Bank müştəriləri

Kimlərə niyə kredit verilməyəcəyi açıqlandı

1478
Maliyyə Bazarlarına Nəzarət Palatası banklara məktub göndərib. Ekspert qurumun addımının əhalinin mənafeyinə olduğunu düşünür.

BAKI, 24 avq — Sputnik. Maliyyə Bazarlarına Nəzarət Palatası (MBNP) kredit üçün müraciət etmiş şəxslərə imtinanın səbəbləri barədə düzgün məlumat vermədikləri ilə bağlı kommersiya banklarına məktub göndərib. Məktubda bildirilir ki, daxil olmuş müraciətlərin təhlili göstərir ki, banklar tərəfindən kredit üçün müraciət etmiş şəxslərə imtina Nəzarət Palatası tərəfindən təsdiq edilən qadağa ilə əlaqələndirilir və müştərilərə imtinanın səbəbləri barədə düzgün məlumat verilmir.

Bank eksperti Əkrəm Həsənov
© Photo : REPORT
Əkrəm Həsənov

"Bildiririk ki, yeni prinsiplərə əsasən, xarici valyutada daşınmaz əmlak krediti istisna olunmaqla, digər hallarda kreditlərin verilməsi qadağan olunmur. Kreditdən imtina müvafiq şərtlərə uyğun olmayan müraciətlər üzrə kreditlər verildiyi təqdirdə onun geri ödənilməsində problemlərin ortaya çıxa biləcəyi, bununla da bank kreditlərinin gələcəkdə keyfiyyətinin pisləşməsi ilə bankların dayanıqlığına neqativ təsiri, digər tərəfdən vətəndaşların borc yükünün artması nəticəsində onların sosial rifahının aşağı düşə biləcəyi ilə əsaslandırılmalıdır", — deyə məktubda vurğulanıb.

Məsələ ilə bağlı bank və maliyyə məsələləri üzrə ekspert Əkrəm Həsənov Sputnik-ə açıqlamasında deyib ki, Maliyyə Bazarlarına Nəzarət Palatası yeni məsuliyyətli kreditləşmə qaydalarını tətbiq edir: "Burada müəyyən məhdudiyyətlər var. Xarici valyutada kreditlər verilmir. Yalnız o adamlara verilir ki, xarici valyutada gəliri var. Burada Palata vətəndaşları fikirləşir. Bu gün görürük ki, devalvasiya nəticəsində əhali dollarla olan kreditlərini ödəyə bilmir".

Manat ilə kreditlərin verilməsinə gəlincə, ekspert deyib: "Palatanın tətbiq etdiyi məhdudiyyətə görə, hər bir şəxs krediti o zaman götürə bilər ki, borc üzrə aylıq ödəniş etdikdən sonra yaşayış minimumunun azı 3 misli ona qalacaq. Kredit problemləri elə məhz Mərkəzi Bankın vaxtilə belə qaydalar tətbiq etməməsindən irəli gəlib. Azərbaycanda məsuliyyətsiz kreditləşmə siyasəti olub".

"Təbii ki, insanlar banklara müraciət edəndə banklar deməməlidir ki, Palata icazə vermir. Palata sadəcə qaydalar müəyyənləşdirib ki, hansı hallarda krediti götürmək olar. Bizə də hərdən müraciətlər olur. Görürsən, pensiyaçıdır, ayda 150 manat təqaüd alır. Deyir ki, "mənə bankdan kredit vermirlər". Axı necə versinlər? Aylıq pensiyan heç özünə çatmır. Əvvəllər belə hallar var idi. Burada məsuliyyəti Palatanın üzərinə atmaq düzgün deyil", — ekspert vurğulayıb.

Onun sözlərinə görə, manat ilə kredit almaq olar, sadəcə o krediti qaytarmaq üçün şəxsin aylıq gəliri olmalıdır: "Həmin gəlir yaşayış minimumundan 3 dəfə çox olmalıdır. Yəni, şəxsin aylıq gəliri 408 manatdan çox olsun ki, bank ona kredit versin".

Qeyd edək ki, Palata cari ilin 4 may tarixindən etibarən kredit təşkilatlarına sağlam kreditləşmə və məsuliyyətli borclanmaya dair yeni prudensial çərçivə tətbiq edib.

1478
Teqlər:
Əkrəm Həsənov, qazanc, borc, kredit, MBNP, Maliyyə Bazarlarına Nəzarət Palatası
Mövzu:
Bank kreditləri (6)
Əlaqədar
Bağlanan banklardakı əmanətlər bata bilər, amma kreditlər qaytarılmalıdır
Azərbaycanda problemli kreditlərin həcmi beynəlxalq normanı üç dəfə üstələyir
Azərbaycanda problemli kreditlərin həcmi maksimuma çatıb
Konstitusiya Məhkəməsi kredit borcuna görə həbsi qadağan edib
"Kupça"sız mənzillərə ipoteka krediti veriləcək?
Bu sənədlər olmadan ipoteka krediti ala bilməyəcəksiniz
Ölkədə problemli kreditlərin sayı yüksək səviyyəyə çatıb
Dieqo Armando Maradona

Maradonanın həkimi ittihamlara cavab verdi

15
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

15
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

16
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

16
Teqlər:
Fransa, final, müsabiqə, Polşa, Uşaq Avroviziyası, uşaqlar