В Вахитовском районном суде Казани

Ədalətin bərpası üçün vətəndaşdan pul tələb olunur

199
(Yenilənib 11:05 28.09.2016)
Bakı Apellyasiya Məhkəməsinin 2014-cü ildə verdiyi qərarın icrasına nə mane olur?

BAKI, 27 sen — Sputnik. "Nəsimi rayonu məhkəməsinin icra şöbəsi Apellyasiya Məhkəməsinin qətnaməsinə və dövlətin qanunlarına qarşı hörmətsizlik edir".

Bu ifadə Sumqayıt şəhərində yaşayan Namiq Ağamir oğlu Əhmədovun Sputnik-ə ünvanlandığı məktubda əksini tapıb. Məktubda qeyd olunub ki, Namiq Əhmədov bir vaxtlar işlədiyi "Nurvin ST" şirkətindən ona verilməli olan əməkhaqqını artıq beş ilə yaxındır ki, ala bilmir.

Öz haqqını hüquq müstəvisində həll etmək istəyən Sumqayıt vətəndaşı müxtəlif məhkəmə instansiyalarına üz tutmalı olub. Nəhayət, Azərbaycan Respublikası Bakı Apellyasiya məhkəməsinin Mülki Kollegiyasının 23 oktyabr 2014-cü il tarixli 2(103)-4917/2014 saylı qərarı ilə cavabdeh "Nurvin ST" şirkətindən 2011-ci ilin 10-cu, 11-ci, 12-ci ayları və 2012-ci ilin ilk 10 ayı üçün hər ay 550 (beş yüz əlli) manat hesabı ilə cəmi 7150 (yeddi min yüz əlli) manat ödənilməmiş əmək haqqı, istifadə edilməmiş məzuniyyətə görə kompensasiya (1950 manat) və əmək haqqının gecikdirilməsi ilə bağlı 500 (beş yüz) manat ödənc (ümumilikdə cəmi 9600 manat) tutularaq Namiq Əhmədova ödənilməsi qət edilir.

Bakı Apellyasiya məhkəməsinin Mülki Kollegiyasının 23 oktyabr 2014-cü il tarixli qətnaməsi 2014-cü ildən icraya yönəlməsinə baxmayaraq, hazırki vaxtadək icra edilmir. Şikayətçi Namiq Əhmədov bildirir ki, Azərbaycan Respublikası Ədliyyə Nazirliyinin Bakı şəhəri Nəsimi rayon icra şöbəsi tərəfindən qərarın icrası qəsdən yubadılır. Nəsimi rayon icra şöbəsinin icra məmuru Elnur Priyev müxtəlif bahənələrlə məhkəmə aktının icrasından yayınır, "Nurvin ST" şirkətinin xeyrinə təqdimat və qərarlar hazırlayır. Namiq Əhmədov bunun səbəbini Elnur Piriyevə rüşvət verməməyində görür.

Azərbaycan Respublikası Bakı Apellyasiya məhkəməsinin icraya yönəlmiş sənədinin icrasının yubadıldığını görən Namiq Əhmədov Azərbaycan Respublikasının Prezidenti cənab İlham Əliyevə, İnsan Hüquqları üzrə müvəkkil (ombudsman) Elmira Süleymanovaya, ədliyyə naziri Fikrət Məmmədova dəfələrlə məktubla müraciət etməyinə baxmayaraq 1 il 6 aydır ki qərar icra olunmamış qalıb.
N. Əhmədov isə öz növbəsində iddia edir ki, 5 növ daşınar əmlaka həbs qoyulsa da, onların indiyəcən satılmaması, fevralda həbs qoyulmuş iki əmlakın yalnız 4 aydan sonra qiymətləndirilməyə göndərilməsi və qiymətləndirmənin 3 ay müddətində həyata keçirilməsi süründürməçiliyi, icranın qəsdən yubadılmasını bir daha təsdiq edir.

