“Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat

"Bu hüquq azadlıqlar dini dövlətlərdə mövcud deyil"

1140
"Dünyəvi dövlətçilik, yoxsa dini radikalizm: cəmiyyət nə istəyir?" mövzusunda debat keçirilib

BAKI, 14 okt-Sputnik. "Sekulyar dövlətlərdə insanlara verilən bir çox hüquq və azadlıqlar dini dövlətlərdə mövcud deyil. Üstəlik dünyəvi dövlətdə hər kəsin inanclarına, dini etiqad və vicdan azadlıqlarına hörmətlə yanaşılır."

Sputnik-in məlumatına görə, bu fikirləri "Dünyəvi dövlətçilik, yoxsa dini radikalizm: cəmiyyət nə istəyir?" mövzusunda keçirilən ictimai müzakirə zamanı Qadın Liderliyi Uğrunda İctimai Birliyinin (QLUB) sədri Ülkər Abdullayeva səsləndirib.

Qeyd edək ki, sözügedən tədbir QLUB-un AR prezidenti yanında QHT-lərə Dövlət Dəstəyi Şurasının dəstəyi ilə həyata keçirdiyi "Sekulyar dövlətçilik, dini radikalizm və insanlığa qarşı çevrilməyən din modeli ilə bağlı qadınlar arasında maarifləndirmə işlərinin aparılması" layihəsi çərçivəsində keçirilib.

Layihənin rəhbəri Ülkər Abdullayeva Azərbaycanda sekulyar dövlətçiliyin tarixi, dini radikalizm problemləri, Azərbaycanın ictimai-siyasi həyatında dinin rolu, o cümlədən Azərbaycan prezidentinin təqdimatı əsasında ölkə qanunvericiliyinə verilən dini məsələlərlə bağlı təkliflərdən bəhs edib.

Debatda millət vəkili Asim Mollazadə müsəlman Şərqində və türk dünyasında sekulyar dövlətçilik ənənəsinin əsasının Azərbaycanda qoyulduğunu xatırladıb. O, dünyəvi dövlətçiliyimizin qorunması, gücləndirilməsi zərurətindən, hər cür dini radikal meyllərin ölkəmiz və bizi əhatə edən dünya üçün ziyanlı olmasından danışıb. Millət vəkili deyib ki, Azərbaycanda sekulyar dövlətçiliyin inkişafının, möhkəmlənməsinin yolu cəhalətlə mübarizədən və savadlı, dünyada gedən rəqabətdə önə çıxa biləcək gənclərin yetişdirilməsindən keçir. Onun fikrincə, bu missiyanın yerinə yetirilməsində qadınların üzərinə çox böyük vəzifələr düşür:

"Onlar orta əsrlərin təfəkküründən, insanlara zərər verən hər cür radikal hərəkətlərdən uzaq durmalı, öz potensiallarını dünyanın gələcəyi üçün önəmli olan elm sahələrinə, faydalı peşələrin öyrənilməsinə sərf etməlidirlər." 

  • “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    © Sputnik / Shahperi Abbasova
  • “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    © Sputnik / Shahperi Abbasova
  • “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    © Sputnik / Shahperi Abbasova
  • “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    © Sputnik / Shahperi Abbasova
  • “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    “Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat
    © Sputnik / Shahperi Abbasova
1 / 5
© Sputnik / Shahperi Abbasova
“Dünyəvi dövlətçilik, yoxsa dini radikalizm: cəmiyyət nə istəyir?” mövzusunda debat

Diskussiyaların gedişində CASCFEN sədri Azər Həsrət, iqtisadçı-ekspert Qadir İbrahimli, BAXCP sədrinin müavini Niyaməddin Orduxanlı, ictimai-siyasi fəallardan Yeganə Hacıyeva, Orxan Şahbaz, Rövşən Nəcəfov, Yadigar Nağıyev, hüquqşünas Mehman Muradlı, pedaqoqlar Aynur Zamanova, Natəvan Məhərrəmli və digər iştirakçılar mövzu ilə bağlı maraqlı fikir və təkliflərini səsləndiriblər.

Azərbaycan Prezidentinin təqdimatı ilə dini zəmində düşmənçilik, fanatizm və radikalizmə qarşı cəzalarla bağlı müvafiq maddələrin AR Cinayət Məcəlləsi və İnzibati Xətalar Məcəlləsinə salınması təklifi tədbir iştirakçılarının əksəriyyəti tərəfindən təqdir edilib. Eyni zamanda bildirilib ki, ölkədə dini meyllərin artmasını şərtləndirən səbəbləri aradan qaldırmaq, insanların yaşam şərtlərini, rifahını yüksəldəcək zəruri islahatları həyata keçirməklə sekulyar dövlətçiliyin analoqsuz olduğunu isbat etmək vacibdir.

1140
Teqlər:
Niyaməddin Orduxanlı, Azər Həsrət, AR prezidenti yanında QHT-lərə Dövlət Dəstəyi Şurası, "Qadın Liderliyi Uğrunda" İctimai Birliyinin sədri Ülkər Abdullayeva, Ülkər Abdullayeva, Asim Mollazadə
Əlaqədar
Dini radikalizm haradan qaynaqlanır?
"Dinə necə münasibət bəsləməli və nəyi dini təbliğat saymalı?"
Dini sahədə qanunvericiliyin sərtləşdirilməsi hansı zərurətdən meydana çıxdı?
Azərbaycan Prezidentindən dini təbliğatla bağlı 3 mühüm təklif
Dini radikalizm mövzusu Azərbaycanda son zamanlara qədər elə də populyar olmayıb
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

2
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

2
Осколки стекла, архивное фото

Bakının Heydər Əliyev prospektində baş verən qəza tıxaca səbəb olub

3
Hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.

Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

3