Qubanın Qonaqkənd qəsəbəsi

Bütov kənd əhalisinin həyatı təhlükə altındadır

278
(Yenilənib 13:22 24.10.2016)
Quba sakinləri "həyacan təbili" çalırlar, səslərini isə eşidən yoxdur

BAKI, 24 okt — Sputnik. Qubanın ən qədim kəndlərindən hesab olunan Qonaqkənd Vəlvələ çayının vadisində yerləşir. Bu səbəbdən yaşayış məntəqəsinin arxasındakı dağlardan axıb gələn sel suları da qəsəbə üçün həmişə təhlükə yaradır.

Lakin son günlər bu təhlükə daha da artıb. Vəziyyət o qədər kritikləşib ki, hətta bu yaxınlarda Bakı-Quba-Rusiya yolunun Vəlvələ kəndinin yaxınlığından keçən, Vəlvələ çayının üzərindəki Vəlvələ körpüsünün beton dirəklərinini belə, sel yuyub. Qonaqkənd sakini Niyatulla Məhərrəm oğlu Orucovun Sputnik-ə verdiyi məlumata görə, son günlər yağan güclü yağış və əriyən qar nəticəsində çayın səviyyəsi xeyli qalxıb, evlərin hasarlarına çatıb və hətta həyətyanı sahələrə dolub.

Ən acınacaqlısı isə, selin qəsəbədə yaşayan 1500-dən çox insanın təsərrüfatına vurduğu ziyan yox, birbaşa onların həyatına təhlükə yaratmasıdır. Kənd sakinləri bildirirlər ki, onlar dəfələrlə məsələ ilə bağlı aidiyyatı dövlət qurumlarına müraciət etsələr də, ciddi heç bir tədbir görülmür. Halbuki real vəziyyət ərazinin relyefinin mürəkkəb olmasına baxmayaraq, təxirəsalınmaz tədbirlərin görülməsini tələb edir.

  • Qubanın Qonaqkənd qəsəbəsi
    Qubanın Qonaqkənd qəsəbəsi
    © Sputnik / Niyatulla Orujov
  • Qubanın Qonaqkənd qəsəbəsi
    Qubanın Qonaqkənd qəsəbəsi
    © Sputnik / Niyatulla Orujov
  • Qubanın Qonaqkənd qəsəbəsi
    Qubanın Qonaqkənd qəsəbəsi
    © Sputnik / Niyatulla Orujov
  • Qubanın Qonaqkənd qəsəbəsi
    Qubanın Qonaqkənd qəsəbəsi
    © Sputnik / Niyatulla Orujov
  • Qubanın Qonaqkənd qəsəbəsi
    Qubanın Qonaqkənd qəsəbəsi
    © Sputnik / Niyatulla Orujov
  • Qubanın Qonaqkənd qəsəbəsi
    Qubanın Qonaqkənd qəsəbəsi
    © Sputnik / Niyatulla Orujov
1 / 6
© Sputnik / Niyatulla Orujov
Qubanın Qonaqkənd qəsəbəsi

Niyatulla Orucov bildirir ki, sürüşmə nəticəsində keçmiş Atuş kəndinin ərazisində Vəlvələ çayının qabağı "boğulub" və çayın məcrası genişlənib, suyun da səviyyəsi qalxıb. Onun sözlərinə görə, son zamanlar qəsəbə sakinlərinin çoxu, selin qəsəbəni basması təhlükəsindən dolayı səksəkə içindədir.

"Hər an faicə baş verə bilər, camaat su içində qala bilər. Sentyabr ayının 2-si, 24-ü, 17-si, oktyabr ayının isə 13-ü, 15-i, 17-si çayın səviyyəsi artıq evlərə çatmışdı. Elə ilk təhlükə zamanı — sentyabr ayında mən Fövqəladə Hallar Nazirliyinə sel təhlükəsi ilə bağlı teleqram vurdum. Onlar da teleqramı nazirliyin nəzdində olan Tikintidə Təhlükəsizliyə Nəzarət Dövlət Agentliyinə yönəldib və bir müddətdən sonra mənə qəliz və qeyri-konkret bir cavab məktubu gəldi. Hansı ki, bu cavabdan normal heç nə başa düşmək olmur", — sakin bildirib.

Dediyinə görə, cavabdan ümumən belə başa düşmək olur ki, FHN hansısa tədbir görməyə tələsmir, daha doğrusu istəmir: "Elə bil biz A-dan danışırıq, onlar bizə B-dən nağıl danışırlar. Halbuki, təhlükə vəziyyətində yaşayırıq və dedyim kimi hər an faciə baş verə bilər. Bu cür laqeyd cavaba görə biz təzədən Fövqəladə Hallar Nazirliyinə məktub yazdıq. Ancaq reallıq odur ki, qəsəbə sakinlərinin bu halı, görünür onların veclərinə deyil".

"Yerli bələdiyyəyə də, Quba Rayon İcra Hakimiyyətinə də vəziyyətlə bağlı dəfələrlə məlumat verilib. Ancaq yerli orqanlar hər dəfə "məsələdən məlumatlıyıq" cavabını verir. Gəlib baxıblar da. Amma deyirlər, onların yetərincə texnikası yoxdur və bu məsələ dövlət səviyyəsində həll olunmalıdır", — N. Orucov vurğulayıb.

O, camaatın konret istəyini də çatdırıb: "Bizim istəyimiz odur ki, ya çayın qabağına qoruyucu bənd çəksinlər. Ki, biz revimizdə rahat yaşaya bilək. Ya da bizi buradan köçürsünlər. Çünki bu vəziyyətdə, özü də payız-qış aylarında hər gün, hər saat həyacan içində yaşayırıq. Əgər bizim imkanımız olsaydı, özümüz nəsə bir tədbir görərdik, amma bizim belə imkanımız yoxdur. Allahın ümidinə qalmışıq".

Ümid edirik ki, bu yazıdan sonra müvafiq qurumlar, ən azından problemə laqeyd yanaşmayacaq, vəziyyət araşdırılacaq və müvafiq tədbirlər görüləcək. Əks halda, yaşanacaqları təsəvvür etmək lazımdır.

278
Teqlər:
Vəlvələ çayı, Qonaqkənd, Quba, əhali, Fövqəladə Hallar Nazirliyi, sel, təhlükə
Əlaqədar
Azərbaycanda dağıdıcı sel təhlükəsi gözlənilir
Təhlükəli virus şərqə tərəf yayılmağa başlayıb
Həyatımız təhlükə altındadır
Təhlükəli hava şəraiti davam edəcək
Əhaliyə verilən su ilə bağlı təhlükəli xəbərdarlıq

Sofulu kəndi azad edildikdən sonra: Cəbrayıldan yeni videokadrlar

4
1993-cü ilin avqustunda Ermənistan ordusu tərəfindən işğal edilən Sofulunu 2020-ci il oktyabrın 25-də Azərbaycan Silahlı Qüvvələri düşmən tapdağından təmizləyib.

BAKI, 24 iyul - Sputnik. Azərbaycan Müdafiə Nazirliyi Cəbrayıl rayonunun Sofulu kəndindən videogörüntülər paylaşıb.

Sputnik Azərbaycan kadrları təqdim edir.

Sofulu Cəbrayıl rayonunun Dağ Tumas inzibati ərazi vahidində kənddir. Yaşayış obyekti sofulu tayfasının adı ilə bağlıdır. Qarabağ silsiləsinin ətəyində yerləşən kənddə işğala qədər əhali heyvandarlıqla məşğul olurdu.

1993-cü ilin avqustunda Ermənistan ordusu tərəfindən işğal edilən Sofulunu 2020-ci il oktyabrın 25-də Azərbaycan Silahlı Qüvvələri düşmən tapdağından təmizləyib.

Vətən müharibəsi

2020-ci il sentyabrın 27-də Ermənistan silahlı qüvvələrinin cəbhə xəttində törətdikləri genişmiqyaslı təxribata cavab olaraq Azərbaycan Ordusu əks-hücuma keçib.

Oktyabrın 9-da Cəbrayıl, oktyabrın 17-də Füzuli, oktyabrın 20-də Zəngilan, oktyabrın 25-də Qubadlı, noyabrın 8-də isə Şuşa şəhəri erməni işğalçılarından təmizlənib.

Noyabrın 9-da Azərbaycan Prezidenti İlham Əliyev, Rusiya lideri Vladimir Putin və Ermənistanın baş naziri Nikol Paşinyan arasında imzalanmış üçtərəfli bəyanatın şərtlərinə əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonları bir güllə atılmadan işğaldan azad edilib.

4
Teqlər:
Qarabağ, Azərbaycan Müdafiə Nazirliyi, video, kənd, Cəbrayıl
Məhəməd Abdullayev

Azərbaycan idmançılarının Tokio gündəliyi: boksçularımızdan ilk qələbə

16
(Yenilənib 17:52 24.07.2021)
Tayfur Əliyevin ardınca Lorenso Sotomayor da rinqdə sözünü deyə bilməyib. Üzgüçülükdə iki təmsilçimiz sondan dördüncü yeri tutub. Məhəmməd Abdullayev isə 1/8 finala adlayıb.

BAKI, 24 iyul - Sputnik. Boksçu Məhəmməd Abdullayev Azərbaycandan olan dəri əlcək ustaları arasında Tokiodakı Olimpiadada qələbə qazanan yeganə idmançı oldu. Sputnik Azərbaycan-ın məlumatına görə, şənbə günü, iyulun 24-də Bəhreyn təmsilçisi Denis Latipovla görüşündən idmançımız qalib ayrılıb. 

91 kq çəki dərəcəsində 1/16 finaldakı görüş 3:1 hesabı ilə Abdullayevin xeyrinə bitib. 

O, ilk iki raundu udub, sonuncuda uduzsa da, görüşün qalibi olub. 1/4 finalda Abdullayev Özbəkistan təmsilçisi Bahodir Calolovla görüşəcək.

----------

16:13

Azərbaycanın daha bir boksçusu Tokio Yay Olimpiadasını tərk edib.

Sputnik Azərbaycan bildirir ki, titullu idmançı, Riodakı 2016-cı il Olimpiadasının gümüş mükafatçısı Lorenso Sotomayor (69 kq) 1/16 finalda Gürcüstan təmsilçisi Əsgərxan Madiyevə uduzub. 

Görüş üçüncü raundda Sotomayorun zədə alması səbəbindən dayandırılıb (qanaxma). Ancaq Azərbaycan yığmasının kubalı legioneri üçün qələbə ümidi heç yox idi də: ilk iki raundu o uduzmuşdu.

Bu gün daha bir boksçumuz rinqə çıxacaq. 91 kq çəki dərəcəsində çıxış edən Məhəmməd Abdullayev Bəhreyn təmsilçisi Denis Latipovla qarşılaşır. 

1/16 mərhələdə 57 kq çəki dərəcəsində çıxış edən boksçumuz - Tayfur Əliyev də hakimlərin mübahisəli qərarından sonra çıxışını dayandırmışdı. O, Vyetnam təmsilçisi Duaonq Van Nquenə qarşı döyüşürdü. Sonda nokdauna düşməsinə rəğmən beş hakimdən dördü ilk raundda Əliyevi qalib hesab etdi. Ancaq ikinci raundda Tayfurun rəqibindən geri qalmamasına rəğmən bütün hakimlər qələbəni vyetnamlıya verdilər. 

Üçüncü raundda Əliyev azacıq önə çıxsa da, ümumi hesabda Nquen qalib olub (2:3).

Üzgüçülərimiz də uduzdular 

Üzgüçülər Maksim ŞemberevMəryəm Şeyxəlizadəxangah Tokiodakı Olimpiadada uğursuz çıxış ediblər.

400 m məsafədə kompleks üzgüçülükdə çıxış edən Şemberev 4:19.40 dəqiqə nəticə ilə çıxışını yekunlaşdırıb. O, öz yarımqrupunda sonuncu - səkkizinci yer tutub. Ümumi sıralamada isə 29 iştirakçı arasında 26-cı ola bilib. Yarımfinala çıxa bilməyən Şemberev Olimpiadadakı işini yekunlaşdırıb.

Şemberev üçün bu, ikinci Olimpiadadır. 2012-ci ildə Londonda o, Ukrayna bayrağı altında çıxış edirdi.

100 m məsafədə batterflyay üsulu ilə yarışda Məryəm Şeyxəlizadəxangah finişə 1:01,37 dəqiqə nəticə ilə çataraq, üç nəfərdən ibarət yarımqrupda birinci olub. Yekun hesabda isə 33 yarışçı arasında 30-cu olub və o da Tokiodakı çıxışını bitirib.

Azərbaycan Tokio-2020-də

Tokio Yay Olimpiadasında ölkəmizi 44 idmançı təmsil edəcək. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgücülük və triatlonda - çıxış edəcəklər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

Eləcə də oxuyun:

16
Teqlər:
üzgüçülük, boks, Tokio Yay Olimpiya Oyunları

Yük maşını ikiotaqlı evə çevrildi: Təkərlər üzərində mini-otel yaratdılar

0
(Yenilənib 13:30 23.07.2021)
Latviyada köhnə, sovetin vaxtından qalmış "QAZ-63" yük maşınını təkər üzərində mini-otelə çevirərək ona ikinci həyat veriblər. Otelin necə göründüyünü videoda izləyin.

Təbiət qoynunda, ağacların kölgəsində rahat, təkərli otel. Bu, latviyalı Karlis Dandzberqs və Andris Kariçkinsin əl işidir. Avtomobili ikiotaqlı rahat evə çevirən entuziastlar onu Macəra Parkının alma bağına yerləşdiriblər.

Yük maşınına mühərrik quraşdırdılar. Avtomobil quru otaqda saxlanıldığından və çöldə yaxşı qorunub saxlanıldığından avtomobil yaxşı vəziyyətdə idi.

Dizaynerlər maşına  elektrik enerjisi quraşdırdılar, salonu istiliklə təchiz etdilər və ora yaşamaq üçün lazım olan mebelləri yerləşdirdilər.

 

0