Beynəlxalq Bankın Mətbuat filialı qarşısındakı növbə

Cəmiyyət sadomazaxizm məngənəsində

123
(Yenilənib 10:41 25.08.2016)
Yaratdığımız və üzləşdiyimiz bürokratik əngəllər, heç bir tərəfə xeyri dəyməyən süni maneələr və formalaşan qarşılıqlı stress mühiti ölkənin gələcəyinə dair ümidləri baltalayır

BAKI, 25 avq — Sputnik. Bu ölkədə rəsmi və ya özəl qurumların vətəndaşa yersiz sıxıntı yaşatması artıq adi hala çevirilib. İnsanımız üz tutduğu hər idarədə lüzumsuz əngəllərlə üzləşməsə, sanki ölkədə qiyamət qopar.

Bakının Nizami küçəsi
© Sputnik / Murad Orujov

Ötən gün Sputnik-in yayımladığı məlumatda əksini tapanlar da bu münasibətlər sisteminin bariz nümunəsidir. Belə ki, günlərdir Azərbaycan Beynəlxalq Bankının Mətbuat prospektində yerləşən filialının qarşısında böyük insan izdihamı yaşanırmış. Məsələni araşdırarkən bəlli olub ki, məsələ cari il ali məktəblərə qəbul olan tələbələrin illik təhsil haqlarının ödənişi ilə bağlıdır.

Bankın qarşısında, qızmar günəş altında növbə gözləyən insanlar da Azərbaycan Texniki Universiteti ilə Memarlıq və İnşaat Universitetinin tələbələri və onların yaxınlarıdır. Onların dediklərinə görə, mövcud sıxlığın, sonu gəlməyən növbənin səbəbi onunla bağlıdır ki, bank və universitet rəhbərliyi ödənişlərin məhz və yalnız bu filialda həyata keçirilməsi tələbini qoyub.

Yəni ki, təhsil haqqına dair ödəniş nəinki başqa bankda, hətta sözügedən bankın başqa filialında həyata keçirilərsə, həmin vəsait ödənilməmiş sayılır. Bununla bağlı acı təcrübə də yaşanıb artıq. Bir tələbə səhvən başqa filialda ödəniş edib, ona universitetdən deyiblər ki, "biz başqa filialda edilən ödənişi qəbul etmirik, yenidən bizim istədiyimiz filialda ödəniş edin". Və həmin tələbənin ödədiyi pul "batıb".

Absurdizm bununla da bitmir. Monopolist filialın əməkdaşları işə səhər saat 10-da başlayıb, axşam 16-da ofisi bağlayırlar — cəmi 6 saatlıq iş rejimi. Vətəndaşın fəryadına, qızmar günəş altında inildəməsinə, saatlarla növbədə işgəncə görməsinə məhəl qoymayan bank əməkdaşları, inhisarçılığın yaratdığı dividenddən gen-bol faydalanırlar.

Filial rəhbərliyi də "mən kimin oğlundan əskiyəm?" prinsipi ilə, ofisdə 10 nəfər çalışdırıb onlara maaş verməkdənsə, 3 nəfər əməkdaş saxlayıb bütün iş yükünü onların üzərinə yükləyir. Onun nə vecinə ki, bayırda yüzlərlə insan əzab çəkir və 3 işçi ilə gündə 3 min insanı yola vermək mümkünsüzdür?! Vətəndaş gecəni bankın qarşısında keçirmək, bir həftə hər gün binaya ayaq döymək bahasına belə, ödənişini etməlidir. Onsuz da üz tuta biləcəyi başqa qapı yoxdur.

Belçika - İsveç oyununu izləyən azərkeş
© REUTERS / Yves Herman

Bu fakt minlərdən, milyonlardan, sadəcə biridir. Biz hər gün, bizə bunu yaşadanlara belə, heç bir faydası olmayan işgəncəni yaşayırıq: Müəssisə rəhbəri, büdcədə kifayət qədər vəsait olmasına baxmayaraq, işçilərin əməkhaqlarını "prosta tak" bir neçə gün gecikdirərkən; Nahar fasiləsində işdən yarım saatlıq fürsət tapıb, kommunal borcunu ödəmək üçün üz tutduğun poçtun əməkdaşları arasındakı şirin söhbətin bitməsini gözləyərkən və söhbəti bölmək istədiyində "amanın qırılmayıb, görürsən işimiz var" iradı ilə üzləşərkən; "JEK" müdirinin, sənin əlindəki kağıza 3 saniyəlik möhür vurmazdan əvvəl, hansısa hökumət qəzetini sonuncu səhifəyədək oxuyub bitirməsini gözləyərkən və s.

