İntihar

Azərbaycanda qocalar niyə intihar edir?!

243
(Yenilənib 12:48 17.06.2016)
Bəxtiyar Məmmədov: "O isterika içində idi və deyirdi ki, əgər ona çarə tapmasaq, özünü öldürəcək, ya da ayaq barmaqlarını öz əlləri ilə kəsəcək."

BAKI, 16 iyun-Sputnik. Dünyanın böyük bəlalarından biri də intiharlardır. Adətən zəif insanların seçim üsulu olan bu yol müxtəlif yaş təbəqələrini əhatə edir. Son günlərdə Azərbaycanda ahıl yaşında olan insanların intiharları tez-tez baş verir. Bunun səbəblərinə aydınlıq gətirmək üçün Sputnik-in əməkdaşı mütəxəssislərin rəyini öyrənib.

Sosioloq Cavid İmamoğlu bildirib ki, intiharın kökündə duran ən vacib səbəblər uzun illər psixoloji faktorlarla əlaqələndirilib. Lakin son araşdırmalar sübut edib ki, intiharlar heç də psixoloji pozuntulara görə baş vermir.

"İntiharın səbəbi ailədaxili münaqişələr və ahıllara fərqli münasibətdir. Azərbaycan cəmiyyətində ahıllara sosial və psixoloji dəstəyin olmaması, eyni zamanda qocaların xəstəlikləri və ağrıları, uzun müddət işləyəndən sonra işsiz qalmaları qoca yaşda olan insanların həyatda yaşamağa marağını öldürür. Onlar bu səbəblərdən ağır depressiyaya düşürlər və ölməyi tərcih edirlər. Bəzi yaşlı insanlar intihara əl atmağı uyğun hesab edirlər."

Sosioloqun sözlərinə görə dövlətin təqaüd proqramının yaradılması, eyni zamanda ailədə yaşlılara diqqətin artırılması ilə bu yaşda baş verən intiharların sayını azaltmaq olar.
Psixoloq Dəyanət Rzayev isə ahıllar arasında intiharların artması fikri ilə razılaşmır. O hesab edir ki, gənc nəsillə müqayisədə Azərbaycanda yaşlı nəslin intiharı az baş verir:

"Bu gün Azərbaycanda intiharların statistikasında üstünlük gənclərin payına düşür. Avropa ölkələrində qocaların intiharına daha çox rast gəlinir."

Psixoloq ölkəmizdə yaşlı insanların intiharını onların əsəb sistemində pozuntuların olması və psixoloji problemləri ilə əlaqələndirib.

D.Rzayev hesab edir ki, yaşlı insanların özlərini öldürməmələri üçün onların ailə üzvlərinin maarifləndirilməsinə ehtiyac var:

"Yaşlı insanların ailə üzvləri diqqətli olmalı və qocalara vaxt ayırmalıdırlar. Bir çox hallarda qocalar özlərini cəmiyyətdən təcrid edirlər. Əgər cavan nəsil onların qayğısına qalsa, onlara dəyər versə, yaşlılar da intihar fikrinə düşməzlər."

Xarici ekspertlər isə hesab edirlər ki, yaşlı nəsillərdə həyat eşqi aşağı olur. Onlar özlərini cəmiyyət və yaxınları üçün faydasız, lazımsız hiss edirlər. Biz çox hallarda isə onlara elə gəlir ki, öz mövcudluqları ilə başqalarına, xüsusilə ailədəki cavan nəslə mane olurlar. Onlar getdikcə özlərinə qapılırlar, özlərini tənha hiss etməyə başlayırlar. Bu lazımsızlıq və tənhalıq hissi son nəticədə intiharla başa çatır.

Tibb mütəxəssisləri isə qocaların ağrılara davam gətirmədiyi, sadə bir problemi şişirdərək özlərinə dərd etdiyi qənaətindədirlər. Həkim-terapevt Bəxtiyar Məmmədov hesab edir ki, qocaların fiziki ağrılara davam gətirmək qabiliyyəti zəif olur. Onlar cüzi fiziki problemləri belə ağır dərd olaraq qarşılayırlar. 

"Bu yaxınlarda mənim yanıma 90 yaşlı bir kişini gətirmişdilər. Yaşlanması səbəbindən ayaq barmaqlarının qığırdaqlarında qabarmalar, şişkinliklər vardı. O özü iddia edirdi ki, xərçəng xəstəliyinə tutulub. Ona problemi izah etsək də, başa düşmək istəmirdi. Ailə üzvləri də deyirdilər ki, ağsaqqal televiziyada bu barədə verilişə baxandan sonra evə gələn qonaqlara, həyətdə rastlaşdığı insanlara özünün xərçəng xəstəsi olduğunu deyir. Hamıya da şikayət edir ki, uşaqlar onu həkimə aparmırlar." — deyə həkim bildirib.

