Ana və uşaq

Bu şərtlərdə kim valideyn olmaq istəyər ki?!

3270
Azərbaycanda övlad sahibi olan insanlara ödənilən müavinətin məbləği son dərəcə azdır. Bu sahədə Belorusdan belə, qat-qat geridəyik.

BAKI, 10 iyun — Sputnik. Uşaq dünyaya gələndən sonra, valideynlərə kömək məqsədi ilə birdəfəlik yardım və anaların məzuniyyəti zamanı övladlarının xərcini ödəmək üçün dövlət tərəfindən yardım edilir. Uşaq doğularkən ailəyə qanunvericilikdə müəyyən olunmuş məbləğdə birdəfəlik müavinət verilir. Azərbaycan qanunvericiliyinə əsasən, uşaq doğmuş ana işləmədiyi halda və ya hər hansı bir səbəbdən uşağın anası yoxdursa, müavinət işləyən ataya verilir.

Yeni valideyn olan Ləman Qocayeva Sputnik-ə açıqlamasında, Azərbaycanda uşağa qulluğa görə verilən müavinətin azlığından gileylənib: "Dəhşət çox pul verilir axı, adam bilmir, nəyə xərcləsin".

Vüsal Qarayev də valideyndir, lakin heç bir uşağına görə pul almadığını, həyat yoldaşının işləmədiyi üçün onlara heç bir yardım düşmədiyini bildirib.

Digər valideyn Nailə Babayeva isə başqa problemdən narazıdır: "O qədər sənəd istəyirlər ki, o sənədləri toplamaq üçün verdikləri müavinətin 3 qatı çıxır. Belə müavinəti neynirik?!".

Bir çox gənc valideyinlər isə, ümumiyyətlə belə bir müavinətin olduğundan xəbərsiz olduqlarını dilə gətiriblər.

İqtisadi ekspert Samir Əliyev Sputnik-ə açıqlamasında, işləyənlər üçün dövlət tərəfindən təyin olunan yaşayış minimumun 136 manat olduğunu qeyd edib: "Amma uşaqlar üçün yaşayış minimumu dövlət tərəfindən 100 manat təyin edilib. Bu gün minimum uşaq yaşayışı üçün pul ödənilmir və normadan qat-qat az pul verilir. Hesab edirəm ki, rəqəmlər aşağıdır və bununla valideynə keç cür kömək etmək olmaz. Uşaq puluların qiymətini qaldırmaq lazımdır, əks halda əhalinin sayının azalması get-gedə daha çox özünü göstərəcək".

Bəs ana və uşaq müavinətləri ilə bağlı Avropa ölkələrində vəziyyət necədir? Sputnik-in əməkdaşı bu mövzuda xaricdə yaşayan həmvətənlərimizin fikirlərini öyrənib.

Belarusda yaşayan həmvətənimiz İlham İdrisoğlu: "Belarusda 3 yaşına qədər uşağa ayda 120 dollar (173 manat) verilir. Burada ümumiyyətlə uşağa və uşaqlı analara böyük qayğı göstərirlər. Ailə başçısını itirənlərə 18 yaşadək uuşaqpulu verilir".

Böyük Britaniyada yaşayan Çinarə Cəfərova: "Böyük Britaniyada vəziyyət fərqlidir. Əgər valideynlərin maaşı müəyyən miqdardan artıqdırsa, öz uşağını təmin edə bilirsə, uşaq pulu verilmir. Əgər aşağıdırsa, ayda 1-ci uşağa təxminən 80 funt (168 manat), digər uşaqlara isə 52 funt (109 manat) verilir. Aztəminatlı ailədirsə".

Türkiyədə yaşayan Mayis Əlizadə: "Türkiyədə uşaqların tibbi sığortası var və bunu hökumət öz hesabına edir. Doğuşa yardım olaraq 1-ci uşaq üçün 300 TL (165 manat), 2-ci uşaq üçün 400 TL (205 manat), 3-cü və daha artıq hər bir uşaq üçün 600 TL (310 manat) verilir. Türkiyədə uşaqlara yardım 2 cürdür. 0-6 yaşdakı uşaqlar üçün səhiyyə yardımı adı altında hər birinə ayda 30 TL (16 manat) yardım edilir. Təhsil yardımı olaraq məktəbə başlayan uşaqlar üçün isə 1-8-ci siniflər arasında qız uşaqlarına ilin 9 ayı hər ay 35 TL (18 manat), oğlan uşaqları üçün isə hər ay 30 TL (14 manat) pul ayrılır. Litsey yaşındakılara, 9-12-ci siniflər arası qız uşaqlarına ilin 9 ayı hər ay 55 TL (29 manat), oğlan uşaqlarına isə hər ay 45 TL (21 manat) verilir".

