Məhəmməd Yunus Bakıda keçirilən Sosial biznes-inkişafa gedən yol adlı beynəlxalq konfransda iştirak edib

"Kasıbların bankiri"ndən ibrətamiz açıqlamalar

118
Məhəmməd Yunus: "Kasıb olmaq insanın günahı deyil. Banklar nəyə görəsə düşünür ki, kasıb insanlar xəstə olur və bank borcunu ödəmədən öləcəklər. Ancaq bizdə müştərilərin saǧlamlıǧı sığortalanır"

BAKI, 21 iyun — Sputnik. "Azərbaycana ilk dəfədir, gəlirəm. Burada olduğum üçün çox xoşbəxtəm. Bu günkü konfransa görə təşkilatçılara təşəkkürümü bildirirəm. "Kasıbların bankiri" kitabımı Azərbaycan dilinə tərcümə etdikləri üçün də təşəkkür edirəm".

Sputnik xəbər verir ki, bu sözləri Nobel sülh mükafatı laureatı Məhəmməd Yunus, Bakıda keçirilən "Sosial biznes-inkişafa gedən yol" adlı beynəlxalq konfransda deyib. Azərbaycan Dövlət İqtisad Universiteti (UNEC) və Beynəlxalq Avrasiya Mətbuat Fondunun birgə təşkilatçılığı ilə baş tutan tədbirdə UNEC-in rektoru Ədalət Muradov Məhəmməd Yunusun yaradıcılığına nəzər salıb.

Rektor qeyd edib ki, M. Yunus sosial biznes və makrokreditləşmənin əsas yaradıcılarından hesab olunur, Banqladeşdə yerləşən "Gramen Bankı" və 50-dən çox şirkətin qurucusudur: "Məhəmməd Yunusun davamlı yeniliklərinə görə "Fortune" jurnalı 2012-ci ilin mart ayında "Zəmanəmizin ən böyük təşəbbüskarlarından biri" adını verib. Professorun uğurlu yeniliklərinin nəticəsi olaraq 2006-ci ildə Məhəmməd Yunus Nobel sülh mükafatına layiq görülüb. O, 20-dən çox universitetin 55 fəxri adına sahibdir. 26 dövlətdən 112 mükafatla qiymətləndirilib və bu dövlətlərdən 10-u professoru dövlət mükafatı ilə təltif edib".

  • Məhəmməd Yunus Bakıda keçirilən Sosial biznes-inkişafa gedən yol adlı beynəlxalq konfransda iştirak edib
    Məhəmməd Yunus Bakıda keçirilən "Sosial biznes-inkişafa gedən yol" adlı beynəlxalq konfransda iştirak edib
    © AZƏRTAC ILGAR JAFAROV
  • Məhəmməd Yunus Bakıda keçirilən Sosial biznes-inkişafa gedən yol adlı beynəlxalq konfransda iştirak edib
    Məhəmməd Yunus Bakıda keçirilən "Sosial biznes-inkişafa gedən yol" adlı beynəlxalq konfransda iştirak edib
    © AZƏRTAC ILGAR JAFAROV
  • Məhəmməd Yunus Bakıda keçirilən Sosial biznes-inkişafa gedən yol adlı beynəlxalq konfransda iştirak edib
    Məhəmməd Yunus Bakıda keçirilən "Sosial biznes-inkişafa gedən yol" adlı beynəlxalq konfransda iştirak edib
    © AZƏRTAC ILGAR JAFAROV
  • Məhəmməd Yunus Bakıda keçirilən Sosial biznes-inkişafa gedən yol adlı beynəlxalq konfransda iştirak edib
    Məhəmməd Yunus Bakıda keçirilən "Sosial biznes-inkişafa gedən yol" adlı beynəlxalq konfransda iştirak edib
    © AZƏRTAC ILGAR JAFAROV
  • Məhəmməd Yunus Bakıda keçirilən Sosial biznes-inkişafa gedən yol adlı beynəlxalq konfransda iştirak edib
    Məhəmməd Yunus Bakıda keçirilən "Sosial biznes-inkişafa gedən yol" adlı beynəlxalq konfransda iştirak edib
    © AZƏRTAC ILGAR JAFAROV
  • Məhəmməd Yunus Bakıda keçirilən Sosial biznes-inkişafa gedən yol adlı beynəlxalq konfransda iştirak edib
    Məhəmməd Yunus Bakıda keçirilən "Sosial biznes-inkişafa gedən yol" adlı beynəlxalq konfransda iştirak edib
    © AZƏRTAC ILGAR JAFAROV
  • Məhəmməd Yunus Bakıda keçirilən Sosial biznes-inkişafa gedən yol adlı beynəlxalq konfransda iştirak edib
    Məhəmməd Yunus Bakıda keçirilən "Sosial biznes-inkişafa gedən yol" adlı beynəlxalq konfransda iştirak edib
    © AZƏRTAC ILGAR JAFAROV
  • Məhəmməd Yunus Bakıda keçirilən Sosial biznes-inkişafa gedən yol adlı beynəlxalq konfransda iştirak edib
    Məhəmməd Yunus Bakıda keçirilən "Sosial biznes-inkişafa gedən yol" adlı beynəlxalq konfransda iştirak edib
    © AZƏRTAC ILGAR JAFAROV
1 / 8
© AZƏRTAC ILGAR JAFAROV
Məhəmməd Yunus Bakıda keçirilən "Sosial biznes-inkişafa gedən yol" adlı beynəlxalq konfransda iştirak edib

Azərbaycan Respublikası Prezidentinin iqtisadi islahatlar üzrə köməkçisi Natiq Əmirov konfransdakı çıxışında ölkəmizdə gedən iqtisadi inkişafdan söz açıb: "Hazırda qeyri-neft sektorunun inkişafı üçün bir çox proqramlar işlənib və həyata keçirilir. Son 12 il ərzində aparılan işlər nəticəsində ümumdaxili məhsul 3.2 dəfə, o cümlədən qeyri-neft sektoru 2.6 dəfə, sənaye 2.7 dəfə, kənd təsərrüfatı 2.5 dəfə, investisiyalar 6.5 dəfə, əhalinin gəlirləri 6.5, orta əmək haqqı 5.5 dəfə artıb. Ölkədə keçirilən layihələr nəticəsində 900 mini daimi olmaqla 1.2 milyon yeni iş yeri, işsizlik 5 faizə, yoxsulluğun səviyyəsi 5.3 faizə qədər enib".

N. Əmirov eyni zamanda bildirib ki, ölkədə insan potensialının inkişafı üçün ardıcıl tədbirlər həyata keçirilməlidir: "Qeyri-neft sektorunun inkişafı dünyada baş verən qlobal iqtisadi problemlərin Azərbaycana təsirini sıfıra endirib".

Təhsil naziri Mikayıl Cabbarov isə çıxışında insan kapitalının inkişafından danışıb: "Təhsil sisteminin insan kapitalının formalaşdırılmasında xüsusi rolu var. Ölkədə ümumtəhsil müəssisələrinin 70 faizindən çoxunun əsaslı şəkildə təmiri və ya tikilməsi, eləcə də dövlət hesabına xaricdə təhsilin genişləndirilməsi kimi tədbirlər əhəmiyyət kəsb edir. Sosial biznesin kökündə gəlir əldə etmək dayanmamalıdır. Təhsilin kökü daimi ünsiyyətdədir".

Daha sonra Nobel sülh mükafatı laureatı Məhəmməd Yunus öz həyat yolundan danışıb: "Bank sahəsində fəaliyyətə başlayanda, çılğın fikirlərim olduǧu üçün bəzi insanlar mənim əqli çatışmazlığım olduğunu düşünürdülər. Biz bank sahəsində fəaliyyətə başlamaqla bütün ənənəvi bank prinsiplərini kökündən dəyişdik. Sən nə qədər varlısansa, bank üçün bir o qədər cəlbedicisən. Amma biz kasıb insanlar üçün çalışmaǧa başladıq. Bizim müştərimiz olmaq üçün sən sadəcə heç nəyinin olmadıǧını, kasıb olduǧunu sübut etməlisən".

"Ənənəvi banklar daha çox kişi müştərilərlə işləyirlər. Bizdə isə 8.5 milyon müştərinin 97 %-i qadındır. "Gramen Bank"ın Banqladeşin 80 min kəndində filialı fəaliyyət göstərir", — Yunus bildirib.

Dünyanın maliyyə sisteminin yanlış qurulduǧunu vurǧulayan qonağın sözlərinə görə, bütün banklar qapılarını qadınların, xüsusən də kasıb qadınların üzünə baǧlayır: "Bu isə məntiqsizdir, axı sən hardan bilirsən ki, o qadın bank borcunu aylıq ödəyə bilməyəcək? Kasıb olmaq insanın günahı deyil. Banklar nəyə görəsə düşünür ki, kasıb insanlar xəstə olur və bank borcunu ödəmədən öləcəklər. Ancaq bizdə müştərilərin saǧlamlıǧı sıǧortalanır. Biz bir bank olaraq mənfəət güdmürük, əksinə, insanların problemlərinin həlli üçün çalışırıq".

Tədbirdə, həmçinin Yunus Mərkəzi ilə UNEC arasında birgə əməkdaşlıq memorandumu imzalanıb və universitetdə Yunus Sosial Biznes Mərkəzinin açılışı olub.

118
Teqlər:
"Sosial biznes-inkişafa gedən yol", Məhəmməd Yunus, Nobel sülh mükafatı, "Kasıbların bankiri", Ədalət Muradov, Natiq Əmirov, Mikayıl Cabbarov
Əlaqədar
Cəmiyyət təşvişdə: kasıb balalarının ali məktəbə yolu bağlanır?
Kasıb uşaqların ali məktəbə yolu biryolluq bağlana bilər
Bilirsiniz, əsl kasıblıq dövrü nə vaxt başlayacaq?
Rusiyada 22 milyon adam kasıb yaşayır
Mixail Saakaşvili:Ukrayna Avropanın ən kasıb ölkəsinə çevrilib
Bakıda küləyin fəsadları

Bakıda daha bir məktəb küləyin qurbanı oldu

5
(Yenilənib 17:22 07.03.2021)
Müvafiq təhlükəsizlik tədbirlərinin təmin edilməsi ilə bağlı xəbərdarlıq olunub. Hava şəraiti imkan verən kimi küləyin törətdiyi fəsadların aradan qaldırılması təmin ediləcək.

 

BAKI, 7 mart — Sputnik. Paytaxtda əsən güclü külək nəticəsində 319 nömrəli tam orta məktəbin dam örtüyünün bir hissəsi uçub.

Bakı Şəhəri üzrə Təhsil İdarəsindən Sputnik Azərbaycan-a verilən məlumata görə, digər bir neçə məktəbin həyətində isə ağacların aşması, xüsusi konstruksiyaların zədələnməsi halları müşahidə olunub.

Müvafiq təhlükəsizlik tədbirlərinin təmin edilməsi ilə bağlı xəbərdarlıq olunub. Hava şəraiti imkan verən kimi küləyin törətdiyi fəsadların aradan qaldırılması təmin ediləcək.

Qeyd edək ki, 319 nömrəli tam orta məktəb 15 sentyabr 2007- ci il tarixdə istifadəyə verilib.

Xatırladaq ki, daha əvvəl paytaxtda əsən güclü külək Bakı şəhəri, Suraxanı rayonu, Pərviz İsmayılov adına 278 nömrəli tam orta məktəbin bir korpusunun dam örtüyünü uçurub.

 

5

Qadınları kim cür təbrik edəcək videosorğu

5
(Yenilənib 18:40 05.03.2021)
8 Mart bayramı qabağı Sputnik Azərbaycan kişilərin qadınlara hansı hədiyyələri edəcəyi, qadınların  gözləntiləri, bazarda güllərin bayramqabağı qiymətləri barədə sorğu keçirdi.

Qeyd edək ki, gül satıcıları suallarımızı cavablandırmaqdan yayınırdılar. Buna baxmayaraq, redaksiyamız bayramqabağı satılan güllərin qiymətini araşdırdı. Araşdırmadan müəyyən olundu ki, bazarda bir zanbağın qiyməti 5, qızılgülün isə 6 manatdır. Beləliklə, 5 dənə güldən ibarət sadə dəstənin qiyməti 25-30 manat təşkil edir.

Sorğunun əsas məqsədlərindən biri də şəhər sakinlərinin qadınlar bayramına münasibətini araşdırmaq idi.

Məlum oldu ki, qadınlar həmin gün təkcə gül dəstələri, ətir və s. kimi hədiyyə gözlədikləri kimi, özləri də həmcinslərini təbrik etmək niyyətindədirlər. Kişi respondentlərin əksəriyyəti isə qadınları təbrik etmək niyyətində olsa da hədiyyələrin alınmasını hələ də uzadır. Çoxları isə gül qiymətləri ilə hələ də maraqlanmayıb.

Kamera önündə cavab verməkdən çəkinən respondentlər bunu maddi durumlarının çətinləşməyi ilə izah etdilər.

Sorğumuzu ətraflı videoda izləyin.

5
Rusiya İstintaq Komitəsinin avtomobili, arxiv şəkli

Rusiyada qorxunc olay: Əli bıçaqlı adam qarşısına keçənləri kəsib

0
(Yenilənib 17:36 07.03.2021)
Hadisənini şahidi: "Bıçaqlı adam qan içində idi. Təsəvvür edin ki, ona atəş açırlar, o isə dayanıb gülür. Ya narkoman idi, ya da bilmirəm kim idi".

BAKI, 7 mart — Sputnik. Bu gün Volqoqrad sakini əlində bıçaqla küçədən keçənlərin üzərinə hücum edib. Bu barədə Sputnik Azərbaycan Rusiya mətbuatına istinadən xəbər verir.

"Bu gün səhər saat 7 radələrində işə getmək üçün həyətə çıxdım. Blokdan çıxan kimi gördüm ki, idman geyimində, qan içində olan bir kişi qaçır. Onun bir əlində böyük burğac, digər əlində bıçaq var idi. Mənim üzərimə qaçırdı. Ardınca isə polis qaçırdı. Mən özümü itirib nə edəcəyimi bilmədim. Bir təhər yana çəkildim", - deyə hadisə şahidlərindən biri danışıb.

Onun sözlərinə görə, həmin vaxt qonşu dükandan satıcı çıxaraq kişiyə travmatik tapançadan atəş açmağa başlayıb.

"Polis əməkdaşı qışqırırdı: "Atəş aç ona, atəş aç!". Beş və ya altı atəş açıldı. Bıçaqlı adam qan içində idi. Təsəvvür edin ki, ona atəş açırlar, o isə dayanıb gülür. Ya narkoman idi, ya da bilmirəm kim idi", - şahid deyir.

Kişini yalnız polis-patrul xidməti gəldikdən sonra tutmaq mümkün olub. Lakin onu polislər yox, sakinlərdən biri başına boru ilə zərbə endirərək "sakitləşdirib".

Şahidlər bildirib ki, cinayətkar ən azı bir nəfərə xəsarət yetirib, Qan içində olan qadını təcili yardım aparıb. Polis hadisənin təfərrüatlarını aydınlaşdır.

0