Alik Hüseynov

Qollarını itirəndən sonra "qanad açan" insan

1128
Onun hər iki qolu çiynindən kəsilib. Bununla belə, öz bacarığı ilə görənləri heyran edir.

Ayaz Yaşılyarpaq, Sputnik Azərbaycan

BAKI, 4 okt — Sputnik. At çapır, maşın sürür, yer belləyir. Naxırı qabağına qatıb otlaqlara aparır. Yayın istisində beli çiyninə alıb əkinləri suvarır.

Qolları olmayan bir insanın gördüyü iş, etdiyi hərəkətlər çoxlarını təəccübləndirir. Barəsində eşitdiklərimiz bizdə də maraq yaratdı. Tərtər rayonunun Köçərli kəndində olub Alik Hüseynov və onun ailə üzvləri ilə görüşdük.

Aliki el arasında "Qulu" kimi tanıyırlar. Elə özü də bu adla təqdim olunmağını istəyir. Bu ilin iyununda o, 40 yaşını qeyd edib. Dediyinə görə, sağlam doğulubmuş, qollarını uşaq vaxtı ehtiyatsızlıqdan itirib: "10 yaşım yenicə tamam olmuşdu. Mal-qaramızı otarmaq üçün örüşə aparmışdım. Sahədəki elektrik transformatorunun yanında oynayanda qəfil tok vurdu məni".

Yüksək gərginlikli elektrik xəttinə toxunduğundan, cərəyan Qulunun bədəninə keçib. Amma necə olubsa, o, sağ qalıb. Valideynləri onu Bərdə rayon mərkəzi xəstəxanasına çatdırıblar. Buradan isə təcili olaraq Bakıya yola salınıb.

"Semaşko" kimi tanınan xəstəxanada Qulunun, çiyninə birləşən, azacıq hissəsi saxlanılmaqla hər iki qolu amputasiya olunub. Az müddət keçməmiş təkrar cərrahi əməliyyata məruz qalıb və bu qol hissəsi lap kiçilib.

Növbəti dərs ili Qulu məktəbə gedə bilməyib, çünki nə çantasını apara, nə kitabları vərəqləyə, nə də yaza bilirdi. Etiraf edir ki, heç əvvəldən yaxşı oxumayıb. Yalvar-yaxarla ailə üzvlərini, yenidən mal-qara otarmağına razı sala bilib. Qulu deyir ki, bütün günü təbiətin qoynunda olmaq ona dərd-qəmini unutdurub.

Günlərin bir günü kəndə xəbər yayılır ki, Qulu qız qaçırıb. Anası Rəfiqə xanım deyir ki, burada heç bir məcburiyyətdən söhbət gedə bilməz: "Onlar bir-birlərini seviblər və birgə yaşamaq qərarı veriblər. Çox yaxşı toy etdik. İndi iki qızları var".

  • Qulu qollarını 10 yaşı olanda, ehtiyatsızlıqdan itirib
    Qulu qollarını 10 yaşı olanda, ehtiyatsızlıqdan itirib
    © Sputnik / Kamal Almuradlı
  • Fiziki məhdudiyyətinə baxmayaraq, evin, həyətin bütün işlərini Qulu özü görür
    Fiziki məhdudiyyətinə baxmayaraq, evin, həyətin bütün işlərini Qulu özü görür
    © Sputnik / Kamal Almuradlı
  • Qızları daima atalarının qulluğundadırlar
    Qızları daima atalarının qulluğundadırlar
    © Sputnik / Kamal Almuradlı
  • Rəfiqə xanım
    Rəfiqə xanım
    © Sputnik / Kamal Almuradlı
1 / 4
© Sputnik / Kamal Almuradlı
Qulu qollarını 10 yaşı olanda, ehtiyatsızlıqdan itirib

Uşaqlar artıq böyüyüb — birinin 13, o birinin isə 10 yaşı var. Hər ikisi məktəbə gedir. Onlar evdə olduqları vaxt atalarına çay içirir, yemək yedirirlər. Qulu hər axşam uşaqlarının dərsləri ilə maraqlanır, evə daha çox "əla" qiyməti gətirəni mükafatlandırır.

Rəfiqə xanım bu ailənin maddi təminatının zəif omağından şikayətlənir: "Oğlumun pensiyası 130 manatdır. Nəzərə almırlar ki, bu adam ailə başçısıdır, ona qulluq etdiyindən həyat yoldaşı da işləyə bilmir. Bu pulla özlərini və 2 uşağı necə saxlamalıdırlar? Uşaqlar hər gün məktəbə gedəndə ondan 20 qəpik "bulka pulu" istəyirlər. Qulu bəzən bu pulu tapıb verə bilmədiyindən utanır, dərd çəkir".

Ailənin qayğıları artdıqca Qulu əvvəlkindən daha çox işləyir. Daim qoltuğunda saxladığından, belin, yabanın, baltanın sapları böyrünü əzir, kiçik qol hissəsinə güc düşür. Amma heç vaxt öz işini başqasına gördürmək istəmir. Gecə narahat yatsa da, səhər hamıdan tez oyanır və gün qalxana qədər heyvanlarının qarnını doyurmuş olur.

Fəzail Əhmədov
© Sputnik / Ayaz Yashilyarpaq

Qulu özünü sürücü kimi də doğruldub, uzun illər müxtəlif markalı avtomobilləri idarə edib: "Sükana nəsə quraşdırmamışdım, dizlərimlə onu idarə edirdim. Bakıya, Gəncəyə, Naftalana da gedib-gəlirdim. Heç vaxt qəza törətməmişəm. Sonuncu maşınımı 2 ay əvvəl satmışam. Yenisini almaq imkanım yoxdur. Deyirlər, əlillər üçün dövlət hesabına maşın verilir. Görəsən həmin avtomobildən mənə də verərlərmi?".

