Qadın və kişi siluetləri, arxiv şəkli

Psixoloq: Yuxarı yaşlarda boşanma dəb halını alıb

66
Azad İsazadə: Keçmiş sovet ölkələrinin hamısında bu cür problemlər olur.

BAKI, 1 noy — Sputnik. "Azərbaycanda 45, 50 və daha yuxarı yaşlarda kişilərin boşanmasının psixofizioloji səbəbləri var və bu yaşlarda ayrılan güclü cinsin nümayəndələrinin maddi vəziyyəti əsasan daha yüksək olur. Onlar ya biznesmen, ya da yaxşı bir iş sahibi olduqdan sonra özlərinə daha gənc bir xanımla yeni həyat qururlar".

Bunu "Report"a açıqlamasında psixoloq Azad İsazadə deyib.

Psixoloqun sözləriə görə, bütün "postsovet" ölkələrində bu vəziyyət dəb halını alıb: "Keçmiş sovet ölkələrinin hamısında bu cür problemlər olur. Müəyyən yaşa gəlmiş kişilərin bəziləri bir balaca imkanı olan kimi birinci ailəni daha gənc bir xanımla əvəz edir. Çoxu məşuqə kimi görüşsə də, bəziləri ailə qurur, uşaq da dünyaya gətirirlər. Təbii ki, başqa səbəblər də var. Daha geniş araşdırmaq lazımdır. Elə kişilər var ki, gedib illərlə başqa ölkələrdə işləyirlər və həmin ölkədə ikinci dəfə ailə həyatı qururlar". 

O bildirib ki, 25-35 yaşlarında olan boşanmaların əsas səbəbi isə sosial, məişət problemləri ilə bağlı olur. Onun sözlərinə görə, müasir informasiya imkanlarının artması da insanlarda səbirsizlik yaradıb: "İnsanlar yaramış problemə səbirlə yanaşmaq və onu həll etmək istəmirlər. Əvvala problemlər daha da ciddiləşib, digər tətəfdən də həmin problemlərin həlli təcrübəsi olmadığı üçün boşanmağa üstünlük verirlər. Vaxtilə boşanma daha ayıb sayılırdı. Bütün ailə yığışıb boşanmağa qoymurdu. İndi ailələr daha sərbəstdir. Cəmiyyət boşanmış insanları əvvəlki kimi qınamır. Səbirsizlik, qınağın azalması və üstəgəl ciddi sosail problemlər boşanma ilə nəticələnir".

A.İsazadə onu da əlavə edib ki, boşanma ilə bağlı göstərilən statistik məlumatlar hər zaman nisbi olur, tam obyektiv rəqəmləri göstərmir: "Statistik məlumatlarda qeyri-rəsmi nikahlar və saxta boşanmalar qeyd olunmur. Halbuki bu hal cəmiyyətimizin reallığıdır. Bəzən hansısa səbəbdən saxta boşanmalar da olur. Saxta boşanma sovet dövründə də var idi. Məsələn, mənzil almaq üçün ailə saxta formada boşanırdı, amma ər-arvad bir yerdə yaşayırdı. İndi də bu hallar var. 12 min boşanmanın içində 2-4 min bəlkə daha çox saxta ayrılma ola bilər. Belə hallarla da rastlaşmışam ki, real boşanırlar və bir neçə ildən sonra barışıb bir yerdə yaşayırlar. Amma növbəti dəfə nikah bağlamırlar".

Ümumiyyətlə, ötən il Azərbaycanda 12764 boşanma qeydə alınıb. Ölkədə 39 yaşda 1699 kişi, 1391 qadın, 40-44 yaşda 1103 kişi, 904 qadın, 45-49 yaşda 921 kişi, 743 qadın, 50-54 yaşda 689 kişi, 469 qadın, 55-59 yaşda 402 kişi, 283 qadın, 60 və daha yuxarı yaşlarda isə 327 kişi, 167 qadın boşanıb.

66
Heroin, arxiv şəkli

Bakı sakini karantin zamanı da öz əməlindən qalmırmış

4
Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

BAKI, 4 iyul — Sputnik. Bakıda karantin rejimini pozan şəxsdə narkotik maddə aşkarlanıb.

Sputnik Azərbaycan-ın məlumatına görə, Qasımov Rəşad Ramiz oğlu hüquq-mühafizə orqanları tərəfindən karantin qaydalarını pozduğu üçün saxlanılıb.

Saxlanılan zaman onun qaçaqmalçılıq yolu ilə ölkəyə külli miqdarda narkotik maddə gətirdiyi məlum olub.

O, saxlanılan zaman hüquq-mühafizə orqanının əməkdaşlarına zor tətbiq edib.

R.Qasımov barəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda), 206.4-cü (qaçaqmalçılıq) , 234.4.3-cü (narkotik maddələrin qanunsuz dövriyyəsi, külli miqdarda törədildikdə), 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə), 318.2ci (dövlət sərhədini qanunsuz olaraq keçmə) maddələri ilə ittiham verilib.

Nəsimi rayon Məhkəməsində istintaq orqanının təqdimatı əsasında R.Qasımov barəsində 4 aylıq həbs qətimkan tədbiri seçilib.

4
Albalı

Təzyiqin daha bir dərmanı aşkar edilib

88
(Yenilənib 11:22 04.07.2020)
Dietoloq Sara Brüyerin sözlərinə əsasən, albalı suyu antioksidanlarla - polifenollarla çox zəngindir.

BAKI, 4 iyul — Sputnik. Həkimlər səhər yeməyi zamanı təzyiqi tez və effektli şəkildə düşürə bilən içkini müəyyən ediblər.

Sputnik Azərbaycan xarici mətbuata istinadla xəbər verir ki, təzyiq qan damarlarına və həyati əhəmiyyətə malik orqanlara əlavə bir yük yaradır. O, insult və infarkt da daxil olmaqla müxtəlif fəsadlara səbəb ola bilər.

Yüksək təzyiq sağlam qidalanmamağın və fiziki aktivliyin olmamasının göstəricisidir. Mütəxəssilərin fikrincə, qan təzyiqinin qarşısını alan vasitələr arasında albalı şirəsi xüsusi əhəmiyyətə malikdir.

Dietoloq Sara Brüyerin sözlərinə görə, albalı suyu antioksidanlarla - polifenollarla zəngindir. Onlar qan damarlarının genişlənməsinə və elastikliyini artırmağa kömək edirlər.

Mütəxəssislərin fikrincə, 60 ml turş albalı suyu sistolik qan təzyiqini 7 mmHg qədər azalda bilər. Dietoloq qeyd edib ki, albalı şirəsinin istifadəsi kifayət qədər sürətli effekt verir. Albalı suyu içdikdən bir saat sonra qan təzyiqi azalmağa başlaya bilər. Şirənin təsiri səkkiz saata qədər davam edir.

88