Xalidə Babayeva

Bakıda bütün stereotipləri qıran qadın: siz onu tanıyırsınız

518
(Yenilənib 14:13 26.10.2016)
O, şəhəri kişi kolleqalarından yaxşı tanıyır. Kişi müştərilər isə sükan arxasındakı qadına hörmətlə yanaşırlar.

BAKI, 26 okt — Sputnik. Xalidə Babayeva iqtisadi böhranın bütün "gözəllikləri" ilə üz-üzə qalmış tənha anadır. Özünün də etiraf etdiyi kimi, o, hər ay xəcalət çəkmədən yaşamaq və çörək pulu qazanmaq üçün həyəcan keçirir.

Babayevanın Sputnik-ə dediyinə görə, o, 35 yaşlı Bakı sakinidir. Rabitə və Nəqliyyat Kollecini qırmızı diplomla bitirdiyi andan o, bir neçə peşə dəyişməli olub. On il bundan əvvəl baş vermiş boşanmadan sonra, o, həmin vaxt kiçik olan oğlunu təkbaşına böyütməyə başlayıb.

Əvvəlcə orta məktəbdə pedaqoq işləyib və informatika fənnini tədris edib. Vaxt keçdikcə, ondan aşağı siniflərdəki akademik dərs saatlarını alıblar. Nəticədə onun müəllim kimi maaşı aşağı düşüb və o, ixtisar edilib.

  • Xalidə Babayeva
    Xalidə Babayeva
    © Sputnik / Murad Orujov
  • On il bundan əvvəl baş vermiş boşanmadan sonra, o, həmin vaxt kiçik olan oğlunu təkbaşına böyütməyə başlayıb
    On il bundan əvvəl baş vermiş boşanmadan sonra, o, həmin vaxt kiçik olan oğlunu təkbaşına böyütməyə başlayıb
    © Sputnik / Murad Orujov
  • Düşündüm ki, nə edim. Mənim oğlum pullu fakültəyə qəbul olunub. Bir şəkildə bu vəziyyətdən çıxmaq lazımdır
    Düşündüm ki, nə edim. Mənim oğlum pullu fakültəyə qəbul olunub. Bir şəkildə bu vəziyyətdən çıxmaq lazımdır
    © Sputnik / Murad Orujov
  • Nəticədə gənc qadın taksi sürücüsü olmaq qərarına gəlib
    Nəticədə gənc qadın taksi sürücüsü olmaq qərarına gəlib
    © Sputnik / Murad Orujov
  • Babayeva sosial şəbəkədə qadınlar və uşaqlarla işləmək istədiyi barədə elan yerləşdirib
    Babayeva sosial şəbəkədə qadınlar və uşaqlarla işləmək istədiyi barədə elan yerləşdirib
    © Sputnik / Murad Orujov
1 / 5
© Sputnik / Murad Orujov
Xalidə Babayeva

Xalidə yeni iş yeri axtarmağa başlayıb. Belə alınıb ki, o, bankda kassir kimi işləməli olub. Sonra Babayeva bir neçə bank dəyişib və arada mühasibatlıq ixtisasına yiyələnməyə də vaxt tapıb. Lakin iki il əvvəl qadın ixtisara düşüb. Elə həmin vaxtdan pulsuz qalıb. Bununla yanaşı onun hər ay ödəməli olduğu borcu da var imiş.

Amma Xalidə ümidsizliyə qapılmayıb: "Düşündüm ki, nə edim. Mənim oğlum pullu fakültəyə qəbul olunub. Bir şəkildə bu vəziyyətdən çıxmaq lazımdır. Başa düşürəm ki, əgər öz ixtisasım üzrə iş olmasa, mən heç yerdə işləyə bilməyəcəm. İndi isə böhrandır, hər yerdə ixtisarlar gedir, iş yerləri yoxdur. Mən isə işləməməyi özümə sığışdırmıram".

Nəticədə gənc qadın taksi sürücüsü olmaq qərarına gəlib, baxmayaraq ki, onun kifayət qədər cəlbedici görünüşü, bizim şəhərdə görməyə alışdığımız taksi sürücüləri stereotipinə uyğun deyil. Babayeva sosial şəbəkədə qadınlar və uşaqlarla işləmək istədiyi barədə elan yerləşdirib. İnternet istifadəçiləri ona daha gəlirli və sərfəli olan Uber proqramı ilə işləməyi məsləhət görüblər. Nəticədə o, bu işi sınaqdan keçirmək qərarında gəlib və özunun dediyinə görə nəticədən razı qalıb.

İndi iş qrafikini özü seçir. Onun qrafiki səhər saat 7-dən başlayır və axşam 8-ə qədər davam edir. Amma əslində heç də hər şey ilk baxışdan göründüyü kimi rəvan deyil. O, hər ay Bakı Nəqliyyat Agentliyini ziyarət edərək lisenziya almalıdır.

"İndi nəqliyyat agentliyindən lisenziya almaq asandır. Əvvəllər bu, mənə ayıb iş kimi görünürdü. Orada çoxlu kişilər olurdu. Taksiçilər bir başqa aləmdirlər. Bir qədər başqa cürdürlər. Onlar qadın görəndə. Nəqliyyat Agentliyinin işçilərinə minnətdaram ki, məni tez yola salırlar. Əlbəttə, kütlə bundan razı qalmır və mən hər ay bu halla qarşılaşmalı oluram", — deyə qadın izah edir.

Bununla belə, valideynləri indiyə qədər qızlarının taksi sürücüsü olduğunu bilmirlər. Ola bilsin, onlar bilsələr, bunun əleyhinə olarlar: "Atam elə bilir ki, mən hansısa firmada işləyirəm. Mən ona demirəm, çünki bilirəm ki, özəl taksidə işlədiyimi ona heç cür izah edə bilməyəcəm. Burada pis heç nə yoxdur. Kişilər də, qadın gözəllik salonlarında işləyirlər də, elə deyil? Amma Azərbaycan cəmiyyətində qadınların kişi işi ilə məşğul olmasına adekvat münasibət bəsləmirlər".

Lakin Babayevanın yaxınları ona etibar edirlər. Hətta "boyfrend"i onun seçimi ilə razılaşıb. O, həmişə Xalidənin yanındadır və özü də taksi sürücüsü işləyir. Yeri gəlmişkən, Babayevanın oğlu da anasının yeni peşəsinin əleyhinə deyil. Gecə vaxtı sifariş gələndə, oğlu da anasını müşayiət edir ki, xoşagəlməz insident olmasın.

Amma Babayeva deyir ki, o, imkan daxilində axşam saat 8-dən sonra olan sifarişləri qəbul etməməyə çalışır. Çünki gecənin bu saatlarında sərxoş müştərilər az olmur. Onlardan bəziləri isə hətta içkili ikən tanış olmağı təklif edirlər. Ona görə də, taksi sürücüsü WhatsApp nömrəsini dəyişməli olub. Amma gündüzlər belə insidentlər olmur. Bir çox kişi müştərilər isə hətta onun işinə hörmətlə yanaşırlar.

Babayevanın sözlərinə görə, onun müştəriləri azdır. Adi günlərdə onun 10-a qədər sifarişi olur. Onun maksimal rekordu sutkada 11 saat və 13 reys olub.

Xalidənin müştəriləri arasında turistlər də az olmur. Bu yay o, Rusiya şəhərlərindən olan qonaqlara xidmət edib. Onlar daha çox milli mətbəx olan yerlərə aparmağı xahiş ediblər, Avropa ümumi yeməkləri olan yerləri deyil.

Yeri gəlmişkən, taksi sürücüsü əmindir ki, şəhərdəki bütün yaxşı yerləri tanıyır. Əgər müştəri onu kluba aparmağı xahiş edirsə, o, problemsiz yaxşı vaxt keçirməyin mümkün olduğu yerləri tapır.

Bununla belə, Babayeva yeganə qadın taksi sürücüsü deyil. Bakı Nəqliyyat Agentliyində ona deyiblər ki, lisenziya üçün daha bir neçə qadın da müraciət edir. Onlardan biri hətta hicablıdır.

Bizim qəhrəmanımız isə özü ilə bağlı uzağagedən planlar qurmur və hələlik iş yerini dəyişmək niyyətində deyil. Çünki hələlik onun daha əvvəl bəhs etdiyi bankların hamısı böhranla əlaqədar olaraq bağlanıb.

518
Teqlər:
müştəri, Xalidə Babayeva, gözəllik, taksi, Bakı, sürücü
Əlaqədar
Qadınları erkən ölümə sürükləyən səbəb tapıldı
Mənzildən qadın cəsədi aşkarlandı
"Bədəninə tatu vurdurmaq istəyən qadınların sayı kişiləri keçib"
Bakıda dini sekta üzvü olan qadından tükürpədici əməl
O, Azərbaycanda bu sənətlə məşğul olan yeganə qadındır
Həyatı faciəyə çevrilmiş qadın: "Məni bura Gülər Əhmədova gətirdi"
Həyatını uduzan qadın...
Bu xəbəri 40 yaşına çatmış qadınlar oxusunlar!
Peyvənd, arxiv şəkli

Azərbaycanda hansı peyvənd sınaqdan keçirilir? Açıqlama

8
(Yenilənib 18:47 28.11.2020)
"Ümumdünya Səhiyyə Təşkilatı tərəfindən təsdiqlənmiş və tələblərə cavab verən peyvənd istehsal olunduğu təqdirdə Azərbaycan da təsdiqlənmiş peyvəndlə təmin olunacaq".

Zülfiyyə Quluyeva, Sputnik Azərbaycan

BAKI, 28 noyabr — Sputnik. Son günlər sosial şəbəkələrdə Azərbaycanda koronavirusa görə peyvəndin sınaqdan keçirildiyinə dair məlumat yayılıb. Məlumatlara görə, Azərbaycanda da dünyanın bir sıra ölkələrində uğurlu sayılan peyvəndlər sınaqdan keçirilir.

Sputnik Azərbaycan məsələyə aydınlıq gətirməyə çalışıb. Tibbi Ərazi Bölmələrinin İdarəetmə Birliyinin (TƏBİB) ictimaiyyətlə əlaqələr və PR-marketinq şöbəsinin məsləhətçisi Elnarə Baxış Sputnik Azərbaycan-a açıqlamasında Azərbaycanın hələlik koronavirusa qarşı heç bir ölkədən peyvənd almadığını deyib.

O bildirib ki, Ümümdünya Səhiyyə Təşkilatı tərəfindən təsdiqlənmiş və tələblərə cavab verən peyvənd istehsal olunduğu təqdirdə Azərbaycan da təsdiqlənmiş peyvəndlə təmin olunacaq.  Qeyd edək ki, sentyabrın 18-də İcbari Tibbi Sığorta üzrə Dövlət Agentliyi və GAVI (Global Alliance for Vaccines) təşkilatı arasında saziş imzalanıb.

Bu günədək koronavirusa qarşı Rusiya istehsalı olan “Sputnik V” peyvəndinin Belarusda aparılan klinik sınaqları 95% effektiv olub. Rusiyanın Minskdəki səfiri Dmitri Mezentsev “Rossiya 24” kanalına müsahibəsində deyib ki, sınaqlar 100 Belarus vətəndaşı arasında aparılıb:

“Rusiya istehsalı olan vaksininin yüksək effektivliyi özünü göstərib - təxminən 95%. Bu, çox əhəmiyyətli nəticədir”.

Onu da qeyd edək ki, Rusiyada orduda da koronavirusa qarşı peyvəndləməyə başlanılıb.

8
Kitablar, arxiv şəkli

Əsgərlərimiz arasında ən çox sevilən kitab bəlli oldu

15
(Yenilənib 18:43 28.11.2020)
Yaralı əsgərlərin istəyini nəzərə alaraq, onları maraqlandıran kitabları toplayıb hospitallara göndəriblər.

Nigar İsgəndərova, Sputnik Azərbaycan

BAKI, 28 noyabr — Sputnik. Hazırda hospitallarda müalicə alan qazilərimizin vaxtlarını daha maraqlı keçirilməsi üçün yeni aksiyaya start verilib.

Aksiyanın rəhbəri Qəmər Babayevanın Sputnik Azərbaycan-a verdiyi məlumata görə, bu aksiyaya başlamasının səbəbi sosial şəbəkədə gördüyü paylaşım olub.

"Paylaşım yaralı əsgərimizin Den Braunun "Da Vinçi şifrəsi" kitabını istəməsi haqda idi. Kitabı alaraq əsgərə göndərdik. Ondan sonra düşündüm ki, yəqin digər yaralı əsgərlər də hər hansı kitabı əldə edib oxumaq istəyərlər. Əsgərimizin yatdığı həmin hospitalda bir tanış tapdım və beləcə, bu aksiyaya start verdik. Palatada yaralı əsgərlərin sayı çox idi. Biz onların istəklərini öyrəndik. Onlar da kitab hədiyyə olunmasını istədiklərini dedilər", - Babayeva bildirib. 

Azərbaycan Əmək və Sosial Münasibətlər Akademiyasının "Mühasibat uçotu və audit" ixtisasını bitirən və "Xaricdə çörək" layihəsinin rəhbəri olan Qəmər Babayevanın sözlərinə görə, qazilərimizin əksəriyyəti dedektiv janrda olan kitablara maraq göstərirlər.

"Əsgərlərimiz arasında Den Braunun "Da Vinçi şifrəsi" kitabına maraq daha çoxdur. Biz onlara xarici dedektivlərin kitabları ilə yanaşı, müxtəlif stolüstü oyun vasitələri də aparaq. Düşünürəm ki, bu aksiya onlara mənəvi dəstək və motivasiya vermiş oldu", - deyə Babayeva bildirib.  

Onun sözlərinə görə, bu aksiyaya dəstək verənlər arasında Azərbaycanda yaşayanlarla yanaşı, xaricdə yaşayan soydaşlarımız da dəstək verib. Onlar hesaba pul yatırmaqla öz dəstəklərini nümayiş etdiriblər.

15
Xudavəng monastırı, arxiv şəkli

Müdafiə Nazirliyi Vəng kəndindən möhtəşəm videogörüntülər paylaşıb

39
(Yenilənib 20:26 28.11.2020)
Noyabrın 28-də Müdafiə Nazirliyi Kəlbəcər rayonunun Vəng kəndindən videogörüntülər hazırlayaraq ictimaiyyətə təqdim edib.

BAKI, 28 noyabr - Sputnik. Müdafiə Nazirliyi noyabrın 28-də Kəlbəcər rayonunun Vəng kəndindən videogörüntülər hazırlayaraq ictimaiyyətə təqdim edib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Sənədin digər müddəalarına əsasən, 2020-ci il dekabrın 1-də Laçın rayonu Azərbaycana qaytarmalıdır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

39