Jurnalkistika

Jurnalistlərin "yaralı yeri": haqqın olanı ala bilməyəsən

331
(Yenilənib 17:29 30.09.2016)
Mətbuat əhlini ən çox narazı salan mətbuat xidmətləri bəlli oldu

BAKI, 30 sen — Sputnik. Azərbaycan jurnalistlərinin ən böyük problemlərindən biri dövlət qurumlarının mətbuat xidmətlərindən informasiya əldə etməklə bağlıdır. Bir çox dövlət qurumlarının mətbuat xidmətləri KİV-lə əməkdaşlıqda maraqlı və fəal olsa da, bunun tam əksini nümayiş etdirən, bəzi hallarda barəsində "orda oturub ki, idarəsinin mətbuatla əlaqələrinə mane olsun" kimi fikirlər səslənən MX-ləri də var.

Sputnik hansı qurumların jurnalistləri daha çox narazı saldığına dair, media təmsilçiləri arasında kiçik sorğu keçirib.

İradə Cəlil — "Ekspress" qəzetinin müxbiri: "Ailə qadın və uşaq problemləri üzrə Dövlət Komitəsinin mətbuat xidmətinin rəhbəri Elgün Səfərov yerində tapılmır. Nəqliyyat Nazirliyinin mətbuat xidmətinin rəhbəri Namiq Həsənovla da heç cür əlaqə saxlamaq olmur. Daxili İşlər Nazirliyi (DİN) Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev nə zənglərə cavab verir, nə mesajlara. Təhsil Nazirliyinin mətbuat xidmətinin rəhbəri Cəsarət Valehovu da xüsusi qeyd etmək lazımdır — suallardan yayınır və rəsmi cavab vermir".

Günel Cəlilova — "Bakı-xəbər" qəzetinin əməkdaşı: "Nəqliyyat Nazirliyindən Namiq Həsənov demək olar, mətbuatla işləmir. Təhsil Nazirliyinə ünvanlanan suala 3-4 gün ərzində cavab verilə-verilməyə".

Tural Balabəyli — Müstəqil.az saytının əməkdaşı: "Nəqliyyat Nazirliyinin mətbuat xidmətinin əməkdaşı Namiq Həsənov mətbuatla demək olar, işləmir. Onu tapmaq çox çətindir".

Fuad Həsənov - müstəqil jurnalist: ""Azərsu" ASC nin mətbuat xidməti ilə əlaqə qurmaq mümkünsüzdür. Gün ərzində dəfələrlə zəng etsəm də, zənglərə cavab vermir. Və bu, hər dəfə təkrarlanır".

Gülşanə Mustafayeva — İnterpress.az saytının müxbiri: "Qafqaz Müsəlmanları İdarəsinin və Daxili İşlər Nazirliyinin mətbuat xidmətlərinin işlərindən narazıyam. Bu idarələrin mətbuatla işləməsi çox zəifdir".

Gülşən Şərif — Poliqon İnformasiya Agentliyinin əməkdaşı: "Qafqaz Müsəlmanları İdarəsinin mətbuat xidmətindən şikayətçiyəm. Bu idarə ilə əlaqə yaratmaq sadəcə olaraq mümkünsüzdür".

Pərvin Zeynalov — Qaynarinfo.az saytının müxbiri: "Ən narazı olduğum qurum Təhsil Nazirliyinin mətbuat xidmətidir. Cəsarət Valehov ona ünvanlanan suallardan qaçır. Bir də yeni dəb yaranıb mətbuat xidmətləri arasında. Biz jurnalistlərdən elektron ünvanlarına sualları yazmağımızı xahiş edirlər. Halbuki elə məsələlər var ki, gündəmdədir, bu səbəbdən digər mətbuat orqanları ilə rəqabətdə olduğundan çalışırsan ki, rəsmi mövqeyi birinci alıb verəsən, amma rəsmi mövqe vaxtında verilmir. Hətta bəzi qurumların bir çoxunun mətbuat xidmətinin əlaqə nömrəsi tapılmır. Məsələn, Dövlət Gömrük Komitəsi, Penitensiar Xidmət".

Gülşən Raufqızı — Modern.az saytının əməkdaşı: "Maliyyə Nazirliyinin mətbuat xidmətinin rəhbəri Mayıs Piriyev "sorğularınızı mail adresinə göndərin" deyir. Amma aylarla cavablandırmır. Uyğun bir vaxtda isə hamının diqqətində olan məsələyə dair açıqlamanı öz istədiyi mətbuat orqanında yayımlayır. Daxili İşlər Nazirliyinin mətbuat xidmətinə də hansısa sualı ünvanlayanda, sanki onlara aid olmayan bir məsələni aydınlaşdırmağa çalışırsanmış kimi münasibət sərgiləyirlər".

Təranə Xudabaxşiyeva — Sputnik Azərbaycan İnformasiya Agentliyinin əməkdaşı: "Daxili İşlər Nazirliyi (DİN) Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev və Bakı Şəhər Baş Dövlət Yol Polis İdarəsinin (BŞBDYPİ) mətbuat xidmətinin rəisi Vaqif Əsədov, demək olar ki, zənglərə cavab vermir. Telefonu açanda da müxtəlif bəhanələr göstərərək suallardan yayınırlar".

331
Teqlər:
media, KİV, mətbuat, mətbuat xidməti, jurnalist
Əlaqədar
Mətbuat Şurası Ali Media Mükafatı laureatlarının adlarını açıqlayıb
Sputnik Mətbuat Şurası ilə birgə Zərdabinin xatirəsini yad etdi
"İlin mətbuat xidməti rəhbəri" seçildi
Dünya mətbuatında "gözlənilməz addım"
Beynəlxalq söz və mətbuat azadlığı günü
Həblər, arxiv şəkli

Hər birimizin köməyinə çatan dərmanlarla bağlı qorxunc xəbərdarlıq - öldürə bilər

6
(Yenilənib 16:21 26.11.2020)
"Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır"

Zülfiyyə Quluyeva, Sputnik Azərbaycan

BAKI, 26 noyabr — Sputnik. Azərbaycanda antimikrob dərmanların apteklərdə əhaliyə sərbəst satışı qadağan olunmalıdır. Bununla bağlı dövlət qurumları lazımi dəstək verməlidir. Bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı deyib. Onun sözlərinə görə, bu preparatlara əlçatanlığını azaltmaq lazımdır. "İnsanların antibiotiklərə qarşı davamlılığı ölçülməlidir. Bunun üçün Azərbaycanın lazımi laboratoriyaları var. Həmçinin, maarifləndirmə də olmalıdır. Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi".

Qeyd edək ki, antibiotiklər yüngün soyuqlama zamanı hər birimizin köməyinə çatır. Ona görə də antibiotiklərin reseptlə satılması əhali tərəfindən birmənalı qarşılanmır. Sputnik Azərbaycan antibiotiklərin reseptsiz satışının fəsadlarını araşdırıb.

Professor Adil Qeybulla Sputnik Azərbaycan-a açıqlamasında antibiotiklərin reseptsiz satışının məhdudlaşdırılması ilə bağlı təklifləri dəstəklədiyini bildirib. A.Qeybulla deyir ki, apteklərdə antibiotiklərin reseptsiz satışı qanunda olan boşluqdan irəli gəlir. Onun sözlərinə görə, xarici ölkələrdə antibiotiklər reseptlə satılır:

"Antibiotiklərin həkim təyini olmadan istifadəsi çox risklidir. Bu, hətta ölümə belə gətirib çıxardır. Koronavirusun müalicəsində antibiotiklərdən istifadə məsləhət görülmür. Çox təəssüf ki, insanlar evdə müalicə zamanı kortəbii antibiotiklərdən istifadə edirlər. Bu isə anafilaktik şok, allergik təsirlər göstərə bilər. Antibiotiklərdən həkim təyinatı olmadan istifadə qulağı kar edə, böyrək problemlərinə səbəb ola bilər. Sovet dövründə antibiotiklərdən istifadə geniş yayılmışdı. İndi də bəzi insanlar həkim təyinatı olmadan antibiotikləri alaraq istifadə edirlər. Təbii ki, buna son qoyulmalıdır".

Səhiyyə Nazirliyinin İctimai Səhiyyə və Sanitariya-Epidemioloji Nəzarət Şöbəsinin müdiri Nəzifə Mürsəlova Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş virtual mətbuat konfransında bildirib ki, hazırda antibiotiklər reseptlə buraxılan dərmanlar sırasındadır: "Bu gün apteklərdə hər kəs istənilən antibiotiki ala bilər. Bu cür dərmanlar açıq satışda var və buna heç bir nəzarət yoxdur. Bu, bizim problemimiz idi. Bu məsələ qanunvericilikdə tənzimlənir, təəssüf ki, bu tənzimlənmə kağız üzərində qalır. COVID-19 dövründə problem daha da artdı. Bu qanunvericiliyin yerlərdə işləməsi istiqamətində işlər gücləndirilməli, ona nəzarət artırılmalıdır. Dövlət səviyyəsində bu məsələyə sərt nəzarət olmalıdır".

Koronavirusdan ölüm artır - Səbəblər virusun özü qədər qorxuludur>>

Milli Məclisin Səhiyyə komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, antibiotiklərin satışı "Əhalinin sağlamlığının qorunması haqqında" qanunla müvafiq qaydada tənzimlənir:

"Bu, qanunvericilikdə olan hər hansı boşluq yox, qanunun icrası ilə bağlı problemdir. Qanunların icra müxanizmi NK-nın müvafiq qərarları ilə tənzimlənir. Ola bilər ki, bu məsələ də icra mexanizmində yaranan anlaşılmazlıqla bağlı ola bilər. Qanun antibiotiklərin satışını kifayət qədər tənzimləyir. İşçi qaydada təlimatlarla bu məsələyə baxılmalıdır", - deyə deputat bildirib.