Həyat yoldaşına pis təsir edən odur ki, televiziya kanallarının əməkdaşları maraqlı, əyləncəli xəbər hazırlamaq üçün onların qapısına gəlirlər: "Qulunun at çapmağını, maşın sürməyini bir neçə dəfə çəkib televiziyada göstəriblər. Qulu tamaşaçıları əyləndirmək üçün onlara lazımdır. Amma heç vaxt maraqlanmayıblar ki, bu şikəst insanın ailəsi necə dolanır, hansı çətinlikləri var. Jurnalistləri qapımıza gətirən icra məmurları başqa vaxt qapımızı döymürlər, kiçik bir yardımlarını da görməmişik. Buna görə son vaxtlar onları qapıdan qovuruq".

1128
Teqlər:
qolsuz adam, Köçərli kəndi, Tərtər rayonu, Qulu, Alik Hüseynov
Əlaqədar
Yüzlərlə azərbaycanlı uşağa ikinci ana olmuş rus qadın
Stalinin qarşısında bığını qırxmayan azərbaycanlı
Sandıq düzəldən ata və oğul
Rusları heyran edən azərbaycanlı: bu adam min illik tarixi yaşadır
21-ci əsrin Məcnunu Gəncədə yaşayır
Azərbaycan bayrağı

Məşhur türk sənətkarının ifasında "Qarabağ türküsü" səsləndirildi

7
(Yenilənib 12:02 21.10.2020)
Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir.

BAKI, 21 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl, Fizuli və Zəngilan şəhərləri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına bürünüb.

Bundan başqa qardaş ölkənin sənət adamları da ölkəmizə dəstək olublar. Bu dəfə bu axına Türkiyənin məşhur saz ifaçısı, müğənni Əsəd Kabaklı da qoşulub. Sputnik Azərbaycan xəbər verir ki, məşhur ozan Qarabağda davam edən vətən savaşı üçün mahnı ifa edib. Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir. Sözügedən mahnının sözləri İntiqam Yaşar, musiqisi isə Əziz Əlibəyliyə məxsusdur.

7
Mövzu:
Azərbaycan və Ermənistan arasında müharibə
Emin Şəkinski, arxiv şəkli

General Emin Şəkinski vəfat etdi

37
E.Şəkinski Bakı şəhəri Baş Polis İdarəsinin Cinayət Axtarış İdarəsində şöbə rəisi, Yasamal RPİ-nin 26-cı polis bölməsinin rəisi, Xətai RPİ-nin rəis müavini, DİN-in Daxili Təhlükəsizlik İdarəsinin rəisi, Baş Cinayət Axtarış İdarəsinin rəisi vəzifələrində çalışıb.

BAKI, 21 oktyabr — Sputnik. Daxili İşlər Nazirliyinin Nəqliyyatda Baş Polis İdarəsinin rəisi, polis general-mayoru Emin Şəkinski vəfat edib.

Sputnik Azərbaycan xəbər verir ki, general - mayor uzun sürən xəstəlikdən dünyasını dəyişib.

Şəkinski Emin Əkrəm oğlu 1960-cı ildə Bakı şəhərində anadan olub. 1982-ci ildə Bakı Dövlət Universitetinin tarix, 1993-cü ildə hüquq fakültələrini bitirib.

1985-ci ildən daxili işlər orqanlarında xidməti fəaliyyətə başlayıb.

E.Şəkinski Bakı şəhəri Baş Polis İdarəsinin Cinayət Axtarış İdarəsində şöbə rəisi, Yasamal RPİ-nin 26-cı polis bölməsinin rəisi, Xətai RPİ-nin rəis müavini, DİN-in Daxili Təhlükəsizlik İdarəsinin rəisi, Baş Cinayət Axtarış İdarəsinin rəisi vəzifələrində çalışıb.

37
OPEC-in mənzil-qərargahı, arxiv şəkli

OPEC neftin bir barelinin qiymətinin 40 dollardan aşağı düşməməsini hədəfləyir

0
OPEC-in prezidenti Əbdülməcid Əttar 2021-ci ilin əvvəlindən etibarən neft qiymətlərində artım gözlənildiyini bildirib.

BAKI, 21 oktyabr — Sputnik. Neft İxrac Edən Ölkələr Təşkilatı (OPEC) və bu quruma üzv olmayan neft istehsal edən digər ölkələrdən ibarət OPEC+ qrupunun üzvləri 2020-ci ilin sonuna qədər neftin bir barelinin qiymətinin 40 dollardan aşağı düşməməsini hədəfləyir.

Sputnik Azərbaycan Türkiyə mediasına istinadla xəbər verir ki, bu barədə Əlcəzairin Energetika naziri və OPEC-in müvəqqəti prezidentliyini icra edən Əbdulməcid Əttar məlumat verib. O, OPEC+ qrupunun neft bazarını və qiymət sabitliyini qorumaq üçün bütün lazımi addımları atmağa qərar verdiyini deyib.

Yeni növ koronavirus (COVID-19) epidemiyası səbəbiylə dünyada neftə olan tələbatın gündəlik 9 milyon bareldən çox azaldığını bildirən Əttar 2021-ci ilin əvvəlindən etibarən neft qiymətlərində artım gözlənildiyini də bildirib.

Qeyd edək ki, aprel ayında OPEC+ qrupu ölkələri may ayının əvvəlindən iyulun sonuna qədər gündəlik neft hasilatını 9,7 milyon barelə, avqustdan ilin sonuna qədər isə 7,7 milyon barelə endirmək barədə qərar qəbul etmişdi.

0
Teqlər:
neft, OPEK, OPEC