Avtomobil bazarı

Avtomobil bazarında növbəti bahalaşma başlayıb

27377
(Yenilənib 18:28 05.07.2016)
İkinci əl maşınların qiymət artımının əsas səbəbləri məlum olub. Avtokreditlərə məhdudiyyət qoyulması, ucuz və ili köhnə olan avtomobillərə tələbatın artmasına gətirib çıxarıb.

BAKI, 5 iyul — Sputnik. May ayının sonlarından etibarən ölkənin avtomobil bazarlarında bahalaşma müşahidə olunur. Bahalaşma ikinci əl avtomobillərdə də özünü büruzə verir.

Ötən həftənin sonu paytaxtın "Maşın bazarı"na baş çəkən Sputnik əməkdaşı, ikinci əl avtomobillərin qiymətində, ilin əvvəli ilə müqayisədə 20-25 faiz arasında qiymət artımı olduğunu öyrənib. Alıcıların dediyinə görə, bir ay əvvəllə müqayisədə belə, maşınların qiymətində 1000-2000 manatarası bahalaşma var.

Badamdar qəsəbəsində yerləşən "Avtomobil Satış Mərkəzi"ndə özü üçün maşın axtardığını deyən alıcı Kamil Mirzəyev, cibinə uyğun ürəyincə bir şey tapa bilmədiyini deyir: "Bazara aprel ayında bir dəfə gəlmişdim. Açığını desəm, o vaxt cibimdəki pula uyğun arzu elədiyim maşını ala bilərdim. Amma bir az gözləmək istədim".

"Elə bilirdim, maşınlar daha da ucuzlaşacaq. İndi gəlib bu ab-havanı görəndə heyfsləndim. Kaş elə o vaxt alardım. İşlənmiş avtomobillər çox bahalaşıb", — müsahibimiz deyir.

Ekspertlərə görə, qiymət artımının bir neçə səbəbi ola bilər. "045" Avtosalonunun baş meneceri Emil Nəsrullayevin Sputnik-ə bildirdiyinə görə, birinci səbəb, hazırda ikinci əl avtomobillərə bazarda ciddi tələbat yaranması ilə bağlıdır.

"Üstəlik, bilirsiniz ki, hökumətin qərarı ilə "Avro-4" standartı qəbul olunub, bu səbəblə də idxal məhdudlaşıb. Yəni sahibkarlar ürəkləri nəyi istədi, Azərbaycana gətirə bilmirlər", — menecer bildirib.

Ekspert Emil Nəsrullayev
© Photo : Emil Nəsrullayevin şəxsi arxivindən
Ekspert Emil Nəsrullayev

E. Nəsrullayev ikinci əl maşınların nəyə görə bahalaşdığının gözdən qaçan tərəflərini də açıqlayıb: "İqtisadi səbəblərə görə, avto-bazarlarda kreditləşməyə məhdudiyyətlər qoyulub. Bu da ili təzə və bahalı maşınların alqı-satqısını zəiflədib. Nəticədə ucuz və ili köhnə olan avtomobillərə tələbat artıb. Bu da qiymət artımına səbəb olub. Sözün qısası, tələb artdıqca qiymətlər bahalaşır".

Ekspertin fikrincə, bahalaşma ən çox 1998-2005-ci illər istehsalı olan xarici markalı avtomobillərdə müşahidə olunur: "Bu maşınların qiyməti alıcıların cibinə uyğun olduğu üçün həmin avtomobillərə tələbat da yüksəkdir".

O, maşın bazarındakı bu bahalaşmanın uzun müddət davam edəcəyini də iddia edib.

27377
Teqlər:
"Avtomobil Satış Mərkəzi", maşın, bahalaşma, bazar, avtomobil, qiymət
Əlaqədar
Sərhəddə avtomobilləri bunlar da yoxlayacaqlar
Avtomobillərin icbari sığortası ilə bağlı yenilik edildi
Bu kənddə avtomobildən istifadə qadağandır
Rayon qeydiyyatında olan avtomobillərinin Bakıya buraxılış saatları dəyişir
Ucuz avtomobil sürən məşhurlar...
Bu avtomobillərin qiymətləri tezliklə bahalaşacaq
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

3
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

3
Осколки стекла, архивное фото

Bakının Heydər Əliyev prospektində baş verən qəza tıxaca səbəb olub

3
Hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

BAKI, 19 yanvar - Sputnik. Paytaxtın Nizami rayonu, Heydər Əliyev prospektində (“Koroğlu” metrostansiyasının yaxınlığı) yol-nəqliyyat hadisəsi baş verib.

Bakı Nəqliyyat Agentliyindən verilən məlumata görə, hazırda qəza səbəbindən həmin istiqamətdə nəqliyyat vasitələrinin hərəkətində sıxlıq müşahidə edilir.

3