Zibil yeşikləri

Yasamal sakinləri zibilə düşüblər

116
"İnşaatçılar" metrostansiyasının həndəvərinə hərlənmək mümkün deyil. Ərazidəki zir-zibilin əlindən piyadalar da cana doyub, sürücülər də.

BAKI, 19 avq — Sputnik. Paytaxtın ən uzun küçələrindən olan Abbas Mirzə Şərifzadə küçəsinin "İnşaatçılar" metrostansiyasının yanından keçən hissəsi üfunət qoxuyur. Buna səbəb əraziyə səpələnən zir-zibil və küçənin kənarındakı zibil yeşiklərinin aşıb-daşması ilə bağlıdır.

Həmin ərazidə yerləşən obyektlərdən və meyvə-tərəvəz bazarından atılan zibillər maşınların gediş-gəlişinə də ciddi əngəl törədir. Yasamal rayon Mənzil Kommunal Təsərrüfat Birliyinin yol kənarına qoyduğu yeşiklər isə gündəlik tələbatı qarşılaya bilmir.

Ərazidə yerləşən obyektlərdən və meyvə-tərəvəz bazarından atılan zibillər maşınların gediş-gəlişinə də ciddi əngəl törədir
© Sputnik / Fuad Hasanov
Ərazidə yerləşən obyektlərdən və meyvə-tərəvəz bazarından atılan zibillər maşınların gediş-gəlişinə də ciddi əngəl törədir

Vətəndaşların Sputnik-ə ünvanladıqları şikayətlər əsasında aidiyyəti orqanla — Yasamal rayon Mənzil Kommunal Təsərrüfat Birliyinin 32 saylı İstismar Sahəsi ilə (MKİS) əlaqə saxladıq. Sahənin Zeynal adlı müdiri yerində olmadığından, suallarımıza onun, adını açıqlamayan köməkçisi cavab verib.

Zibili lazım olan yerə, yəni yeşiyə yox, yerə atırlar
© Sputnik / Fuad Hasanov
Zibili lazım olan yerə, yəni yeşiyə yox, yerə atırlar

"Sizin dediyiniz ərazidə uzun müddətdir bu problem yaşanır. Oranı o vəziyyətə salanlar yol boyu obyekt işlədənlərdir. Zibili lazım olan yerə, yəni yeşiyə yox, yerə atırlar. Bizim idarənin heç bir günahı yoxdur", — MKİS yetkinlisi bildirib.

Onun sözlərinə görə, zibil maşınları vaxtı-vaxtında gedib oradan zibili yığır: "Biz yaxın vaxtlarda həmin obyektlərlə bağlı aidiyyəti dövlət orqanına şikayət məktubu yazacağıq".

Ərazidə apardığımız müşahidələr zamanı sanitar qaydalara riayət olunmadığının da şahidi olduq. 32 saylı MKİS-dən deyilənləri ərazidə park edilmiş avtomobillərin gözətçisi də təsdiq edib. Kamran adlı gözətçi magistral yolun zibillənməsində əsas təqsirkarların obyekt işçiləri olduğunu deyib. Bununla belə, zibil yığanların da hərdən yeşikləri kobud formada sındırdığını, bu səbəblə də yerə zibil aşdığını söyləyib.

116
Teqlər:
zibil, Abbas Mirzə Şərifzadə küçəsi, Yasamal rayonu, "İnşaatçılar" metrostansiyası
Əlaqədar
Məktəblilər çimərlikdəki zir-zibilləri təmizlədilər
Zibillikdən doğan təmizlik haqda eqosentrik tamaşa
Göygölü zibilləyənlərin adları "qara siyahı"ya salınacaq
İmtahan həyəcanı və BDU-nun qarşısında qalanan zibillik
Şuşa, arxiv şəkli

Qarabağın adıyla halal pul qazanmaq olar - gərək başı da, ürəyi işlədəsən

0
(Yenilənib 10:55 12.08.2020)
Müsabiqəyə təqdim olunan ssenarinin hüquqları müəllifə məxsus olmalı, orijinal və ekranlaşdırılmamış olmalıdır.

BAKI, 12 avqust — Sputnik. Qarabağ həqiqətlərinin beynəlxalq arenada səslənməsində kinematoqrafın oynaya biləcəyi müsbət rolu nəzərə alaraq, o cümlədən kinematoqrafiyamızda Qarabağ müharibəsinin yaşatdığı insan faciələrinin tam dolğunluğu ilə, realistik əksinin vacibliyini qeyd edərək, Azərbaycan Kinematoqrafçılar İttifaqı "Qarabağ. İnsan. Qələbə" tammetrajlı bədii film ssenarisi müsabiqəsi elan edir. 

Sputnik Azərbaycan-ın məlumatına görə, müsabiqənin şərtləri belədir:

- Müsabiqəyə təqdim edilən ssenarinin janrından asılı olmayaraq, Qarabağ müharibəsinin insan taleyi, onun draması və faciəsi prizmasından ifadəsi, həm yerli, həm də xarici tamaşaçıya maraqlı olması arzuolunandır.

- Müsabiqədə iştirak üçün tammetrajlı bədii filminin ssenarisi (elektron variantda CD diskdə və çap olunmuş variantda, şrift Courier New, ölçü 12), müəllif haqqında məlumatın (əlaqə telefonu və e-mail ünvanı) təqdim edilməsi tələb olunur. Ssenari 22 noyabr 2020-ci il tarixinə qədər Azərbaycan Kinematoqrafçılar İttifaqının ofisinə təqdim edilməlidir. Ünvan: Bakı şəhəri, Həsən Seyidbyli 18.

- Müsabiqəyə təqdim olunan ssenarinin hüquqları müəllifə məxsus olmalı, orijinal və ekranlaşdırılmamış olmalıdır.

- Qaliblər diplom və pul mükafatı ilə təltif ediləcəklər.

- Baş mükafat 5000 AZN.

- Həvəsləndirici mükafat (2 ssenari) 2500 AZN.

Qalib ssenari istehsalı məqsədəuyğun layihə olaraq Mədəniyyət Nazirliyinə təqdim ediləcəkdir.

Əlavə məlumat üçün əlaqə: (012)5059533, mail: info@aki.az

0
Əlaqədar
Qarabağlılar Kann Festivalının təşkilatçılarına etiraz edirlər
Amerikada Azərbaycan həqiqətləri: Qarabağa aid film mükafat aldı - VİDEO
Qarabağın qapısını açmaq istəyənlərin "Açar"ı: hər azərbaycanlının qəlbi sızlayacaq
Azərbaycan filmi “Qızıl şir”ə iddialıdır
Onun ürəyi Qarabağın "Fəryad"ına dözmədi
Əli qandallanmış kişi polis bölməsində, arxiv şəkli

Şəmkirdə "Canavar" ələ keçdi, amma əməli heç canavara yaraşmır

5
Saxlanılan şəxslər istintaqa təhvil veriliblər, maddi sübutlar isə ekspertizaya təqdim olunub. Faktlarla bağlı araşdırma aparılır

BAKI, 12 avqust — Sputnik. Şəmkir Rayon Polis Şöbəsinin (RPŞ) əməkdaşları tərəfindən rayon sakinləri, əvvəllər məhkum olunmuş 42 yaşlı Tural Ələsov, 46 yaşlı Vüqar Zamanov və 42 yaşlı, əvvəllər dəfələrlə məhkum olunmuş Şirxan Aslanov narkotik vasitələrin qanunsuz satışında və saxlanmasında şübhəli bilindikləri üçün saxlanılıblar.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupuna istinadla xəbər verir ki, onların üzərinə qanunvericiliklə müəyyən edilmiş qaydada baxış keçirilən zaman T. Ələsovdan 1.296 qram, Ş. Aslanovdan 0.253 qram, Vüqar Zamanovdan isə 0.289 qram narkotik vasitə olan heroin aşkar edilərək götürülüb. İlkin dindirilmə zamanı Şirxan Aslanov və Vüqar Zamanov narkotik vasitəni "Canavar" ləqəbi ilə tanıdıqları Tural Ələsovdan aldıqlarını etiraf ediblər.

Bundan başqa RPŞ əməkdaşlarının keçirdikləri digər əməliyyat tədbirləri nəticəsində, qanunsuz olaraq narkotik saxlamaqda şübhəli bilinən, əvvəllər məhkum olunmuş rayon sakini Dilqəm Məmmədov saxlanılaraq RPŞ-yə gətirilib və onun üzərinə keçirilmiş baxış zamanı 13.533 qram narkotik vasitə olan həşiş və 0.676 qram qurudulmuş marixuana aşkar edilərək götürülüb.

Rayon Polis Şöbəsinin daxil olmuş məlumat əsasında keçirdikləri daha bir əməliyyat tədbirləri nəticəsində, qanunsuz olar narkotik vasitə əkib-becərməkdə şübhəli bilinən rayonun sakini, əvvəllər məhkum olunmuş 45 yaşlı Ömər Rzayevin Yuxarı Seyfəli kəndi ərazisindəki həyətyanı sahəsinə keçirilən baxış zamanı oradan 5 ədəd ümumi çəkisi 12 kq 400 qram olan çətənə bitkiləri aşkar edilərək götürülüb.

Saxlanılan şəxslər istintaqa təhvil veriliblər, maddi sübutlar isə ekspertizaya təqdim olunub. Faktlarla bağlı araşdırma aparılır.

5
Əlaqədar
Gəncə sakini ağır dəlillə ələ keçdi - FOTO
Oğuzda 3 tondan artıq narkotik vasitə məhv edilib
Dərman da olarmış! Marixuananın xərçəngi məhv edən növü aşkarlanıb
Videosu "tutmadı", özünü tutdular
Şabran polisi əməliyyat keçirdi: üç rayon sakini saxlanıldı