Qısası, cəmiyyətimiz sadomazaxizmin bütün mərhələlərini adlamağı qarşıya məqsəd qoyub. Yaratdığımız və üzləşdiyimiz bürokratik əngəllər, heç bir tərəfə xeyri dəyməyən süni maneələr, formalaşan qarşılıqlı stress mühiti və bunun kimi yüzlərlə biabırçı faktlar ölkənin gələcəyinə dair ümidləri baltalayır…

123
Teqlər:
işgəncə, sadomazaxizm, mazaxizm, əzab, tələbə, bank, cəmiyyət
Əlaqədar
Bir yalanın qurbanları
Bakının dərdi var, Bakı xəstədir...
Yüz il əvvəl verilmiş 5 proqnoz
O canavar necə doğuldu?
Cəzası ölümdən betər olan günah
Bu ölkədə 65 yaşı keçənləri cəza gözləyir
Xırdalanda partlayış yerində, arxiv şəkli

Mehriban Əliyeva Xırdalanda baş verən partlayışdan zərərçəkənləri nəzarətə götürüb

8
(Yenilənib 18:30 28.01.2021)
Hazırda Fövqəladə Hallar Nazirliyinin əməkdaşları tərəfindən dəymiş ziyan və binanın dayanıqlığı ilə bağlı araşdırma aparılır.

BAKI, 28 yanvar - Sputnik. Abşeron Rayon İcra Hakimiyyətində yanvarın 25-də Xırdalan şəhərinin 27-ci məhəlləsində baş vermiş partlayış nəticəsində yararsız vəziyyətə düşmüş 1B saylı binanın sakinləri ilə görüş keçirilib.

Abşeron Rayon İcra Hakimiyyəti mətbuat xidmətinin rəhbəri Seymur Qasımov APA-ya bildirib ki, görüşdə RİH başçısı İradə Gülməmmədova və Prezident Administrasiyasının məsul işçisi Habil Əzməmmədov iştirak edib.

İ. Gülməmmədova qeyd edib ki, məsələ Azərbaycanın Birinci vitse-prezidenti Mehriban Əliyevanın nəzarətindədir. Zərər görmüş 41 ailənin kirayə evlərlə təmin edildiyini deyən İ. Gülməmmədova vurğulayıb ki, hazırda Fövqəladə Hallar Nazirliyinin əməkdaşları tərəfindən dəymiş ziyan və binanın dayanıqlığı ilə bağlı araşdırma aparılır. Zərər dəymiş mənzillərə baxış keçirildiyini, müvafiq aktların tərtib edildiyini deyən İ. Gülməmmədovanın sözlərinə görə, araşdırma nəticəsində müvafiq qərar veriləcək.

Prezident Administrasiyasının məsul işçisi Habil Əzməmmədov da məsələnin dövlətin diqqətində olduğunu qeyd edərək deyib ki, zərər görmüş sakinlərin kirayə evlərdə yerləşdirilməsi birinci növbədə görülməsi vacib olan məqamdır.

Qış fəsli olması və havaların soyuq keçməsi səbəbindən sakinlər dərhal normal şəraitli kirayə mənzillərlə təmin edilib.

Onun sözlərinə görə, FHN-nin verəcəyi qərardan asılı olaraq aparılacaq təmir işləri də surətli şəkildə həyata keçiriləcək.

8
Teqlər:
Fövqəladə Hallar Nazirliyi, partlayış, Xırdalan
Avropa Şurası, arxiv şəkli

İnteqrasiya ikili standartlar - Azərbaycan Avropa Şurasından öyrəndi?

19
(Yenilənib 15:23 28.01.2021)
Avropa Şurasının qurucusu olan ölkələrin parlamentlərindən Azərbaycanın Dağlıq Qarabağ ərazisinə müstəqillik verilməsi ilə bağlı çağırışlar otuz ilə yaxındır yurdlarından qovulmuş insanların pozulmuş hüquqlarına biganəlik fonunda riyakarlıq deyilmi?!

Elvin Səlimov, Sputnik Azərbaycan

BAKI, 28 yanvar — Sputnik. İyirmi il öncə Avropa Şurası Nazirlər Komitəsinin nümayəndələr səviyyəsində keçirilmiş iclasında Azərbaycan Respublikasının Şuraya tamhüquqlu üzv qəbul edilməsinə dair qərar qəbul edilib. Ancaq Azərbaycanın Avropa Şurasına üzvlüyü asanlıqla baş tutmuş proses deyil.

Üzvlükdən 9 il əvvəl, 1992-ci il yanvarında Azərbaycan Respublikasının Parlamenti “xüsusi dəvət edilmiş qonaq” statusu almaq üçün Avropa Şurasına müraciət edir. Üzvlüyə qədərki 9 il ərzində Azərbaycan AŞ-nin bir sıra konvensiyalarına qoşulur. Münasibətlərin inkişafı və Azərbaycanın avroməkana inteqrasiyası prosesində qətiyyətli addımlar atılır. Ölkədə ölüm hökmü ləğv edilir, mətbuat üzərindəki senzura götürülür. Amma Şuranın istəklərinin ardı-arası kəsilmir. Xüsusən də seçkilər, insan haqları, siyasi məhbus məsələləri tərəflər arasında aşkar mövqe fərqinin olduğunu ortaya qoyur.

Azərbaycan torpaqlarının işğal altında qalması faktına avroməkanda olan səssizlik və bir çox hallarda Azərbaycana yanaşmada ikili standartların tətbiqi zaman-zaman tərəflər arasında münasibətlərin gərginləşməsinə səbəb oldu. Xüsusən də, Azərbaycanın Avropa Şurasına üzv olarkən təşkilatın Azərbaycan-Ermənistan arasındakı münaqişəyə obyektiv yanaşacağına, işğalçı ölkəyə qarşı təsir imkanlarını işə salaraq problemin sülh yolu ilə həllinə töhfə verəcəyinə inamı özünü doğrultmadı. Şura tərəfindən işğala məruz qalanla işğalçı arasında fərq qoyulmaması iddia edilən ikili standartların bariz nümunəsidir. Bütün bunlar, avroməkanın mötəbər qurumunun qəbul etdiyi qərarların ciddiliyini şübhə altına alırdı. Xüsusən də Azərbaycandan demokratik təsisatların inkişafı üçün ardı-arası kəsilməyən tələblər bir mərhələdən sonra ölkənin daxili işlərinə müdaxilə kimi qiymətləndirilirdi.

Bununla belə, Azərbaycanın regionu enerji dəhlizinə çevirməsi, reallaşdırdığı enerji və nəqliyyat layihələri onu Avropanın enerji təhlükəsizliyi üçün strateji tərəfdaş mövqeyində saxlayır.

Ötən ilin sentyabrında Azərbaycan-Ermənistan arasında başlayan müharibəyə qərbin susqunluğu, bəzi hallarda erməni diaspor təşkilatlarının diktəsi ilə verdikləri bəyanatlar Azərbaycan cəmiyyətində qərbdəki təşkilatlara qarşı mövqe formalaşmasına əhəmiyyətli təsir etdi. Avropa Şurasının qurucusu olan ölkələrin parlamentlərindən Azərbaycanın Dağlıq Qarabağ ərazisinə müstəqillik verilməsi ilə bağlı çağırışlar otuz ilə yaxındır yurdlarından qovulmuş insanların pozulmuş hüquqlarına biganəlik fonunda riyakarlıq deyilmi?!

Bu gün Azərbaycan Avropa Şurasının bərabərhüquqlu üzvü kimi fəaliyyətini davam etdirir. Müəyyən vaxtlarda Şuraya üzvlük və götürdüyü öhdəliklər ölkəmizə qarşı təzyiq vasitəsi kimi istifadə edilməyə çalışılsa da, Azərbaycan istənilən qərarın verilməsində müstəqilliyini nümayiş etdirə bilir.

19
Teqlər:
inteqrasiya, ikili standartlar, Avropa Şurası, Azərbaycan
Dünya İqtisadi Forumu yazısı olan lövhə, arxiv şəkli

Davos forumu baş tutdu: "Nə etməli" sualının cavabları səsləndirildi

0
(Yenilənib 18:42 28.01.2021)
"Son 30 ildə bir sıra inkişaf etmiş ölkələrdə vətəndaşların yarıdan çoxunun gəlirlərində artım qeydə alınmayıb. Ancaq təhsil və səhiyyə xidmətlərinin dəyəri artıb. Özü də bilirsiniz nə qədər? Düz üç dəfə!"

BAKI, 28 yanvar — Sputnik, Dmitri Kosiryev. Diaqnoz qoymaq çətindir, ancaq dərman təyin etmək də asan iş deyil. Xüsusən də söhbət bütün dünyadan gedirsə və kainatın yalnız böhrana düşmədiyi, həm də qlobal dövrün dəyişməsini belə əzablı şəkildə keçirdiyi artıq hamıya aydındırsa...

Bu həftə keçirilən virtual Davos forumu öz qarşısına məhz belə bir məqsəd qoymuşdu: bütün planetin gözəl gələcəyinə gedən ortaq yolu tapmaq üçün ən yaxşıları və ən güclüləri bir yerə toplamaq. Orada çıxış edən çoxsaylı insan arasından bizim üçün ən maraqlı olanları bu fikirləri söyləyənlərdir: çıxış yolu var, sabahımız dünənimizdən pis olmamalıdır və dünya buna nail ola bilər. Çünki son vaxtlar "əvvəlki dünya artıq mövcud olmayacaq", "bizi dəhşətli gələcək gözləyir" kimi bədbin proqnozlarla çıxış edənlərə çox qulaq asmışıq. Elə Davosun təşkilatçısı Klaus Şvabı götürək… Amma bu barədə bir qədər sonra. İndi daha optimist çıxışlar haqqında danışaq…

Vladimir Putin də digər çıxışçılar kimi diaqnoz qoydu, əlbəttə ki, bunsuz mümkün deyil. Maraqlı alındı, çünki konkret rəqəmlər, faktlar səsləndirdi. Məsələn:

"Son 30 ildə bir sıra inkişaf etmiş ölkələrdə vətəndaşların yarıdan çoxunun gəlirlərində artım qeydə alınmayıb. Ancaq təhsil və səhiyyə xidmətlərinin dəyəri artıb. Özü də bilirsiniz nə qədər? Düz üç dəfə!"

Və yaxud başqa bir fakt… Bu dəfə Çinlə bağlı: "Əgər gündəlik adambaşına 5,5 dollar gəlir səviyyəsini götürsək (alıcılıq qabiliyyəti paritetində), Dünya Bankına görə, məsələn, Çində 1990-cı ildə 1,1 milyard olan daha az gəlirli insanların sayı son illərdə 300 nəfərə qədər azalıb".

Kişi Dünya İqtisadi Forumunun (DİF) loqotipinin qarşısından keçir, arxiv şəkli
© AFP 2020 / FABRICE COFFRINI

Sonra söhbət Rusiyanın üstünə gəldi: eyni statistika göstərir ki, gündəlik 5,5 dollar gəliri olan insanların sayı 1999-cu ildə 64 milyon nəfər idisə, indi təxminən beş milyon nəfərdir".

Putinin böhranla bağlı ümumi proqnozu belədir: 30-40 il işləyən əvvəlki model bərpa edilə bilməz, pandemiya böhranı fəlakəti sürətləndirdi.

"Dünyanın bir milyon insana və ya "qızıl milyard"a işləyən iqtisadiyyat modeli qurmaq yolunu tuta bilməyəcəyi artıq tamamilə aydındır. Bu, dağıdıcı mövqedir. Bu cür model davamlı ola bilməzdi".

Müalicə üsullarından danışmalı olsaq, Moskva qarşıdakı dövrdə hər bir millətin, cəmiyyətin yaşaması, mövcud olması üçün dörd aydın hədəf irəli sürdü:

Birincisi. İnsanın rahat yaşayış mühiti olmalıdır. Bunlar yaşayış yeri və əlçatan infrastrukturdur: nəqliyyat, enerji, kommunal xidmətlər və əlbəttə ki, ekoloji rifah.