Qərarların kağız üzərində qalması vətəndaşla dövlət arasında bilərəkdən narazılığın yaranmasına xidmət edir. Namiq Əhmədov, Elnur Priyev və onu müdafiə edən Nəsimi rayon məhkəməsinin icra şöbəsinin, Ədliyyə Nazirliyi Baş İcra İdarəsinin vətəndaşa qarşı elədikləri bu qanunsuz hərəkətləri, həmin şəxs və qurumların prezident İlham Əliyevə, birinci xanım Mehriban Əliyevaya, cənab Ramiz Mehdiyevə və ombudsman Elmira Süleymanovaya qarşı sayğısız hərəkət, referendum ərəfəsində Prezidentə və dövlətə qarşı təxribat kimi dəyərləndirir.
Xatırladaq ki, Azərbaycan Respublikası Konstitusiyasının 129-cu maddəsinin I və II hissələrinə görə məhkəmənin qəbul etdiyi qərarlar dövlətin adından çıxarılır və onların icrası məcburidir.

Məhkəmə qərarlarının icrasının məcburiliyi "Məhkəmələr və hakimlər haqqında" Qanunun 5-ci maddəsində də əks olunub. Azərbaycan Respublikasının qanunvericiliyi ilə müəyyən edilmiş qaydada qanuni qüvvəyə minmiş qərarlar ölkə ərazisində bütün fiziki və fiziki şəxslər tərəfindən mütləq, vaxtında və dəqiq icra olunmalıdır. Qanuni qüvvəyə minmiş məhkəmə qərarlarının icra edilməməsi Azərbaycan Respublikası qanunvericiliyi ilə nəzərdə tutulmuş məsuliyyətlərə səbəb olur. "İcra haqqında" qanunun 12-ci maddəsinə görə isə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir.

Müstəsna hallarda icra sənədlərində göstərilən tələblərin icra olunması isra qurumunun rəhbərinin təqdimatı əsasında icra xidmətinin rəhbəri (baş icra məmuru) tərəfindən bir ay müddətinədək uzadıla bilər. Belə olan halda sual yaranır ki, Bakı Apellyasiya Məhkəməsinin 2014-cü ildə verdiyi qərarın icrasına nə mane olur?

Sputnik-in bu sualını Nəsimi rayon məhkəmə qərarlarının icrası xidmətinin rəisi Nazim Nərimanov cavablandırıb. O, Namiq Əhmədovun iddiası əsasında məhkəmə qərarının olduğunu təsdiqləyib və işin icrasının hazırkı vəziyyəti ilə bağlı məlumat verib: "Nə qədər ki, cavabdeh tərəf könüllü olaraq məhkəmənin təyin etdiyi pulu Əhmədova ödəməyib, icraçı hüquqi şəxs olan "Nurvin ST"nin əmlakına həbs qoya bilər. Şirkətin balansında "KamAZ" markalı avtomobilin olduğu müəyyən edilib. İcrada növbəti addım əmlakın qiymətləndirilməsi ilə bağlı müstəqil ekspertlərə müraciət edilməsidir. Amma ekspert xidməti pulludur və bu məbləğ qiymətləndirilən əmlakın qiymətinin 3 %-ni təşkil edir. Biz bununla bağlı Əhmədovdan həmin məbləği ödəməyi xahiş etmişik. Lakin Əhmədov indiyə qədər ekspert xidmətinin haqqını ödəməyib, buna görə də qərarın icrası yubanır".

Nəsimi rayonunun baş icraçısının sözlərinə görə, artıq yük maşınının qiymətləndirilməsi aparılıb (26 min manata yaxın) və o, satılıb. Əhmədova aid məbləğ ödəniləcək. Yerdə qalan məbləğ borcluya — "Nurvin ST" şirkətinə veriləcək.

Doğrusu, aydın deyil ki, niyə Namiq Əhmədov əmlakın qiymətləndirilməsinə görə ekspert xidmətinə pul ödəməlidir. Özü də xidmətə görə ödəniləcək 3% məbləğ ümumilikdə avtomobilin qiymətindən hesablanır, Əhmədova isə ondan cəmi 9600 manat çatmalıdır.

Başa düşürük ki, cavabdeh tərəf bu hesabı ödəmək istəmir. Amma belə hallarda ekspert xidmətinə ödəniləcək pul həbs qoyulmuş avtomobilin satışından əldə olunan məbləğdən tutula bilərdi. Tutulmuş məbləğ də zərərçəkən və cavabdeh tərəf arasında bölünə bilərdi. Təəssüf ki, hətta problem belə, adlandıra bilməyəcəyimiz belə xırda məsələlər qanunların icrası prosesini bu qədər çətinləşdirir və qanunun aliliyini şübhə altında qoyur.

