu infeksiyadan qoruyur.

İmmunitet anadangəlmə və adaptiv olur.

Ancaq hər iki immunitet funksiyası yaşla azalır. "İmmunitet yaşlanması"nın səbəblərindən biri də qida çatışmazlığıdır. Yaşlı insanlar bunu xüsusi immunitet qidası ilə doldurmalıdırlar. Bu, müəlliflərə görə, COVID-19 kimi ağır infeksiyalardan sonra reabilitasiya dövründə xüsusilə vacibdir.

"Zəif pəhriz, protein-enerji çatışmazlığı, vitaminlər və minerallar kimi mikroelement çatışmazlıqları suboptimal immunitet funksiyasına kömək etdiyinə dair kifayət qədər dəlil var. Bəzi pəhriz komponentləri - meyvələr, vitaminlər, antioksidantlar, minerallar və probiotiklər müqaviməti artırmağa kömək edir, tənəffüs viruslarına və xəstəliklərinə qarşı müqavimətdə əhəmiyyətli bir rol oynayır", - deyə tədqiqat müəllifləri yazırlar.

Alimlər COVID-19-dan sağalanlar üçün pəhriz tövsiyələri hazırlayıblar. Bu tövsiyyələr C, D vitaminləri və sink ilə zəngin qidaların qəbulunu ehtiva edir.

C vitamini, tənəffüs sistemi epitelisinin baryer funksiyasını gücləndirir, bu da patogenlərin inkişafını məhdudlaşdırır və alt tənəffüs yollarına enmələrinə maneə törədir.

Tədqiqatçıların fikrincə, bu, sətəlcəmin qarşısını alır. D vitamini güclü bir immunitet tənzimləyicisidir. Bəzi immun hüceyrələrin - B və T limfositlərin, makrofaqların və monositlərin səthində D vitamini reseptorları var, buna görə də bütün tənəffüs xəstəliklərində qoruyucu rol oynayır.

Müəlliflər C vitamini ilə zəngin brokkoli, qara qarağat, zənginləşdirilmiş səhər yeməyi və portağal; sink baxımından zəngin konservləşdirilmiş xərçəng, konservləşdirilmiş lobya və qaynadılmış yumurta və gündə 50 mikroqrama qədər D vitamini əlavələri qəbul etməyi məsləhət görürlər.

Tədqiqatın nəticələri göstərir ki, belə bir pəhriz saxlamaq reabilitasiya müddətini qısaldır və COVID-19-dan sağalmanı sürətləndirir.

28
Teqlər:
immunitet, vitamin, xəstəlik, xəstə, qida, Koronavirus, epidemiya, COVID-19
Mövzu:
Dünyanı cənginə almış bəla