İkincisi. Hər bir insan əmin olmalıdır ki, onun sabit gəlir və layiqli həyat səviyyəsini təmin edəcək işi var.

Üçüncüsü. Hər bir insan əmin olmalıdır ki, lazım gəldikdə yüksək keyfiyyətli və effektli tibbi yardım alacaq, səhiyyə sistemi, hər bir halda onun müasir tibbi xidmətə əlçatanlığını təmin edəcək.

Dördüncüsü. Ailənin gəlir səviyyəsindən asılı olmayaraq, uşaqlar layiqli təhsil almaq və öz potensialını reallaşdırmaq imkanına malik olmalıdırlar. Bu, müasir iqtisadiyyatın effektiv inkişafına zəmanət verməyin yeganə yoludur. Belə iqtisadiyyat üçün insanlar vasitə deyil, məqsəddir.

Bu, sosializmə oxşasa da, əslində bununla heç bir əlaqəsi yoxdur – istənilən sistemin, əgər o, bu sadə məqsədlərə, cəmiyyətlərin və dövlətlərin sadə mövcudolma mahiyyətinə riayət edərsə, yaşamaq şansı var.

Bu üç maddəyə dördüncüsünü də əlavə etmək olar: bir-birinizlə didişməyin, yoxsa dünya elə bu dəqiqə hamının hamı ilə döyüşdüyü müharibəyə məhkum olacaq. Bir də ki, dalaşmaq üçün artıq gecdir. Putinin də dediyi kimi, "Mərkəzləşdirilmiş, birqütblü dünya düzəni qurmaq üçün can atılan dövr artıq başa çatıb. Əslində, belə bir dövr heç başlamamışdı da. Sadəcə bu istiqamətdə müəyyən cəhdlər olmuşdu. Ancaq bu, artıq arxada qaldı. Belə inhisarçılıq öz təbiəti etibarilə bizim sivilizasiyamızın mədəni, tarixi müxtəlifliyinə ziddir".

Bundan sonra elə bir yeni era yaratmalıyıq ki, müxtəlif inkişaf mərkəzləri öz ibtidai modelləri, siyasi sistemləri, sosial institutları ilə dinc şəraitdə yarışa bilsin.

Davosda baş verənlərin pərdəarxası məqamları da çoxdur. Məsələn, Putin kimə müraciət edirdi? Bəs bu yaxınlarda Çinin lideri Si Tszunpin "eyni taleyə məhkum cəmiyyət" və onunla əməkdaşlıqdan danışarkən kimə üz tutmuşdu? Davosu bəşəriyyətin gələcək gedişatını göstərmək üçün özünə platforma hesab edən "qızıl milyard"a və nəhəng korporasiyalara? Yoxsa indiyə kimi əldə olunanları silib-süpürən gözlənilməz fəlakətlər dalğasını çarəsizliklə izləyən dünyanın 200-ə yaxın dövlətində yaşayanların mütləq əksəriyyətinə?

Burada yuxarıda vəd etdiyimiz kimi, Klaus Şvab məsələsinə qayıda bilərik. Şvabın "COVID-19: böyük yenilənmə" adlı kitabı Davos forumunun əsas mövzusuna qarşı birbaşa təxribat xarakteri daşıyır. Həm də təkcə ona deyil. Şvab öz kitabında qorxuducu səmimiyyətlə təxminən belə deyir: pandemiya bütün planeti, dövlətləri, cəmiyyətləri mənəvi cəhətdən əzmək, məhv etmək, qorxutmaq üçün yaxşı bəhanədir. İnsanlar karantində oturduqları, maska altında əziyyət çəkdikləri və bizim "dünya artıq əvvəlki kimi olmayacaq" şəklindəki moizələrimizə qulaq asdıqları vaxt biz – "qızıl milyard"ın intellektual liderləri bu dünyanı öz bildiyimiz kimi yeniləməliyik.

Düzdür, dünya əvvəlki kimi deyil, ondan da yaxşı olmalıdır. Və sən demə, bu dünyada Şvab kimilərdən fərqli olaraq, belə bir kainatı qurmağın yolunu göstərən ölkələr və insanlar da varmış...

0