Tələbə. Arxiv şəkli

Azərbaycanlı tələbələrə bəd xəbər

8475
Onlar bu il də bahalı və şəraitsiz kirayələrdə, tıxaclı yollarda sürünmək məcburiyyətində qalacaqlar.

BAKI, 10 avq-Sputnik. Azərbaycanın dövlət ali məktəblərində oxuyan tələbələrin əbədi yataqxana problemi var. Sovetlər Birliyi dönəmində hər bir ali təhsil ocağının öz yataqxanası var idi və rayondan şəhərə təhsil dalınca gələn tələbələrin çoxu burada pulsuz qala bilirdilər. Amma azərbaycanlı tələbələrin yataqxana problemi SSRİ-nin dağılması ilə böyük problemə çevrilməyə başladı. Çünki Qarabağ münaqişəsi ölkəyə, eləcə də paytaxta yüz minlərlə qaçqın və məcburi köçkünün gəlməsinə səbəb oldu. Onlar tələbə yataqxanalarında yerləşdirildilər. Tələbələr isə kirayə evlərdə qalmaq məcburiyyətində qaldılar. Amma son illər dövlət məcburi köçkünlər üçün çox sayda yeni evlər inşa edərək onları məskunlaşdıqları yataqxana, uşaq bağçaları və digər yerlərdən yeni mənzillərinə köçürüb. Lakin tələbələrin yataqxanaları nəinki özlərinə qaytarılıb, əksinə, yataqxana binaları bəzi yerlərdə yerlə-yeksan edilib, bəzi yerlərdə isə təmir edilərək başqalarının istifadəsinə təqdim edilib. Bir müddət əvvəl dövlət rəsmiləri yataqxanaların tələbələrə qaytarılacağı barədə bəyanatlarla çıxış etsələr də, deyəsən, bu problem hələ də açıq qalıb.
Sputnik 2016-2017-ci tədris ilində tələbələri yataqxanalarla bağlı nə gözlədiyini araşdırıb.

Bakı Dövlət Universitetinin mətbuat və informasiya şöbəsinin müdiri Pərvanə İbrahimova Sputnik-ə açıqlamasında deyib ki, bu il də tələbələri yataqxanalarda yerləşdirə bilməyəcəklər. 

Son illərdə BDU-nun tələbələrinin yataqxana ehtiyaclarının təmin edilmədiyini vurğulayan P.İbrahimova bildirib ki, tələbə şəhərciyinin tikilməsi ilə bağlı layihə var. Bu layihə həyata keçirilərsə, 5-6 min tələbə yataqxana ilə təmin ediləcək. Yaxın zamanlarda bu layihə həyata keçirilə bilər.

Azərbaycan Dövlət İqtisad Universitetinin ictimaiyyətlə əlaqələr şöbəsinin əməkdaşı Ramil Cabbarov Sputnik-ə açıqlamasında deyib:

"Universitetin 4 tələbə yataqxanası var. Amma hamısında da məcburi köçkünlər məskunlaşıblar. Yəni, universitetdə hazırda yataqxana yoxdur. Yeni yataqxanaların inşası ilə bağlı Əmək və Əhalinin Sosial Müdafiəsi Nazirliyinə müraciət olunub. Amma bu məsələ hələ ki, müzakirə mərhələsindədir."

Azərbaycan Tibb Universitetin mətbuat xidmətinin rəhbəri Günel Aslanova Sputnik-ə açıqlamasında deyib ki, hər il olduğu kimi, tələbələrin ərizə ilə müraciətinə əsasən onların yataqxanalarda yerləşdirilməsi həyata keçirilir. Bu il də qəbul bitdikdən sonra tələbələr həmişəki qaydaya əsasən yerləşdiriləcəklər.

O, bildirib ki, universitetin 6 yataqxanası var və hamısı təmir olunub. Hər il yay tətilində də hər hansı bir çatışmazlıq varsa, tamamlanır. İstər xarici, istərsə də yerli tələbələrin ərizələrinə baxılır, yerlər hesablanır və onlar yataqxana ilə təmin olunur.

Universitet tələbələrinin hamısının yataqxana ilə təminatının mümkün olmadığını vurğulayan G.Aslanovanın sözlərinə görə, hazırda yeni yataqxananın inşası ilə bağlı danışıqlar getmir.
Azərbaycan Dövlət Pedaqoji Universitetinin ictimaiyyətlə əlaqələr şöbəsinin müdiri Mənsur İbrahimov Sputnik-ə açıqlamasında deyib ki, universitetin 4 yataqxanası var və hamısında da məcburi köçkünlər məskunlaşıblar. Ona görə də tələbələri ora yerləşdirmək imkanları yoxdur.

M.İbrahimovun sözlərinə görə, müraciət edən tələbələrin problemini həll etmək üçün universitet rəhbərliyi digər universitetlərin rəhbərliyi ilə əlaqə saxlayır, hətta onlara yazılı müraciətlər də edir ki, imkan varsa, bu tələbələri yerləşdirsinlər.
O, qeyd edib ki, universitet üçün müasir tələbə şəhərciyinin salınması nəzərdə tutulur və bu istiqamətdə lazımi işlər aparılır.

Məsələ ilə əlaqədar təhsil eksperti Nadir İsrafilov Sputnik-ə açıqlamasında deyib ki, bir sıra beynəlxalq qurumlar hər il dünyada ali məktəblərin reytinq cədvəlini dərc edirlər. Bu cədvələ baxanda Azərbaycan universitetləri ən arxa, aşağı yerlərdədirlər. Bu cədvəlin ilk 30-luğunda yer tutan universitetlərin hamısında tələbə şəhərciyi (kampus) mövcuddur. Burada tələbənin oxumaqdan başqa, ikinci peşəsi yoxdur, hamısı (yataqxana, kitabxana, idman zalı və s.) kompleks şəkildə tələbənin ixtiyarına verilib. Hər tələbəyə ayrıca məsləhətçi təyin olunur və tələbə problemlə rastlaşmır. 

O, bildirib ki, dünya təcrübəsində kampus sisteminə keçid üçün müxtəlif yollar, formalar var. Məsələn, elə ölkələr var ki, ayrı-ayrı iş adamları bu məsələni həyata keçirir. Elə ali məktəblər var ki, dövlət torpaq sahəsini pulsuz ayırır, özəl şirkətlər isə ali məktəbləri və onların kampuslarını yaradırlar.

Azərbaycanda kampus probleminin böyük olduğunu vurğulayan ekspert deyib:

"Bizdə Sovet dövründə bir neçə ali məktəblərin yataqxanaları var idi, müəyyən qisim tələbə yataqxana ilə təmin olunurdu. İndi yataqxanaların əksəriyyətində qaçqınlar və məcburi köçkünlər yerləşdirilib və s. Ona görə də tələbələr böyük problemlərlə üzləşirlər, yataqxana, tıxac məsələsi və s. Tələbənin rahat təhsil alması üçün şərait yoxdur".

Ekspert bildirib ki, bizdə bu məsələlər dəfələrlə gündəmə gətirilib. Kampus sisteminə keçid məsələsi ayrı-ayrı sənədlərdə öz əksini tapsa da, hələ ki, problem öz həllini tapmayıb.

8475
Teqlər:
Nadir İsrafilov, Azərbaycan Dövlət Pedaqoji Universiteti, Azərbaycan Tibb Universiteti, Əmək və Əhalinin Sosial Müdafiəsi Nazirliyi, Azərbaycan Dövlət İqtisad Universiteti, Bakı Dövlət Universiteti, BDU
Əlaqədar
Fətullah Gülənə aid özəl məktəblər və tələbə yataqxanaları bağlanır
Sumqayıtlı tələbə özünü niyə asıb?
Tələbə qız dəm qazından boğuldu
Sumqayıtda tələbə qız kirayədə qaldığı evin sahibini öldürüb
"Akademiklərin yataqxanası" sökülür, sakinlər etiraz edir
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

0
(Yenilənib 22:21 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

 

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni ər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobuslaırn hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qəanət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır", - deyə ekspert əlavə edib. Əas magistral marşrut xətlərinə sərnişinlərin çıxışını təmin etməkdir".

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandmeiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrasturkturun qurulduğu şəhərlər üçün keçərlidir. Bizdə isə düzgün inffrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. Bu vəziyyət ilin sonunadək belə davam etsə, (ümumilikdə aprel-dekabr daxil 9 ay) o zaman gündəlik olaraq işə gedib gələnlər 1080 saatı yolda itirməli olacaqlar.

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

0
Distant təhsil, arxiv şəkli

Onlayn dərslərdən yayınan müəllimlərə xəbərdarlıq

9
Yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb.

BAKI, 15 yanvar — Sputnik. Onlayn dərslərə qoşula bilməyən müəllimlərin qeydiyyatı aparılır. Sputnik Azərbaycan-ın məlumatına görə, bunu "Pandemiya şəraitində tədrisin və imtahanların təşkili" mövzusunda vebinarda Azərbaycan Dövlət Pedaqoji Universitetinin tədris işləri üzrə prorektoru Eldar Aslanov deyib.

O bildirib ki, həmin müəllimlərin müqavilələrinin uzadılması zamanı bu məsələ nəzərə alınacaq: "Biz bu faktlar üzrə qeydiyyat aparırıq. Seçkilər və qeydiyyatlar zamanı bu amil nəzərə alınacaq. Bəzi tələbələr də yaranmış vəziyyətdən sui-istifadə edirlər. Amma bu, ən çox onların kadr kimi yetişməsində özləri üçün problem yaradacaq".

Xatırladaq ki, yanvarın 11-dən ali və orta ixtisas təhsili müəssisələrində 2020-2021-ci tədris ilinin payız semestrinin imtahan sessiyası başlayıb. İmtahan sessiyası 4 həftə davam edəcək.

9