Təmiz Dünya İctimai Birliyinin qadın sığınacağı

Həyatını uduzan qadın...

2210
(Yenilənib 16:47 03.10.2016)
Sevgisi naminə hər şeyindən keçir, qarşıda onu gözləyən, xoşbəxt ola biləcəyi həyatdan belə

İradə Cəlil, Sputnik Azərbaycan

BAKI, 3 okt — Sputnik. Yerli Bakı ləhcəsi ilə danışan qadın məni qarşıladı. Mətbəxdə yemək hazırlayırdı. Əvvəlcə elə düşündüm ki, buranın işçilərindəndir. Sonra oturdu. "Həyatımı danışmaq istəyirəm" dedi. Və göz yaşları içində söhbətə başladı.

Danışdıqca ağlayır, peşmançılıqlarını dilə gətirirdi. Sanki, az öncə məni gülə-gülə qarşılayan o, deyildi. Bu həyatı uduzduğunu deyirdi…

Mehriban Zeynalovanın sədrlik etdiyi "Təmiz Dünya" İctimai Birliyinin qadın sığınacağında zorakılığa məruz qalmış, döyülmüş, söyülmüş, tərk edilmiş, ölümə buraxılmış onlarla qadın var. Atası, qardaşı, yoldaşı olduğu halda, kimsəsiz olan qadınlar.

Bu sığınacaq haqqında çox eşitmişdim. Nəhayət, yolumu oradan salıb, bir də göz yaşananların şahidi olmaq, insanlarla dərdləşmək qərarına gəldim.

"Yoldaşım məndən 13 yaş böyükdür. Sevib ailə qurmuşdum. Qonşumuz idi. O zaman mən başqası ilə nişanlı idim. Onun sevgisi və ona olan sevgim üçün hər şeydən keçdim, məni gözləyən, bəlkə də gözəl həyatdan da. Sevdim. Sən demə, bu sevgi mənim ömürlük cəzam olacaqmış. 21 yaşım var idi o zaman".

Səma Məmmədova (ad şərtidir — İ.C.) "Təmiz Dünya"ya pənah gətirən qadınlardandır. Üç qızı, bir oğlu var. Həyat yoldaşı ondan əvvəl də evli olubmuş. Ancaq Səma bu haqda ailə qurandan sonra xəbər tutur: "O, Rusiyada evli olub, bir qızı da var idi. Bunu mən evlənəndən sonra bildim. Amma onu çox sevirdim deyə, hər şeyi qəbul etdim".

Həyat yoldaşının çox mehriban, ailəcanlı adam olduğunu da deyir. Evə də yaxşı baxrmış. Amma iki il öncə içkiyə başlayır. Və onların həyatında hər şey dəyişir.

  • Təmiz Dünya İctimai Birliyinin qadın sığınacağında zorakılığa məruz qalmış, döyülmüş, söyülmüş, tərk edilmiş, ölümə buraxılmış onlarla qadın var
    "Təmiz Dünya" İctimai Birliyinin qadın sığınacağında zorakılığa məruz qalmış, döyülmüş, söyülmüş, tərk edilmiş, ölümə buraxılmış onlarla qadın var
    © Sputnik / Irade JELIL
  • Atası, qardaşı, yoldaşı olduğu halda, kimsəsiz olan qadınlar
    Atası, qardaşı, yoldaşı olduğu halda, kimsəsiz olan qadınlar
    © Sputnik / Irade JELIL
  • Səma Məmmədova (ad şərtidir — İ.C.) Təmiz Dünyaya pənah gətirən qadınlardandır. Üç qızı, bir oğlu var.
    Səma Məmmədova (ad şərtidir — İ.C.) "Təmiz Dünya"ya pənah gətirən qadınlardandır. Üç qızı, bir oğlu var.
    © Sputnik / Irade JELIL
  • Səmanın qızları məktəbə də getməyiblər — ataları qoymayıb ki, uşaqları təhsil alsınlar
    Səmanın qızları məktəbə də getməyiblər — ataları qoymayıb ki, uşaqları təhsil alsınlar
    © Sputnik / Irade JELIL
  • Səmanın dediyinə görə, əri qızları döyən zaman araya girdiyi üçün, dəfələrlə möhkəm döyülüb
    Səmanın dediyinə görə, əri qızları döyən zaman araya girdiyi üçün, dəfələrlə möhkəm döyülüb
    © Sputnik / Irade JELIL
  • Səma artıq 7-ci aydır ki, uşaqları ilə birgə Təmiz Dünya İctimai Birliyinin qadın sığınacağında yaşayır
    Səma artıq 7-ci aydır ki, uşaqları ilə birgə "Təmiz Dünya" İctimai Birliyinin qadın sığınacağında yaşayır
    © Sputnik / Irade JELIL
  • Polis Səmanın harada olduğundan xəbərdar olsa da, həyat yoldaşı onu axtarır və kimsə onun başına nəsə gəlməyəcəyinə dair zəmanət verə bilməz…
    Polis Səmanın harada olduğundan xəbərdar olsa da, həyat yoldaşı onu axtarır və kimsə onun başına nəsə gəlməyəcəyinə dair zəmanət verə bilməz…
    © Sputnik / Irade JELIL
1 / 7
© Sputnik / Irade JELIL
"Təmiz Dünya" İctimai Birliyinin qadın sığınacağında zorakılığa məruz qalmış, döyülmüş, söyülmüş, tərk edilmiş, ölümə buraxılmış onlarla qadın var

Elçin (ad şərtidir — İ.C.) Səma ilə sevib ailə qursa da, Rusiyadakı ailəsi ilə də əlaqəsini davam etdirirmiş: "İçki içən kimi dəyişir, başlayırdı qızlarımızı döyməyə. Əlindən ala bilmirəm. Oğluma heç nə etmir, amma qızları kəmərlə döyürdü. Tutub evin o biri başına atırdı. Gördüm ki, qızlarım onun əlində öləcəklər. Bu il mayın 10-da uşaqlarımı götürüb evdən qaçdım. Ayın 26-sına kimi qohumlarımın evində qaldıq. Sonra Mehriban xanıma sığındıq".

"Çox qəribə xaisyyəti var Elçinin. Hər şey qaydasında olur, evə yaxşı bazarlıq edir, qızlar nə istəyirlərsə alır. Amma elə ki, içdi, çevrilir, olur düşmənimiz. Səhər isə etdiklərinin heç birini xatırlamır. And içir ki, artıq içməyəcək, amma yenə içir, yenə eyni vəziyyət yaranır. Bu problemdən dolayı 4 dəfə polisə müraciət etmişəm", — müsahibimiz nəql edir.

Səmanın qızları məktəbə də getməyiblər — ataları qoymayıb ki, uşaqları təhsil alsınlar. Böyük qızı 2002, ortancıl 2004, balaca isə 2007-ci ildə dünyaya göz açıb. Qızlar dünyaya gələndə Elçin çox sevinirmiş.

Səmanın dediyinə görə, əri qızları döyən zaman araya girdiyi üçün, dəfələrlə möhkəm döyülüb: "Qollarım şiş idi. Bilmirdim, nə edim. Anam deyirdi ki, "mənim evimdən uşaq aparmamısan ki! Uşaqları at atalarının üstünə, qayıt gəl"".

Elçin sərxoş vəziyyətdə qızlarını döysə də, oğluna toxunmur: "Yoldaşım oğluma sərxoş olanda da toxunmur. Ona atasının adını qoyub, çox istəyir. Mən başa düşə bilmirəm, səhər açılanda bu insan bizə yalvarır. Qızları qucaqlayıb öpür, üzr istəyir. Bədənlərinə baxıb, ağalyır. Axşam içən kimi yenə dəyişir, bıçaq çəkir üstümüzə. Mən bilmirdim, sərxoş necə olur. Birinci dəfə sərxoş olanda başladı məni döyməyə, ütü ilə yandırdı məni. Anam, qohumlarımız hamısı mənə deyirdi ki, "döz". İki il dözdüm, təkcə məni vursaydı, yenə dözərdim. Amma qızlarımın bədəninə baxanda ölmək istəyirdim, dözə bilmirdim".

