İşıqforda dayanan avtomobillər

Sivilizasiyaların müharibəsi

154
Kimsə bizi ayrı-seçkilikdə, hansısa izm-də, qədim hind kasta quruluşuna simpatiyada, nə bilim, nədə-nədə qınaya bilər. Amma inanın, cəmiyyət və mədəniyyət onların ayaqaltısı olacaq qədər dəyərsiz deyil.

BAKI, 11 sen — Sputnik. Bir zamanlar nəqliyyat qoçularının zülmünə məruz qaldıqları vaxt, sağlam media və cəmiyyətin rəhmli kəsimi onların müdafiəsini qalxdı. Uzun müddətli mübarizə getdi: onlar döyüldükcə, söyüldükcə, hüquqları tapdandıqca ictimai fəal zümrə haray saldı, bu vəhşiliyə, barbarizmə son qoyulmasını tələb etdi. Deməzdim, bu mübarizənin nəticəsində oldu, amma sonunda onlar nəqliyyat qoçularının cəngindən xilas edildilər.

Lakin bizim mübarizəmiz bitmədi. KİV, ziyalılar, ictimaiyyətin ağıla və mədəniyyətə üstünlük verən hissəsi daha ağır mücadilə mərhələsinə qədəm qoydu. Bu dəfə isə qarşıda, nəqliyyat qoçularının işgəncəsindən sağ çıxmağı bacaracaq qədər şiddətə dözümlü bir rəqib dayanır.

Hansı ki, onlar 1 manatdan ötrü qoçuların təpik-şilləsini yeməyi göz önünə almış; yanacağa 100 qram qənaət etmək və mənzil başına 3 dəqiqə tez çatmaq naminə ətrafdakı bütün sürücülərin qəzəbli ağız-göz-əl-ayaq hərəkətlərinə (hansı anlama gəldiyi bəllidir) alışmış; nəhayət yol polisinin tənə-tüpürcəyinə rəğmən, əcaib parklamalarla şəhər həyatını cəhənnəmə çevirməyi qarşıya məqsəd qoymuş həmvətənlərimizdir.

Onların hədəfində özlərindən başqa hər kəs var. Və özlərinin ən xırda istəkləri həyata keçsin deyə, çox rahatlıqla bütöv cəmiyyət həyatının, ictimai davranış sisteminin, sosial-mədəni dəyərlər kompleksinin, vicdan kodeksinin, əxlaq normalarının, qul haqqının — bütün yazılmış və yazılmamış qanunların içinə edirlər.

Hər kəsin özünü onlardan qorumağa çalışdığını gözəl bilirlər. Bunu, piyada keçidinin önündə bütün avtomobillərin cərgə ilə dayanıb gözlədiyi halda, yolu keçməyə tərəddüd edən qadının gözlərindən də oxumaq olar. Ki, bu avtomobillərin arasında onlardan biri ola və ərazidə "QAİ" olmaması səbəbindən qəfildən piyadanın üzərinə çıxa bilər.

Yaxud, mövcud sürət həddi çərçivəsində yollarına davam edən avtomobillər arasında sınıq-salxaq bir araba, küçədə icazə verilmiş həddin üç mislində sürətlə və ziqzaqvari şəkildə şütüyürsə, hər kəs kənara çəkilib ona yol verməyə məhkumdur. Əvvəla, idarə etdiyi maşının hansısa detalının əzilməsi onun umrunda deyil (ki, məqsədli şəkildə hay-hayı getmiş, vay-vayı qalmış araba seçib). İkincisi, cibinin və avtomobilinin qədrini bilən sürücü, onun vandalizminə məruz qaldıqdan sonra, qarşısında boynunu büküb, "balana qurban olum, imkanım yoxdur" deyən bu məxluqdan hansı kompensasiyanı tələb etsin?!

Çox böyük ehtimalla, müşahidə kameralarının arxasında oturan polis qardaşlarımızın dərdləri də çəkilməzdir. İnsan nə qədər işıqforun qırmızısında keçən, üçüncü yoldan birinci yola fırlayan, qoşa xəttin üzərində "rəqs edən", yardımçı yoldan çıxaraq ana yolla gələn avtomobildəkiləri bədbəxt edən, dairəvi yolda haqqı olana yol verməyəcəyinə dair özünə söyüş qoyan ünvansızın ünvanına protokol göndərər?! Şəxsən mən monitorda 99 dəfə onların hoqqasını müşahidə edərsəm, 100-cüdə utandığımdan üzümü kənara çevirərəm.

Bax belə, əzizlərim. Hansı şəraitdə, kimlərlə üz-üzə gəldiyimiz və necə bir ağır mübarizənin ortasında olduğumuza dair yüngülvari mənzərə yaratmağa çalışdıq. Kimsə bizi ayrı-seçkilikdə, hansısa izm-də, qədim hind kasta quruluşuna simpatiyada, nə bilim, nədə-nədə qınaya bilər. Amma inanın, cəmiyyət və mədəniyyət onların ayaqaltısı olacaq qədər dəyərsiz deyil.
P.S
"Qəhrəman"ımız konkret hansısa peşənin sahibi deyil, təfəkkür tərzidir.

