Rəsul Çunayev və Tarik Əziz Benais

Düşmənə uduzan idmançı Vətən xainidir?

481
Yaxud, beynəlxalq yarışlarda erməni rəqiblərə məğlub olan azərbaycanlı idmançıların "topa tutulması"...

BAKI, 18 avq — Sputnik. Azərbaycan idmançılarının beynəlxalq yarışlarda qazandıqları uğurlar cəmiyyətdə böyük ruh yüksəkliyi yaratdığı kimi, idmançılarımızın məğlubiyyətləri də bir o qədər məyusluq meydana çıxarır. İdmançımızın məğlub olduğu rəqib erməni olduğu halda isə, bu məyusluq əndazəni keçir. Yəni, düşmənə rinqdə yenilən idmançı, az qala "xalq düşməni" elan olunur.

Sputnik-in əməkdaşı cəmiyyətdəki bu yanaşmanın nə dərəcədə ədalətli olub-olmadığına dair sosial şəbəkə istifadəçiləri arasında kiçik sorğu keçirib.

Turğay Camal — tələbə: "Biz idmançımızın tək qələbəsində deyil, məğlubiyyətində də yanında olmalıyıq. Millət olaraq bu cür davranmalıyıq. Amma bizdə hələ "millət" anlayışı tam formalaşmadığı üçün, bu cür mənfi tendensiyaların şahidi oluruq".

Vüsal Qarayev — jurnalist: "Uğur qazandığında gurultulu alqışlardan məst olan, bir müəllimin həyatı boyu qazana bilmədiyi pullar qazanan, ən yüksək imtiyazlara sahib olan idmançı, uğursuzluq zamanı da tənqidlərə, hətta təhqirlərə belə, dözməlidir, buna özünü hazırlamalıdır. Amma idmançının hansı millətin nümayəndəsinə uduzmasının heç bir fərqi yoxdur".

Faiq Mahmudov — tərcüməçi: "İdmançıları yox, onları külli miqdarda qazancla şirnikləndirənləri tənqid eləmək lazımdır. Çünki elə vəziyyət yaranır ki, idmançının məqsəd qalibiyyət deyil, pul və vəzifə qazanmaq olur. Onu qazanan kimi də karyera bitir. Məsələn, Rəsul Çunayev ötən il idmançı idi və qələbə qazandı, amma bu il zabitdir, başı vəzifəyə qarışıb deyə məğlub oldu".

Боксер Эльвин Мамишзаде
© AP Photo / Frank Franklin II

Mikayil Hasanli — QHT sektorunda çalışan gənc: "İdmançı beynəlxalq arenada hər bir millətin nümayəndəsi ilə qarşılaşır, oyunda uda da bilər, uduza da. Bu, idmandır, heç kim heç nədən sığortalanmayıb. Necə ola bilir ki, qələbə qazananda başımızın tacı edirik, amma uduzan kimi onu hədəfə alırıq? Doğulandan bu günə ölkə, millət, xalq, dövlət adına bir uğur qazanmayan şəxslər indi özünü bir nəsə hesab edib 25 yaşına qədər beynəlxalq arena dəfələrlə Azərbaycan bayrağını qaldırmış, düşmən ölkənin idmançılarını böyük fərqlərlə məğlub edən idmançımızı tənqid bir yana qalsın, təhqir edirlər. Sual verən lazımdır ki, sən nə etmisən bu ölkə adına? Hansı uğurları qazanmısan ki, bu gün gəlib kimlərisə qınayasan".

Vaqif Qarayev — həkim: "İdmanda daimi olan heç nə yoxdur. Bu gün göylərə qaldırdığımız idmançı sabah məğlubiyyətlə üzləşəcək. Hamı idman qələbələrimizi istəyir, amma uğursuzluğu faciəyə çevirmək düzgün deyil".

Elçin Zodorov — müxbir: "Erməni idmançıya qarşı qələbənin şişirdilməsi, məğlubiyyətin faciə kimi qələmə verilməsi siyasi vəziyyətlə bağlı hardasa başa düşüləndir, amma mən bunu alqışlamıram. İdman daha ön plana çıxmalıdır, nəinki milliyətçilik. Dqşmən idmançılar üzərindəki qələbə və ya üzləşdiyimiz məğlubiyyətlərə digərlərində olduğu kimi reaksiya verilməsi daha doğru olar".

Mahir Mammadli — telejurnalist: "İdmanda düşmən ölkənin nümayəndəsinə qalib gəlməyi qəhrəmanlaşdırmaq nə qədər yanlışdırsa, məğlubiyyəti faciəyə çevirmək, məğlub idmançını az qala vətən xaini çıxartmaq bir o qədər yanlışdır. Hər şeyin kökündə qəhrəmanlaşdırma dayanır".

Səbinə Abdullayeva — paraolimpiyaçı: "Olimpiya oyunlarında zəif idmançı yoxdur. Hər bir idmançı hazırlaşıb gəlir yarışa, idmanda udmaq da olar, uduzmaq da. Normal qəbul etmək lazımdır".

Anar Süleymanlı — idmançı və müəllim: "Tək idmanda yox, bütün sahələrdə udmaq da var, uduzmaq da. Həmişə tərif olmaz ki… Tənqid də olmalıdır. Amma təhqir olmaz. Eyni zamanda, idmançının təriflərlə başının altına yastıq qoymaq da doğru deyil".

Arif Məhərrəmov — müharibə veteranı: "Elə döyüşçü idmançılarımız var ki, söhrət onların başını hərlədir və bəzən də ayağının altını belə, görə bilmirlər. Amma milli komandamıza vətənsevərlərin dəstəyi mütləq lazımdır".

481
Teqlər:
məğlubiyyət, qələbə, uğur, idman, idmançı
Əlaqədar
Rio-da liderlik uğrunda mübarizə davam edir
Rəsul Çunayev Rio-da 1/4 finala vəsiqə qazanıb
Sabah Şəriəti Rio-2016-nın bürüncünü qazandı
Kamran Şahsuvarlı Rio-2016-nın yarımfinalına çıxıb
Elvin Məmişzadə Rio-2016-da 1/4 finalda
Rio Olimpiadasında daha bir rəzalət
Rio Olimpiadasında yarışacaq boksçumuz: "Çox təəssüf..."
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

33
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

33
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

64
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

64
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN