Yazıçı Əli Əliyev

Millət vəkili komada olan yazıçı ilə bağlı ictimaiyyətə səsləndi

26
Qənirə Paşayeva: "Böyük şirkətlərimiz, imkanlı şəxslərimiz məcburi köçkün həyatı yaşayan həmvətənimizdən belə ağır gündə köməyini əsirgəməməlidir"

BAKI, 9 sen — Sputnik. Bir neçə ay öncə avtomobil vurması nəticəsində xəstəxanaya yerləşdirilən yazıçı Əli Əliyev, artıq 7 aydır komadadır. Bu aylar ərzində komada olan ədibə, yaxın dostları və qohumları maddi yardım göstərərək xəstəxana xərclərini ödəsələr də, artıq imkan çatmır.

Yazıçıya kömək məqsədi ilə hesab açılıb və dəstək kampaniyalarına başlanılıb. Bu gün "Park Bulvar"da həmin kampaniyalardan biri reallaşıb. Ə. Əliyevin erməni əsirliyində olan zaman yaşadığı hadisələrdən bəhs edən "Əlli dörd gün erməni mühasirəsində" kitabının satışı keçirilib.

Satışdan gələn gəlir yazıçının xəstəxana xərclərinin ödənilməsinə sərf olunacaq. Aksiyada millət vəkili Qənirə Paşayeva, jurnalistlərdən İlhamiyyə Rza, Elşad Eyvazlı və başqaları, eyni zamanda QHT rəhbərləri, gənc fəallar və digər sənət adamları iştirak edirdilər.

Q. Paşayeva hamını bu aksiyaya dəstək olmağa çağırdı: "Yazıçı Əli Əliyev indi elə vəziyyətdədir ki, ona bizlərin köməyi lazımdır. Mən düşünürəm ki, böyük şirkətlərimiz, imkanlı şəxslərimiz məcburi köçkün həyatı yaşayan həmvətənimizdən belə ağır gündə köməyini əsirgəməməlidir. Belə zamanlarda bir neçə adamın dəstəyi çətindir, amma bir neçə şirkətin və qurumun birlikdə köməyi nəticəsində bir ziyalının həyatını qurtarmaq olar. Bu aksiya dəstək növlərindən biridir, amma aksiya bitməməlidir və hər kəs bacardığı köməyi etməlidir".

  • Ə. Əliyevin erməni əsirliyində olan zaman yaşadığı hadisələrdən bəhs edən Əlli dörd gün erməni mühasirəsində kitabının satışı keçirilib
    Ə. Əliyevin erməni əsirliyində olan zaman yaşadığı hadisələrdən bəhs edən "Əlli dörd gün erməni mühasirəsində" kitabının satışı keçirilib
    © Sputnik / Tarana Khudabakhshiyeva
  • Ə. Əliyevin erməni əsirliyində olan zaman yaşadığı hadisələrdən bəhs edən Əlli dörd gün erməni mühasirəsində kitabının satışı keçirilib
    Ə. Əliyevin erməni əsirliyində olan zaman yaşadığı hadisələrdən bəhs edən "Əlli dörd gün erməni mühasirəsində" kitabının satışı keçirilib
    © Sputnik / Tarana Khudabakhshiyeva
  • Ə. Əliyevin erməni əsirliyində olan zaman yaşadığı hadisələrdən bəhs edən Əlli dörd gün erməni mühasirəsində kitabının satışı keçirilib
    Ə. Əliyevin erməni əsirliyində olan zaman yaşadığı hadisələrdən bəhs edən "Əlli dörd gün erməni mühasirəsində" kitabının satışı keçirilib
    © Sputnik / Tarana Khudabakhshiyeva
  • Ə. Əliyevin erməni əsirliyində olan zaman yaşadığı hadisələrdən bəhs edən Əlli dörd gün erməni mühasirəsində kitabının satışı keçirilib
    Ə. Əliyevin erməni əsirliyində olan zaman yaşadığı hadisələrdən bəhs edən "Əlli dörd gün erməni mühasirəsində" kitabının satışı keçirilib
    © Sputnik / Tarana Khudabakhshiyeva
1 / 4
© Sputnik / Tarana Khudabakhshiyeva
Ə. Əliyevin erməni əsirliyində olan zaman yaşadığı hadisələrdən bəhs edən "Əlli dörd gün erməni mühasirəsində" kitabının satışı keçirilib

Yazıçının oğlu, jurnalist İmdad Əlizadə atasının durumundan danışıb: "Atam 7 aydır komadadır. Atamın yatdığı xəstəxana özəldir və o klinika maksimum bizə güzəştlər etsə də, yenə də maddi durumumuz atamı orada saxlamağa yetmir. Bu müddət ərzində əlimizdən gələni etmişik ki, atam komadan çıxsın. Amma elə vəziyyət yarandı ki, biz artıq xərcləri ödəyə bilmirik. Bu aksiyanın məqsədi də xəstəxana xərclərini ödəmək və atamın müalicəsinə xərcləməkdir. Biz sadəcə ümid edirik ki, atam komadan çıxacaq və kitabın ikinci nəşrinin və satışının canlı şahidi olacaq.

26
Teqlər:
Qənirə Paşayeva, koma, Əli Əliyev, kitab, yazıçı, aksiya
Əlaqədar
Komada olan yazıçıya kömək etmək üçün aksiya başlanır
12 komada yatan İmişli sakini vəfat etdi
Azərbaycanın ən böyük kitab mağazası Gəncədə fəaliyyətə başladı
Azərbaycan dilində kitab sərgisi təşkil etdiyi üçün həbs olundu
Azərbaycanda ən kiçik kitab İçərişəhərdə saxlanılır

İcra başçısının müavinini maşın vurdu

10
Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

BAKI, 9 avqust - Sputnik. Sabirabad Rayon İcra Hakimiyyəti başçısının müavinini avtomobil vurub. 

APA-nın məlumatına görə, Sabirabad Rayon İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

V.Həsənov başından xəsarət alaraq Şirvan Şəhər Xəstəxanasına yerləşdirilib. 

Faktla bağlı araşdırma aparılır.

10

Pandemiyanın ən çox ziyan vurduğu sahə - Burada çalışanların yoluxma riski daha böyükdür

438
(Yenilənib 22:32 09.08.2020)
Bütün dünyanı bürüyən bu pandemiya təəssüf olsun ki, ölkəmizdən də yan keçməyib və daxili turizm böhran ilə üzləşib.

İradə Cəlilova, Sputnik Azərbaycan

BAKI, 9 avqust — Sputnik. Koronavirus pandemiyası bütün sahələrə təsir etdiyi kimi turizm sahəsindən də yan keçməyib. Bölgələrə gediş-gəlişin məhdud çərçivədə olması, bəzi bölgələrdə istirahət mərkəzlərinin, restoranların, otellərin fəaliyyətinin dayandırılması turizm sahəsini demək olar ki, dondurub.

Turizm eksperti Ramin Zamanovun fikrincə, pandemiya dövründə turizm sektoru arxa planda qalıb. Onun sözlərinə görə, bu sahədə çalışanların virusa yoluxma riski də böyükdür. Otellərdə, restoran və istirahət mərkəzlərində yoluxma ehtimalı daha böyükdür.

Ekspert deyir ki, rayonlara gediş-gəlişin məhdudiyyətlərlə olması, ölkədə koronavirusun yayılma səviyyəsini azaltma məqsədi daşıyır. Onun fikrincə, bəzi rayonlarda virusa yoluxma faktının az olması məhdudiyyətlərin nəticə verdiyini göstərir və daha uzun müddət davam etməsinə əsas yaradır.

"Rayonlarda olan otellərin əksəriyyəti demək olar ki, fəaliyyətini dayandırıb. İşlə bağlı regionlara üz tutanlar xüsusi icazə ilə həmin otellərdə qala bilər. Rayonlara istirahət məqsədi ilə gedib, oteldə qalmaq isə mümkün deyil" – o vurğulayıb.

Millət vəkili Malik Həsənov Sputnik Azərbaycan-a açıqlamasında bildirib ki, pandemiya təkcə bizi yox, bütün dünyanı iflic edib, 6 aya yaxındır bütün dünya ölkələrinin sərhədləri bağlıdır, sərhədlərin pandemiyadan əvvəlki vəziyyətə qayıtmaq ehtimalı hələ yoxdur: "Bəlkə də ən çox itki, ən böyük böhran ilə üzləşən turizm sektoru olub. Nəinki Azərbaycanda, bütün dünyada tarixdə belə hal olmayb".

Onun sözlərinə görə, pandemiya səbəbindən daxili turizm böhranla üzləşib.

Millət vəkili Azərbaycanda koronovirus pandemiyasının qarşısının alınması üçün görülən tədbirləri təqdirəlayiq hesab edir: "Koronavirusa qarşı mübarizədə imzalanan sərəncamlar, həyata keçirilən operativ və təxirəsalınmaz tədbirlər nəticəsində ölkəmiz koronavirus pandemiyasına qarşı səmərəli mübarizə aparır. Ölkə başçısı pandemiyaya qarşı mübarizədə hər zaman vətəndaşların sağlamlığını ön planda tutub. Bu səbəbdən də bir sıra önləyici tədbirlər görülüb. Vətəndaşların sağlamlığını düşünərək, ölkə ərazisində xüsusi karantin rejimi tətbiq edilib və ölkə daxilindəki epidemiya demək olar ki, idarə olunan vəziyyətə gəlib".

M. Həsənov qeyd edib ki, bunun bariz nümunəsi son günlər yoluxma sayının azalması və sağalanların üstünlük təşkil etməsidir. Bütün bunları nəzərə alaraq ölkə əhalisinin sağlamlığı turizm sektorunda olan problemlərlə müqayisədə daha önəmlidir.

438
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0