Qusar rayonu Laza kəndi. Arxiv şəkli

Lazada Allah da turistlərdən bezib

2032
(Yenilənib 14:31 08.07.2016)
Xınıs Mamayev: Biz bu məkanları pullu, yaxud da qapalı etsək, zibilləməyə görə yüksək cərimələr tətbiq edəsi olsaq, hamı bir ağızdan bizə qarşı çıxacaq.

BAKI,8 iyul-Sputnik. Ekosid — canlı orqanizmlərin, ilk növbədə insanın yaşadığı mühiti dağıtmaq üçün insan tərəfindən qərəzli istifadə edilən kimyəvi və digər vasitələrlə təbiətin məhv edilməsidir.

Ekosid terminini A.Qalston 1970-ci ildə Hind-Çindəki hadisələri şəxsən öyrənərək elmə daxil etmişdi. Təəssüf ki, təkcə paytaxt Bakıda deyil, o cümlədən, ucqar rayonlarda da təbiətin çirklənməsinin şahidi oluruq.

Deməli, bu termin həm də bizə aiddir. Gördüyünüz bu kadrlar, Azərbaycanın dilbər guşələrindən biri olan Qusar rayonunun Laza (Ləzə) kəndində lentə alınıb. Yaşlı kənd sakini Xınıs Mamayevin sözlərinə görə, son illər turistlərin bura gəlməsinin yerli camaata xeyri olsa da, təbiətə ziyanı var:

"Doğrudur, biz qazanırıq, təbiət isə itirir. Əslində heç vaxt hansısa kənd sakini bura gəlib istirahət etmir. Gələnlər ancaq paytaxtdan və digər bölgələrdəndir. Gələn turistlər də buranı pis vəziyyətə salırlar. Biz yetkin insanlara gözəl turistik məkanlarımızı zibilləməmək, qorumaqla bağlı dərs keçməliyik? Axı adamların şüuru olmalıdır ki, bu gün zibilləsələr, bura bərbad hala düşəcək və sabah yenə gəlib burada istirahət edə bilməyəcəklər. Biz bu məkanları pullu, yaxud da qapalı etsək, zibilləməyə görə yüksək cərimələr tətbiq edəsi olsaq, hamı bir ağızdan bizə qarşı çıxacaq. Biz bunları etmirik, amma gərək turistin də Allahı, vicdanı, insafı olsun da. Allah bu gözəl yerləri yaradıb ki, insan buradan zövq alsın, dincəlsin. Daha yaratmayıb ki, insan gəlib 1 günün içində buranı bərbad hala salsın!" 

X.Mamayev onu da əlavə edib ki, əvvələr burada istirahət etmək qeyri-mümkün idi. Sonradan turizm üçün yollar açıldı və camaat bura axın etdi. Beləcə, biz yavaş-yavaş bu gözəllikləri itirməyə başladıq…

2032
Teqlər:
Laza, ekosid, Qusar, Laza kəndi, Allah, Azərbaycan, turist
Əlaqədar
Bu gözəlliyi görmək üçün iki göz azdır...
Təbiət ən gözəl rəssamdır
Prezident İlham Əliyev və Rəcəb Tayyib Ərdoğan Bakıda hərbi parada baxır

Əliyevlə Ərdoğan Ağdamdakı Birgə Monitorinq Mərkəzini müzakirə etdilər

2
Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

BAKI, 16 yanvar - Sputnik. Bu gün Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana telefonla zəng edib. 

Sputnik Azərbaycan bildirir ki, bu barədə Azərbaycan Prezidentinin mətbuat xidməti məlumat yayıb.

Telefon söhbəti zamanı Azərbaycan ilə Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi, əməkdaşlığımızın daim genişləndiyi bir daha vurğulanıb.

 Prezident İlham Əliyev Türkiyə Prezidentini işğaldan azad olunmuş ərazilərdə bərpa və yenidənqurma işlərinin başlanması barədə məlumatlandırıb və artıq bu işlərdə Türkiyə şirkətlərinin fəal iştirak etdiyini məmnunluq hissi ilə qeyd edib, bunun ölkələrimiz arasında əlaqələrin daha da möhkəmlənməsi işinə xidmət etdiyini bildirib.

Rəcəb Tayyib Ərdoğan dövlətimizin başçısına məlumatına görə minnətdarlığını bildirib və öz növbəsində, Türkiyə şirkətlərinin Azərbaycanın işğaldan azad olunmuş torpaqlarında bərpa və yenidənqurma işlərində iştirakından məmnunluq ifadə edib.

Dövlət başçıları Ağdamda Türkiyə-Rusiya Birgə Monitorinq Mərkəzinin tezliklə fəaliyyətə başlamasından danışıb, bu Mərkəzin fəaliyyətinin uzunmüddətli sülhün təmin olunması işinə xidmət edəcəyini bildiriblər.

Türkiyə Prezidenti bundan sonra da ölkəsinin Azərbaycana dəstək verəcəyini vurğulayıb. Dövlətimizin başçısı bununla bağlı təşəkkürünü bildirib.

2
Teqlər:
telefon danışığı, İlham Əliyev, Rəcəb Tayyip Ərdoğan
Polis

Adam öldürməkdə ittiham edilən adam bu dəfə 36 kq narkotiklə yaxalandı

3
(Yenilənib 18:55 16.01.2021)
Yardımlıda ümumi çəkisi 36 kiloqram 485 qram narkotik vasitə aşkarlanıb Yardımlıda ümumi çəkisi 36 kiloqram 485 qram narkotik vasitə aşkarlanıb

BAKI, 16 yanvar — Sputnik. Baş Narkotiklərlə Mübarizə İdarəsinin Cənub Bölgəsində Regional Şöbəsinin əməkdaşları Yardımlı rayonu ərazisində əməliyyat tədbiri keçiriblər.

DİN Mətbuat Xidmətindən Sputnik Azərbaycan-a verilən məlumata görə, əldə edilmiş məlumat əsasında keçirilən əməliyyat-axtarış tədbiri nəticəsində narkotiklərin qanunsuz dövriyyəsində şübhəli bilinən rayon sakini, əvvəllər Cinayət Məcəlləsinin 120-ci (Qəsdən adam öldürmə), 228-ci (Qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) və 234-cü (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma) maddələri ilə məhkum olunmuş Elməddin Əliyev müəyyən olunaraq saxlanılıb.

Davam etdirilən tədbirlərlə ondan ümumi çəkisi 36 kiloqram 485 qram narkotik vasitə, o cümlədən 32 kiloqram 155 qram tiryək və 4 kiloqram 330 qram heroin aşkar edilərək götürülüb. Faktla bağlı zəruri əməliyyat-axtarış, əməliyyat-istintaq tədbirləri davam etdirilir.

3