154
Teqlər:
yol hərəkəti, sürücü, DYP, taksi, avtomobil
Əlaqədar
Bir yalanın qurbanları
Ən pis variant
Beləcə 141 il...
Bakının dərdi var, Bakı xəstədir...
Düşüncə ilə yoluxan virus

Dünya futbolunun əfsanəsi FOTOlarda

6
(Yenilənib 09:02 26.11.2020)
Dieqo Maradonanın oyunu dedikdə yəqin ki, öncə göz önünə onun sinəsini qabağa verərək rəqib oyunçuları aldadaraq bütün meydançanı keçməsi göz önünə gələcək.

Xəbər verildiyi kimi, dünya futbolunun əfsanəsi argentinalı Dieqo Armando Maradona dünyasını dəyişib. Maradona 60 yaşında infarktdan həyatını itirib. 

Əfsanəvi hücumçu azarkeşlərin yadında yalnız fenomenal oyunu ilə deyil, həm də qalmaqallarla yadda qalıb. 

Məsələn, 1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə isə İtaliya çempionatının oyunundan sonra dopinq-testdən keçən Maradonanın kokain qəbul etdiyi aşkarlanıb.

Bütün bunlara baxmayaraq, futbolla maraqlanan hər kəs Dieqo Maradonanı futbol dahisi, təkbaşına oyunun taleyini həll edə bilən oyunçu kimi xatırlayacaq.

Sputnik Azərbaycan əfsanənin müxtəlif görüntülərini təqdim edir. 

 

6
  • © REUTERS / Carlos Barria

    Argentinalı futbolçu Dieqo Maradona müsahibə zamanı, 2010-cu il.

  • © REUTERS / Action Images / Juha Tamminen

    Argentinanın hücumçusu Maradona DÇ-1986-nın dörddəbir final matçında İngiltərə yığmasına qarşı oyunda.

  • © AP Photo / Carlo Fumagalli, file

    Dieqo Armando Maradona DÇ-1986-ın finalında AFR üzərində qələbədən sonra kuboku başı üzərinə qaldırır.

  • © REUTERS / Stringer

    Dieqo Maradona həyat yoldaşı Klaudiya və anası ilə toyda, 1989-cu il.

  • © Sputnik / Vladimir Rodionov

    İtaliyanın "Napoli" klubunun futbolçusu Dieqo Maradona Moskvanın "Spartak" komandası ilə oyundan sonra, 1990-cı il.

  • © AFP 2020 / Daniel Garcia

    Argentina millisinin kapitanı Dieqo Maradona DÇ-1994-də Yunanıstan komandasının qapısına vurduğu qolu qeyd edir.

  • © REUTERS / Stringer

    Futbol əfsanəsi Dieqo Maradona və Kuba lideri Fidel Kastro, 2001-ci il.

  • © REUTERS / Marcos Brindicci

    Maradona Kuba siqarı və Çe Qevaranın tatusu ilə, 2006-cı il.

  • © AFP 2020 / Stringer

    Futbol əfsanəsi Dieqo Maradona kolumbiyalı futbolçu Karlos Valderamanın karyerasını başa vurması ilə əlaqədar təşkil olunan şənlikdə rəqs edir, 2004-cü il.

  • © AP Photo / Matt Sayles

    Futbol əfsanəsi Dieqo Maradona Kannda özünə dair sənədli filmin nümayişi zamanı, 2008-ci il.

  • © AFP 2020 / Valery Hache

    Dieqo Maradona qızları ilə birgə 61-ci Kann kinofestivalında "Maradona" sənədli filminin premyerasından əvvəl, 2008-ci il.

  • © REUTERS / Eddie Keogh


    Məşqçi Maradona komandasının DÇ-2010-da Nigeriya millisinə vurduğu qolu qeyd edir.

  • © Sputnik / Sergey Guneev

    Rusiya Prezidenti Vladimir Putin, braziliyalı futbolçular Pele və Dieqo Maradona FİFA-2018 futbol üzrə dünya çempionatının püşkatmasından əvvəl.

  • © REUTERS / Marcos Brindicci

    Argentinalı futbol ulduzu Dieqo Maradona sevgilisi ilə, 2017-ci il.

  • © REUTERS / Grigory Dukor

    Futbol əfsanəsi Dieqo Maradona Kremldə, 2017-ci il.

Teqlər:
Argentina, braziliyalı futbolçu Pele, futbol, Dieqo Maradona
Kənd məktəbi, arxiv şəkli

Ucqar kəndlərdə məktəblərin azkomplektli formada fəaliyyətinə yol veriləcək

8
(Yenilənib 08:09 26.11.2020)
Bu, Prezident İlham Əliyevin dünən təsdiqlədiyi "Təhsil haqqında" qanunda dəyişiklik edilməsi barədə" qanunda əksini tapıb.

BAKI, 25 noyabr — Sputnik. Ucqar kənd yerlərində şagirdlərin sayından asılı olmayaraq, ibtidai və ümumi orta ümumtəhsil məktəblərinin azkomplektli formada fəaliyyətinə yol veriləcək.

Sputnik Azərbaycan-ın məlumatına görə, bu, Prezident İlham Əliyevin dünən təsdiqlədiyi "Təhsil haqqında" qanunda dəyişiklik edilməsi barədə" qanunda əksini tapıb.

Qanuna əsasən, şagirdlərin sayı az olan ibtidai siniflərdən komplekt siniflər təşkil olunacaq.

8
Teqlər:
ümumtəhsil məktəbləri, "Təhsil haqqında" Qanun, Prezident İlham Əliyev, məktəb