Yelena Yahyayeva

"Evlənəndə şərt kəsdik ki, ailədə rusca danışacağıq"

217
(Yenilənib 10:48 07.10.2016)
Yelena Yahyayeva: "Bura mənim vətənimdir. Rusiyada yaşayan qardaş-bacım məni dəfələrlə yanlarına aparmaq istəsələr də, getməmişəm"

İlham Mustafa, Sputnik Azərbaycan

BAKI, 7 okt — Sputnik. Milliyətcə rus olan Yelena Yahyayeva öz 68 illik ömrünün 46 ilini müəllimliyə həsr edib. İşlədiyi müddətdə yüzlərlə uşağın təhsildə ilk addımlarını atmasına bələdçi olub. Onlara həm müəllim, həm ana, həm gələcəyə mayak olub.

Bu peşəni sevərək işlədiyindən, heç vaxt yorulmayıb. 3 il əvvəl 65 yaşdan yuxarı müəllimlərin bir çoxu kimi rəsmi olaraq işindən uzaqlaşsa da, onu tanıyan, sorağını eşidən valideynlər peşəsindən ayrılmağa qoymurlar. Onlar övladlarının rusdilli təhsil almaları üçün, məktəbdən əlavə Yelena müəllimdən də öyrənməli çox şeyin olduğunu düşünürlər.

Yelena Pavlovna Azərbaycanda anadan olub. Rusiyanın məşhur soyadlarından olan Babiçevlərə qarşı aparılan repressiya ailənin bütün üzvlərini bir-birindən ayrı salıb. Onların bir qismi həbsxanalara, bir qismi sürgünə göndərilib.

Yelenanın atası Pavel həbs edilsə də, Stalinin "ata oğula, oğul ataya görə məsuliyət daşımır" sözündən sonra azad edilir və 16 yaşında yaşadığı Çerkessk şəhərindən böyük bacısının yanına — Gəncəyə gəlir. Burada, komsomol putyovkası ilə Gəncə şəhərində yerləşən tekstil fabrikində işləməyə gələn saratovlu Yevdokiya Vasilyevna ilə evlənir. Bundan sonra ailə Ağstafanın, hazırda Həsənsu adlanan Kirovka kəndinə köçür.

  • Yelena Pavlovna tələbəlik illərində
    Yelena Pavlovna tələbəlik illərində
    © Sputnik / İlham Mustafa
  • Yelena Pavlovna şagirdləri ilə
    Yelena Pavlovna şagirdləri ilə
    © Sputnik / İlham Mustafa
  • Yelena Pavlovna şagirdləri ilə
    Yelena Pavlovna şagirdləri ilə
    © Sputnik / İlham Mustafa
  • Yelena Pavlovna şagirdləri ilə
    Yelena Pavlovna şagirdləri ilə
    © Sputnik / İlham Mustafa
  • Yelena Pavlovna şagirdləri ilə
    Yelena Pavlovna şagirdləri ilə
    © Sputnik / İlham Mustafa
  • Yelena Pavlovna şagirdləri ilə
    Yelena Pavlovna şagirdləri ilə
    © Sputnik / İlham Mustafa
  • Yelena Pavlovna şagirdləri ilə
    Yelena Pavlovna şagirdləri ilə
    © Sputnik / İlham Mustafa
1 / 7
© Sputnik / İlham Mustafa
Yelena Pavlovna tələbəlik illərində

Ailənin üç oğul, iki qız övladı olur. Yelena xanım atasının öz ailəsinin keçmişi haqda heç vaxt məlumat vermədiyini, bildiklərini isə atası 1976-cı ildə ömrünün sonlarına yaxın danışdığını deyir.

Y. Pavlovna rus olmasına baxmayaraq, özünü azərbaycanlı hesab edir: "Burada anadan olmuşam. Buranın havasını udub, suyunu içmişəm. Atam, anam, qardaşım burada rəhmətə gedib. Bura mənim vətənimdir. Hazırda iki qardaşım, bir bacım Rusiyada yaşayır. Neçə dəfə məni yanlarına aparmaq istəsələr də, getməmişəm. Rus olsam da, adət-ənənəm, yaşayış tərzim — hamısı Azərbaycanla bağlıdır. Bir sözlə, özümü azərbaycanlı hesab edirəm".

Müəllimlik Yelena xanımın uşaqlıq arzusu olub. Hələ ikinci sinifdə oxuyarkən evdə güzgü qarşısında müəllimin hərəkətlərini təqlid etdiyini, onu kimi danışdığını deyir. Bu peşəyə olan istəyi onun müəllim olması ilə nəticələnib.

O, M. Ə. Sabir adına Pedaqoji Texnikumda təhsil aldıqdan sonra — 1968-ci ildə tədris fəaliyyətinə başlayır. Paralel olaraq M. F. Axundov adına Azərbaycan Pedaqoji Rus dili və Ədəbiyyatı İnstitutunu bitirir. Ardınca Qazax rayonunda yaşayan Ələkbər Yahyayevlə ailə qurur və 1979-cu ildə Qazağa köçür.

Təqaüdə çıxanadək Qazax şəhər 3 nömrəli orta məktəbdə ibtidai sinif müəllimi işləyir. 46 illik müəllimlik fəaliyyəti dövründə müxtəlif millətlərdən olan uşaqlara dərs deyən Yelena xanım, heç vaxt uşaqlar arasında fərq qoymayıb. Onları bir ailənin uşaqları kimi tərbiyə edib, yaşadığı torpağı sevməyə, qorumağa borclu olduqlarını aşılayıb. Burada milliyətə görə ayrı-seçkilik, xainlik olmadığını deyən təcrübəli müəllim, bunu azərbaycanlıların üstün cəhəti kimi qiymətləndirir.

"Biz gələcək nəslin tərbiyəçiləriyik. Şagirdin məktəbdə aldığı təlim-tərbiyə onun gələcək həyatı üçün çox önəmlidir. Lakin təəssüf ki, hər dərs keçən müəllim ola bilmir. Əsl müəllim olmaq üçün işini sevməlisən, şagirdlərini sevməlisən. İşinə yalnız qazanc yeri kimi baxmamalısan", — deyir müsahibimiz.

Onun sözlərinə görə, müəllim inandırıcı danışmalıdır, yeri gələndə aktyorluq da etməlidir: "Hansı qəhrəmanın adından danışırsa, onu təqlid eləməli, canavarın ədasını, tülkünün hiyləgərliyini əyani göstərməli, qəhrəmanın obrazını yarada bilməlidir. O zaman uşaqlar mövzu ilə daha çox maraqlanırlar, yaddaşlarında da yaxşı qalır. Bunları bacarmaq üçün müəllim öz üzərində daim işləməlidir".

Yahyayevlər ailəsində ünsiyyət rus dilində qurulur. "Evlənəndə şərt kəsmişik ki, ailədə rusca danışacağıq. Qızlarımız rusdilli məktəbdə təhsil alıblar. Onların da hər üçü müəllimliyi seçdi".

217
Teqlər:
repressiya, Babiçev, Yelena Yahyayeva, Stalin, Ağstafa, rus, Qazax, müəllim, azərbaycanlı
Əlaqədar
Bu evdə 271 şəhid yaşayır
Berlinə qədər döyüşən azərbaycanlı: "Bu vəhşiliyi heç faşistlərdən görmədim"
"Dedilər, Mircəfər Bağırov səsini oğurlayacaq, getmə..."
"Mel"in köçürdüyü gəlinlər artıq nənə olublar...
73 il canında qəlpə "bəsləyən" insan
DİN-in xüsusi təyinatlı polis dəstəsi, arxiv şəkli

Silahlı şəxslərə qarşı əməliyyat keçirildi

5
(Yenilənib 14:53 22.09.2020)
Faktlarla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb. Xəyyam Musazadə və Amil Tağıyev barəsində Nərimanov Rayon Məhkəmənin qərarı ilə həbs qətimkan tədbiri seçilib, istintaq tədbirləri davam etdirilir.

BAKI, 22 sentyabr — Sputnik. Baş Mütəşəkkil Cinayətkarlıqla Mübarizə İdarəsinin əməkdaşları tərəfindən əllərdə qanunsuz saxlanılan odlu silah-sursatın aşkar edilməsi istiqamətində bir neçə uğurlu əməliyyat tədbiri həyata keçirilib.

Sputnik Azərbaycan Daxili İşlər Nazirliyinin məlumatına istinadla xəbər verir ki, Baş İdarəyə əvvəllər məhkum olunmuş Bərdə rayon sakini Xəyyam Musazadənin yaşadığı evdə qanunsuz olaraq silah-sursat gizlətməsi barədə əməliyyat məlumatı daxil olub. Keçirilən təxirəsalınmaz tədbir nəticəsində həmin şəxs rayon ərazisində tutulub. Onun Bərdə rayonu Şorəlli kəndində yaşadığı evə baxış zamanı 1 ədəd "Kalaşnikov" markalı avtomat, həmin silaha məxsus 1 ədəd daraq və 3 ədəd patron aşkar olunaraq götürülüb.

Həyata keçirilən daha bir tədbir zamanı isə Şamaxı rayon sakini Amil Tağıyev üzərində qanunsuz olaraq odlu silah gəzdirməkdə şübhəli bilindiyi üçün Bakı-Şamaxı yolunun 16-ci kilometrliyində Baş İdarə əməkdaşları tərəfindən saxlanılıb. Onun üzərinə baxış keçirilən zaman 1 ədəd "Makarov" markalı tapança. 1 ədəd sandıqça və 5 ədəd patron aşkar olunaraq götürülüb.

Faktlarla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb. Xəyyam Musazadə və Amil Tağıyev barəsində Nərimanov Rayon Məhkəmənin qərarı ilə həbs qətimkan tədbiri seçilib, istintaq tədbirləri davam etdirilir.

5
Dayanacaqda pikaplar, arxiv şəkli

Daxili İşlər Nazirliyi "Pikap"ların yığılması məsələsinə aydınlıq gətirdi

623
(Yenilənib 13:29 22.09.2020)
Daxili İşlər Nazirliyinin Dövlət Yol Polisi və nəqliyyat vasitələrinin dövlət qeydiyyatını aparan digər təşkilatlar ilə birlikdə yoxlanılması nəzərdə tutulur.

BAKI, 22 sentyabr — Sputnik. "Pikap" tipli avtomobillərin YPX postlarında saxlanılmasının səbəbləri barədə DİN Baş Dövlət Yol Polisi İdarəsi məlumat yayıb.

Sputnik Azərbaycan Daxili İşlər Nazirliyinin məlumatına istinadla xəbər verir ki, "Pikap" tipli avtomobillərin YPX postlarında saxlanılması ilə əlaqədar bildiririk ki, Azərbaycan Respublikası Nazirlər Kabinetinin 2006-cı il 4 aprel tarixli 96 nömrəli qərarı ilə təsdiq edilmiş "Hərbi nəqliyyat vasitələrinin uçot qaydaları"na əsasən silahlı birləşmələrə və xüsusi birləşmələrə vaxtında, keyfiyyətli və tam həcmdə təqdim edilməsi məqsədilə hərbi nəqliyyat vasitələrinin texniki vəziyyətinin plan üzrə Daxili İşlər Nazirliyinin Dövlət Yol Polisi və nəqliyyat vasitələrinin dövlət qeydiyyatını aparan digər təşkilatlar ilə birlikdə yoxlanılması nəzərdə tutulur.

"Pikap" tipli və texniki imkanları onlara uyğun olan digər xüsusi təyinatlı nəqliyyat vasitələri Nazirlər Kabinetinin 2006-cı il 16 fevral tarixli 51 nömrəli qərarı ilə təsdiq edilmiş siyahıdakı yüksək keçidli avtomobillərin kateqoriyasına aid olduqlarına görə həmin nəqliyyat vasitələrində yolsuzluq şəraitində istismar sistemlərinin texniki müayinəsi, nəqliyyat vasitələrinin uçot-qeydiyyat göstəricilərinin dəqiqləşdirilməsi və istifadə olunduqları ərazinin (şəhər, qəsəbə, kənd) müəyyən edilməsi məqsədilə stasionar postlarda saxlanılır və bu haqda sahiblərinə məlumat verilir.

623