Bakı, Nizami küçəsi

Bakı sakinləri qonaqların ən böyük müşkülü

166
Şəhərdə faktik olaraq ictimai tualetlər çatışmır. İnsanlar təbii ehtiyaclarını ödəmək üçün yaxınlıqdakı kafelərə, ya da mağazalara üz tutmalı olurlar.

BAKI, 6 iyul — Sputnik. Son illər paytaxtı Bakını regionda turistlər üçün ən cəlbedici şəhərə çevirməyə cəhdlər edilsə də, bəzi problemlər bu niyyətin reallaşmasını müşkülə çevirir. Bunlardan biri də, ilk baxışdan kiçik görünən, lakin turistlər və yerli sakinlər üçün o qədər də kiçik olmayan tualet problemidir.

Şəhərdə faktik olaraq ictimai tualetlər çatışmır. Xüsusilə də şəhərin mərkəzində sanitar qovşaqların çatışmazlığı hissi olunur. Bu gün Bakının yaşayış məntəqələrində, eləcə də əhalinin çox istifadə etdiyi "20 yanvar", "Nəriman Nərimanov", "Gənclik", "Həzi Aslanov", "Elmlər Akademiyası" və digər metrostansiyaların yaxınlığında ictimai tualet tapmaq çətin məsələdir.

Təbii ehtiyacları ödəmək məqsədilə adamlar yaxınlıqdakı kafelərə, ya da mağazalara getməli, onların tualetlərindən istifadə etmək üçün xahiş etməlidirlər. İnsanların belə çətin və çıxılmaz vəziyyətdə qalmamaları üçün şəhərin hər yerində tam təchiz olunmuş sanitar qovşaqlarının olması vacibdir.

Hazırkı vaxtda əsas problem Bakının mərkəzindədir. Baxmayaraq ki, şəhərin "Sahil" və "Səməd Vurğun" bağlarında, yaxud da "Qış bulvarı" ərazisində olan hər bir qonaq çətinlik çəkmədən tualet tapa bilər. Hətta ticarət mərkəzlərinə də qaçmaq olar.

"Nizami" və "28 may" metrostansiyalarının yanında da tualetlər mövcuddur. Onlar yerin altında yerləşirlər. Buna görə də, çoxları o tualetlərdən xəbərsizdirlər, yaxud da onların qarşısında həmin tualetləri axtarıb tapmaq kimi böyük məsələ dayanır.

Yerli sakin Əli Bədəlovun sözlərinə görə, o, şəhərdə ictimai tualet axtarışları problemi ilə dəfələrlə üzləşib: "İş ondadır ki, mən bir neçə il bundan əvvəl sidik kisəmdən əməliyyat olunmuşam və tez-tez sidiyə getməli oluram. Şəhərə çıxanda həmişə vaxtımı əvvəlcədən hesablayıram ki, lazım olan vaxta qədər lazımi yerə çatım və çalışıram, çoxlu maye qəbul etməyim".

"Amma hərdən elə olur ki, plan dəyişir. Bu yaxınlarda Teymur Əliyev küçəsinin yaxınlığında ictimai tualet olmaması səbəbindən mən yaxınlıqdakı qadın gözəllik salonunun tualetindən istifadə etməli oldum. Əlbəttə məni başa düşdülər, amma mənə ayıb oldu", — paytaxt sakini bildirir.

Paytaxtın Nərimanov rayon İcra Hakimiyyətində, rayon ərazisində mövcud olan ictimai tualetlərin sayını deməyə çətinlik çəkdilər. Bununla yanaşı, tualetləri tapmaq istirahət zonası olan Bakı Dənizkənarı Milli Parkda da asan deyil.

Bakı Dənizkənarı Bulvar İdarəsinin (BDBİ) direktor müavini Azər Muradovun sözlərinə görə, bulvarda 26 qadın və kişi sanitar qovşağı quraşdırılıb. Köhnə bulvar ərazisində yerləşən tualetlər sutkanın 24 saatı açıq olur. Amma "Ağ şəhər" və Bayıl hovuzu tərəflərdə isə tualetlər gecə saatlarına qədər işləyir.

Bulvardakı kabinələr bütün lazımi avadanlıqlarla tam təchiz edilib. Orada salfetlər üçün sensorlar, duru sabun, fenlər, tualet kağızları, hətta reklam və televiziya verilişlərinə baxmaq üçün monitorlar quraşdırılıb.

BDBİ-nin nümayəndəsi bildirib ki, bulvardakı sanitar qovşaqlarında təmizliyə tam riayət olunur: "Hər bir sanitar qovşağında iki nəzarətçi (biri qadın, digəri kişi tualetində) işləyir. Gündüzlər bulvarda əhalinin sıx olduğu vaxtlarda nəzarətçilərin sayı ikiyə qaldırılır".

Yeri gəlmişkən, onun sözlərinə görə, BDBİ-nin anbarında Bakıda keçirilən "Eurovision-2012" mahnı yarışması zamanı alınmış onlarla biotualet var. Onlardan beynəlxalq əhəmiyyətli tədbirlərin keçirilməsi zamanı zərurət olduqda istifadə edilir.

Qeyd etmək lazımdır ki, axırıncı beynəlxalq tədbir — Formula-1 Avropa Qran-Prisi zamanı pilotlar bir sıra çətinliklərlə üzləşmişdilər. Bakıdakı tualet çatışmazlığını, hətta avtoyarışın qalibi Niko Rozberq də vurğulamışdı. Bu mərhələnin ardından o, təşkilatçılardan xahiş etmişdi ki, gələn il tualetlərin sayını artırsınlar.

Pilotun sözlərinə görə, uzun tualet növbələrində dayanmaq onu möhkəm əsəbləşdirib: "Yaxşı olardı ki, təşkilatçılar daha çox tualetlər təşkil edərdilər. Bu həftə sonu mən növbələrdə həddindən artıq çox vaxt keçirməli oldum".

Əlbəttə, bu narahatlıq ona qalib gəlməyə mane olmayıb.

Tarixçilərin dediklərinə görə, Avropa ölkələrinə təbii ehtiyacları ödəmə yerləri bir qədər gec gedib çatıb. Amma bu gün orada turistlər öz ehtiyaclarını ödəmək üçün tualetləri axtararkən heç bir çətinlik çəkmirlər. İctimai sanitar qovşaqları xeyli inkişaf edib, artıq çoxdan avtomatlaşdırılmış sensorlarla işləyir. Buna görə də, oradakı xiyabanlarda sıxılaraq çıxılmaz vəziyyətə düşmüş insanlarla qarşılaşmaq mümkün deyil…

166
Teqlər:
turist, şəhər, ictimai tualet, tualet, küçə, paytaxt, Bakı
Əlaqədar
Tualetdən xəzinə tapdı
Bakı bulvarında salsa və baçata ritmləri
Bakının bu qəsəbəsində sakinlərdən "xərac" toplanır
Antonio Covinatsi Bakıda birinci oldu
Bakı qonaqpərvərliyi: Formula-1 fanatları necə dincəlirlər
İmtahan, arxiv şəkli

Nazirlikdən imtahanlarla bağlı açıqlama

7
(Yenilənib 22:45 15.01.2021)
Nicat Məmmədlinin sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib.

BAKI, 15 yanvar — Sputnik. "Pandemiyadan sonra – ola bilər ki, yaz, yaxud da daha sonrakı semestrdə ənənəvi imtahan sessiyasına keçəcəyik". Sputnik Azərbaycan-ın məlumatına görə, bunu Təhsil Nazirliyinin Elm, ali və orta ixtisas təhsili şöbəsininn müdiri Nicat Məmmədli deyib. Onun sözlərinə görə, pandemiya şəraitində yazılı imtahanlar olsa da, imtahanlar əsasən şifahi formaya keçib. "İmtahanların təşkilində güzəştlərin olması ilə bağlı təkliflər edilir. Amma hazırkı pandemiya dövrü bizdən təhsilə daha məsuliyyətli yanaşmağı tələb edir".

Şöbə müdiri bildirib ki, ötən ilin dekabrında imtahan sessiyasının keçirilməsi haqqında əmr imzalanıb: "Sessiya imtahanları onlayn qaydada 4 həftə ərzində keçiriləcək. Əslində keçən ilin son semestrindən dərslər onlayn keçirilir. Bu, bütün təhsil sistemi üçün bir çağırışdır. Əsas vacib məsələ bir çox hallarda imtahanların formalarının keçirilməsi idi. Bundan əvvəl imtahanlar daha çox yazılı şəkildə keçirilirdi".

7
Bakıda avtomobil tıxacı, arxiv şəkli

Dünyada yollar, məsafələr qısaldılsa da, Azərbaycanda əksinədir

15
(Yenilənib 22:25 15.01.2021)
Hazırda orta hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib.

Nigar İsgəndərova, Sputnik Azərbaycan

BAKI, 15 yanvar — Sputnik. Bu gün dünyanın bir çox ölkələri məhz yolları, məsafələri qısaltmaq, xüsusən də işçi qrupun rahatlığı üçün müəyyən planlar üzərində çalışırlar. Lakin Azərbaycanda bu müddət azalmaq əvəzinə daha da artırılır. Pandemiyadan öncə getdiyimiz yarım saatlıq yol bu gün 2 saatlıq yola çevrilib. Ümumiyyətlə, pandemiyadan əvvəl də Azərbaycanda bənzər mənzərə müşahidə edilirdi. Bu isə xüsusən gündəlik olaraq işə gedən şəxslər üçün böyük problemə səbəb olur. Yəni, qısa məsafəni hər iki istiqamət üçün qət edən şəxs gününün 4-5, indiki halda isə hətta 6-7 saaatını da yolda keçirmiş olur. Bəs nə etməli?

Öncə dünya ölkələrinin təcrübəsinə nəzər yetirək. Bu gün əksər ölkələrdə artıq şəhərin mərkəzində avtobusların hərəkəti məhdudlaşdırılır. Belə ki, müəyyən məsafədən gələn şəxslər şəhərin mərkəzində avtomobilini park edərək mərkəzdən lazım olan ünvana ya velosiped, ya da ki, ictimai nəqliyyatdan istifadə etməklə çatmış olur. Belə olan halda həm əlavə yanacağa qənaət edilmiş olur, həm havanın çirklənməsinin qarşısı alınır, həm şəhər mrəkəzi sərnişin və piyadalar üçün daha uyğun bir vəziyyətə gəlir, həm də avtomobillərin olmaması səbəbi ilə əlaqədar olaraq tıxaclar yaranmır və beləcə məsafə daha da qısaldılmış olur. 

Sputnik Azərbaycan bu problemlərin həlli barədə nəqliyyat üzrə ekspert Hüseyn Abdullayevlə söhbətləşib. "Azərbaycanda avtobus marşrut xətlərinin planlaşdırılmasında böyük problemlər var. Ümumiyyətlə, heab edirəm ki, Bakının avtobus-marşrut şəbəkəsi yenidən müasir prinsiplərlə qurulmalıdır. Vaxt itkisinə səbəb olan nüanslar aradan qaldırılmalıdır. Avtobuların yollarda gecikməsinin qarşısını almaq üçün müəyyən addımlar atılmalı, ayrıca zolaqlar salınmalı, dəhlizlərdə avtobuslara üstünlük verilməlidir. Bir sözlə ümumilikdə nəqliyyat infrastrukturu ilə bağlı islahatlar aparılmalıdır" - ekspert deyib.

"Magistral avtobus xətlərinin də köməkçi avtobus xətləri olmalıdır. İyerarxiyalı sistemdə mütləqdir ki, bir nəqliyyatdan digər nəqliyyat xəttinə keçid mümkün qədər tez baş versin. Bunun üçün bu marşrutlar hamısı qısa intervalla işləməlidir. Bundan başqa, insanlar böyük məsafələr qət etməməli və hər mübadilə üçün əlavə gediş haqqı ödəməməlidirlər. Lakin qeyd edim ki, Azərbaycanda nəqliyyat sistemində bir pərakəndəlik var, avtobus, metro və dəmiryolu xətti ilə ayrılıqda müəyyən qurumlar məşğul olurlar. Əsas dəhlizlərdə isə avtobuslara üstünlük verilmir", - deyə eskpert bildirir.

Xarici təcrübədən danışdıqda isə, o qeyd edir ki, avtobus marşrutları, həm də digər nəqliyyat növəri arasında konkret iyerarxiya olmalıdır: "Yəni, müəyyənləşir ki, bu xətlərdən hansılar magistral, hansılar köməkçi nəqliyyat yollarıdır. Əsas magistral marşrut xətlərinə sərnişinlərin çıxışını təmin etməkdir", - deyə ekspert əlavə edib.

Millət vəkili Fazil Mustafa isə fərqli fikirdədir. Bu barədə Sputnik Azərbaycan-a danışan millət vəkili belə bir infrastrukturun qurulmasının mümkünsüzlüyündən bəhs edir: "Hazırda yollarda yaranan sıxlıq ilk növbədə metro ilə bağlıdır. Bu səbəbdən əksəriyyət minik avtomobilindən istifadə etmək məcburiyyətində qalır. Məktəblər açılmasa da, şəhərdə fəlakətli səviyyədə tıxaclar var. Pandemiya şəraitində yaranan vəziyyət təbiidir. Çünki avtobuslar da riskli olduğundna insanlar şəxsi avtomobillərə üstünlük verirlər. Bu səbəbdən hələlik çıxış yolu haqda danışmaqda çətinlik çəkirəm. Amma düşünürəm ki, tədricən metronun açılmasını görməliyik. Çünki nəqliyyatda hədsiz yüklənmə var".

Millət vəkili heab edir ki, şəhərin mərkəzinə çatmamış avtomobillərin park edilməsi təcrübəsini Azərbaycanda tətbiq etmək çətin olar: "Düşünürəm ki, bunun heç faydası da olmayacaq. Çünki bizdə normal elektrik qatarı yoxdur. Bu təcrübə yalnız düzgün infrastrukturun qurulduğu şəhərlər üçün keçərlidir. Bizdə isə düzgün infrastruktur qurulmayıb, şəhərsalmanın prinsipləri pozulub. Xaricdə belədir ki, məktəbəqədər yaşda olan uşaqlar üçün xüsusi avtobuslar var. Bizdə məktəbəqədərlər 25 faiz təşkil etsə də, heç bunu da təmin edə bilmirik".

Bir sözlə, hazırda gündəlik hesabla 6 saatı yola sərf etdiyimizi nəzərə alsaq, aylıq olaraq bu rəqəmin azı 120 saat olduğunu deyə bilərik. Bu isə o deməkdir ki, gündəlik olaraq ictimai nəqliyyatdan istifadə edən şəxslər təkcə son 5 ayda 600 saatını yola sərf edib. 

Qeyd edək ki, pandemiyadan öncə isə gündəlik olaraq işə gedib-gələn və bir qədər şəhərin mərkəzindən kənarda qalan şəxslər 4 saatını yola sərf edirlər. Yəni, aylıq olaraq bu 80 saat, illik olaraq isə 960 saatdır.

Hələlik isə ümid təkcə metronun açılmasına qalır...

15

İqtisadi Şuranın 2021-ci ildə ilk iclası keçirilib

0
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

0