Kredit

Bank vətəndaşı necə "tələyə" saldı?

315
Kredit müqaviləsinin təzələnməsi ilə bağlı sənədə imza atan vətəndaş, nəyə qol çəkdiyini biləndən sonra dəhşətə gəlib

BAKI, 10 okt — Sputnik. "Mən birinci devalvasiyadan əvvəl "Unibank"dan 1500 manat kredit götürüb, xeyli hissəsini də ödəmişəm. Bir müddət sonra bankdan zəng edib dedilər ki, "gəlin, kreditinizi asanlaşdırmaq üçün yeni müqavilə imzalayaq, sizə asan olsun". Mən də getdim, verilən müqaviləni tam oxumadan imzaladım". 

Bunu Sputnik-ə yazılı müraciətində, Ağdamdan məcburi köçkün olan, Bakıda müvəqqəti qeydiyyatda olan Günel Qarayeva deyib. Dediyinə görə, yenilənmiş müqavilə ilə bank onu "tora salıb".

"Müqavilədə kreditimin qalan hissəsinin dollara çevriləcəyi ilə bağlı da maddə olub, amma bununla bağlı mənə şifahi məlumat verilməyib. Beləliklə, müqaviləyə imza atmaqla manatla götürdüyüm krediti dollarla qaytarmalı oldum. Borc məbləği ikiqat artdı, əlavə bahalaşmadan dolayı maddi durumumuz ağırlaşdı və mən krediti ödəyə bilmədim. İndi də Ağdam Rayon Məhkəməsindən xəbərdarlıq gəlib ki, "haqqınızda qərar çıxarılıb". Halbuki, bizə öncədən heç bir xəbərdarlıq edilməyib və məhkəməyə dəvət gəlməyib. İştirakımız olmadan qərar çıxarıblar", — yazır vətəndaş.

Məsələni Sputnik-ə şərh edən bank mütəxəssisi Əkrəm Həsənovun sözlərinə görə, borclunu yenilənmiş müqaviləyə imza atdıran bank əməkdaşları, imza atılmamışdan əvvəl ona müqavilə şərtlərini şifahi şəkildə xatırlatmalıdırlar: "Mərkəzi Bankın "Bankların kredit vermə" haqqında qanunu var. Qanunda deyilir ki, bank müştəriyə şərtləri şifahi şəkildə də izah etməlidir. Müştəriyə qaydalar deyilməlidir. Əks halda bank qanun pozuntusuna yol verir".

Məhkəmə çəkişməsinə gəlincə: "Əgər müştərinin banka borc varsa, bank məhkəməyə müraciət etmək üçün iki yoldan birini seçə bilər. Birinci, adi iddia icraatı qaydasında. Yəni məhkəməyə müraciət edir və məhkəmə mütləq cavabdehi, yəni borclunu dəvət etməlidir. Həmin insanın iştirakı ilə iclas keçirilir və sonda qətnamə çıxarılır".

"Hətta borclu iclasa gəlməsə də, çıxarılan qətnamə borclunun ünvanına göndərməlidir. Ondan sonra borclunun bir ay müddətində apellyasiya məhkəməsinə şikayət etmək hüququ var. Əgər borclu bir ay müddətində bunu etmirsə, o zaman qanun qüvvəyə minir", — ekspert bildirib.

Ə. Həsənova görə, bank məhkəməyə əmr icrası üçün də müraciət edə bilər: "İkincisi isə bankın hüququ var ki, hakimə müraciət etsin və xahiş etsin ki, əmr icra qaydasında olsun. İclasa nə borclu, nə də bank dəvət edilir. Hakim əmr çıxarır və borcluya göndərir. Bu zaman borclunun hüququ var ki, əmri alan gündən 10 gün ərzində, elə həmin hakimə etiraz məktubu göndərsin. Bu halda hakim həmin əmri ləğv etməli, borclunu və bank işçisini məhkəməyə dəvət etməli və işə yenidən baxmalıdır".

O, əlavə edib ki, indiki vəziyyətdə şikayətçi Günel Qarayeva apelyasiya instansiyasına müraciət edib, sözügedən qərardan xəbərsiz olduğunu bildirə və qətnamənin ləğv edilməsini tələb edə bilər.

Hüquqşünas Fuad Ağayev də əməkdaşımızla söhbətində bildirib ki, şikayətçi 10 gün ərzində məhkəməyə yenidən müraciət edə bilər: "Məhkəmə ola bilər, əmr icrası kimi heç kimin iştirakı olmadan işə baxıb və qiyabi qətnamə çıxarıb. Burada problem yoxdur. Qətnaməni alan borclu 10 gün ərzində məhkəməyə müraciət edib, işə yenidən baxılmasını tələb edə bilər və təbii ki, məhkəmə işə yenidən baxacaq".

315
Teqlər:
devalvasiya, dollar, manat, borc, vətəndaş, kredit, bank, "Unibank"
Əlaqədar
Bu bank müflis elan edildi
Banklar indi də manat qıtlığından əziyyət çəkir
Banklardan əmanətə xəyanət
Azərbaycan bankının lisenziyası ləğv edilib
Banklar dollar almaq yarışına girib
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

3
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

3
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

18
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

18
Cəbrayıl və Zəngilan rayonlarının işğaldan azad olunan kəndləri

Cəbrayıl Zəngilan rayonlarının işğaldan azad olunan kəndlərinin videogörüntüsü yayıldı

0
(Yenilənib 19:15 25.10.2020)
Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb.

BAKI, 25 oktyabr — Sputnik. Müdafiə Nazirliyi Cəbrayıl və Zəngilan rayonlarının işğaldan azad olunan kəndlərinin videogörüntüsünü yayıb. Sputnik Azərbaycan həmin görüntünü təqdim edir.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.
Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.
Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.
Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.
Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.
Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.
Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.
Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.
Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.
Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.
Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.
Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.
Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.
Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.
Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.
Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri işğaldan azad edilib.
0