Gənc qadın, arxiv şəkli

Qadın kişilər həyat yoldaşlarına niyə xəyanət edirlər

8041
(Yenilənib 10:10 31.10.2016)
Britaniya sosioloqlarının apardıqları tədqiqatlar cinslərarası xəyanətin səbəblərini üzə çıxarıb

BAKI, 28 okt-Sputnik. Qadınlar, yaxud da kişilər niyə həyat yoldaşlarını başqaları ilə dəyişir, yaxud onlara xəyanət edirlər? Bu sual əsrlərdir verilir və hələ də konkret cavabı yoxdur. Amma bu suala cavab axtaran britaniyalı sosioloqlar maraqlı nəticələr əldə ediblər.

Sputnik xarici mətbuata istinadla xəbər verir ki, bu yaxınlarda Britaniya saytlarından birinin keçirdiyi sorğu sözügedən məsələ ilə bağlı əsas məqamları üzə çıxarmağa yardım edib.

Sən demə, valideyn tərbiyəsi insanın gələcək həyat yoldaşı ilə münasibətdə sədaqətli olub-olmamağı təyin edir.

Britaniya saytı 1000 nəfər (50/50 qadın və kişi) arasında sorğu keçirib. Respondentlərə bu sual verilib: onları həyat yoldaşlarını başqası ilə dəyişməyə nə vadar edir?

Sorğunun nəticəsində məlum olub ki, qadınların 71%-i öz tərəfdaşlarını ona görə başqaları ilə dəyişirlər ki, onların anaları da öz ərlərini aldadıblar.

Müqayisə üçün bildirək ki, kişilərin yalnız 45% —i öz həyat yoldaşlarını dəyişməyi və həyat yoldaşına sadiq olmamağı öz atalarından öyrəndiklərini deyiblər.

Sorğuda iştirak edən qadınların 66% —i ərini sevdiyi başqa birisi ilə əvəz etməyə hazır olduğunu bildirib. Onlar analarının da bu yola əl atdıqlarını qeyd ediblər.

İndiyə qədər deyilənlərin və bilinənlərin əksinə olaraq, kişilərin çoxu özlərinin "gəzəyən", yaxud "xəyanət edən" reputasiyası ilə öyünmədiklərini bildiriblər. 

Bununla belə, kişilərin 83%, qadınların isə 89%-i etiraf edib ki, həyat yoldaşını başqası ilə dəyişməyi qəbul edə bilmirlər və bunu əxlaqsızlıq hesab edirlər.

Sosioloqlar yekunda bu qənaətə gəliblər ki, xəyanət heç də təkcə valideyn tərbiyəsi, yaxud da əxlaqi məsələlərlə əlaqədar deyil. Sorğuda iştirak edənlərin az hissəsi etiraf edib ki, onların xəyanəti fiziki tələbat və mənəvi ehtiyacdan doğur. Sosioloqlar cəmiyyətlərdəki əxlaq sisteminin cinslərarası münasibətlər üzərində ciddi təsirə malik olduğu tezisini müdafiə etsələr də, tibb sahəsinin mütəxəssisləri ilə də razılaşırlar. Tibb sahəsinin mütəxəssisləri cinsi münasibətlərin və cazibənin fiziki tələbatla əlaqədar olduğunu qeyd edirlər.

Britaniyalı psixoloqlar isə o fikirdədirlər ki, insanların xəyanəti daha çox mənəvi-psixoloji amillərlə bağlıdır. Onlar sevgi münasibətlərini və cinsi istəkləri əxlaqla bağlamağın qəti əleyhinədirlər. Hesab edirlər ki, dünyada milyonlarla insan tərbiyə və əxlaq sisteminin daşlaşmış stereotipləri nəticəsində psixoloji travma alır, həyatdan nakam gedirlər.

8041
Teqlər:
xəyanət, əxlaq, sorğu, Britaniya
Redaktorun iş masası, arxiv şəkli

İslahatlar dalğası mediamıza çatdı: bizi gözləyir?

