Tələbə. Arxiv şəkli

Tələbələr valideynləri təlaşda

630
(Yenilənib 16:40 02.09.2016)
Ali məktəblərə dərslərin başlamasına sayılı günlər qaldıqca, kirayə mənzillərin tapılması da müşkülə çevirilir

BAKI, 2 sen — Sputnik. Ali məktəblərə tələbə qəbulu başa çatandan sonra tələbə adını qazanan hər kəsi və ailələri düşündürən əsas məsələlərdən biri uyğun ev tapa bilməkdir. Xüsusilə rayondan gələn tələbələr təhsil alacaqları universitetlərə yaxın yerdə kirayə mənzil axtarırlar. Bu isə getdikcə müşkül məsələyə çevrilməkdədir. Çünki universitetlərə yaxın evlər aylar öncədən tutulub.

Rieltor Orxan Abdullayevin Sputnik-ə dediyinə görə, bir çox uzaqgörən valideynlər hələ ay yarım öncədən, övladları instituta girən kimi mənzilləri tutmağa başlayıblar. Bu isə gec tərpənən ailələri çətin vəziyyətə salıb: "Hazırda bu sahədə, sözün əsl mənasında qıtlıq yaranıb. Tələbələrə istədikləri yerdən ev tapmaqda çətinlik çəkirik".

Rieltorun sözlərinə görə, universitetlərə yaxın yerdən mənzil tapa bilməyən tələbələr əlacsız qalaraq aralı yerlərə üz tuturlar: "Əslində evlər çoxdur, ancaq tələbələr dərsə piyada gedib-gəlmək istədikləri üçün oxuyacaqları təhsil müəssisələrinə yaxın yer istəyir. İndi belə yer tapmaq çətindir. Ona görə də, onlar məcbur qalıb nisbətən uzaq yerlərə yönəlirlər".

Əmlak satışı və kirayəsi
© Sputnik / Fuad Hasanov
Əmlak satışı və kirayəsi

"Rayondan gələn tələbələr, xüsusilə oğlanlar nisbətən ucuz olan şəhərətrafı yerlərdən ev axtarırlar. Qızlar isə şəhərdən uzaqlaşmamaq üçün bir neçə nəfər bir yerdə kirayə qalmaqla problemin həllinə çalışırlar".

Bunu isə Sputnik-in əməkdaşı ilə söhbətində, "28 may" metrostansiyası yaxınlığında ofis işlədən rieltor Arif Bayramov deyib. Onun sözlərinə görə, ən yaxşı variant bir neçə tələbənin birləşərək geniş mənzil tutmasıdır: "Belə vəziyyət tələbələr üçün də rahatdır. Çünki xərc yükü də azalır. Məsələn, əgər 4 nəfər tələbə 3 otaqlı geniş evdə qalarsa və evin də qiyməti 450 manat edərsə, o zaman hər tələbəyə, təxminən 110 manat düşür ki, bu da pis qiymət deyil".

Bununla belə, A. Bayramov qeyd edib ki, ev sahibləri nədənsə oğlan tələbələrə evlərini etibar etmirlər: "Səbəblər müxtəlifdir. Kimisi düşünür ki, oğlanlar evə təmiz baxmır, bəziləri hesab edirlər ki, evə əxlaqsız qadınlar gətirirlər və s. Buna görə də oğlan tələbələr məcbur qalaraq şəhərətrafı həyət evlərinə gedir, ya da uçuq-tökük yataqxanalarda qalırlar".

Apardığımız müşahidələr göstərir ki, kirayə bazarında və qiymətlərdə canlanma var. Lakin ən əsas canlanmanın dərslər başlayana 2-3 gün qalmış olacağı gözlənilir. Çünki məhz o zaman, valideynlər övladları çöldə qalmasın deyə, hər cür baha qiymətə razılaşıb evi götürəcəklər.

Rieltorların sözlərinə görə, bu bahalaşma ani olacaq və uzun müddət davam etməyəcək. Yəni adi insanların narahat olmalarına heç bir əsas yoxdur.

Bundan başqa, qeyd olunur ki, mənzillərin kirayə verilməsində tələbələrə daha çox üstünlük verilir. "Çünki evlərini kirayə verənlər bilirlər ki, tələbə, ən azı kursu bitirənə qədər, yəni uzun müddət götürdüyü evdə qalacaq. Və ev sahibləri get-gəldə qalmayacaqlar", — deyə rieltor A. Bayramov deyib.

Statistikaya görə, Azərbaycanda təhsil alan tələbələrin çoxu paytaxtda yerləşən ali məktəblərə qəbul olunur. Və belə görünür ki, universitetlərin bölgələrdə filialları açılmadıqca, paytaxta yüklənmə və bu yüklənmənin gətirdiyi problem hələ də davam edəcək.

630
Teqlər:
rieltor, kirayə mənzil, dərs, ali məktəb, tələbə
Əlaqədar
Tələbələr qarşısında ağılasığmaz tələb
Azərbaycanlı tələbələrə bəd xəbər
Qafqaz Universitetinin tələbələrinin aqibəti bəlli oldu
Valideynini itirmiş tələbəyə təhsil haqqında güzəşt oluna bilərmi?
Tələbələrin bir ali məktəbdən digərinə köçürülməsinin şərtləri açıqlandı
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

50
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

50
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

117
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

117
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN
Erməni hərbi qulluqçuları, arxiv şəkli

MN: “Ermənistan SQ-nin qüvvələrinin 556-cı alayının taboru sıradan çıxarılıb”

16
(Yenilənib 11:06 21.10.2020)
Məlum olub ki, alay komandiri qalan şəxsi heyəti yenidən döyüşə göndərməkdən imtina etdiyinə görə tutduğu vəzifədən azad olunub.

BAKI, 21 oktyabr — Sputnik. Cəbrayıl istiqamətində gedən döyüş əməliyyatları zamanı Azərbaycan Ordusu tərəfindən görülən tədbirlər nəticəsində Ermənistan silahlı qüvvələrinin 556-cı alayının taboru məhv edilib.

Təqribən 400 nəfər müqaviləli hərbi qulluqçudan ibarət taborun şəxsi heyətinin əksəriyyəti sıradan çıxarılıb. Hərbi hissə yenidən komplektləşdirilməsi üçün Ermənistanın Ararat şəhərinə qayıdıb.

Məlum olub ki, alay komandiri qalan şəxsi heyəti yenidən döyüşə göndərməkdən imtina etdiyinə görə tutduğu vəzifədən azad olunub. Döyüşə getməkdən imtina etdikləri üçün hərbi qulluqçuların çoxu cinayət məsuliyyətinə cəlb olunub.

16
Mövzu:
Azərbaycan və Ermənistan arasında müharibə