Həyatı faciəyə çevrilmiş qadın: "Məni bura Gülər Əhmədova gətirdi"
(Yenilənib 10:08 10.10.2016)
"Bəzən saatlarla oturub fikirləşirəm: mən harada səhv buraxdım ki, həyatın bu qədər dibinə yuvarlandım? Amma öz sualıma cavab tapa bilmirəm..."İradə Cəlil, Sputnik Azərbaycan
BAKI, 10 okt — Sputnik. Deyirlər, hər bir insanın taleyi doğulmamışdan öncə yazılır: Nələrlə üzləşəcəyi, necə yaşağacağı, hansı günahları, yaxud savabları qazanacağı, hələ özü dünyaya gəlməzdən əvvəl "alın yazısı"nda qeyd olunur.
Amma o da deyilir ki, insana bir seçim hüququ da verilir. Ki, ağlı-düşüncəsi ilə öz həyatını daha yaxşı qursun. Və bu seçimi doğruya yönəldənlər də olur, yanlışa istiqamətləndirənlər də.
Sona xanım (ərinin soyadını daşıdığı üçün bilinməsini istəmir) taleyinə boyun əyərək, həyatını pis-yaxşı yaşamağa çalışıb. Ailə həyatını gec qurub — 36 yaşında. Həm də istəmədən və arzulamadan…
©
Sputnik / Irade JELIL
Sonaxanım "Təmiz dünya" İB qadın sığınacağının ən yaşlı üzvüdür
"Təmiz Dünya" İctimai Birliyinin qadın sığınacağının ən yaşlı üzvüdür Sonaxanım. Söhbətə başmazdan öncə "şəkilərimi də çək, onsuz da artıq itirəcəyim heç nəyim yoxdur" deyın bu xanım, əslən Masallı rayonundan olsa da, ailə qurandan sonra, Abşeron rayonunun Saray qəsəbəsinə köçüb. Və buradakı ev-eşiyi yanandan sonra, həyatını yenidən qurmağa imkan olmadığı üçün, qadın sığınacağa üz tutub.
"Hazırda ailəliyəm. Həyat yoldaşım məndən yaşca xeyli böyükdür. Bizə sahib çıxır. Hətta gəlmişdi ki, bizi aparsın. Amma mən onun kürəkəninə görə o evə qayıtmaq istəmirəm. Mənim qızım da var, istəmirəm o evə qayıtmaq. Amma sığınacaqda da qala bilmirəm", — deyir qadın.
Həyat yoldaşı özündən çox yaşlı olsa da, Sona xanım ondan heç vaxt narazı qalmadığını bildirir: "Onun 5 uşağı var. Amma mən o uşaqlara analıq kimi getməmişəm. Mən o kişi ilə ailə həyatı qurandan sonra onu evdən qovmuşdular, tək yaşayırdı, orda-burda qalırdı. Sonra uşaqları yavaş-yavaş onun ətrafına yığımağa başladılar"
18 ildir ailə həyatı quran Sona xanımın bir qızı var. Sığınacağa düşməsinə gəlincə: "Evdə söz-söhbət yarandığı üçün qızımı götürüb evdən çıxdım Gördüm, sayılmıram, sözüm keçmir, çıxdım evdən".
©
Sputnik / Irade JELIL
Sonaxanım: "Mən bu həyat üçün yaranmamışdım".
Qızını Cəlilabada qohumlarıgilə qoyub Bakıya qayıdır. Çalışırmış ki, Prezidentin qəbuluna düşsün. Bakıya qayıtdığı həmin gün işləri alınmayan qadın gecəni küçədə qalır. Gecə saatlarında küçədə oturub ağlayırmış. Və bu vaxt qarşısında bir avtomobil dayanır: "Bir qadın düşdü maşından, soruşdu ki, "nə olub?". Dedim, ölmək istəyirəm. Məni götürüb bura gətirdirlər. Sonradan bildim ki, həmin qadın deputat Gülər Əhmədova imiş".
Həyat yoldaşı onun arxasınca gəlir, Sona xanıma və onunla birgə sığınacaqda qalan qızına sahib çıxmaq istəyir. Amma qadın ərinin uşaqları və kürəkəni ilə bir evdə yaşamaq istəmir. Dünya onun başına dar imiş, hətta Qurban bayramı günü canına qəsd belə, etmək istəyib.
