İçərişəhər

İdeal şəhər tapıldı

361
(Yenilənib 12:30 17.10.2016)
Sizə də maraqlıdır ki, söhbət hansı şəhərdən gedir. Və tapmacanın açması gəlir...

BAKI, 17 okt — Sputnik. "Bura inanılmaz şəhərdir. Mən burada altı il yaşamışam və bu, mənim həyatımın ən parlaq vaxtları olub. Mən buraya 22 yaşında gəlmişəm. Bu mükəmməl şəhər idi: heç kəs qapısını bağlamırdı və bütün həyətlərə girmək olurdu. Orada kabab bişirirdilər və səni yeməyə dəvət edirdilər. Bu, inanılmaz idi. Hər dəfə gələndə mən bu şəhəri heyranlıqla seyr edirəm. O, hər gün dəyişib daha da gözəlləşir. Düşünürəm ki, bu şəhərdən bir daha olmayacaq".

Bilirəm, sizə də maraqlıdır. Ki, söhbət hansı şəhərdən gedir. Və tapmacanın açması gəlir: Pitsburq şəhərindən.

Zarafat edirəm. Möhkəm olun: Bakıdan gedir söhbət, Bakıdan. Bu günlərdə şəhərimizə qonaq gələn, rusiyalı rejissor, prodüser Mixail Deqtyarın, haqqında heyranlıqla, ehtirasla, acgözlüklə danışdığı Bakıdan!

O Bakıdan ki, biz onu bütün günü qarış-qarış gəzirik, amma Mixail bəyin dediklərinə rastlamırıq. Əgər Deqtyarın ağlını başından alan kabab məsələsidirsə, adam gərək Allahla danışa, babat kababımız var. Onun dadını, bahalı restoranların bacasından qalxan tüstüyə baxıb ağzını mırçıldadan kasıb-küsub bilməsə də, Mixaili oralara qonaq edən əfəndilər gözəl bilirlər.

Yox əgər qonağımızı heyran edən dəniz söhbətidirsə, onu bizim uşaqlar da sevirlər — coğrafiya fənninin dərsliklərindən, milli xəritəmizdən, müəllimlərin köks ötürə-ötürə danışdığı xatirələrdən…

Bir də qəşəng-qəşəng binalarımız var. Mixailin burada yaşadığı dövrdəkindən də hündür, yaraşıqlı, bahalı. Ola bilsin, Deqtyara onlardan birində lüks mənzil də hədiyyə veriblər. Halal xoşu olsun! Amma, böyük ehtimalla, həmin mənzilin bir kvadrat metrinin, orta statistik azərbaycanlının aylıq gəlirindən neçə dəfə baha olduğunu deməyiblər — təvazökarlıqdan.

Deyir, heç kəs qapısını bağlamırmış, bütün həyətlərə girmək olurmuş… Bu tərəfdən də Daxili İşlər Nazirliyi Baş Əməliyyat və Statistik İnformasiya İdarəsinin 2016-cı ilin 1-ci yarımilliyində cinayətkarlığa qarşı mübarizə və ictimai təhlükəsizliyin təmin edilməsi üzrə respublika daxili işlər orqanlarının fəaliyyətinin nəticələrinə dair təhlili açıqlanıb. Orada göstərilir ki, hesabat dövründə mülkiyyət əleyhinə cinayətlərdən oğurluqlar 1140 (+37.5%; 4181-3041), dələduzluq cinayətləri 710 (+41.4%; 2427-1717), soyğunçuluq 24 (+16.7%;168-144), quldurluqla bağlı cinayətlər 12 (+ 14.0%; 98-86) fakt artıb: "Bu məlumatlar hələ yarım il üzrədir. Ümumiyyətlə, statistik məlumatların təhlili deməyə əsas verir ki, bu növ cinayətlər ilbəil çoxalıb. Təkcə 2010-cu ildən bu yana verilən rəsmi rəqəmlərə nəzər salmaq yetərlidir ki, ölkədəki ümumi mənzərə aydın olsun. Belə ki, həmin il oğurluq cinayətləri 228 (+6,3%; 3868-3640), o cümlədən mənzillərdən oğurluq 6 (+0,5%; 1148-1142), avtonəqliyyatın qaçırılması ilə bağlı cinayətlər 13 (+7,7%; 181-168) fakt artıb".

Nə düşünürsən, cənab Deqtyar, hələ də qapı-pəncərəmiz açıq qalıb? Yoxsa sənin hayıl-mayıl olduğun şəhərin həndəvərinə hərlənə bilməyən (?), amma Kot di vuarı ağuşuna alan iqtisadi böhranın əlamətidir?

Və sonda, əziz bakılılar və şəhərimizin qonaqları! Fərqindəsinizmi ki, köhnə Bakının xiffətini qeyri-azərbaycanlılar bizdən daha çox çəkirlər. Onlara nə var ki… Bakının ən gözəl zamanının və məkanının hakimi olublar. Bizimkilər, ən yaxşı halda Suraxanının boz çöllərində gecəqondularda daldalanarkən, onlar paytaxtın ən bahalı rayonlarındakı arxitekturalı binalarda eyş-işrət içərisində ömür sürüblər. Ortalıq qarışan kimi də, burda nələri var-nələri yox, hamısını pula çevirib, aradan çıxıblar.

361
Teqlər:
Mixail Deqtyar, ideal, Bakı, paytaxt, küçə, şəhər
Əlaqədar
Sivilizasiyaların müharibəsi
Köhnə kişilərin söhbəti
Nəhəng lavanın qabağından qaçmağa çalışmaq...
Ən pis variant
Cəzası ölümdən betər olan günah
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

2
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

2
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT
Haluk Levent

Müğənni koronavirusa görə işsiz qalanlar üçün xeyriyyə aksiyası keçirəcək

6
(Yenilənib 00:07 03.12.2020)
Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

BAKI, 3 dekabr — Sputnik. Türkiyəli müğənni Haluk Levent növbəti xeyriyyə işi ilə gündəmə gəlib.

Sputnik Azərbaycan xəbər verir ki, Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

O, 20 min ailəyə qida paketləri paylayacağını söz verib. Qeyd edək ki, Haluk Levent AHBAP adlı (Anadolu Halk ve Barış Platformu) xeyriyyə təşkilatının lideridir.

Müğənni olmaqla yanaşı, yardıma ehtiyacı olan insanlara kömək kampaniyaları ilə də məşhurdur. O, hətta ötən il Azərbaycanda xərçəng xəstəliyindən əziyyət çəkən Surə Nadirovanın müalicəsi üçün xeyriyyə konserti təşkil etmişdi.

Sənətçi bundan başqa, ötən ay İzmirdə baş verən zəlzələ nəticəsində sahibsiz qalan və yaralanan heyvanlara da yardım edib.

6