Qadının sözlərinə görə, Elçin Rusiyadakı qızını görməyə də gedirmiş. Hətta bağını sataraq Rusiyadakı qızına toy da edib: "İçir, məni döyür, "sən çıx get, məni Rusiyada qəbul edən var, uşaqlara da özüm baxacağam" deyir. Bir neçə il öncə bağımızı satdı ki, qızına toy etsin. Qızıl komplektini də mən seçmişdim onun qızı üçün. Mən onu sevdiyim üçün hər şeyə dözürdüm, hər şeydən keçirdim".

"Həmin gün evdən çıxanda məktub qoydum. Yazdım ki, "polisə şikayət edəcəyəm". Getdim, şikayət etdim. Xırdalan körpüsünün üstündə qarşıma çıxdı. Qolumdan tutub dartdı, az qalmışdı, məni körpüdən atsın. Həmin gün içkili deyildi. Düşmən kimi davranırdı mənə qarşı. Qızlarımın ikisi qaçmışdı polis idarəsinə, balacam yanımda idi. Polislər gələnə kimi Elçin qaçdı", — gözüyaşlı qadın söyləyir.

Səma artıq 5-ci aydır ki, uşaqları ilə birgə "Təmiz Dünya" İctimai Birliyinin qadın sığınacağında yaşayır. Az-çox yeməyə çörəyi olsa da, qızlarının gələcək həyatından narahatdır. Etiraf edir ki, Elçin içkini tərgitsə, onun yanına qayıtmağa, hər şeyi ona bağışlamağa hazırdır. Təki uşaqları atasız böyüməsin…

Söhbətini bitirib yemək hazırlamağa başladı. "Bu gün sığınacağın menyusunda düşbərə olacaq" dedi.

"Təmiz Dünya" İctimai Birliyinin sədri Mehriban Zeynalova, Səmanın durumunu nəzərə alıb, onun fotolarını çəkməyimizi münasib görmədi. Yəni, polis Səmanın harada olduğundan xəbərdar olsa da, həyat yoldaşı onu axtarır və kimsə onun başına nəsə gəlməyəcəyinə dair zəmanət verə bilməz…

2210
Teqlər:
"Təmiz Dünya", həyat hekayəsi, Mehriban Zeynalova, Bakı, qadın
Əlaqədar
Həyat onunla düşmənçilik edir
Keçmiş məhbusun dözülməz həyat hekayəsi
Bu yükü kimsə daşıya bilməzdi...
Roman kimi həyat, yaxud bir təbəssümün arxasındakı sirr
Ərini başqası ilə evləndirən qadın: onun yaşadıqlarını kimsə yaşaya bilməzdi

Nobel prospektində şoka salan qəza - "Toyota" digər maşınları biçib - Fotolar

25
(Yenilənib 20:53 24.01.2021)
Vüsal Ağayevin idarə etməsindən çıxan maşın əvvəl "Toyota", daha sonra ard-arda "Renault", "Skoda" və "Dodge" markalı nəqliyyat vasitələrinə çırpılıb.

BAKI, 24 yanvar - Sputnik. Bakının Xətai rayonunda "Toyoto" markalı avtomobil yüksək sürətlə 4 avtomobilə çırpılıb.

Sputnik Azərbaycan APA-ya istinadla xəbər verir ki, hadisə paytaxtın Nobel prospektində qeydə alınıb.

Ağayev Vüsal Əhməd oğlunun idarə etdiyi "Toyoto" markalı avtomobil əvvəlcə Ruslan Mircəfərovun idarə etdiyi eyni markalı avtomobilə çırpılıb.

V.Ağayevin idarə etməsindən çıxan maşın daha sonra ard-arda "Renault", "Skoda" və "Dodge" markalı nəqliyyat vasitələrinə çırpılıb.