Hazırda qızının 15 yaşı var: "Bu həyatda təkcə qızım üçün narahatam. Yoldaşım çox yaşlıdır, gözləri də görmür. Mən onunla dalaşsam da, vuruşsam da, yola gedirdim. O, bizi atmırdı. Amma evimiz yanandan sonra qaldıq ortalıqda. Hətta şayiə də yaydılar ki, guya, evi mən yandırmışam. Amma mənim günahsız olduğum sübut olundu".
O, sığınacaqda da qala bilmir: "Artıq o yaşdayam ki, rahatlıq istəyirəm, başım hay-küy götürmür. Burada da çox adam var. Heç bilmirəm, necə edim…"
Onun hazırda 54 yaşı var. İşləmək, qızı ilə özünə yeni həyat qurmaq, qızına təhsil vermək istəyir: "Amma nə iş tapa bilirəm, nə də çıxış yolu. Bəzən saatlarla oturub fikirləşirəm: mən harada səhv buraxdım ki, həyatın bu qədər dibinə yuvarlandım? Amma öz sualıma cavab tapa bilmirəm…".
Cəbrayıl rayonu istiqamətində düşmənin döyüş texnikaları məhv edilib - VİDEO
(Yenilənib 01:19 30.09.2020)
Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçibBAKI, 30 sentyabr - Sputnik. Bu gün cəbhənin Cəbrayıl rayonunu istiqamətində düşmənin döyüş texnikaları bölmələrimiz tərəfindən məhv edilib.
Sputnik Azərbaycan bildirir ki, bu barədə məlumatı Azərbaycan Müdafiə Nazirliyi yayıb.
Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib. Sentyabrın 29-u səhər saatlarından etibarən Füzuli şəhərinin azad olunması uğrunda ordumuzun hücumu davam edir. Səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib. Hazırda döyüşlər davam edir.
Bu gün Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.
Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib.
Eçmiədzin rayonunda dislokasiya olunan və işğal edilmiş ərazilərimizdə gedən döyüşlərə cəlb edilmiş Ermənistan ordusunun 61-ci əlahiddə mühəndis alayının 13516 saylı hərbi hissəsinin komandiri Spartak Köçəryan, Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artilleriya rəisi polkovnik Karen Babayan da bu gün məhv ediliblər. Ermənistan ordusunun 18-ci motoatıcı diviziyasının 9-cu alayının komandiri polkovnik Artyom Poqosyan isə ağır yaralanıb.
Teqlər:
Vaksin nə qədər təhlükəlidir: ABŞ cavab tələb edir
BAKI, 29 sentyabr — Sputnik, İrina Alksnis. "AstraZeneca" farmakologiya şirkətinin Oksford Universiteti ilə birgə hazırladığı eyni adlı peyvəndin problemləri yeni mərhələyə qədəm qoyub.
ABŞ bir neçə həftə əvvəl dondurulmuş sınaqları bərpa edib. Lakin Amerikanın aparıcı KİV-ləri preparatın təhlükəsizliyi ilə bağlı getdikcə daha çox sual səsləndirirlər. CNN telekanalı başqalarından daha yüksək səslə çıxış edib.
©
Sputnik / Ibrahim Hashimov.
Məlum olduğu kimi, "AstraZeneca"nın klinik sınaqları iki dəfə – iyul və sentyabr aylarında dayandırılıb: iki könüllüdə nevroloji mənşəli qeyri-adi simptomlar özünü göstərib. Hər iki halın sonradan vurulmuş vaksinlə əlaqəli olmadığı təsdiqlənib və Böyük Britaniya da daxil olmaqla, əksər ölkələrdə sınaqlar davam edib.
Lakin amerikalı alimlər və ABŞ-ın səhiyyə sisteminin mütəxəssisləri daha çox narahatlıq keçiriblər və yan təsirlərlə bağlı hesabatlarda ciddi fərqlər aşkar ediblər.
"AstraZeneca"nın iyul insidenti əvvəl aşkar edilməmiş skleroz ilə izah edilib. Lakin Oksford Universitetinin saytında bu, "açıqlanmayan nevroloji simptom" kimi təsvir olunub.