199
Teqlər:
Nazim Nərimanov, Namiq Əhmədov, icra, Nəsimi rayonu Xalq məhkəməsi, Apellyasiya Məhkəməsi, hökm, qərar, məhkəmə
Əlaqədar
Ali Məhkəmə də ANS-ə "yox" dedi
"Məhkəmə yolu ilə də olsa, bu işin sonuna çıxacağıq"
Keçmiş arvadını öldürtdürmək istəyən şəxsin məhkəməsi başlayıb
Bakıda məhkəmədə dava olub, xəsarət alanlar var
Cütlük, arxiv şəkli

Oğlanlar evlənməyə qız tapmayacaqlar - Demoqrafik təhlükə

31
(Yenilənib 21:48 26.01.2021)
Ekspertlər hesab edirlər ki, əgər hazırkı disbalans davam edərsə, demoqrafik prosesə və genefonda mənfi təsir göstərə bilər.

Zülfiyyə Quluyeva, Sputnik Azərbaycan

BAKI, 26 yanvar — Sputnik. “İlk hamiləliyimdə bətnimdəki uşağın oğlan olduğunu bilən həyat yoldaşım az qalırdı məni ovucunun içində saxlasın. Ürəyim nə istəyirdi alırdı. Tale elə gətirdi ki, uşaq 4 ayında bətnimdə inkişafdan qaldı. Məcbur olub uşağı abort etdirdik. İkinci dəfə hamilə qalanda uşağın cinsini öyrənmək üçün hər həftə qaynanam məni həkimə aparırdı. Yoldaşım deyirdi ki, oğlan olmasa, abort etdirərsən. Gecə-gündüz dua edirdim ki, bətnimdəki uşaq oğlan olsun. Həkim uşağın qız olduğunu deyəndə qaynanam tez yoldaşıma zəng elədi. O da dedi ki, uşağı elə orada götürdüb, evə gəlsin. Evimizdə buna görə çox söz-söhbət yarandı. Mən sağlam qız uşağını hamiləliyimin 12-ci həftəsində abort etdirdim”.

Yeni doğulmuş uşaq, arxiv şəkli
© AP Photo / Fernando Antonio

Söhbətin bu yerində gözləri dolan Mahirə (adı şərtidir) hər dəfə başına gələn bu hadisəni yadına salanda bir ana kimi özünü günahkar hesab etdiyini deyir. Azərbaycanın rayonlarının birindən olan həmsöhbətimiz ailə qurub, Bakıya köçdükdən sonra iki oğlan uşağı dünyaya gətirib. Deyir ki, baldızı boşanıb ata evinə qayıtdığından yoldaşı qız uşağının doğulmasına qarşı olub...

Elə Dövlət Statistika Komitəsinin doğulan uşaqların cins nisbəti ilə bağlı yaydığı məlumat da cəmiyyətdə oğlan uşaqlarının dünyaya gəlməsinə daha çox marağın olduğundan xəbər verir. Komitənin yaydığı xəbərə görə, 2020-ci ilin 11 ayı ərzində Ədliyyə Nazirliyinin rayon (şəhər) qeydiyyat şöbələri tərəfindən 116454 doğulan körpə qeydə alınıb və əhalinin hər 1000 nəfərinə bu göstərici 12,7 təşkil edib. Doğulanların 53,3 faizi oğlan, 46,7 faizi isə qız uşaqlarıdır.

"Təmiz Dünya" Qadınlara Yardım İctimai Birliyinin sədri Mehriban Zeynalova Sputnik Azərbaycan-a açıqlamasında bildirib ki, Azərbaycanda oğlan uşaqlarının doğulmasına olan maraq son illər qismən azalsa da, bu tendensiya davam edir: “Hələ əvvəlki illərlə müqayisədə ölkəmizdə qız uşaqlarının doğulmasına qarşı diskriminasiya azalıb.

Ümumiyyətlə, Azərbaycanda qız uşağı yük kimi qəbul olunur. Cəmiyyətdə qızların davranışlarına çox ciddi diqqət yetirilir. Onların qoyulan çərçivədən çıxması, azadlığı namussuzluq kimi qəbul olunur.