M.Məmmədli bildirir ki, antibiotiklərin kortəbii təyini mənfi təsirə səbəb ola bilər. Koronavirusla mübarizədə isə bu, daha təhlükəlidir: "Çünki koronavirusa yüngül yoluxmada müalicə əsasən orqanizmin gücləndirilməsi, immun sisteminin möhkəmləndirilməsi ilə bağlı aparılır. Antibiotiklərdən istifadə isə orqanizmi, immun sistemini zəiflədir. Bu, o demək deyil ki, xəstələrə antibiotik ümumiyyətlə təyin olunmamalıdır. Sadəcə olaraq bunun üçün tibbi göstəriş olmalıdır. Hər xəstəliyə antibiotik istifadə edilə bilməz. Bəzən insanlar özləri özlərini antibiotiklərlə müalicə edirlər. Ona görə də antibiotiklər reseptsiz buraxılmamalıdır. Bu, beynəlxalq təcrübəyə əsaslanır. Antibiotiklər həkimlərin təyinatı ilə resept əsasında satılmalıdır".

6
Teqlər:
Müşfiq Məmmədli, Nəzifə Mürsəlova, Adil Qeybulla, antibiotik, Koronavirus, epidemiya, COVID-19
Koronavirus testi, arxiv şəkli

TƏBİB Azərbaycanda koronavirus testlərinin bitməsi barədə məlumatlara aydınlıq gətirdi

8
(Yenilənib 19:41 26.11.2020)
Bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

BAKI, 26 noyabr - Sputnik. Azərbaycanda koronavirus (COVID-19) ilə əlaqədar aparılan testlərin bitməsi barədə yayılan məlumatlar həqiqəti əks etdirmir.

Bu barədə Sputnik Azərbaycan-a TƏBİB-dən məlumat verilib. 

"Bildiririk ki, ölkəmizdə koronavirusun diaqnozu üçün kifayət qədər test ehtiyatı mövcuddur. Sadəcə olaraq, gün ərzində götürülən testlərin sayı çox olduğundan bu, laboratoriyaların iş gücünə təsir göstərir. Nəticədə, təbii olaraq testin nəticələri bir qədər gecikmiş olur", - TƏBİB bildirib.

Məlumatda o da qeyd olunub ki, bu problemin aradan qaldırılması məqsədilə, simptomsuz təmaslılardan testlərin götürülməsinə müvəqqəti məhdudiyyət qoyulması qərara alınıb.

"Hazırda ölkədə 37 laboratoriya mövcuddur. Bu laborotoriyalarda gündəlik 10 000 testin aparılması nəzərdə tutulurdu, artıq müraciətlərin sayı çox olduğundan gün ərzində laboratoriyalara daxil olan test nümunələri nəzərdə tutulduğundan 2 dəfə (19178 test) artıb", - deyə məlumatda bildirilir. 

8
Teqlər:
test, korona virusu, Koronavirus, epidemiya, COVID-19, Tibbi Ərazi Bölmələrini İdarəetmə Birliyi, TƏBİB
Ermənistan parlamenti

Ermənistan parlamentində dava düşdü, qadın kişi deputatlar bir-birinə qarışdı - VİDEO

0
(Yenilənib 20:04 26.11.2020)
"Çiçəklənən Ermənistan" Partiyasının deputatı Naira Zohrabyan: "Paşinyan Azərbaycanda cizgi filmlərinin qəhrəmanına çevrilib".

BAKI, 26 noyabr - Sputnik. Ermənistan parlamentinin bugünkü iclasında dava düşüb.

Sputnik Ermənistan-ın məlumatına görə, hadisə “Mənim addımım” fraksiyasının deputatı Amazasp Danielyanın çıxışı zamanı olub.

Danielyan “Çiçəklənən Ermənistan” Partiyasının deputatı Mikael Melkumyanın “nəvələrimizə müharibədə məğlub olduğumuzu necə başa salaq?” sualına kobud cavab verib.

Son nöqtə "Çiçəklənən Ermənistan"ın deputatı Naira Zohrabyana ünvanlanan irad olub. Zohrabyan Paşinyanın Azərbaycanda cizgi filmlərinin qəhrəmanı olduğunu söylədikdə, Danielyan ona irad tutub: "Siz də Azərbaycanda superulduzsunuz."

Bundan sonra zalda gərginlik yaranıb, deputatlar bir-birinin üstünə gedib. Zala mühafizəçilərin çağırılması ilə gərginlik aradan qalxıb.

 

0
Teqlər:
Azərbaycan, Ermənistanın baş naziri Nikol Paşinyan, baş nazir Nikol Paşinyan, Nikol Paşinyan, Ermənistan