Sentyabrda baş vermiş ikinci insident ilə bağlı şirkət könüllü qadında "anlaşılmaz xəstəlik" yarandığını deyib. Yalnız daxili sənədlərdə bu vəziyyət "köndələn mielit" (nadir nevroloji xəstəlik) kimi göstərilir.
Nəticədə, amerikalılar indi belə fikir ayrılığının səbəbləri ilə bağlı tamamilə məntiqli suallar verirlər. "AstraZeneca" onsuz da peyvənd üzərində işinin şəffaflığına dair ciddi iddialarla üzləşib və ortaya çıxmış ziddiyyətlər yalnız əlavə olaraq preparata və onun təhlükəsizliyinə olan inamı pozur.
Sınaq iştirakçılarının sağlamlığında yaranmış problemlərin ümumi xarakteri xüsusi bir mövzu olaraq qalır. Amerikalı professor-immunoloqlardan biri bu məsələ ilə bağlı açıq şəkildə deyib: hər iki xəstəliyin nevroloji təbiətinin olması "şoka salır".
Bəlkə də "AstraZeneca"nın sadəcə bəxti gətirməyib və söhbət həqiqətən də vaksin ilə heç bir əlaqəsi olmayan uğursuz təsadüflərdən gedir. Amma sağlam düşüncə ən azından bu məqamı aydınlaşdırmağı tələb edir. Burada Amerikanın sınaqları dondurmuş məsul xidmətlərini tərifləmək lazımdır.
Onların avropalı həmkarlarının mövqeyi isə daha çox təəccüb doğurur. Onlar bütün bu qəribəlikləri görməməyə üstünlük veriblər və testləri davam etdiriblər.
Hərçənd Avropa İttifaqı (Aİ) hökumətlərinin və şirkətin özünün bu cür sürüşkən mövzu ilə bağlı rahatlığı böyük xoşagəlməz hallara səbəb ola bilər (əgər vaksin həqiqətən də təhlükəlidirsə).
Bu günlərdə "Reuters" agentliyi Aİ-nin rəsmi nümayəndəsinə istinadən xəbər verib ki, "AstraZeneca" Avropa İttifaqı ilə vaksin sövdələşməsi çərçivəsində qismən toxunulmazlıq qazanıb. Razılaşma avqustda bağlanıb, lakin onun bəzi incə detalları yalnız indi elan edilib.
Məsələ ondadır ki, əczaçılıq şirkəti preparatı Aİ-yə aşağı qiymətə tədarük edəcək və əvəzində onun tətbiqinin yan təsirlərinə görə maliyyə məsuliyyəti daşımayacaq. Sazişin dəqiq miqyası açıqlanmır, lakin Avropanın "AstraZeneca"ya hər doza üçün 2,5 avro ödəyəcəyi məlumdur.
"GlaxoSmithKline" konserni ilə birlikdə öz preparatını hazırlayan Fransanın "Sanofi" şirkəti isə preparatın hər dozasını Avropaya 10 avroya satır.
© REUTERS / Dado Ruvic / Illustration / File Photo
Yeri gəlmişkən, hər iki şirkət artıq Aİ-dən avans ödənişləri alıb. "AstraZeneca"nın 400 milyon dozanı təmin etməsi üçün ödəniş 336 milyon avro təşkil edib. "Sanofi"də bu rəqəm 324 milyon avro olub (300 milyon doza üçün).
Beləliklə, əgər qarşıdan gələn kütləvi peyvəndləmə prosesində "AstraZeneca" preparatının həqiqətən də insan sağlamlığına zərər vurması halları üzə çıxarsa, bu, şirkət üçün heç bir ağır nəticələrə səbəb olmayacaq. Zərərçəkənlərə kompensasiyaları milli hökumətlər, daha dəqiqi, müvafiq ölkələrin vergi ödəyiciləri verəcəklər.
Həmçinin, Avropa isteblişmentinin bu qədər fərqli yanaşmaları olan iki vaksin ("AstraZeneca" və "Sanofi") üzərində dayanması maraq oyatmaya bilməz. Aİ-nin hansı dövlətlərinin hansı preparatı alacağını, həmçinin onların öz daxilində rayonların rifahı və orada yaşayan insanların ictimai vəziyyətinə görə preparatları necə bölüşdürəcəyini görmək maraqlı olacaq.
Teqlər: