Azərbaycan jurnalistikasının problemləri bu gün mövzusunda keçirilən dəyirmi masa

Azərbaycan mediası xaricdən necə görünür?

6595
(Yenilənib 11:39 25.07.2016)
Ekspertlər ölkə jurnalistikasında müasir çağırışlar mövzüsünü müzakirə ediblər

BAKI, 22 iyul — Sputnik. Həsən bəy Zərdabinin əsasını qoyduğu "Əkinçi" qəzeti Azərbaycan jurnalistikasını formalaşdırmaqla yanaşı maarifçiliyin təbliğinə xidmət edirdi. Bu fikirlər iyulun 22-də Sputnik Mətbuat Mərkəzində, "Azərbaycan jurnalistikasının problemləri bu gün" mövzusunda keçirilən "dəyirmi masa"da səslənib.

Jurnalistlər
© Sputnik / Murad Orujov

Jurnalistlərin Həmkarlar İttifaqının sədri Müşviq Ələsgərli Azərbaycanın modern media məkanı və jurnalistikanın yeni çağırışlarından danışıb: "Postsovet məkanında totalitar rejimdən çıxmış ölkələrdən ilk dəfə Azərbaycanda jurnalistika sahəsində qanunvericilik çox sürətlə beynəlxalq təcrübəyə uyğunlaşdırıldı. Media üzərində nəzarət funksiyasını həyata keçirən senzura, eləcə də mətbuat və informasiya nazirliyi ləğv olundu. Azərbaycanda dövlət səviyyəsində mediaya dəstək konsepsiyası qəbul olundu. Mətbuat Şurası və Milli Teleradio Şurasının yaranması və qanunvericiliyin təkmilləşməsi ilə Azərbaycan modern media məkanın tərkib hissəsinə çevrildi".

Ekspert hesab edir ki, buna baxmayaraq, hazırda Azərbaycan mediasını problemlərdən kənar hesab etmək olmaz: "Bu, dinamik bir sahədir. Medianın vəzifəsi hər şeyi obyektiv, qərəzsiz və olduğu kimi işıqlandırmaqdır, lakin bunu hamı xoşlamır. Digər bir tendensiya internetin meydana çıxması ilə bağlıdır".

"Təəssüf ki, zaman keçdikcə internet tək texnoloji vasitə olmadı və klassik jurnalistikadan fərqli "yeni" bir jurnalistika yaratdı. Bu gün cibində telefon gəzdirən, noutbuku olan və internetə çıxışı olan hər kəs artıq xəbər istehsalçısına çevrilir. Lakin o, jurnalistika prinsiplərini gözləmir. Bu baxımdan, internetin inkişafı ilə mediada yeni çağırış və problemlər ortaya çıxıb", — deyə ekspert bildirib.

Sputnik-in radio proqramlarının redaktoru Natiq Məmmədli milli mətbuatın yarandığı tarixi şəraitdən danışıb: "Həsən bəy Zərdabi maarifçiliyə teatrdan başlamışdı. O, Axundovun əsərini səhnələşdirmişdi və maarifçilik ideyalarını yayaraq xalqı cəhalətdən çıxarmaq niyyətində idi. Teatr onun üçün bir vasitə idi, lakin bu, bir fayda vermədi və kütləvi maraq yaranmadı. Sonra millət yanğısından irəli gələrək qəzet buraxmaq qərarına gəldi".

N. Məmmədli qeyd edib ki, o dövrdə mətbuatın üzərinə böyük yük düşürdü: "Nəzərə almaq lazımdır ki, erməni və gürcü dillərində milli qəzetlər "Əkinçi"dən 60 il əvvəl yaranıb, Rusiyanın mətbuat tarixi 18-ci əsrə gedib çıxır. Bu statistika o vaxtkı müsəlman cəmiyyətinin nə qədər geri qaldığını göstərir. Milli düşüncənin olmaması, hələ formalaşmaması maarifçi ziyalıların işini çətinləşdirirdi".

Tədbirdə çıxış edən "Qadın Liderliyi Uğrunda" İctimai Birliyinin sədri Ülkər Abdullayeva diqqəti xaricdə Azərbaycan həqiqətlərinin yayılmasına yönəldib: "Başqa xarici jurnalistlər bizim haqqımızda yazanda, biz bunu göydəndüşmə bir hal kimi qarşılayırıq. Lakin onların məqalələrini oxuyanda görürük ki, orada dəhşətli səhvlər var. Bizim ən azı özümüz haqqında informasiyaları obyektiv şəkildə dünyanın informasiya vasitələrinə getməsini təmin etmək imkanımız yoxdur".

"Nə qədər ki bizimlə bağlı informasiyaları xaricdə özləri istədiyi kimi interpretasiya edib verirlər, biz fəxrlə danışa bilmərik ki, bizdə informasiya məkanında hər şey gözəldir və kütləvi informasiya vasitələri inkişaf edir", — İB sədri bildirib.

Ü. Abdullayeva hesab edir ki, ölkədə çoxdilli jurnalistikanı inkişaf etdirmək lazımdır. "KİV-ə dəstək üçün ayrılan vəsaitlərin ayrı-ayrı jurnalistlərin inkişafına, onların dil imkanlarının genişləndirilməsinə yönəlməsi daha yaxşı olar".

Qeyd edək ki, dəyirmi masa 22 iyul Milli Mətbuat gününə həsr olunub.

6595
Teqlər:
Müşviq Ələsgərli, "Əkinçi" qəzeti, Həsən bəy Zərdabi, Ülkər Abdullayeva, Natiq Məmmədli, media, KİV, mətbuat
Əlaqədar
Mətbuat Şurası Ali Media Mükafatı laureatlarının adlarını açıqlayıb
"Beynəlxalq media orqanları Azərbaycan qanunlarına hörmətlə yanaşmalıdır"
Əflatun Amaşov: Bu şəraitdə mediaya həssas yanaşmaq lazımdır
Qərb mediası Avropaya köçə tamamilə biganə yanaşır
Heydər Əliyevin media ilə bağlı tarixi fərmanı
Sarımsaq, arxiv şəkli

Təbii antibiotik zərərli imiş

14
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

14
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı