İlqar Yusifzadənin qızları

Ərini atıb Suriyaya qaçan qadın geri qayıtmaq istəyir

2745
Qadın iki qızı ilə birlikdə Azərbaycana dönmək istəyir, amma bunun üçün maddi vəsaitləri yoxdur. Həmçinin onların üzərində İŞİD-in qəddar nəzarəti var.

BAKI, 15 avq — Sputnik. İki azyaşlı qızı ilə Suriyaya İŞİD sıralarında vuruşmağa gedən və orada öz günahının cəzasını çəkən ana geri qayıtmaq istəyir. Amma bunu necə edəcəyini bilmir. Bu barədə Sputnik-ə uşaqların atası İlqar Yusifzadə bildirib.

Qızları — 11 yaşlı Nəzrin və 5 yaşlı Lalə anaları Pərvanə Yusifzadə ilə birlikdə, 2015-ci ilin mayından Suriyanın Raqqa şəhərinə köçüblər. Qızların atalarına dediklərinə və göndərdikləri fotolara görə, onlar ora İŞİD sıralarında döyüşmək üçün gediblər. Orada uşaqlar silahlardan istifadə etməyi öyrəniblər və həmişə atalarına əllərində avtomat tutduqları şəkillərini yollayaraq onu da yanlarına çağırıblar.

Pərvanə Yusifzadə isə Suriyaya getməmişdən əvvəl boşandığı əri ilə rabitə əlaqəsi saxlamaqdan imtina edib. Bir ildən artıq vaxt keçəndən sonra qadın öz seçimində yanıldığını başa düşüb. (Sputnik bu barədə ilk dəfə deyil ki, yazır)

Bununla belə, İ. Yusifzadənin redaksiyamıza təqdim etdiyi məlumata görə, o, sonuncu dəfə qızları ilə iyunun 27-də əlaqə saxlayıb. WhatsApp-a yazılanları araşdırarkən başa düşüb ki, sonuncu mesajı ona böyük qızı yox, keçmiş arvadı yazıb. Qadın boynuna alıb ki, keçmiş əri ilə o, özü əlaqə saxlayır.

İ. Yusifzadə sabiq arvadı ilə danışıb ki, heç olmasa, qızları görmək üçün Türkiyəyə gətirsin. Qadın isə imtina edib. O, cinayətkar kimi yaxalanacağından və keçmiş ərinin qızlarını onun əlindən alacağından qorxur.

Bununla belə, Raqqada qalmaq onun üçün çətindir. Qadın şikayətlənib ki, onlara daha əvvəl verilən pullar bəs eləmir. Çünki onlar mühasirədədirlər və pul dəyərdən düşüb. Buna görə də xanım Yusifzadə qızlarının qızıl sırğalarını satmalı olub.

Keçmiş əri ilə söhbətində qadın bildirib ki, şəhəri tərk etmək praktiki olaraq mümkün deyil. Ərsiz qadın üçün bunu etmək daha çətindir. Əgər qaçmağa cəhd etsələr, onları yaxalayaraq cəzalandıracaqlar.

Daha əvvəl İŞİD-çilər yerli əhalidən adambaşına 500 dollar alaraq onları azad edirdilər. İndi isə vəziyyət çətinləşib və qiymətlər yəqin ki, qaldırılıb. Ailə atadan onlara pul göndərməyi xahiş edir, amma hara və kimə göndərmək lazım olduğunu bilmirlər.

Qadın iki uşağı ilə İŞİD sıralarında dul qadın kimi yaşayır. Ona daim ərə getməyi məsləhət görürlər. İŞİD-də yalnız ərli qadınlar üçün yaşamaq bir qədər asandır. Buna görə də, qadın dəfələrlə ərinə Suriyaya gedərək ailəyə başçılıq etməyi təklif edib.

Lakin İ. Yusifzadə artıq nə edəcəyini bilmir. O, terrorçulara qoşulmaq niyyətində deyil. Sabiq yoldaşı da olduqları yerin ünvanını gizlədir.

Kişinin sözlərinə görə, uşaqlara qayıtmaq üçün pul göndərərdi, amma bunu kimin vasitəsilə edəcəyini bilmir. Həmçinin qorxur ki, onu Azərbaycanda terrorçuları maliyyələşdirməkdə günahlandıraraq həbs edərlər.

Yusifzadənin sözlərinə görə, keçmiş həyat yoldaşının söylədikləri ilə hərəkətləri üst-üstə düşmür. Hərdən kişiyə elə gəlir ki, onu çox şey bildiyi üçün "uçuruma itələmək" istəyirlər.

Qeyd edək ki, onun sabiq arvadı Azərbaycanı uşaqlarla birlikdə saxta sənədlərlə tərk edib. Çünki uşaqların sənədlərinin əsli atalarındadır. Hətta saxta sənədlərlə olsa belə, uşaqların ölkədən çıxması ilə bağlı heç yerdə qeydiyyat aparılmayıb.

İlqar Yusifzadənin verdiyi məlumata görə, hüquq-mühafizə orqanları qeyd edirlər ki, onun ailəsini ölkədən çobanlar çıxarıblar. Çünki çobanlar sərhədlərdəki gizli yolları və nəzarət boşluğu olan yerləri yaxşı bilirlər.

Yeri gəlmişkən, qızlar rəsmən Respublikanı tərk etməyiblər. Onlar hələ də dövlət axtarışındadırlar və heç kəs onları ölkə xaricində axtarmağa hazırlaşmır. Azərbaycanın hüququ-mühafizə orqanları öz növbələrində bildirirlər ki, Pərvanə Yusifzadə uşaqları ilə birlikdə Raqqada yox, Türkiyə-Suriya sərhəddindədir.

Bununla belə, ailə başçısı uşaqların axtarışı ilə bağlı prosesdən narazıdır. Kişi iki böyük paket sorğu və hüquq-mühafizə orqanlarının məktubunu toplayıb. Lakin ortada heç bir nəticə yoxdur. Yusifzadə qeyd edir ki, əgər axtarışlar dayandırılsa, o, Respublikada fəaliyyət göstərən xarici ölkələrin səfirliklərinə şikayət edəcək.

2745
Teqlər:
İlqar Yusifzadə, Pərvanə Yusifzadə, lalə, Nəzrin, qadın, İŞİD, Suriya
Əlaqədar
Suriyada dəhşət baş verir: terrorçular əhaliyə qarşı kimyəvi silahdan istifadə ediblər
Müdafiə naziri: "Suriya hadisələri Qafqazda təkrarlana bilər"
"Suriyalı miqrantların Avropaya daşınması köləliyin müasir formasıdır"
"Türkiyə-Rusiya münasibətlərində Suriya amili arxa plana keçəcək"
Rusiya-Türkiyə münasibətləri "Suriya düyünü"nə ilişəcəkmi?
Suriya üçün "Yuqoslaviya ssenarisi"
Məktəbdə dərs prosesi, arxiv şəkli

Müəllimlərin nəzərinə: Qiymətləndirmə qaydası açıqlandı

6
(Yenilənib 15:47 20.01.2021)
Bu barədə Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

BAKI, 20 yanvar — Sputnik. Xüsusi karantin rejimində summativ qiymətləndirmə zamanı suallar hər sinif və fənn üzrə 4 müxtəlif səviyyədə tərtib edilir. Sputnik Azərbaycan-ın məlumatına görə, bu, Təhsil Nazirliyinin "Xüsusi karantin rejimi dövründə ümumi təhsil müəssisələrində təhsilalanların attestasiyasının (məktəbdaxili qiymətləndirmənin) aparılmasının müvəqqəti qaydaları"nda bildirilib.

1-ci səviyyə üzrə suallar qiymətləndirmənin 20 faizini (20 bal), 2-ci səviyyə üzrə 30 fazini (30 bal), 3-cü səviyyə üzrə 30 faizini (30 bal) və 4-cü səviyyə üzrə 20 faizini (20 bal) təşkil edir. Qiymətlər "2", "3", "4" və "5" olaraq müəyyənləşdirilir. 30 baladək suallar (30 da daxil olmaqla) "2", 30 baldan 60-dək (60 da daxil olmaqla) "3", 60 baldan 80-dək (80 də daxil olmaqa) "4", 80 baldan 100-dək (100 də daxil olmaqla) "5" kimi qiymətləndirilir.

6
Teqlər:
Təhsil Nazirliyi, məktəbli, məktəb, müəllimlər, müəllim
Bakıda klinikaların birində koronavirus testi

Azərbaycanda koronavirus: rəqəmlər azalır

5
(Yenilənib 17:05 20.01.2021)
İndiyədək ölkədə ümumilikdə 228 028 nəfərin koronavirus infeksiyasına yoluxması faktı müəyyən edilib, onlardan 217 617 nəfər müalicə olunaraq sağalıb, 3 044 nəfər vəfat edib

BAKI, 20 yanvar - Sputnik. Azərbaycan Respublikasında koronavirus (COVID-19) infeksiyasına 332 yeni yoluxma faktı qeydə alınıb, 897 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 12 nəfər vəfat edib.

İndiyədək ölkədə ümumilikdə 228 028 nəfərin koronavirus infeksiyasına yoluxması faktı müəyyən edilib, onlardan 217 617 nəfər müalicə olunaraq sağalıb, 3 044 nəfər vəfat edib, aktiv xəstə sayı 7 367 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 7 991, ötən müddət ərzində isə ümumilikdə 2 336 498 test aparılıb.

5
Teqlər:
statistika, Azərbaycan, test, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Bakıda qarlı hava, arxiv şəkli

Sabah yollar buz bağlayacaq

0
(Yenilənib 15:49 20.01.2021)
Havanın temperaturu gecə 0-5 dərəcə şaxta, gündüz 4-7 dərəcə isti, dağlarda gecə 10-15 dərəcə şaxta, bəzi yerlərdə 20 dərəcəyədək şaxta, gündüz 3-7 dərəcə şaxta olacaq.

BAKI, 20 yanvar — Sputnik. Sabah Bakıda və Abşeron yarımadasında havanın arabir yağıntılı olacağı, bəzi yerlərdə sulu qar, qar yağacağı, axşama doğru tədricən kəsiləcəyi gözlənilir. Arabir güclənən şimal-qərb küləyi günün ikinci yarısında mülayimləşəcək.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, havanın temperaturu Abşeron yarımadasında gecə 0 dərəcəyə yaxın, gündüz 1-3, Bakıda gecə 0 dərəcəyə yaxın, gündüz 1-3 dərəcə isti olacaq. Atmosfer təzyiqi normadan yüksək 766 mm civə sütunundan 776 mm civə sütununa yüksələcək, nisbi rütubət 80-90 faiz olacaq.

Yanvarın 21-də Azərbaycanın rayonlarında arabir yağıntılı olacağı, bəzi yerlərdə qar yağacağı, gündüz əsasən yağmursuz keçəcəyi gözlənilir. Ayrı-ayrı yerlərdə duman olacaq. Qərb küləyi bəzi yerlərdə arabir güclənəcək. Havanın temperaturu gecə 0-5 dərəcə şaxta, gündüz 4-7 dərəcə isti, dağlarda gecə 10-15 dərəcə şaxta, bəzi yerlərdə 20 dərəcəyədək şaxta, gündüz 3-7 dərəcə şaxta olacaq. Dağlıq və dağətəyi rayonlarda yolların buz bağlayacağı ehtimalı var.

0