CƏMİYYƏT
Cəmiyyətin həyatında baş verən aktual hadisələr

Azərbaycanlı ustanın icadı görənləri heyrətə salır

© Sputnik / İlham MustafaUsta Elşən Hacıyevin "Tır-tır"ı
Usta Elşən Hacıyevin Tır-tırı - Sputnik Azərbaycan
Abunə olmaq
Onun hazırda üzərində işlədiyi maşın isə əvvəlkindən daha güclü və daha sürətli olacaq

İlham Mustafa, Sputnik Azərbaycan

BAKI, 8 sen — Sputnik. Mühərriki "Honda", sürət qutusu və arxa ox "Jiquli", təkərləri "Qaz 24", oturacaqlar "Raf", qabaq təkəri isə "Muravey". Bu qeyri-adi motosiklin yanacaq sərfiyyatı, yüklülüyündən asılı olaraq 1 = 20-25 kilometr təşkil edir.

Müxtəlif texnikalara aid detalları birləşdirərək təsərrüfatda, ev işlərində əsas köməkçi maşın formasına salan Elşən Hacıyev, icad etdiyi avtomobilinə, nə qədər təvəzökarlıqdan uzaq olsa da, "Tır-tır" adını qoyub. O, Samux rayonu Qarayeri qəsəbəsində yaşayır. Gündəlik kənd həyatında təsərrüfat işləri ilə məşğul olmasından, əlavə müraciət edənlərə avtomobil ustası kimi də köməyini əsirgəmir.

© Sputnik / İlham MustafaUsta Elşən Hacıyev
Usta Elşən Hacıyev - Sputnik Azərbaycan
Usta Elşən Hacıyev

Sənətin sirrlərini isə, hələ kiçik yaşlarından dayısından öyrənməyə başlayıb. Gəncə şəhərinin böyük qarajlarından birində tanınmış elektrik olan dayısı Zakir Elşənin həvəs və qabiliyyətini görərək onu öz yanına aparır və sənəti öyrənməsinə yardımçı olur.

Uşaqlığından sənətə alışan Elşən ilk arzularını da elə o vaxtdan qurmağa başlayıb. Əvvəllər velosipedə mühərrik qoymaq istəyini, böyüdükcə daha çox təsərrüfatda və ev işlərində ona yardım edəcək texnikanın hazırlanmasına istiqamətləndirib. Nəticədə hər kəsi təəccübləndirə biləcək texnikanı yaradıb.

"Pay torpağımız bir az uzağa düşüb. Ailəlikcə ora gedib-gəlirik. Kartof çıxarıb gətiririk, gündəlik ot biçib daşıyıram, gecələr su sulayanda işə salıb onun işığı ilə işləyirəm. Demək olar ki, gündəlik yaşayışımızda çox işimizə yarayır. Avtomobil gedə bilmədiyi yerlərə gedir. Şumda batmır", — deyir Elşən.

© Sputnik / İlham MustafaUsta Elşən Hacıyevin "Tır-tır"ı
Usta Elşən Hacıyevin Tır-tırı - Sputnik Azərbaycan
Usta Elşən Hacıyevin "Tır-tır"ı

Yük qoşqusuna hidravlik qaldırıcı qoşan sənətkar, 150 mişar daşını rahat daşıdığını və qaldırdığını bildirir. Həmçinin Hacıyevlər ailəsinin elektrik sarıdan da çətinlikləri yoxdur. Elektrik enerjisinin kəsilməsi onlarda hiss olunmur. Avtomobilinə bənd etdiyi generatoru işə salaraq evin işıqlanmasını və televizorun işləməsini təmin edir.

Onun hazırda üzərində işlədiyi yeni icadını isə, təsərrüfat problemləri üzündən hələ tamamlaya bilməyib. Əvvəlkindən fərqli olaraq iki porşenli mühərriklə, dörd oxla, beş sürət qutusu ilə, yalnız bu hissələrin birləşdirilməsi qalan texnikasını yaxın vaxtlarda hazırlayıb istifadə etmək fikrindədir. Yeni texnika əvvəlkindən həm sürətinə, həm də gücünə görə daha üstün olacaq.

© Sputnik / İlham MustafaUsta Elşən Hacıyevin "Tır-tır"ı
Usta Elşən Hacıyevin Tır-tırı - Sputnik Azərbaycan
Usta Elşən Hacıyevin "Tır-tır"ı

Usta, "Tır-tır"ın 50-60 sürət yığmasına baxmayaraq, bir yerdən başqa yerə gedəndə xeyli yubanır. Buna səbəb isə yolda insanların tez-tez onu saxladaraq, maşının o tərəf-bu tərəfinə keçmələri, yeni icadla maraqlanmaları və çoxlu sual vermələridir.

Sənətkar maşınını satmaq fikrində olmadığını, amma digər texnikasını başa çatdırmaq üçün pul lazım olduğunu və bu səbəbdən "Tır-tır"ı 1000 manata istəyən olsa, verə biləcəyini deyir.

Xəbər lenti
0