12
(Yenilənib 09:44 16.01.2021)
"Cidanı çuvalda gizlətmək" mümkün olmadığı kimi, mediamızın inkişafından məsul olan, bir zamanlar Vüqar Səfərli kimi laqeyd, jurnalistikadan xəbərsiz bir məmurun rəhbərlik etdiyi AR Prezidenti yanında KİVDF-nin qanunsuz əməlləri də gizli qalmadı.

Nəhayət ki, media sahəsindəki boşluqlar dövlətin diqqətini çəkdi.

Şəxsən mən dəfələrlə bu mövzuda yazsam da, səsimi lazımı şəxslərə eşitdirə bilmirdim.

Çünki, səsimizi eşitməli və eşitdirməli olan kəslər, səsimizi batırmaq üçün çabalayırdılar.

Bəli, mediamızın “başbilənləri” problemdən, haqsızlıqdan, qanun pozuntularından danışan şəxsləri ciddiyə almırdı, imkan olduqca səsimizi batırırdılar.

Onlar ancaq öz ətraflarındakı şəxsləri dinləyir, onlara “ləbbeyk” deyənlərin yolunu açırdılar.

Mediamızın vəziyyəti barədə uzun-uzadı yazmağa ehtiyac görmürəm, aidiyyatı olan hər kəs, hər şeyi bilir.

İllərdir baş alıb gedən ədalətsizliklər, mənimsəmələr, korrupsiya və israf nəhayət ki, dövlətin diqqətini çəkdi.

“Cidanı çuvalda gizlətmək” mümkün olmadığı kimi, mediamızın inkişafından məsul olan, bir zamanlar Vüqar Səfərli kimi laqeyid, jurnalistikadan xəbərsiz bir məmurun rəhbərlik etdiyi Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun qanunsuz əməlləri də gizli qalmadı. İslahatlar dalğası mediamıza da gəlib çatdı.

***

Ölkə prezidenti “Azərbaycan Respublikasında media sahəsində islahatların dərinləşdirilməsi haqqında” fərman imzalayıb. Fərmana əsasən, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu ləğv edilib və onun bazası əsasında “Azərbaycan Respublikasının Medianın İnkişafı Agentliyi” publik hüquqi şəxs yaradılıb.

Mediamıza, jurnalistlərimizə, zəhmətkeşlərimizə xeyirli, uğurlu olsun.

Baş verəcək hadisələri qabaqlamaq istəməzdim, ancaq dünən efirlərin birində illərdir media sahəsində hər cür qanun pozuntusu, korrupsiya ilə məşğul olmuş “başbilənlərdən” birinin ölkə prezideninin yeni fərmanını şərh etdiyini görəndə dalağım sancdı.

Nədənsə mənə elə gəlir ki, rüşvətə, korrupsiyaya, KİVDF-nin maxinasiyalarına bulaşmış insanlar bu sahədən uzaqlaşmadıqca, mediamız rahat nəfəs ala bilməyəcək.

İllərdir mətbuatın nəfəsini kəsən bu adamların indi islahatları dəstəkləməsi, yeni yaranan quruma təsir imkanları, ağız dolusu ədalətdən danışması məni çox narahat edir.

***

Düşünürəm ki, “Kütləvi İnformasiya Vasitələri haqqında” qanuna ediləcək dəyişikliklər ictimaiyyətin geniş müzakirəsinə çıxarılmalıdır.

Bu günə qədər edilən dəyişikliklər qənaətbəxş olmadığı üçün, bundan sonrakı proseslərdə ictimai fikir nəzərə alınmalıdır.

İndi diqqət daha çox KİV-nin qeydiyyatı məsələsinə çəkilir, jurnalistikaya aidiyyatı olmayan şəxslərin bu sahədə olmasından narahatlıq bildirir. Halbuki, mətbuatımızın yüzlərlə həll olunması vacib, aktual problemləri var.

