Əlləri ilə qulaqlarını tutmuş uşaq

Cəmiyyətdə psixoloji inamsızlıq: "Yenə pulu "yeyəcəklər""

162
(Yenilənib 16:31 04.10.2016)
Ailə Psixoloqu İnstitutu yaradılması ilə bağlı psixoloqların yanaşmaları fərqlidir

BAKI, 4 okt — Sputnik. Azərbaycanda Ailə Psixoloqu İnstitutu yaradılacaq. Sənədlər tam hazır olduqdan sonra aidiyyəti qurumlara göndəriləcək. Ötən həftə Ailə, Qadın və Uşaq Problemləri üzrə Dövlət Komitəsinin (AQUPDK) sədri Hicran Hüseynova belə açıqlama vermişdi.

Mövzunu Sputnik-ə şərh edən sosio-psixoloq Əhəd Kazımov sözügedən yeniliyin həm psixoloqlar, həm də cəmiyyət üçün xeyirli olacağını deyib: "Hətta bir təklif də irəli sürə bilərdim ki, bu layihədə dəvət olunacaq psixoloqlar yalnız, ən azı 4 il təhsil almış şəxslər olsunlar. Sonradan hansısa kursu oxuyub özlərini psixoloq adlandıranlar olmasınlar".

Psixoloq Şükran Dədəyev də hər bir ailənin psixoloqu olmasını vacib hesab edir: "Bu layihəni alqışlamaq lazmdır. İstənilən halda cəmiyyətə xeyirli layihədir. Hər bir ailənin özünün psixoloqu olmalıdır. Müasir dövrümüzdə bu sahəyə böyük təlabat var. Sadəcə olaraq bu işin təşkilindən çox şey asılıdır. Komitə məsələnin üzərinə ciddi düşsə və güclü layihələr həyata keçirsə, az bir zamanda böyük nəticələr əldə etmək olar".

Uşaq psixoloqu Aynur Bünyadova təşəbbüsün uşaqlara faydasından danışıb: "Əgər bu institut dövlət qurumu olacaqsa, müsbət nəticələr əldə edəcəyik. Çünki, şəhərdə özəl psixoloji xidmət mərkəzləri çoxdur, amma xidmətlərin qiymətləri çox baha olduğundan ailələr müraciət edə bilmir".

"Amma bu layihə dövlət tərəfindən maliyyələşsə, imkansız ailələrə yardım etsələr, çox yaxşı nəticələr əldə etmək olar. Psixoloji xidmətlər bahadır və hər bir ailənin imkanı çatmır ki, psixoloqa müraciət etsin. Ona görə də, məhz belə bir institutun yaradılması ilə imkansız ailələrə böyük yardım etmiş olar dövlət", — A. Bünyadova bildirib.

Psixoterapevt Dəyanət Rzayev isə hazırda ölkədə peşəkar psixoloq çatışmazlığı var: "Bu gün Azərbaycanda xeyli sayda psixoloq var. Psixoloq olmaq üçün, təkcə 4 il universitetdə oxumaq yetmir. Əlavə təhsil almalı, çox sayda seminarlarda iştirak etməli və psixologiyanın sirrlərini bilməlisən".

"O ki qaldı bu layihəyə, düşünürəm ki, kağız üzərində qalacaq. Bir neçə cavan qızı götürüb psixoloq edəcəklər və layihəni həyata keçirəcəklər. Əgər düzgün və səmərəli iş görmək istəyirlərsə, mən onlara kömək edə bilərəm. Çünki, bu sahəni mən illərdir araşdırıram. Əks halda, pulu ciblərinə qoyacaqlar, bir-iki nəfəri psixoloq adı ilə cəlb edəcəklər və hər şey bitəcək", — D. Rzayev qeyd edib.

O, bunun çətin və məsuliyyətli layihə olduğunu və başqa qurumların da bu işə cəlb edilməsinin vacibliyini vurğulayıb: "Bu layihəyə təcili tibbi yardım briqadaları, sahə həkimləri, Əmək və Əhalinin Sosial Müdafiəsi Nazirliyi, Daxili İşlər Nazirliyi və digər qurumlar cəlb olunmalıdır. Xarici təcrübəni öyrənmək lazımdır. Amma o təcrübəni olduğu kimi Azərbaycanda tətbiq etmək olmaz. Hər ölkənin psixologiya haqqında qanunları fərqlidir. Bu qanunlar hazırlanarkən həmin millətin mentaliteti, ümumi psixologiyası nəzərə alınıb".

162
Teqlər:
Şükran Dədəyev, Aynur Bünyadova, Əhəd Kazımov, Ailə Psixoloqu İnstitutu, psixologiya, Dəyanət Rzayev, psixoloq
Əlaqədar
"Elmarın uşaq yaşlarından yarışlarla bağlı psixoloji problemi olmayıb"
Yapon cüdoçular onun üçün psixoloji baryerdir
Mərmi və dolu döyən kəndlərdə mal-qara da psixoloji travma alıb
Manat dollara qarşı psixoloji baryeri aşdı
Çətin məqamlarda bu psixoloji taktikaya əl atın
Hərbi hissələrin psixoloqları ilə toplantı keçirilib
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

13
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

13
Teqlər:
tələbələr, rejissor, Hindistan, prodüser, mükafat
Quşlar

Quş qripi ilə bağlı epizootoloji monitorinqlər keçirilib

7
(Yenilənib 23:48 01.12.2020)
Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub.

BAKI, 1 dekabr — Sputnik. Respublika ərazisini yüksək patogen quş qripi xəstəliyindən qorumaq məqsədilə mövsümü epizootoloji monitorinqlərə başlanılıb. İlk monitorinq 2-6 noyabr 2020-ci il tarixlərində Azərbaycan Respublikası Qida Təhlükəsizliyi Agentliyi, Azərbaycan Respublikası Ekologiya və Təbii Sərvətlər Nazirliyi, Azərbaycan Respublikası Kənd Təsərrüfatı Nazirliyi yanında Aqrar Xidmətlər Agentliyinin və Azərbaycan Qida Təhlükəsizliyi İnstitutunun nəzdində fəaliyyət göstərən laboratoriyaların əməkdaşlarının iştirakı ilə keçirilib. Agentlikdən Sputnik Azərbaycan-a verilən məlumata görə, çöl quşları arasında monitorinqlər Abşeron yarmadasını, Şirvan Milli Parklarının ərazisini, Ağzıbir ovçuluq təsərrüfatını və Qızılağac Milli Parkı ilə yanaşı, su-bataqlıq ərazilərini, eləcə də respublikamızın dənizsahili zonalarını əhatə edib. Eyni zamanda, Bakı şəhərindəki, Abşeron, Şabran, Salyan və Lənkəran rayonlarındakı ailə təsərrüfatlarında müxtəlif növ quşdan, o cümlədən Bakı və Sumqayıt şəhərlərindəki, Abşeron, Salyan, Neftçala, Sabirabad, Lənkəran, Cəlilabad, Xızı və Siyəzən rayonlarında yerləşən sənaye əsaslı iri və kiçik həcmli quşçuluq müəssisələrində ev quşundan diaqnostik materiallar götürülərək laboratoriya müayinələrinə cəlb edilib.

Monitorinqlər zamanı çöl quşlarından götürülmüş patoloji materiallar və ev quşlarından alınan diaqnostik nümunələr AQTİ-nin Mərkəzi Baytarlıq Laboratoriyasında müayinə olunub. Müayinə zamanı yüksək patogen quş qripi xəstəliyinin törədicisi aşkar edilməyib.

Qeyd edək ki, keçirilən monitorinqlər çərçivəsində xəstəlik əlamətləri müşahidə edilən quşlara və ya quş cəsədinə rast gəlinməyib.

7