"O qoca isterika içində idi və deyirdi ki, əgər ona çarə tapmasaq, özünü öldürəcək, ya da ayaq barmaqlarını öz əlləri ilə kəsəcək. Başa düşürük ki, bu yaşda adamlar çox həssas olur. Onları mümkün qədərə sakitləşdirmək və sağalacaqlarına inandırmaq lazım gəlir. Bəzən bizdə gənc nəsil qocaların kaprizlərinə səbrsiz yanaşır, onları acılayırlar, ya da lağa qoyurlar. Bu isə qocaları bezdirir və intihara sövq etdirir." — deyə B.Məmmədov əlavə edib.

243
Teqlər:
həkim-terapevt, sosioloq, psixoloq, Cavid İmanov, Dəyanət Rzayev, intihar, Avropa
Əlaqədar
Saxlanılan şəxs polis idarəsində intihar etdi
İmişlidə 17 yaşlı gənc intihar edib
Həmkəndlisini güllələyib, sonra intihar etdi
Əlli yaşlı qadın intihar edib
Ekspertlər həyəcan təbili çalırlar: Azərbaycanda intihar "gəncləşir"
Qarabağ - Legiya matçı

Türkiyə "Qarabağ"a qucaq açdı

26
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

26
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
 “TOÇKA-U” raketinin buraxılışı, arxiv şəkli

Beynəlxalq təşkilatlar rayonlarımızın raket atəşinə tutulması barədə məlumatlandırılıb

13
Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması diqqətə çatdırılıb

BAKI, 22 oktyabr - Sputnik. Müdafiə Nazirliyinin Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov tərəfindən ölkəmizdə akkreditə olunmuş xarici hərbi attaşelər və beynəlxalq təşkilatların ölkəmizdəki nümayəndələri üçün bu gün növbəti brifinq verilib.
Sputnik Azərbaycan-a Müdafiə Nazirliyindən daxil olan məlumata görə, brifinqdə qonaqlara Ermənistan Respublikasının münaqişədə birbaşa iştirakı, Ermənistan ərazilərindən döyüş əməliyyatları zonasından aralıda yerləşən Qəbələ, Kürdəmir və Siyəzən rayonlarında yaşayan dinc əhalinin və mülki infrastrukturun raket zərbələrinə məruz qalması, eləcə də humanitar atəşkəs razılığına əməl etməyərək açıq şəkildə onu pozması haqqında ətraflı məlumat verilib.
Əlavə olaraq, işğaldan azad olunmuş Cəbrayıl, Füzuli və Zəngilan rayonlarının ərazilərində olan inzibati yaşayış mərkəzlərinin, tarixi-memarlıq və dini abidələrinin dağıdılması və talan edilməsi, eləcə də döyüş texnikasının tibbi təyinatlı texnika adı altında döyüşlərdə istifadə edilməsi barədə də məlumat diqqətə çatdırılıb.

13
Teqlər:
Azərbaycan Müdafiə Nazirliyi, Siyəzən, Kürdəmir, Qəbələ, raket zərbələri, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
İsrail səfiri Gəncədə: “Qurbanların başına gələnləri dinləmək ürəyimi ağrıdır”
Qəbələnin atəşə tutulması nəticəsində bir nəfər xəsarət alıb
Prezidentin köməkçisi: "Qəbələyə raketlər Qafan və Cermuk bölgələrindən atılıb"
Hikmət Hacıyev Ermənistanın Qəbələ, Kürdəmir və Siyəzənə raket atəşi barədə
Ermənistan ərazisindən Siyəzən, Qəbələ və Kürdəmir raket atəşinə tutulub

Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"

0
Rusiya lideri: "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı".

BAKI, 22 oktyabr - Sputnik. "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı. Belə etibarlı tərəfdaşla işləmək xoşdur".

Sputnik Azərbaycan-ın məlumatına görə, bu sözləri Rusiya prezidenti Putin Valday klubunda onlayn çıxışı zamanı deyib.

"Ərdoğan dedi biz bunu reallaşdıracağıq, biz də elədik. Digər sahələrdə əməkdaşlıq edirik. Mən bilirəm ki, Ərdoğan müstəqil xarici siyasət yürüdür. Bütün təzyiqlərə baxmayaraq, biz onunla çox qısa zamanda “Türk axını” layihəsini reallaşdırdıq. Amma Avropa ilə indiyə qədər bunu edə bilmirik, illərdir mövzu çeynənir. Avropa elementar müstəqillik və suveren iradə göstərib ona xeyir gətirəcək "Şimal axını-2" layihəsini reallaşdıra bilmir. Biz öz milli maraqlarımızı başa düşərək Türkiyə ilə bunu tez bir vaxtda elədik", - deyə Putin vurğulayıb.

0
Əlaqədar
Putin: "Azərbaycan ərazilərinin itirilməsi vəziyyəti sonsuzadək davam edə bilməz"
Rusiya prezidenti: Minsk qrupu formatını bir az dəyişmək olar
Putin ümid edir ki, ABŞ Dağlıq Qarabağ münaqişəsinin nizamlanmasına kömək edəcək