Pomidor təsərrüfatı Şəmkir

Azərbaycanlı təsərrüfatçılar arasında təlaş

656
Məhsullarımızın Rusiya tərəfindən geri qaytarılması sahibkar və fəhlələr arasında ciddi narahatlığa səbəb olub: "Rusiya bazarı üzümüzə bağlansa, acından öləcəyik"

Hikmət Orhun, Sputnik Azərbaycan

BAKI, 9 iyun — Sputnik. Son günlərdə azərbaycanlı fermer və sahibkarların kənd təsərrüfatı mallarının Rusiya Federasiyası tərəfindən müxtəlif səbəbdən ölkəyə geri qaytarılması halları insanların narahatlığına səbəb olub. Sonuncu dəfə göndərilən və ölkəyə buraxılmayan məhsulun bir hissəsi tamamilə zay olub.

Qonşu ölkənin müvafiq orqanları hərəkətlərinə haqq qazandırmaq üçün azərbaycanlı fermerlərə malların sənədlərində mənşə ölkəsinin düzgün qeyd olunmadığını bildirib. Bu barədə Dövlət Gömrük Komitəsi (DGK) məlumat yayıb.

Rusiyanın geri qaytardığı pomidorlar Şəmkir istixanalarında yetişdirilmiş yerli məhsullardır, qablaşdırma da Azərbaycanda aparılıb. Problemlə bağlı DGK əməkdaşları Dağıstanın gömrük orqanları ilə danışıqları davam etdirir. Xaçmaz gömrük idarəsindən verilən məlumata görə, Azərbaycandan gedən məhsulların hamısının mənşə və fitosanitar sertifikatları və digər sənədləri tam qaydasındadır.

Məsələyə yerli sahibkarların fikrini öyrənmək üçün bölgədəki əsas təsərrüfat mərkəzlərindən biri sayılan və Rusiya bazarlarını tərəvəz məhsulları ilə təmin edən Şəmkir rayonuna üz tutduq. Əsas təsərrüfat sahəsi istixana olan rayon insanlarının qapısında becərdiyi istixanadan əldə etdiyi məhsullar belə, ortalıqda qalıb. Hektarlarla sahədən alınan məhsulun və onu əkib becərən insanların taleyi sual altındadır.

  • Şəmkir rayonundakı istixanalardan biri
    Şəmkir rayonundakı istixanalardan biri
    © Sputnik / Hikmet Orhun
  • Bu tip istixanalarda yetişdirilən pomidorlar əsasən Rusiya bazarına ixrac olunur
    Bu tip istixanalarda yetişdirilən pomidorlar əsasən Rusiya bazarına ixrac olunur
    © Sputnik / Hikmet Orhun
  • İstixanadakı pomidor tağları
    İstixanadakı pomidor tağları
    © Sputnik / Hikmet Orhun
  • İstixana məhsullarının Rusiyadan geri qaytarılması bu bölgədə işsizliyi daha da artıracaq
    İstixana məhsullarının Rusiyadan geri qaytarılması bu bölgədə işsizliyi daha da artıracaq
    © Sputnik / Hikmet Orhun
  • Sahibkar görəndə ki, işçinin haqqını verə bilmir, sayını azaldacaq; nəticədə yüzlərlə adam işsiz qalacaq
    Sahibkar görəndə ki, işçinin haqqını verə bilmir, sayını azaldacaq; nəticədə yüzlərlə adam işsiz qalacaq
    © Sputnik / Hikmet Orhun
  • Fəhlələr arasında elələri var ki, səhhəti üzündən ağır iş görə bilmir, ancaq oturaq vəziyyətdə pomidorun yaxşısını, pisini ayırd eləyir
    Fəhlələr arasında elələri var ki, səhhəti üzündən ağır iş görə bilmir, ancaq oturaq vəziyyətdə pomidorun yaxşısını, pisini ayırd eləyir
    © Sputnik / Hikmet Orhun
1 / 6
© Sputnik / Hikmet Orhun
Şəmkir rayonundakı istixanalardan biri

Pomidor təsərrüfatı sahələrindən tək Şəmkir deyil, fəhləlik edərək ətraf rayonların sakinləri də yararlanırlar. Buna görə də, yaranmış vəziyyət sahibkarlardan daha çox onları narahat edir. Belə ki, işsizliyin baş aldığı vaxtda illərdir, dərim, qablaşdırma və digər işlərdə əmək qoyub, ailəsinə çörəkpulu aparır, dolanışıq çıxarırlar. Lakin, belə davam edərsə, işlərindən olacaqlarından ehtiyatlanırlar.

Qablaşdırma işi ilə məşğul olan Mehman Alıyev deyir ki, qapısında əkdiyi məhsuldan cəmi bir dərim sata bilib, ikincisi məlum problemdən dolayı yerdə qalıb: "Evimdəki becərdiyim yenicə yetişib. Birinci dəfə iyirmi yeşik satdım, ikinci dərim əlli yenşik olar, amma yerdəcə qalıb. Əsrin əvvəlində ümidimiz Gürcüstana idi, oradan elədilər. Rusiya bazarlarını da üzümüzə qapatsalar, biz kasıblar acından öləcəyik".

Mehman dayının iş yoldaşı Namiq də eyni fikirdədir. Onları bölgədəki işsizliyin cəngindən alan istixana məhsullarının geri qaytarılmasının fəhlələrin güzəranına güclü təsir edəcəyini deyir: "Sahibkar görəndə ki, işçinin haqqını verə bilmir, sayını minimuma salacaq. Belədə yüzlərlə adam işsiz qalacaq".

"Bəlkə mən də… Mənə nə var, sabah gedib, daş qaldıracam. Fəhlələr arasında elələri var ki, səhhəti üzündən ağır iş görə bilmir, ancaq oturaq vəziyyətdə pomidorun yaxşısını, pisini ayırd eləyir. Adamlar zatən sezon bitəndə çətinlik çəkirlər, bu iş də əldən çıxsa, ac qalacaqlar", — əlavə edir.

Fəhlələrin hamısının dərdi eynidir: əziyyətli, bəzən yuxusuz, bəzən ağrılı, bəzən dözülməz olsa da, onlara dolanışıq qazandıran öz sevimli peşələrini itirmək qorxusu. Sahibkarlar isə məsələ ilə bağlı hər hansı bir münasibət bildirmək istəmədiklərindən onların dərdini anlamaq mümkün deyil.

Ümumi mənzərə isə belədir ki, Rusiya inad eləsə, hamı — fəhlə fəhlə kimi, sahibkar sahibkar kimi əziyyət çəkəcək. Sözsüz ki, fəhlələrin çoxu vəziyyətdən çıxmaq üçün harda olsa, iş tapacaq, elə bəlkə də Rusiyanın özündə… Ancaq ölkə təsərrüfatının əsas sahələrindən biri olan istixanaların sahibləri bəlkə də xərci borcunu ödəmədiyindən biznesini sonlandırıb (əlbəttə, istəmərik elə olsun), özgə işlə məşğul olacaq.

656
Teqlər:
istixana, fəhlə, Şəmkir, təsərrüfat, fermer, pomidor, sahibkar, Rusiya, bazar, Azərbaycan, məhsul
Əlaqədar
İşi gömrükdən keçənlər, bunu oxumağınız məsləhətdir
Azərbaycanda ərzaq məhsullarının qiyməti 12 faiz bahalaşıb
Anomal iqlim şəraiti məhsuldarlığa zərbə vurur
Rəsmi açıqlama: "Bəzi məhsullar bayramqabağı bahalaşa bilər"
Rusiya Türkiyədən bütün növ bitkiçilik məhsullarının idxalına qadağa qoya bilər
Azərbaycanın ümumdaxili məhsulu 3,3% azalıb
Azərbaycan süd məhsullarını Yeni Zelandiyadan alır

Xırdalanda partlamış evin dağıntıları altından qadın meyiti çıxarılıb

73
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

73
Xırdalanda partlayış yerində

Xırdalanda dağıntılar altından xilas edilənlərin sayı artır

22
Görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib.

BAKI, 25 yanvar — Sputnik. Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.

APA xəbər verir ki, görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib. Bununla da xilasedicilər tərəfindən xilas edilmiş vətəndaşların sayı 6-ya çatıb.

Axtarış-xilasetmə əməliyyatı davam edir. Əlavə məlumat veriləcək.

22