Abid İsmayılov

Onu görənlər gözlərinə inanmırlar

379
Getdiyi hər yerdə insanların diqqətini çəkən azərbaycanlı: "Məndən canını qurtarmaq üçün başını götürüb qaçdı"

İlham Mustafa, Sputnik Azərbaycan

BAKI, 17 okt — Sputnik. Şəkərli diabet və qan təzyiqindən əziyyət çəkən Mingəçevir sakini, bu xəstəliklərdən xilas olmaq üçün özünəməxsus bir müalicə üsulu seçib. O, heç bir dərman vasitəsindən istifadə etmədən, yalnız idman və pəhrizlə sağlamlığını qorumağa nail olub.

Velosiped idmanı və piyada yerişlə gündən-günə özünəinamı artıran Abid İsmayılov 64 yaşında ölkədaxili ilk velosiped turuna çıxıb. Hazırda isə 67 yaşlı səyahətçinin velosipedlə gəzdiyi ölkələr siyahısında İran, Gürcüstan, Türkiyə və Rusiya əraziləri yer alır. O, növbəti — beşinci veloturunu, viza almaq mümkün olsa, Avropa ölkələrinə təşkil etmək arzusundadır.

A. İsmayılov 1949-cu ildə Ağdaş rayonunun Pirkəkə kəndində anadan olub. Orta məktəbi bitirdikdən sonra N.Tusi adına Pedoqoji İnstitutun riyaziyyat fakultəsinə daxil olan müsahibimiz, təhsilini bitirdikdən sonra təyinatını Mingəçevir şəhərinə alıb. Bundan sonraki taleyinidə elə bu şəhərlə bağlayıb.

Uzun illər Mingəçevirin müxtəlif məktəblərində riyaziyyat fənnini tədris edib. 2003-cü ildə səhhətində olan problemlərlə əlaqədar təqaüdə çıxıb. O vaxtdan müntəzəm olaraq yeriş və velosiped idmanı ilə məşğul olmağa başlayıb. Az müddətdə isə səhhətinə təhlükə törədən xəstəliklərdən xilas olmağı bacarıb.

"İdman mənə tək sağlamlıq deyil, eyni zamanda çoxlu dostlar qazandırdı", — deyir həmsöhbətimiz.

Abid İsmayılov: Çox adam 50-55 yaş verir mənə. 67 yaşım olduğunu eşitdikdə, inanmaq istəmirlər
© Sputnik / İlham Mustafa
Abid İsmayılov: "Çox adam 50-55 yaş verir mənə. 67 yaşım olduğunu eşitdikdə, inanmaq istəmirlər"

O, Sputnik vasitəsilə dostlarına — Gürcüstanın Batum şəhərində yaşayan Rüstəmə, Dağıstanın İzberbaş şəhərində yaşayan Murada, Çeçenistanda Aliviyə, Armavirdə Sultana və Nalçikdə yaşayan Əhmədə salam söyləyərək, ona göstərilən köməyə öz təşəkkürünü də bildirdi.

A. İsmayılov uzunmüddətli səyahətlərinə tam hazır formada başlayır. Gecələr qalmaq üçün çadır, su qızdırmaq üçün primus, turist yeməkləri və başlıca olaraq içməli su götürür. O, velosipedçi üçün suyun avtomobilə yanacaq qədər vacib olduğunu bildirir.

Velotur zamanı ən böyük çətinliyinin isə yağış və itlər olduğunu deyir təcrübəli səyahətçi: "Avtomobil və motosiklçilərə reaksiya verməyən itlər, velosipedçilərə daim hücum edir. O səbəbdən uzaqdan itləri görəndə çox vaxt düşüb piyada gedirəm yanlarından. İtlərin velosipedçiyə hürmədiyi yeganə yeri isə Türkiyənin İğdır şəhərində gördüm. Burda demək olar, hamı velosipedlə hərəkət etdiyindən, itlər də sanki öyrəşib".

Abid müəllim deyir ki, idman ona  tək sağlamlıq deyil, həm də çoxlu dostlar qazandırdı
© Sputnik / İlham Mustafa
Abid müəllim deyir ki, idman ona tək sağlamlıq deyil, həm də çoxlu dostlar qazandırdı

Səfərlər zamanı başına çox maraqlı hadisələrin gəldiyini deyən Abid müəllim, çətin durumlara düşdüyünü də dilə gətirir. Soçi yaxınlığındakı Djubka şəhərində velosipedinin oğurlanması da bu cür hadisələrdəndir. Çətin vəziyyətə düşən yolçu avtobusla Soçi şəhərinə, oradan da gəmi ilə Batuma gəlir. Burda özünə yeni "dəmir at" alaraq yoluna davam edir.

Düşdüyü çətin vəziyyətdən danışarkən, zarafatından da qalmır: "O velosipedim köhnə idi. Ona çox əziyyətlər vermişdim, çox yoxuşlar çıxmışdım. Bəlkə də canını qurtarmaq üçün başını götürüb qaçdı".

Müsahibimiz bu gün də məşqlərini davam etdirir. Səhər saat 6-da yuxudan oyanaraq dostları ilə "Mingəçevir dənizi" kənarına gedir, yoxuşlu dağ yollarında saat 9-dək velosiped sürür. Axşam saat 4-də isə Mingəçevir şəhər stadionuna gələrək iki saat ərzində 11-12 km piyada yeriyir. Səhhətinə isə nəzarət etmək üçün idmandan əlavə ciddi pəhriz saxlayır. Xəmir xörəklərindən, şirniyyatdan uzaq durur, qara çörəkdən istifadə edir.

Səyahətçi, səfərləri zamanı hara gedirsə, insanların onun başına yığışmasından danışır. Bütün sorğu-sualdan sonra soruşulan son şey yaşı barədə olur. Bu suala birbaşa cavab verməyən səyahətçi, insanlaın ona neçə yaş vermələrini soruşur.

"Çox adam 50-55 yaş verir mənə. 67 yaşım olduğunu eşitdikdə, inanmaq istəmirlər", — deyir…

379
Teqlər:
Abid İsmayılov, qan təzyiqi, şəkərli diabet, velosiped, müalicə, Mingəçevir, pəhriz, xəstəlik, idman
Əlaqədar
Bu peşədə qazanc önəmli deyil
Əl barmaqlarının qurban verilməsini tələb edən qeyri-adi sənət
21-ci əsrin Məcnunu Gəncədə yaşayır
On beş manata villa inşa edir
Bu evdə 271 şəhid yaşayır
Qadın sürücü

Polis Salyandan maşın qaçırdan iki qadını yaxalayıb

8
(Yenilənib 23:51 08.03.2021)
Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

BAKI, 8 mart - Sputnik. Salyanda ötən gün qeyri-adi hadisə baş verib. Belə ki, Salyan Rayon Polis Şöbəsinə martın 7-də saat 16.00 radələrində rayon ərazisindən Bakı şəhər sakini S. Nəcəfova məxsus “Opel” markalı avtomobilin qaçırılması barədə məlumat daxil olub.
Daxili İşlər Nazirliyinin (DİN) Mətbuat Xidmətindən Sputnik Azərbaycan-a verilən məlumata görə, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

Onların Bakı şəhər sakinləri M.Bayramova və M.Orduxanova olduğu məlum olub. Maşını qaçıranlar saxlanılarkən sükan arxasında M.Bayramova, sərnişin oturacağında isə M.Orduxanova olub. 

Salyan Rayon Polis Şöbəsi hazırda hadisənin təfərrüatlarını araşdırır. 

8
Qərənfil

Türkiyənin məşhur aktyoru dünyasını dəyişib

20
(Yenilənib 23:48 08.03.2021)
Türkiyənini Səhiyyə naziri Rasim Öztəkinin vəfat etdiyini açıqlayıb: " O, televiziyanın olduğu hər bir evdə ailədən biri idi".

BAKI, 8 mart - Sputnik. Türkiyənin məşhur aktyoru, Azərbaycanda da öz rolları ilə çox sevilən Rasim Öztəkin infarkdan müalicə aldığı xəstəxanada dünyasını dəyişib. 

Sputnik Türkiyə xəbər verir ki, Öztəkin, infakt keçirdikdən sonra Doktor Siyami Ersek Sinə, Ürək və Damar Cərrahiyyəsi Təhsil və Araşdırma Xəstəxanasına aparılıb.

Öztəkinin vəziyyəti ilə bağlı bir qədər əvvəl mətbuata açıqlama verən həkimi, professor Cevdet Uğur "xəstənin həyati təhlükəsi var və vəziyyəti ağır olaraq qalır" demişdi. 

Türkiyənin Səhiyyə naziri Fəxrəddin Qoca isə Öztəkinin vəfat etdiyini bildirib. O, sosial media hesabında "edilən bütün müdaxilələrə baxmayaraq, Rasim Öztəkin həyatdan köçüb", - yazıb. 

"Serial, teatr və kino aktyoru Rasim Öztəkin, keçirdiyi infarktdan sonra Doktor Siyami Ersek Sinə, Ürək və Damar Cərrahiyyəsi Təhsil və Araşdırma Xəstəxanasında edilən bütün müdaxilələrə baxmayaraq, dünyasını dəyişib. O, televiziyanın olduğu hər bir evdə ailədən biri idi. Başımız sağ olsun",  - nazir yazıb. 

Qeyd edək ki, Rasim Öztəkin Azərbaycan izləyicisinə "Səksənlər", "Geniş ailə" teleseriallarından, "Kabadayı", "Mandıra filosofu" və digər filmlərindən tanış idi. 

O, 14 yanvar 1959-cu ildə İstanbulda anadan olmuşdu. 

20
Gürcüstanda etirazlar

Gürcüstanda yeparxiya davası dindarların balkondan yıxılması ilə nəticələnib - VİDEO

0
(Yenilənib 00:20 09.03.2021)
Balkonda davam edən dava zamanı taxta dirəklər sınıb və oradakılar yerə yıxılıb. Xəsarət alanların arasında Gürcüstan telekanallarının jurnalistləri və operatorları da olub.

BAKI, 9 mart - Sputnik. Gürcüstanın Martvili şəhərindəki Çkondid yeparxiyasında baş verən dava zamanı on nəfər eyvandan yıxılıb, onlardan altısı xəsarət alıb.

Sputnik Gürcüstan xəbər verir ki, Gürcüstan Daxili İşlər Nazirliyi hadisəni araşdırmağa başlayıb.

Məlumata görə, yeni hakim mitropolit Stefanın sədrliyi ilə keçirilən qapalı iclasda ruhanilər arasında yaranmış mübahisə dava ilə bitib.

Çkondid və Martvilinin yeni mitropoliti Stefan ata keçmiş mitropolitin tərəfdarı olan iki dyakonun ibadət etməsini qadağan edib.

Bundan sonra yeparxiya xadimləri arasında qarşıdurma yaranıb. Kilsə və pastva xadimləri münasibətlərə aydınlıq gətirmək istəyiblər. Qarşıdurma binanın ikinci mərtəbəsinin eyvanında davam edib. Nəticədə taxta dirəklər sınıb və oradakılar yerə yıxılıb. Xəsarət alanların arasında Gürcüstanın Formula-1, POSTV, TV Pirveli, Rustavi 2 telekanallarının jurnalistləri və operatorları da olub.

Xəsarət alanlar təcili yardım briqaları tərəfindən xəstəxanaya aparılıb. Gürcüstan Patriarxlığı hələlik Çkondid yeparxiyasında baş verənləri şərh etməyib.

Gürcüstanın Daxili İşlər Nazirliyi Martvili rayonundakı Çkondid yeparxiyasında baş verən dava faktı ilə bağlı cinayət işi qaldırıb. "Ehtiyatsızlıqdan sağlamlığa zərər vurma" maddəsi üzrə təhqiqat aparılır. Gürcüstan qanunvericiliyinə görə, bu maddə özündə inzibati cərimələri və yaxud iki ilə qədər islah işlərini nəzərdə tutur.

 

0