Zaqatalada Sekulyar dövlətçilik, dini radikalizm və insanlığa qarşı çevrilməyən din modeli mövzusunda debat keçirilib

Sona Qazıyeva: "Allahu-əkbər deyərək insanları öldürənlər şərə xidmət edirlər"

572
Mehman İsmayılov: "Hələ də qızını əlifba bayramına buraxmayan, Yer kürəsinin fırlanmadığını iddia edən dindarlar mövcuddur"

BAKI, 8 sent-Sputnik. Zaqatalada "Sekulyar dövlətçilik, dini radikalizm və insanlığa qarşı çevrilməyən din modeli" mövzusunda debat keçirilib.

Debat "Qadın Liderliyi Uğrunda" İctimai Birliyinin təşəbbüsü və AR prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə "Sekulyar dövlətçilik, dini radikalizm və insanlığa qarşı çevrilməyən din modeli ilə bağlı qadınlar arasında maarifləndirmə işlərinin aparılması" layihəsi çərçivəsində baş tutub.

Zaqatalada Sekulyar dövlətçilik, dini radikalizm və insanlığa qarşı çevrilməyən din modeli mövzusunda debat keçirilib
© Sputnik / Abbasova Shahperi
Zaqatalada "Sekulyar dövlətçilik, dini radikalizm və insanlığa qarşı çevrilməyən din modeli" mövzusunda debat keçirilib

Birliyin sədri Ülkər Abdullayeva bildirib ki, bu layihəni həyata keçirməkdə məqsəd Azərbaycanın dünyəvi dövlətçilik modelinin qorunmasına, möhkəmlənməsinə çalışmaq, insanları ölkəmizin konstitusion quruluşunu dəyişməyə, dini-ayrıseçkilik zəminində münaqişələr törətməyə cəhd edən radikal dini cərəyanlardan uzaq durmağa çağırmaq, inanclı şəxsləri insanlığa qarşı çevrilməyən din modellərinə üstünlük verməyə dəvət etməkdir.

Ekspertlər Məcid Mehrani və Aynur Zamanova mövzu ilə bağlı iştirakçılara ətraflı məlumatlar veriblər və onları maraqlandıran sualları cavablandırıblar.

Zaqatala rayon İcra Hakimiyyətinin nümayəndəsi İlqar Vəliyev bildirib ki, görülən tədbirlər nəticəsində rayonda dini radikal cərəyanlara qoşulanların sayı azalıb: "İnsanlar dünyada baş verən prosesləri, dini radikalizmin, ekstremizmin bəşəriyyət üçün necə acınacaqlı nəticələrə gətirdiyini görürlər. Odur ki, rayonda inanclı insanların, dindarların sayı kifayət qədər olsa da, radikal cərəyanlara qoşulma halları çox azdır. Ölkənin dünyəvi quruluşunu dəyişməyə çağırışlar isə rayon ictimaiyyəti tərəfindən qətiyyən yolverilməz hal kimi qiymətləndirilir. Rayonda dini etiqad və vicdan azadlıqları yüksək səviyyədə qorunur. Bununla yanaşı, Azərbaycanın dünyəvi dövlət quruluşuna hər hansı təhdidlər mövcud deyil. Buna baxmayaraq, rayon rəhbərliyi ayıq-sayıqdır və bu cür neqativ çağırışlara anında reaksiya vermək iqtidarındadır."

Zaqatalada Sekulyar dövlətçilik, dini radikalizm və insanlığa qarşı çevrilməyən din modeli mövzusunda debat keçirilib
© Sputnik / Abbasova Shahperi
Zaqatalada "Sekulyar dövlətçilik, dini radikalizm və insanlığa qarşı çevrilməyən din modeli" mövzusunda debat keçirilib

Mədəniyyət İşçilərinin Həmkarlar İttifaqının rayon komitəsinin sədri Sona Qazıyeva radikal dindarları, İslamla terrorun eyniləşdirilməsinə rəvac verən hərəkətləri qətiyyətlə pisləyib:

 "Allahu-əkbər deyərək insanları öldürən dini cərəyanların nümayəndələri Allaha və İslama deyil, şərə xidmət edirlər. 21-ci əsr elm, texnika, maarifçilik, mədəni inkişaf əsridir. Bu əsrdə orta çağa məxsus cəhalət və xurafat yolverilməzdir. Mənim bacım Sevil Qazıyeva Azərbaycanın ilk qadın mexanizatoru olub. Bizim haqqımız yoxdur ki, özünü elmə, müasir texnologiyalara, dünyanın inkişafına həsr edən, 20-ci əsrin əvvəllərində cəhalətə yox deyən, çadranı ataraq azadlığı seçən analarımızın, nənələrimizin ruhunu incidək."