  • Bakıda zəncirvari yol-nəqliyyat hadisəsi
    © Photo : APA
  • Bakıda zəncirvari yol-nəqliyyat hadisəsi
    © Photo : APA
1 / 2
© Photo : APA
Bakıda zəncirvari yol-nəqliyyat hadisəsi

Hadisə yerinə hüquq-mühafizə orqanlarının əməkdaşları cəlb edilib.

25
Məsut Özil, arxiv şəkli

Məsut Özil bundan sonra Türkiyədə oynayacaq

23
(Yenilənib 20:41 24.01.2021)
Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

BAKI, 24 yanvar - Sputnik. Türkiyənin "Fənərbaxça" klubu yeni transferi Məsut Özillə 3,5 illik müqavilə bağlayıb.

Sputnik Azərbaycan klubun rəsmi saytına istinadla xəbər verir ki, 2014-cü ildən oyunçusu olduğu Almaniya millisindən istefa verən türkəsilli hücumameylli yarımmüdafiəçi müqaviləyə imza atdıqdan dərhal sonra məşqlərə başlayıb.

"Burada olduğum üçün xoşbəxtəm. Xəyalım gerçək oldu. İnanıram ki, uğurlu mövsüm keçirəcəyik", - deyə Özil vurğulayıb.

33 yaşlı oyunçunun transferi "sarı-lacivərdlilər"ə demək olar ki, havayı başa gəlib. Türkiyə mediası 3.5 illik sözləşməyə imza atan Özilin bu müddət ərzində İstanbul klubunda 15 milyon avrodan çox qazacağını yazıb.

Özil İngiltərə "Arsenal"ı ilə müqaviləsini pozduqdan sonra İstanbul klubu ilə razılaşıb. 

23
Teqlər:
İstanbul, "Fənərbaxça", məşhur futbolçu, futbolçu, Məsut Özil

Cavad Zərif Azərbaycana gəlib

0
(Yenilənib 23:00 24.01.2021)
İranlı diplomatın Azərbaycandan sonra Rusiya, Ermənistan, Gürcüstan və yaxın günlərdə - həftə sonu Türkiyəyə də səfər edəcəyi planlaşdırılıb. 

BAKI, 24 yanvar - Sputnik. İranın Xarici İşlər naziri Məhəmməd Cavad Zərif bu gün axşam Azərbaycana rəsmi səfərə gəlib.

Sputnik Azərbaycan xəbər verir ki, Zərif hava limanında jurnalistlərə açıqlamasında qardaş Azərbaycan Respublikasına səfərindən məmnunluğunu ifadə edib. O, Azərbaycanın torpaqlarını azad etdiyinə görə sevinc hissi keçirdiyini deyib. 

Zərif səfər müddətində əsas müzakirə ediləcək istiqamətləri də açıqlayıb:

“Əsas müzakirə mövzusu bölgədəki regional əməkdaşlıqdır. Bu da bizim üçün çox vacibdir. İran İslam Respublikası regiondakı ölkələrlə ikitərəfli yaxın münasibətlərə üstünlük verir”. 

İran XİN rəhbərinin sözlərinə görə, sabah azərbaycanlı rəsmilərlə Dağlıq Qarabağdakı vəziyyət, əməkdaşlıq və azad olunmuş ərazilərdə yenidənqurma, eləcə də təhlükəsizlik məsələləri ilə bağlı danışıqlar olacaq.

Zərif azərbaycanlı məcburi qaçqınların azad edilmiş doğma torpaqlarına qayıtmasına da münasibət bildirib. Qeyd edib ki, bu məsələ də danışıqlar masasında müzakirə ediləcək. Səfər çərçivəsində, həmçinin, Şimal-Cənub və Cənub-Qərb dəhlizləri ilə bağlı məsələlərə də toxunulacaq.

İranlı diplomat əlavə edib ki, Azərbaycandan sonra Rusiya, Ermənistan, Gürcüstan və yaxın günlərdə - həftə sonu Türkiyəyə də səfər edəcəyi planlaşdırılıb. 

0
Teqlər:
İranın xarici işlər naziri Məhəmməd Cavad Zərif, Məhəmməd Cavad Zərif, Qarabağ, Gürcüstan, Ermənistan, Türkiyə, Rusiya, İran