Bütün bunların nəticəsində cəmiyyətdə qız uşaqlarının doğulmasına qarşı mənfi fikirlər yaranır. Valideynlər hesab edirlər ki, bizim cəmiyyətdə qızın yükünü çəkmək çətindir. Bu da selektiv abortlara gətirib çıxarır. Səhiyyə Nazirliyinin təlimatlarına görə, dölün ana bətnində cinsinin deyilməsi, cinsə görə abort yolverilməzdir. Son illər həkimlər bu qaydaya əməl etməyə başlasalar da, bu məsələyə nəzarət gücləndirilməlidir. Eyni zamanda, doğulan qız uşaqlarının oğlan uşaqlarına nisbətdə azalmasının qarşısını almaq üçün qadınların cəmiyyətdə sosial müdafiəsini gücləndirmək lazımdır. Əks halda, bu əhalinin cins tərkibində disbalans yaradacaq. Oğlanlar evlənməyə qız tapmayacaqlar, qarışıq nikahlar artacaq”.

Statistik rəqəmlərdən də görünür ki, doğulan uşaqlar arasında cins nisbəti illər üzrə dəyişib. Dövlət Statistika Komitəsindən aldığımız məlumata görə, bioloji normaya əsasən, hər 100 doğulan qıza 105-107 oğlan düşməli olduğu halda, 2010-cu ildə hər 100 qıza 118, 2011-2014-cü ildə 116, 2015- 2017-ci illərdə 114 oğlan düşüb. 2018-ci ildə bu nisbət yenidən artaraq 115-ə yüksəlib. 2019-cu ildə isə bu göstərici yenidən azalaraq, 114-ə enib. Ümumiyyətlə, 1990-cı ildən sonra ölkədə yenidoğulan oğlanların sayının daha çox üstünlük təşkil etdiyi illər 2003 və 2009-cu illər olub. Həmin illərdə hər 100 qıza 118 oğlan düşüb.

Səhiyyə Nazirliyinin baş mama-ginekoloqu Sevinc Məmmədova Sputnik Azərbaycan-a açıqlamasında bildirib ki, oğlan uşaqlarının doğulmasına maraq müxtəlif xalqlarda var. Amma dünyanın heç bir yerində selektiv abortlara icazə verilmir: “Ana bətnindəki dölün məhv edilməsinə tibbi göstəriş varsa, qadın məsləhətxanasının nəzdindəki həkim ekspertizası komissiyasından təsdiqləndikdən sonra icra oluna bilər. Amma hamiləliyin pozulmasına sosial göstərişlər də var. Hamiləliyin pozulması bu halda 12 həftəyədəkdir. Burada da bölünmələr var. Bunlar tibbi və sosial göstərişlərdir. Sosial göstərişlərdə hamiləliyin iri müddətində sonlandırılmasına icazə verilir. Əgər hamilə qadının həyat yoldaşı vəfat edibsə, əri cəzaçəkmə müəssisəsindədirsə, kişi yaxud qadının heç biri işləmirsə, ailədə uşaq sayı 5-dən çoxdursa, bu hallarda abort sosial göstəriş sayılır. Bu zaman hamiləlik 12 həftədən sonra da sonlandırıla bilər”.

S.Məmmədova deyir ki, “Reproduktiv Sağlamlıq Haqqında” qanun layihəsində selektiv abortların qarşısının alınması üçün dölün ana bətnində cinsinin təyin edilməsinin qadağan olunması təklif olunub: “Layihədə təklif olunub ki, ultrasəs müayinəsi (USM) zamanı uşaqların cinsi deyilməsin. Qanun təsdiqlənərsə, bu halların qarşısını almaq olar”.

Baş mama-ginekoloq bildirir ki, hamiləliyin 10-11 həftəsinə qədər cinsiyyət üzvlərinin formalaşması gedir. USM vasitəsilə 12 həftədən sonra dölün cinsini təyin etmək mümkündür: “Hamiləliyin erkən mərhələsində qandan və dölün hüceyrəsindən analiz götürməklə cinsi təyin etmək olur. Amma qeyri-invaziv yolla hamiləliyin 12 həftəsində dölün ultrasəs müayinəsi edərək cinsini müəyyən etmək olur. Biz bunu tibbi göstəriş olmadığı halda məhdudlaşdırmalıyıq”.

Milli Məclisin Səhiyyə komitəsinin üzvü deputat Müşfiq Məmmədli Sputnik Azərbaycan-a açıqlamasında bildirib ki, selektiv abortlara qadağa məsələsi Milli Məclisə təqdim olunan “Reproduktiv Sağlamlıq Haqqında” qanun layihəsinin iş planına salınıb. Onun sözlərinə görə, bunun üçün müvafiq təkliflər verilib: “Biz təbii balansı qorumağa çalışmalıyıq ki, sonradan cəmiyyətdə disbalans yaranmasın. Selektiv abort birmənalı olaraq qadağan olunmaldır!”

Milli Məclisin Ailə, qadın və uşaq məsələləri komitəsinin sədri Hicran Hüseynova isə Sputnik Azərbaycan-a açıqlamasında bildirib ki, demoqrafik strukturun gender balansının maksimum nisbəti 100-106 çərçivəsində olmalıdır. Son illər isə əhalinin gender balansı normal səviyyədən (100-107) qeyri-normal səviyyəyə (100-115) qalxıb: “Uşaqların cins nisbətinin pozulması əvvəllər o qədər də hiss olunmayan, lakin hazırda cəmiyyəti düşündürən məsələlər sırasında dayanır. Əgər bu disbalans davam edərsə, demoqrafik prosesə və genefonda mənfi təsir göstərə bilər. Abortlar arasında selektiv abortların sayını göstərən statistika olmasa da, yeni doğulan cinslər arasında olan disbalans göstəricisi böyük ehtimal ilə selektiv abortların payına düşür. Azərbaycanda 2000-2019-cu illərdə abortların sayı da 17 min 500-dən 37 min 300-ə qalxıb. Problemin aradan qaldırılması istiqamətində maarifləndirmə işlərinin geniş şəkildə aparılması və səhiyyə xidmətlərinin inkişaf etdirilməsi vacibdir. Xüsusilə kənd yerlərində qadınlar arasında bu məsələlərlə bağlı maarifləndirmə kampaniyaları aparılır.

31
İş adamı, arxiv şəkli

Sahibkarlara koronavirusla bağlı xəbərdarlıq

6
(Yenilənib 21:38 26.01.2021)
Sahibkarlara koronavirusa görə xəbərdarlıq edən agentlik sıravi vətəndaşları da sayıq olmağa səsləyib. Onlar 1003 çağrı mərkəzinə şikayət edə bilrlər

BAKI, 26 yanvar — Sputnik. Azərbaycan Qida Təhlükəsizliyi Agentliyi (AQTA) ictimai iaşə müəssisələrində koronavirus (COVID-19) infeksiyasına qarşı effektiv mübarizə tədbirlərinin təmin olunması ilə bağlı sahibkarlara müraciət edib. Sputnik Azərbaycan-ın məlumatına görə, müraciətdə bildirilir ki, sahibkarlar xəstəliyin yayılmaması üçün əks-epidemik tədbirlərə ciddi riayət etməli, ictimai iaşə müəssisələrində karantin rejiminin tələblərini daim diqqət mərkəzində saxlamalıdırlar.

İctimai iaşə müəssisələrində virusun yayılmasının qarşısının alınması və təhlükəsizliyin təmin edilməsi məqsədilə Nazirlər Kabineti yanında Operativ Qərargahın qəbul etdiyi qərarlara və müəyyənləşdirdiyi qaydalara mütləq əməl edilməlidir. Belə ki, insanların sıx toplaşdığı mühit infeksiyanın yayılma intensivliyinə birbaşa təsir etdiyindən COVID-19-un profilaktikası məqsədilə hər bir ictimai iaşə müəssisəsində müştəri qəbulu 2 dəfə azaldılmalı, hər adambaşına müəyyən edilən sahə isə 2 qat artırılmalıdır.

Həmçinin qida qəbulu zallarında oturacaqların ara məsafəsi eyni masa arxasında 1 metrdən, masalararası məsafə isə 2 metrdən az olmamalıdır. İctimai iaşə müəssisələrində mütəmadi dezinfeksiya işləri aparılmalı, hər bir masada dezinfeksiyaedici məhlulların yerləşdirilməsi təmin olunmalıdır. Qida qəbulu zallarında, otaqlarda və açıq məkanlarda sərinkeşlərdən (ventilyatorlardan) istifadə olunmamalı, təmizlik-dezinfeksiya işləri iş saatı ərzində əsasən işlək sahələrdə (giriş-çıxış, kassa və s.), iş saatından sonra isə bütün sahələrdə həyata keçirilməlidir. Müəssisə təmizlik vasitələri, dezinfeksiyaedici maddələr, axar isti və soyuq su təchizatı ilə daimi olaraq təmin edilməlidir. Sanitar məişət otaqlarının (sanitar qovşaq, soyunub geyinmə otağı və s.) işlək və təmiz vəziyyətdə saxlanması əsas şərtlərdəndir.

İşçi heyət hər zaman şəxsi gigiyena qaydalarına ciddi riayət etməlidir. Həmçinin onlar dəyişəkli, təmiz iş geyimi, gün ərzində bir çox insanla təmasda olduqlarından qoruyucu vasitələr və dezinfeksiyaedici məhlulla təmin olunmalıdırlar. Həmçinin kafe və restoranlarda məhsulların, mətbəxdə istifadə olunan əşya və avadanlıqların istifadədən əvvəl təmizliyinə diqqət edilməli, yeməklər hazırlanarkən termiki emala düzgün əməl olunmalıdır.

Agentlik sahibkarları mövcud qaydalara əməl etməyə, koronavirus pandemiyasına qarşı mübarizə tədbirlərinin artırılması istiqamətində səylərini gücləndirməyə çağırır. Vətəndaşlardan ictimai iaşə müəssisələrində qaydalara əməl edilmədiyi halları ilə rastlaşdıqda bu barədə Agentliyin 1003-Çağrı Mərkəzinə zəng edib məlumat vermələri xahiş olunur.

6
Teqlər:
AQTA, xəbərdarlıq, Koronavirus, epidemiya, COVID-19, sahibkar
Bankada dollarlar, arxiv şəkli

"Dollar çökəcək" - amerikalı iqtisadçı

0
(Yenilənib 22:51 26.01.2021)
Amerikalı iqtisadçı Stiven Rouç əmin edir ki, Amerika valyutasının enişi yaxın vaxtlarda dayanmayacaq və ilin sonunadək 35% düşəcək

BAKI, 26 yanvar - Sputnik. Amerikalı iqtisadçı Stiven Rouç 2021-ci ilin sonunadək dolların 35% düşəcəyi barədə proqnozunu yenidən xatırladıb. Sputnik Azərbaycan bildirir ki, bu barədə o, Bloomberg üçün yazdığı məqalədə məlumat verib. 

"Ötən ilin martında ABŞ-da COVID-19 pandemiyası "partlayış edəndən" bəri dollar çökməkdədir. O, ABŞ-ın əsas ticarət partnyorları ilə müqayisədə təxminən 10-12% düşüb", - iqtisadçı vurğulayıb. 

Rouç əmin edir ki, Amerika valyutasının enişi yaxın vaxtlarda dayanmayacaq. Onun fikrincə, ABŞ-ın cari büdcə ödəmələrindəki defisitin kəskin artımı, avro kotirovkalarının riskləri və Amerikanın Federal Ehtiyatlar Sistemi bu çöküşə səbəb olacaq. 

Bundan başqa, pandemiyanın davam etməsi, resessiyaya çox yaxın olan iqtisadiyyatın durumu da, iqtisadçının sözlərinə görə, dollara neqativ təsir göstərir. Hazırkı vəziyyətdə daha bir iqtisadi yardım paketinin ağır nəticələri ola bilər, çünki "ABŞ-ın ehtiyatları buna bəs etməyəcək".

Bloomberg bundan öncəki məqalələrinin birində ABŞ-ın Federal Ehtiyatlar Sisteminin keçmiş başçısı Canet Yellenin ölkənin maliyyə naziri olduqdan sonra dolların axırına çıxacağı barədə proqnoz vermişdi.

0
Teqlər:
proqnoz, iqtisadçı, ABŞ, çökmə, dollar