Sosial şəbəkələrin, vətəndaş jurnalistikasının, blogerliyin geniş yayıldığı cəmiyyətdə, medianın inkişaf perispektivləri müasir texnologiyalardan kənarda müzakirə olunmamalıdır.

Qanunvericilikdə ediləcək dəyişikliklər medianın reklam bazarının formalaşmasına geniş dəstəyi də nəzərdə tutulmalı, mətbuata mümkün azadlıqlar verilməlidir.

Heç bir funksionallığı olmayan qəzetlərə dövlətin maddi dəstəyi dayandırılmalıdır.

Azad fikrə, azad sözə şərait yaradılmalı, ölkədə ciddi, dövlətçilik maraqlarını düşünən müxalif mətbuatın formalaşmasına imkan verilməlidir.

Şəxsən mən media sahəsindəki islahatların müsbət nəticələrini tezliklə görmək istəyirəm.

12
Kitabxana

Mədəniyyət işçiləri üçün böyük töhfə

4
(Yenilənib 00:38 16.01.2021)
Piter Stiven Pol Bruk "Karamazov qardaşları", "Dəfn olunmamış ölülər", "Qış nağılı", "Böyük inkvizitor", "Dilənçilər operası", "Yeddi gün, yeddi gecə" kimi məşhur teatr tamaşalarının, bədii və sənədli filmlərin müəllifidir.

BAKI, 16 yanvar — Sputnik. Dövlət Tərcümə Mərkəzi teatrşünaslıq, rejissor və aktyor sənətinin tədrisinə töhfə olaraq İngiltərənin görkəmli teatr və kino rejissoru, nəzəriyyəçisi Piter Stiven Brukun Azərbaycan dilinə tərcümə edilmiş məqalə və müsahibələrinin toplandığı "Boş məkan" kitabını nəşr edib.

Sputnik Azərbaycan xəbər verir ki, "Cansız teatr", "Müqəddəs teatr", "Kobud teatr", "Teatr", "Y.Kaqarlitski" başlıqlı fəsillər üzrə toplanmış əsərlər teatr mühitinin pərdəarxası, aktyorluq və rejissorluq sənətinin görünən və gizli tərəfləri, sənət aləmində baş verən proseslərin izahını dərin təhlil və araşdırmalarla verir.

Əsərlərin tərcümə müəllifi İlqar Əlfioğlu, redaktoru Rəbiqə Nazimqızıdır. Kitab Dövlət Tərcümə Mərkəzinin mətbəəsində çap edilib.

Qeyd edək ki, Piter Stiven Pol Bruk "Karamazov qardaşları", "Dəfn olunmamış ölülər", "Qış nağılı", "Böyük inkvizitor", "Dilənçilər operası", "Yeddi gün, yeddi gecə" kimi məşhur teatr tamaşalarının, bədii və sənədli filmlərin müəllifidir. O, həmçinin 1968-ci ildə Parisdə yaradılmış Beynəlxalq Teatr Araşdırmaları Mərkəzinin təsisçisidir. "Britaniya imperiyası", "Şərəf legionu" ordenlərinə layiq görülüb. "Avropa teatr mükafatı", "Kioto" və "Beynəlxalq İbsen mükafatı" kimi ödüllərlə də təltif edilib. Onun əsərləri Azərbaycanda ilk dəfə nəşr olunur.

4
Skamyada yatan adam, arxiv şəkli

Kiminin əvvəli, kiminin axırı - Məşhur model küçələrdə yaşayır

0
(Yenilənib 10:26 16.01.2021)
Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır

BAKI, 16 yanvar — Sputnik. Bir vaxtların məşhur modeli Loni Uillison hazırda küçədə yaşayır.

Sputnik Azərbaycan xarici mediaya istinadən xəbər verir ki, Kaliforniya ştatında yaşayan model ötən gün zibil qutularını qarışdırarkən jurnalistlərin obyektivlərinə tuş gəlib.

​Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır.

 

0