Dini Qurumlarla iş üzrə Dövlət Komitəsinin yerli nümayəndəsi Mehman İsmayılov dindarların özlərinin maariflənməyə böyük ehtiyacı olduğunu qeyd edib. O, savadsız din xadimlərinin insanları yanlış yola yönəltdiyini, İslamdakı pozitiv çağırışları gözdən saldığını qeyd edib: "Hələ də qızını əlifba bayramına buraxmayan, Yer kürəsinin fırlanmadığını iddia edən dindarlar mövcuddur. Təəssüf ki, onlar ictimai toplantılarda, çayxanalarda, küçələrdə insanları öz məhdud dünyagörüşlərinin təsiri altına sala bilirlər."

Debatda prezident İlham Əliyevin təqdimatı əsasında dini fanatizm, dini düşmənçilik zəminində hakimiyyətin zorla ələ keçirilməsi, konstitusiya quruluşunun dəyişdirilməsi, milli-irqi düşmənçiliyin salınması, ibadətgahlardan kənarda və ictimai yerlərdə dini şüarların səsləndirilməsi, dini atributların və dini bayraqların nümayişini qadağan edən maddələrin qanunvericiliyə salınması təklifi müsbət qiymətləndirilib.

572
Teqlər:
AR prezidenti yanında Qeyri-Hökumət Təşkilatlarına Dövlət Dəstəyi Şurası, Sekulyar dövlətçilik, dini radikalizm, "Qadın Liderliyi Uğrunda" İctimai Birliyinin sədri Ülkər Abdullayeva, "Qadın Liderliyi Uğrunda" İctimai Birliyi
Əlaqədar
"Dini radikalizm və xurafat arasında ciddi fərq yoxdur"
Gənclərin dini radikalizm təzahürlərinə qarşı mübarizəsi gündəlikdədir
"Azərbaycanda dini radikalizm təhlükəsi var"
Azərbaycanda dini radikalizm təhlükəsi mövcuddurmu?
Sekulyar dövlətçilik və dini radikalizm
Radikalizm və islamofobiya siyasi liderlərin "zəhmət"inin bəhrəsidir
20 Yanvar faciəsinin ildönümü, arxiv şəkli

Müşkül məsələ: emosiyalar sənədli filmlərin "vicdanına" qalıb

12
(Yenilənib 17:01 20.01.2021)
Yaradıcı insanlar deyirlər ki, faciə ilə bağlı kifayət qədər əsərlər yazılsa da, bu mövzu həmişə aktual olaraq qalacaqdır

Şahpəri Abbasova, Sputnik Azərbaycan

BAKI, 20 yanvar — Sputnik. Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən artıq 31 il keçir. 20 Yanvar mövzusu Azərbaycan ədəbiyyatında və incəsənətində necə əks olunub? Biz də elə bu sualla bir sıra ədəbiyyat və incəsənət adamlarına müraciət etdik.

Prezident İlham Əliyev, arxiv şəkli
© Official website of President of Azerbaijan Republic

Bəstəkar, professor Firəngiz Əlizadə mövzu ilə bağlı fikirlərini Sputnik Azərbaycan-la bölüşüb: “Azərbaycan bəstəkarları “Yanvar hadisələri” ilə bağlı irihəcmli əsərlərdən tutmuş mahnıya qədər onlarla əsərlər yaradıblar. Həmin əsərlər dəfələrlə Filarmoniyada, dövlət əhəmiyyətli tədbirlərdə ifa olunub. Bunlardan ən məşhuru Cövdət Hacıyevin "Şəhidlər" simfoniyasıdır. Rauf Abdullayevin dirijorluğu ilə səsləndirilən əsər o qədər möhtəşəmdir ki, insanlar sanki bir anlıq həmin gecəyə qayıdırlar”.

Firəngiz xanım deyir ki, Azər Rzayevin “Bakı 90” əsəri də həmin silsilədəndir. Həmin əsəri də sakit dinləmək qeyri-mümkündür.

“Əsəri dinləyəndə o gecə insanın gözünün önündən lent kimi keçir. Orada düşmənlərimizin şəhərə necə daxil olmasını, insanlarımızı amansızca qətlə yetirməsini aydın hiss edə bilərik. Bundan başqa, Azər Dadaşovun, Tofiq Bakıxanovun, Nəriman Məmmədovun, Məmməd Quliyevin adlarını çəkə bilərəm ki, həmin bəstəkarların həmin dəhşətli gecə ilə bağlı simfonik əsərləri var. Təəssüflə qeyd edim ki, bu əsərlər çox az səsləndirilib", - deyə F.Əlizadə bildirib.

Kinorejissor Tahir Tahiroviçin sözlərinə görə, 20 Yanvar faciəsi Azərbaycan sənədli kinosunda mükəmməl formada əks olunub: ““Azadlığa gedən yollar” filmi Tofiq Məmmədov və Xamis Muradovun rejissorluğu ilə çəkilib. Həmkarlarının sayəsində 20 Yanvar hadisələri kino lentinə köçürülüb. Həmin kino lentlərini toplayıb “Azadlığa gedən yollar” filmi hazırlanıb”.

Bakıda Şəhidlər Xiyabanı, arxiv şəkli
© Sputnik / Мурад Оруджев

Amma bədii filmdə vəziyyət bir o qədər də yaxşı deyil. Rejissorun fikrincə, 20 Yanvar haqqında bədii film müşkül məsələdir.

Bəs bədii ədəbiyyatda 20 Yanvar faciəsi necə əks olunub? Gənc yazar Ayxan Ayvaz deyir ki, 20 Yanvar faciəsi Azərbaycan poeziyasında kifayət qədər işıqlanıb:

“Məsələn, Bəxtiyar Vahabzadənin “Şəhidlər” poeması, Məmməd Aslanın "Ağla, qərənfil ağla", Qabilin "Mərsiyə" şeirləri, Sabir Rüstəmxanlının və digər şairlərin həmin faciə ilə bağlı şeirləri, poemaları var. Amma nəsr barədə eyni sözləri deyə bilmərəm".

"Təəssüf ki, nəsr əsərləri çox az saydadır. 20 Yanvar faciəsinin reallığı ilə bağlı yazılan əsərlər, demək olar ki, yoxdur. Amma bu faciə ilə bağlı publisistik əsərlər var, kitablar dərc olunub. Sırf bədii olaraq, Sabir Əhmədlinin "20 Yanvar" hekayələri adlı kitabı dərc olunub. Bundan əlavə, Səfər Alışarlı "Maestro" romanında 90-cı illərdə Azərbaycanın vəziyyətini bədii şəkildə təsvir edib. Ümumi götürdükdə, həqiqəti bütün reallıqları ilə çatdıran əsəri xatırlamıram".

12
Reza Deqati, arxiv şəkli

Əcnəbilər üçün tarix dərsi: "Maşınların pəncərəsindən gizli şahidlik etdim" - FOTO

15
(Yenilənib 17:01 20.01.2021)
"Şəhər jurnalistlər üçün qapalı idi. Ancaq Moskvadan qatara minərək qırx səkkiz saat orada gizləndim, Bakıya gəldim. Bunun sayəsində bəzən bu üsyan cəhdinin ciddi təzyiqi altında maşınların pəncərəsindən gizli  şahidlik edə bildim"

Şahpəri Abbasova, Sputnik Azərbaycan

BAKI, 20 yanvar — Sputnik. Fransada yaşayan məşhur fotojurnalist Reza Deqati 20 Yanvar faciəsi ilə bağlı paylaşım edib. Sputnik Azərbaycan xəbər verir ki, dünyaca məşhur fotoqraf qanlı gecə haqqında özünün "Facebook" səhifəsində yazıb: "Əfqan sərkərdələri ilə dağlarda döyüşdükdən sonra dünyanın ən böyük ordularından biri təslim oldu. Şərq Blokunun parçalanması başladı - Berlin divarından yıxılacaq ilk beton parçasının simvolizə etdiyi bir proses. 19-cu əsrdən bəri Rusiyanın nəzarətində olan bir ölkədə - Azərbaycanda siyasi ixtişaşlar Kremlə qarşı üsyana çevrildi. Bu cəsarəti cəzalandırmaq üçün rus tankları 19 yanvar 1990-cı ildə gecə Azərbaycanın paytaxtı Bakıya girdi və insanları qətlə yetirdilər".

Məşhur fotoqraf həmin faciə vaxtı Bakıya gəldiyi haqqında da danışıb: "Qırğın yüzlərlə ölü və yaralıya səbəb oldu. Şəhər jurnalistlər üçün qapalı idi. Ancaq Moskvadan qatara minərək qırx səkkiz saat orada gizləndim, Bakıya gəldim. Bunun sayəsində bəzən bu üsyan cəhdinin ciddi təzyiqi altında maşınların pəncərəsindən gizli şahidlik edə bildim".

Deqati qanlı günlərin simvolu olan qərənfil haqqında da danışıb: "Milli çiçək artıq ölkəni təmsil etmək üçün deyil, o lənətə gəlmiş gecə istifadə edildi. Qırmızı qərənfillər indi yalnız cənazə üçün istifadə olunur və müstəqillik uğrunda mübarizə zamanı ölənlərin xatirəsini yad etmək üçün məzar daşlarının üzərinə qoyulur. Ağrılı keçmişin əbədi qalıqları, yerdəki çiçəklər insanları öz tarixi ilə barışığa, nəhayət azadlığa qovuşmağa dəvət edir".

Məşhur fotoqraf həmin gecə ilə bağlı "Məsumların qırğını" (The Massacre of the Innocents) adlı kitab dərc edib. R.Deqati izləyicilərini həmin kitabı oxumağa dəvət edib.

Qeyd edək ki, Reza Deqati 40 ildən çoxdur dünyanı gəzib dolaşır. O, Qarabağda dəfələrlə olub. Otuzdan çox kitabın müəllifidir. Bir sıra beynəlxalq mükafatlar alıb. Missuri Universitetinin "Şərəf" medalına layiq görülüb, Parisin Amerika Universitetinin fəxri doktorudur. Fransa hökuməti onu Milli Cəngavərlik Ordeni ilə təltif edib. Parisdə "Mühacirin düşüncələri", "Kəsişən talelər", Vaşinqtonda "Bir dünya, bir tayfa", Normandiyada "Müharibə+Sülh" və Dohada "Ümid" adlı sərgiləri təşkil olunub. Fotoqraf ümumilikdə 250 sərginin iştirakçısıdır.

15
Teqlər:
fotoqraf, tarix, 20 Yanvar
Aleksey Navalnıy, arxiv şəkli

Navalnı Putinin sarayını axtarır

0
(Yenilənib 18:18 20.01.2021)
"Bir sarayın hovuzuna Putinin Yeniseydə üzdüyü kadrları montaj ediblər, o kadrları da bütün dünya görüb"

BAKI, 20 yanvar - Sputnik. Bloger və müxalifətçi Aleksey Navalnının Rusiya Prezidenti Vladimir Putinin Gəlincikdə sarayını araşdırması barədə xəbərləri Kremldə “cəfəngiyyat” və “kompilyasiya” kimi dəyərləndiriblər.

Sputnik Azərbaycan RİA Novosti-yə istinadən bildirir ki, yaxınlarda Navalnının komandası prezidentin Qara dəniz sahilində 100 milyard dollara saray tikdirdiyi barədə material yayıb.

“Bilirsiniz ki, bu mövzu üç-dörd il əvvəl ortaya atılmışdı. İndi də bu konkret halda həmin insinuasiyadan istifadə etməklə boş-boş danışırlar. Özü də heç özlərinə azacıq əziyyət verib nəyisə sübut etməyə, heç olmasa, şəklini göstərməyə də cəhd göstərmirlər”, - Putinin sözçüsü Dmitri Peskov deyib.

Onun fikrincə, bu işdə “yeganə yenilik” “monatj hekayələri”ndən istifadə olunmasıdır.

“Hansısa bir sarayın hovuzuna Putinin Yeniseydə üzdüyü kadrları montaj ediblər, hansı ki, o kadrları da bütün dünya görüb”, - Kremlin nümayəndəsi bildirib.

Peskov vurğulayıb ki, prezidentin administrasiyasının “bununla maraqlanmaq üçün azacıq da olsa həvəsi yoxdur”.  

“Dövlət başçısına qarşı hazırlanmış və hazırlanmaqda olan informasiya hücumlarından çoxdan xəbərimiz var. Təəssüf ki, onlar olub və olacaq. İndi prezidentə onun olmayan bir şeyi şamil etmək istəyirlər. Prezidentin bütün mülkiyyəti hər il özü tərəfindən bəyan edilir, deklarasyada göstərilir”, - Peskov deyib.

0
Teqlər:
Dmitri Peskov, Kreml, Qara dəniz, saray, Vladimir Putin, Aleksey Navalni