CƏMİYYƏT
Cəmiyyətin həyatında baş verən aktual hadisələr

Rusiyalı iş adamı Azərbaycanda beynəlxalq avtovağzal kompleksi inşa etdirib

© Photo : STRSınıq Körpü avtovağzalı
Sınıq Körpü avtovağzalı - Sputnik Azərbaycan
Abunə olmaq
Rusiyada yaşayan iş adamı Şahin Şıxlinskinin maliyyə dəstəyi ilə Qazax rayonunun İkinci Şıxlı kəndində beynəlxalq avtovağzal kompleksi inşa olunub.

BAKI, 4 noy — Sputnik. Rusiyanın Yekatrinburq şəhərində yaşayan azərbaycanlı iş adamı, Ümumrusiya Azərbaycan Konqresinin (ÜAK) Ural Federal Dairəsi üzrə regional bölməsinin rəhbəri Şahin Şıxlinskinin maliyyə dəstəyi ilə Qazax rayonunun İkinci Şıxlı kəndində beynəlxalq avtovağzal kompleksi inşa olunub. Bu barədə Sputnik Diasporla iş üzrə Dövlət komitəsinə istinadən məlumat verir. 

© Photo : Ş.Şıxlinskinin şəxsi arxiviŞahin Şıxlinskin, Ümumrusiya Azərbaycan Konqresinin Ural Federal Dairəsi üzrə regional bölməsinin rəhbəri
Şahin Şıxlinskin, Ümumrusiya Azərbaycan Konqresinin Ural Federal Dairəsi üzrə regional bölməsinin rəhbəri  - Sputnik Azərbaycan
Şahin Şıxlinskin, Ümumrusiya Azərbaycan Konqresinin Ural Federal Dairəsi üzrə regional bölməsinin rəhbəri

Qazax rayonunun İkinci Şıxlı kəndi ərazisində istifadəyə verilən müasir standartlara uyğun beynəlxalq avtovağzal kompleksi nəqliyyat vasitələrinin fəaliyyətinin tənzimlənməsində, eləcə də şəhərlərarası və beynəlxalq daşımalarda əhəmiyyətli rol oynayacaq. Buradan Azərbaycanın müxtəlif bölgələri ilə yanaşı, Gürcüstana və Türkiyəyə də müntəzəm reyslərin açılması planlaşdırılır. Müasir memarlıq üslubunda tikilən ikimərtəbəli kompleksdə gözləmə zalı, ana və uşaq otağı, sürücülərin istirahət otağı, bilet kassası, tibbi müayinə otağı fəaliyyət göstərir. Kompleksin ərazisində 20 nəfərlik otel də var. Yeni layihənin istifadəyə verilməsi ilə 120-yə yaxın adam işlə təmin olunub.

Qeyd edək ki, 30 ildir Rusiyanın Yekatrinburq şəhərində yaşayan və çalışan  Şahin Şıxlınski eyni zamanda diaspor fəaliyyəti ilə məşğul olub. Şıxlinski 2004-cü ildən ÜAK Ural Federal Dairəsi üzrə regional bölməsinin rəhbəri, daha sonra ÜAK-ın vitse-prezidenti seçilib. O, Dünya Azərbaycanlıları Əlaqələndirmə Şurasının üzvüdür.

Sverdlovsk vilayətinin Qubernatoru yanında Milli məsələlər uzrə Məsləhət Şurasının üzvü kimi də fəaliyyət göstərən həmyerlimiz Azərbaycan Respublikası və Sverdlovsk vilayəti arasında iqtisadi və mədəni əlaqələrin inkişafındakı xidmətlərinə gorə müxtəlif mükafatlarla təltif edilib. Ş.Şıxlinski 2006-cı ildə Azərbaycan Respublikası Prezidentinin Sərəncamı ilə dünya azərbaycanlılarının həmrəyliyi sahəsində fəaliyyətinə gorə “Tərəqqi” medalı ilə təltif olunub. 

Xəbər lenti
0