Lənkəranda ilk qədr gecəsi qeyd olunub

Səhərədək Allahdan əfv dilədilər

79
(Yenilənib 15:01 26.06.2016)
Lənkəranda ilk qədr gecəsi qeyd olunub. Bu gecədə bütün günahlar bağışlanar.

Rahim Muradov, Sputnik Azərbaycan

BAKI, 25 iyun — Sputnik. Bütün İslam dünyası dünən Mübarək Ramazan ayının ilk Qədr gecəsini qeyd etdi. Min aydan daha fəzilətli və üstün sayılan bu gecə İslam dünyasında bağışlanma və günahlardan azad olunma gecəsi kimi də tanınır.

Qədr gecəsi — Allahın kitabı, bəşəriyyətin hidayət çırağı, haqqı batildən ayıran Qurani-Kərimin nazil olduğu gecədir. İslamiyyətin əziz Peyğəmbəri Məhəmməd (S) Qurani-Kərimin hansı gecədə nazil olunduğunu deməyib. Qədr gecələri Ramazan ayının 19, 21 və 23-cü gecələrinə təsadüf edilir və Quranın bu gecələrin birində Peyğımbər əfəndimizə nazil olunub.

Lənkərandа Əhya gecəsi
© Sputnik / Rahim Muradov
Lənkərandа Əhya gecələri həmişə böyük izdihamla qeyd edilir

Qədr gecəsində əhya saxlanıldığından (oyaq qalmaq) bu üç gecəyə həm də "Əhya gecələri" də deyilir. Bu gecələrdə edilən bütün dualar qəbul olunar. Məhz bu gecələri Mərhəmət gecəsi də adlandırırlar. Bu gecədə bütün günahkarlar bağışlanar. Hətta Allaha asi olan bəndələr tövbə etsələr, onların da günahları bağışlanar.

Lənkəran məscidlərində də bu gecələrin ilki böyük izdihamla qeyd edildi. Məscidə gələnlər "Qədr gecəsi namazı"nı qılıb, Qurandan ayələr oxuyub, Allahdan əhv olunmaları üçün, xalqımızın rifahı üçün dualar etdilər. Qeyd edək ki, bu il Qədr gecələri iyun ayının 24, 26 və 28-də qeyd olunacaq.

79
Teqlər:
Lənkəran, qədr gecəsi, əhya gecəsi, Ramazan, İslam dini, İslam dünyası
Əlaqədar
Ramazanda spirtli içki içməyin cəzası nədir?
Ramazan ayının 12-ci gününün duası, imsak və iftar vaxtı ilə tanış olun
Ramazan ayının təqvimi
Azərbaycanda Ramazan təqvimi açıqlandı
Ramazan bayramı Çində böyük coşğuyla qeyd olunur
Asteroid

Yer kürəsi təhlükədə - beş asteroid birdən yaxınlaşır

35
(Yenilənib 00:52 06.03.2021)
Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

BAKI, 5 mart - Sputnik. Bu gecə Yer kürəsinə sərnişin təyyarəsi ölçüsündə asteroid yaxınlaşacaq. Sputnik Azərbaycan Report-a istinadla xəbər verir ki, bu barədə NASA JPL Elmi Tədqiqat Mərkəzi bildirib.

Saytdakı hesablamalara əsasən 2021 CF8 asteroidinin Yerdən ən yaxın məsafəsi 4,4 milyon kilometr təşkil edəcək. Göy cisiminin diametri 52 metrə bərabərdir.

Bu gün Yer kürəsinin yaxınlığından həmçinin 2021 CN3 asteroidi keçəcək. Onun diametri azdır, ancaq planetmizdən daha yaxın məsafədən uçacaq.

Növbəti 3 gündə Yer kürəsinin yaxınlığından növbəti həmçinin daha üç asteroid keçəcək. Onlardan ən böyüyü 2021 EB-dir. Onun diametri 43 metrə malikdir və planetimizdən 2,7 milyon kilometr məsafədə keçəcək.

35

Gəncədə sərnişinlərin olduğu mikroavtobus qəzaya uğrayıb, yaralılar var

21
(Yenilənib 23:22 05.03.2021)
Hadisə şəhərin Nəriman Nərimanov prospektində qeydə alınıb. Qəza nəticəsində ilkin olaraq 5 nəfərin xəsarət aldığı bildirilir.

BAKI, 5 mart - Sputnik. Gəncə şəhərində 11 nömrəli marşrut xətti üzrə hərəkətdə olan sərnişin mikroavtobusu minik avtomobili ilə toqquşub.

Sputnik Azərbaycan Report-a istinadla xəbər verir ki, hadisə şəhərin Nəriman Nərimanov prospektində qeydə alınıb. Qəza nəticəsində ilkin olaraq 5 nəfərin xəsarət aldığı bildirilir.

Xəsarət alanlar Mövsümov Vasif Hüseyn oğlu (1985-ci il təvəllüdlü), Hüseynov Akif Qabil oğlu, Əliyev Ayxan Elnur oğlu (2014), İsgəndərov Nail Hamlet oğlu (1978) və Zeynalova Fatimə Kamil qızıdır (1987).

Qəzanın baş verdiyi əraziyə Dövlət Yol Polisi əməkdaşları cəlb olunub.

Faktla bağlı araşdırma aparılır.

21
NATO-nun Baş katibi Yens Stoltenberq, arxiv şəkli

Yens Stoltenberq: Gürcüstan Ukrayna NATO üzvü olacaqlar

0
NATO-nun Baş katibi: "Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik".

BAKI, 5 mart - Sputnik. "Gürcüstan və Ukrayna tarixi və coğrafi baxımdan müxtəlif ölkələr olsalar da, hər ikisi NATO-ya üzv olmağa can atır və biz bu işdə onlara kömək edəcəyik".

Sputnik Azərbaycan Rossiya1 telekanalına istinadla xəbər verir ki, bunu NATO-nun Baş katibi Yens Stoltenberq Brüggedə Avropa Kollecindəki çıxışı zamanı bəyan edib.

"NATO-nun qapıları açıq olaraq qalır. Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik. Çünki bu ölkələr NATO-ya üzv olmaq üçün alyansın standartlarına cavab verməlidirlər", - deyə Y.Stoltenberq bildirib.

Onun sözlərinə görə, adıçəkilən ölkələr bütün diqqətini islahatlar, demokratik institutların möhkəmlənməsi və korrupsiyaya qarşı mübarizə istiqamətinə yönəltməlidir. Bu, Ukrayna və Gürcüstana NATO-ya üzv olmaq üçün kömək edəcək.

Baş katib həmçinin heç bir ölkənin, o cümlədən də Rusiyanın bu prosesə mane ola bilməyəcəyini qeyd edib.

0
Teqlər:
Gürcüstan, Ukrayna, baş katibi Yens Stoltenberq, Yens Stoltenberq, NATO