Hollandiyada yaşayan Vüqar Abbasov: "Hollandiyada 18 yaşa kimi uşaq pulu verilir, amma yaş artdıqca və uşağın tələbatı artdıqca verilən pulun məbləği dəyişir. Ən azı 150-200 avro (240-320 manat) verilir hər uşaq üçün. Onu da qeyd edim ki, Hollandiyada yaşama izni olan hər kəsə şamil edilir bu qanun".

Almaniyada yaşayan Məhsəti Quluzadə: "Almaniyada "valideyn pulu" adlanan yardım 300 avrodur (480 manat). Valideyn pulu, təxminən 1 və ya 2 il verilir. "Uşaqpulu" isə hər uşağa 190 avro (304 manat) olmaqla, 18 yaşına qədər ödənir. Əgər uşaq təhsil alırsa, 25 yaşa qədər davam edir. Uşaq pulunun verilməsi 3-cü uşaqdan sonra olan uşaqlara isə aylıq 210 avro (336 manat) uşaq pulu verilir".

Azərbaycan qanunvericiliyinə görə, işləyən valideynə müavinət, onun iş yeri üzrə uçotda olduğu Dövlət Sosial Müdafiə Fondu orqanı tərəfindən, əgər hər hansı bir səbəbdən uşağın valideynləri işləmirlərsə, müavinət yaşayış yeri üzrə əhalinin sosial müdafiəsi mərkəzləri vasitəsilə ödənilir. Uşaq doğuşuna görə birdəfəlik müavinət, müraciət edildikdə verilir və müraciət müddəti məhdudlaşdırılmır. Eyni zamanda uşağa qulluğa görə müavinət və ya el dilində desək, "uşaq pulu" isə bu şərtlərlə valideynlərə verilir.

Azərbaycan Respublikası Prezidentinin sərəncamına əsasən, uşağa qulluğa görə qismən ödənişli sosial məzuniyyətdə olanların sosial müdafiəsini gücləndirmək məqsədilə 2016-cı il fevralın 1-dən bir yaş yarımadək uşağa qulluğa görə qismən ödənişli sosial məzuniyyətdə olanlara verilən aylıq müavinətin məbləği 40 manat, bir yaş yarımdan üç yaşınadək uşağa qulluğa görə isə həmin müavinətin məbləği 25 manat miqdarında müəyyən edilib.

3270
Teqlər:
Avropa, Azərbaycan, yardım, müavinət, valideyn, övlad, uşaq, ata, ana
Əlaqədar
Sağlamlıq imkanı məhdud uşaqlara müxtəlif peşələr öyrədilir
Azərbaycanda ayı uşaq bağçasına hücum edib
Deputat uşaqları internetdən uzaq tutmağı təklif edir
İşsizliyə görə müavinətin məbləği artırılacaq
Məcburi köçkünlərə yemək xərci üçün verilən aylıq müavinət artırıldı
Sosial yardım alan hər kəsə 50 manat birdəfəlik müavinət veriləcək
Gözəllik salonu, arxiv şəkli

Bu sahələrin fəaliyyətinə yanvarın 25-dən icazə veriləcək

5
Ancaq xəbərdarlıq da var: Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır

BAKI, 16 yanvar — Sputnik. Azərbaycanda sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb. Sputnik Azərbaycan 2021-ci il 25 yanvar saat 00:00-dan etibarən ölkə ərazisində fəaliyyətinə icazə verilən iş və xidmətlərin siyahısını təqdim edir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

5
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar

Azərbaycanda sərt karantin rejimi yumşaldılır - SMS icazə ləğv olundu

36
(Yenilənib 10:43 16.01.2021)
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Amma yumşaldılmalar olacaq

BAKI, 16 yanvar — Sputnik. Nazirlər Kabineti yanında Operativ Qərargah məlumat yayıb. Sputnik Azərbaycan-a Nazirlər Kabineti yanında Operativ Qərərgahdan daxil olan məlumatda qeyd olunur ki, dünyada, o cümlədən Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilmişdir.

Eyni zamanda bir sıra ölkələrdə və Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınmışdır.

Azərbaycan Respublikası Nazirlər Kabinetinin müvafiq qərarına əsasən, 2021-ci il 18 yanvar saat 00:00-dan etibarən:

● Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisində, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərində yaşayış yerini və olduğu yeri "SMS" icazə, "icaze.e-gov.az" portalı və xidməti vəsiqə əsasında tərk etmək sistemi ləğv olunur.

2021-ci il 25 yanvar saat 00:00-dan etibarən ölkə ərazisində aşağıdakı iş və xidmətlərin fəaliyyətinə icazə verilir:

● ticarət obyektlərinin fəaliyyəti (ictimai iaşə obyektləri, kafe, çay evləri və bu kimi məkanlarda müştərilərə yerində xidmət və iri ticarət mərkəzlərinin, "Mall"ların fəaliyyəti istisna olmaqla);

● bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);

● muzey və sərgi zallarının fəaliyyəti;

● şəhərlərarası və rayonlararası hərəkət.

2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Fəaliyyətinə icazə verilən iş və xidmət sahələrində pandemiya dövrü ilə əlaqədar Azərbaycan Respublikası Nazirlər Kabinetinin müvafiq qərarları ilə müəyyən edilmiş məhdudiyyət və tələblərə ciddi riayət olunmalıdır.

2021-ci il 18 yanvar saat 00:00-dan 25 yanvar saat 00:00-dək Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisinə, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərinin ərazilərinə (kənd və qəsəbələr istisna olmaqla) giriş-çıxışa Azərbaycan Respublikası Nazirlər Kabinetinin müəyyən etdiyi qaydada müvafiq təşkilatların əməkdaşlarına xidməti vəsiqə, ezamiyyə vərəqəsi, diplomatik nümayəndəliklərin və beynəlxalq təşkilatların əməkdaşlarına isə müvafiq akkreditasiya kartları əsasında, habelə Nazirlər Kabinetinin qərarı ilə müəyyən edilən digər şəxslərin qeyd olunan ərazilərə giriş-çıxışına həmin şəxslər barəsində məlumatlar işəgötürən tərəfindən gücləndirilmiş elektron imzadan istifadə edilməklə "icazə.e-gov.az" portalına daxil edildikdən sonra ezamiyyə vərəqəsi əsasında icazə veriləcəkdir. Yaxın qohumunun dəfnində iştirakla əlaqədar Bakı, Sumqayıt, Gəncə, Mingəçevir, Şirvan şəhərləri və Abşeron rayonu, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzləri (kənd və qəsəbələr istisna olmaqla) arasında və onların hüdudlarından kənara hər bir şəxs Azərbaycan Respublikası Daxili İşlər Nazirliyinin Növbətçi Hissələri İdarəetmə Xidmətinin "102" Xidməti – Zəng Mərkəzi vasitəsilə alınmış icazə əsasında hərəkət edə bilər.

© AR Ministry of Education /

2021-ci il 18 yanvar saat 00:00-dan 25 yanvar saat 00:00-dək beynəlxalq və ölkədaxili uçuşlara müvafiq reys üçün bileti olan şəxslərin Bakı, Sumqayıt, Gəncə, Mingəçevir, Şirvan şəhərləri və Abşeron rayonu, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzləri (kənd və qəsəbələr istisna olmaqla) arasında və onların hüdudlarından kənara hərəkətinə onların biletləri əsasında, dövlət sərhədindən müvafiq qaydada ölkəyə daxil olan şəxslərin həmin ərazilərə gəlməsinə isə onların pasportuna vurulmuş ştamp əsasında icazə verilir.

Bakı metropolitenində sərnişindaşımanın fəaliyyətinə tətbiq olunan məhdudiyyət hazırda qüvvədə qalır.

Bütün ölkə ərazisində şənbə və bazar günləri ictimai nəqliyyatın fəaliyyətinə tətbiq olunan məhdudiyyət, eləcə də digər qadağalar isə xüsusi karantin rejiminin sonunadək tətbiq olunacaqdır.

Qeyd edək ki, xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburidir. Həmçinin sosial məsafə, tibbi maska və digər qoruyucu vasitələrdən ictifadə etmək zəruridir.

36
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar