Bakıda leysan

Bakı sakinləri üzləşdikləri mənzərə qarşısında dəhşətə gəldilər

1174
(Yenilənib 16:42 18.10.2016)
Son üç gündə yağan aramsız yağış şəhərin əksər hissələrində dözülməz vəziyyət meydana çıxarıb

BAKI, 18 okt — Sputnik. Bir neçə gün yağan aramsız yağış paytaxt küçələrini keçilməz hala salıb. Şəhərdə hərəkət iflic olub. Sputnik-in əməkdaşı, bununla bağlı paytaxt sakinlərinin hansı problemlərlə üzləşdikləri haqda kiçik sorğu keçirib.

Könül Əliyeva — əczaçı: "Yeni Yasamal bərbad vəziyyətdədir. Yollarda hərəkət etmək mümkün deyil. Səhər taksi ilə işə getməli oldum. Bakıya yağan yağış mənə 10 manata başa gəldi".

Günel Cəlilova — jurnalist: "Yağışın Bakıya yaraşmadığı haqqında fikir səslənir. Bu fikir indi də özünü doğrultdu. Bu dəfə Bakıya həddindən artıq yağış yağıb. Və yağan yağış yollarda elə gölməçələr yaradıb ki, heç maşınlar belə, həmin ərazidən keçə bilmir. Əsl gölməçəni mən Bakıxanov qəsəbəsində müşahidə etdim. Bakıxanov Çörək Zavodunun ətrafında elə bir uzun "çay" yaranıb ki, heç avtobuslar o tərəfdən yolunu salmır. Yaşadığım ərazidə də vəziyyət bərbaddır. Suraxanı rayonu Bahar qəsəbəsindəki fərdi həyət evlərinə gediş-gəliş mümkünsüzdür".

Rəhman Rəsulov — radio aparıcısı: "Bu iki gündə ən çox problemlə üzləşdiyim ərazi Ziya Bünyadov prospekti ilə Atatürk prospektinin kəsişməsi idi. O boyda yolda çox kiçik ölçülü drenaj sistemi qurulub. Bu da heç nəyə kömək etmir".

Vüqar Qarayev — marketoloq: "Ziya Bünyadov prospektinə səhər saat 11:00-da daxil oldum və günorta 14:15-də oradakı tıxacdan ancaq çıxa bildim. Qərara almışam, yağış kəsənə və şəhər özünə gələnə kimi piyada hərəkət edim. Şəhərin hər tərəfi iflic olub. Yollar bərbaddır".

Nicat Əlibəyli — sığorta mütəxəssisi: "Binəqədidə, tam olaraq "Zəngəzur" şadlıq sarayının önü, izah olunmaz dərəcədə bərbad haldadır. Hətta, ara küçələrə giriş-çıxış bağlanıb. Bir sözlə, nə maşınla, nə də piyada hərəkət etmək mümkündür".

Sevinc Şabanova — tələbə: "Bakı kəndlərində vəziyyət daha açınacaqlıdır. Yollar bərbaddır. Asfalt örtüyü yoxdur, kanalizasiya sistemindən söhbət belə, gedə bilməz. Yağış yağan kimi yollar, sadəcə keçilməz olur. evdə oturub günəşin çıxmasını gözləməli oluruq".

Azər Sarıyev — Jurnalist: "Həsən bəy Zərdabi küçəsində, 78 v ünvanında avtobusa minmək üçün yolu keçməli idim. Amma yol əvəzinə gölməçəni keçməli oldum. Orada vəziyyət belədir".

Elçin Əfəndi — dedektiv yazıçı: "Dünən səhər qəlyanaltı etmək üçün Nərimanova getdim. Oraya qədər tıxacdan tərpənmək olmurdu. Yollar bərbad haldadır. Yağış bir az da davam etsə, şəhərin yolları iflic hala düşəcək və bütün küçələr bağlanacaq".

1174
Teqlər:
iflic, sakin, Bakı, küçə, şəhər, yağış
Əlaqədar
Paytaxtda hərəkət iflic oldu
Yağan qar paytaxtın infrastrukturunu iflic etdi
Yağış ara verməyəcək
Güclü külək əsəcək, yağış yağacaq
Bazar günü bəzi yerlərdə yağış yağacaq
Heydər Əliyev Sarayı, arxiv şəkli

Heydər Əliyev Sarayı "Tarixi səhnə" adlı yeni layihəyə start verib

3
Layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

 

BAKI, 19 yanvar — Sputnik. Heydər Əliyev Sarayı "Tarixi səhnə" adlı yeni layihəyə start verib.

Sputnik Azərbaycan xəbər verir ki, "Tarixi səhnə" layihəsi 1972-ci ildən tamaşaçıların ixtiyarına verilən, paytaxtımızın memarlıq simasında xüsusi yeri olan, Azərbaycan mədəniyyəti və incəsənətinin uzun illər nümayiş olunduğu, möhtəşəmliyi ilə seçilən, ictimai-siyasi, mədəni kütləvi tədbirlərə ev sahibliyi edən, önəmli hadisələri, tədbirləri səhnəsindən geniş tamaşaçı kütləsinə çatdıran ümummilli liderimizin adını daşıyan Heydər Əliyev Sarayına həsr olunub.

Sarayın direktoru Ramil Qasımovun ideya müəllifi olduğu layihənin hazırlanmasının əsas məqsədi Heydər Əliyev Sarayının Azərbaycanın görkəmli mədəniyyət və incəsənət xadimlərinin həyat və yaradıcılığındakı xüsusi rolunu, müstəsna əhəmiyyətini və maraqlı xatirələrin geniş kütləyə çatdırılmasıdır.

Eyni zamanda, layihə çərçivəsində 50 ilə yaxın ömrünü tarixi səhnəyə - Heydər Əliyev Sarayına həsr edən, peşəkar və fədakar fəaliyyət göstərən əməkdaşların da çəkilişi nəzərdə tutulub.

Qeyd edək ki, 2022-ci ildə Heydər Əliyev Sarayının fəaliyyətə başlamasının 50 illiyi tamam olacaq. Layihə cari il və gələn il ərzində davam etdiriləcək. Bundan əlavə, "Tarixi səhnə" adlı festivalın və "Tarixi səhnə" filminin çəkilməsi nəzərdə tutulub.

3

Bölgələrdə qar, Bakıda sulu qar yağıb - FAKTİKİ HAVA

16
Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

BAKI, 19 yanvar - Sputnik. Ölkə ərazisindəki faktiki hava barədə məlumat açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Şərur, Şahbuz, Daşkəsən, Gədəbəy, Göygöl, Gəncə, Oğuz, Qəbələ, Şəki, Mərəzə, Altıağac, İsmayıllı, Xaçmaz, Quba, Qusar, Xaltan, Qrız, Kişçay (Şəki), Ağstafa, Şamaxı, Xınalıq, Sarıbaş (Qax), Şabran, Şahdağda qar, Bakıda sulu qar yağıb.

Sumqayıt, Maştağa, Binə, Pirallahı, Tərtər, Yevlax, Göyçay, Kürdəmir, Sabirabad, Cəfərxan, Salyan, Qazıməmməd, Biləsuvar, Neftçala, Yardımlı, Lerik, Lənkəran, Astara, Ağsuda yağış müşahidə olunub.

16

İlham Əliyev: "Milli iradəmizin zəfər çaldığı gün - 20 Yanvar"

17
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

17