Maşa və Ayı cizgi filmindən kadr

Uşaqlarınızı bu dörd ən təhlükəli cizgi filmindən uzaq tutun

605
(Yenilənib 20:42 31.10.2016)
Mütəxəssislər valideynlərin diqqətinə çatdırırlar ki, balaca uşaqlar ekranda baş verənlərin hamısına inanırlar.

BAKI, 31 okt-Sputnik. Psixoloqlar uşaqlar üçün ən zərərli cizgi filmlərini müəyyənləşdiriblər. 

Mütəxəssislər valideynlərin diqqətinə çatdırırlar ki, balaca uşaqlar ekranda baş verənlərin hamısına inanırlar. Bununla yanaşı onlar tez-tez xoşlarına gələn hərəkətləri təkrarlamağa çalışırlar. Uşaqlar üçün bunun real insan, yaxud da uydurulmuş personaj olması vacib deyil. 

Sputnik xarici mediaya istinadla xəbər verir ki, psixoloqlar ən zərərli cizgi filmi “Maşa və ayı”nı hesab edirlər. 

Onlar izah edirlər ki, bu cizgi filminin baş qəhrəmanı – balaca qız Maşa bütün kaprizləri və biabırçı davranışları öz simasında cəmləşdirib. 

Antireytinqdəki ikinci yeri Amerika cizgi filmi olan «Bədheybət Hay» (Monster High) tutur. 

Bu onunla bağlıdır ki, sözügedən cizgi filmində həddindən çox jarqonlar var. Bu isə uşaqların lüğət ehtiyatının formalaşmasına mənfi təsir göstərir. 

Üçüncü yerə psixoloqlar “Süngər Bob kvadrat şalvar” (Square Pants Spongebob) cizgi serialını qoyurlar. Buna səbəb sözügedən cizgi serialının qəhrəmanının çox münaqişəli personaj olmasıdır.

Bob daim öz istəklərinə uyğun hərəkət etməyə çalışır, dostları ilə mübahisə edir və onları söyür. 

Mütəxəssislər “Tom və Cerri” cizgi filminin də neqativ təsirlərinin olduğuna əmindirlər. Psixoloqların izahatına görə, sözügedən cizgi filmində siçan daim pişik Tomu lağa qoyur və onun başına oyun gətirir. Tomun isə cavabı olduqca aqressiv olur. 

Mütəxəssislər valideynlərə məsləhət görürlər ki, uşaqlarının hansı cizgi filmlərinə baxdıqlarına diqqət yetirsinlər. Və əgər cizgi filmində hansısa neqativ çalarlar varsa, onları pozitivlərlə əvəz etsinlər. 

605
Teqlər:
antireytinq, uşaqlar, siçan, cizgi filmi, Maşa, Tom və Cerri, Bədheybət Hay, Süngər Bob kvadrat şalvar, Maşa və Ayı, pişik Tom

"Lotu Quli"nin məzarı üstündə atışma olub, 1 nəfər ölüb

9
Silahlı insident nəticəsində bir azərbaycanlı başından güllələnib. O, aldığı güllə yarasından hadisə yerində ölüb.

BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.

APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.

Onu vuran digər azərbaycanlı Kənan adlı şəxs isə xəstəxanaya çatdırılıb.

Məlumata görə, hadisə borc üstündə baş verib.

Hadisədə şübhəli bilinən 3 nəfər saxlanılıb.

9
 Передача денег из рук в руки, фото из архива

Hökumətdən 190 manatlıq birdəfəlik ödəmə ilə bağlı açıqlama

9
(Yenilənib 18:40 19.01.2021)
Ötən il dekabrın 30-da ƏƏSMN tərəfindən ölkədə karantin rejiminin sərtləşdirilməsi ilə bağlı işsiz və karantin rejimində gəlirini itirən qeyri-formal işləyən aztəminatlılara cari ilin yaşayış minimumu həcmində birdəfəlik ödəmə vəsaitlərinin köçürülməsi başa çatdırılıb

BAKI, 19 yanvar - Sputnik. Nazirlər Kabineti işsiz və xüsusi karantin rejimində gəlirini itirən qeyri-formal işləyən şəxslərə birdəfəlik ödəmə (190 manat) vəsaitlərinin yanvar ayı üçün verilib-verilməyəcəyi ilə bağlı məsələyə aydınlıq gətirib.

Hökumətdən “Report”a bildirilib ki, 2020-ci il 14 dekabr saat 00:00-dan 2021-ci il 18 yanvar saat 00:00-dək bütün ölkə üzrə sərtləşdirilmiş xüsusi karantin rejimi tətbiq edilmışdi.

“Bu müddət bir ayı əhatə edib. Bununla əlaqədar olaraq da ötən il dekabrın 30-da Əmək və Əhalinin Sosial Müdafiəsi Nazirliyi tərəfindən ölkəmizdə xüsusi karantin rejiminin sərtləşdirilməsi ilə əlaqədar işsiz və xüsusi karantin rejimində gəlirini itirən qeyri-formal işləyən aztəminatlılara cari ilin yaşayış minimumu həcmində birdəfəlik ödəmə (190 manat) vəsaitlərinin köçürülməsi başa çatdırılıb”, - Nazirlər Kabinetdən vurğulanıb.

9

Kəlbəcər rayonunun Çopurlu kəndindən videogörüntülər

0
Üçtərəfli bəyanatın şərtlərinə əsasən Kəlbəcər rayonu 2020-ci il noyabrın 25-də Azərbaycana qaytarılıb.

Müdafiə Nazirliyi Kəlbəcər rayonunun Çopurlu kəndindən videogörüntülər paylaşıb. Sputnik Azərbaycan həmin görüntüləri təqdim edir.

0