Yol qəzası nəticəsində zədələnmiş avtomobil. Arxiv şəkli

"Yol terroru"nun məsuliyyətini kim daşıyır?

78
Dəhşətli faciələrin qurbanlarının sayı günü-gündən artır. Bu qədər insanın həyatının baiskarı haqda cəmiyyətin düşüncələri...

BAKI, 3 iyun — Sputnik. Paytaxtda və bölgələrdə baş verən avtoqəzalar, az qala cəmiyyət üçün adi hala çevirilib. Bu dəhşətli faciələrin qurbanlarının sayı günü-gündən artır.

Bu cür halların artmasının, insanlarımızın bir heç uğuruna qurban getməsinin əsas günahkarı kim və ya kimlərdir? Sputnik-in əməkdaşı bu mövzuda sosial şəbəkə istifadəçilərinin fikirlərini öyrənib.

Rumiyyə Miraslan — jurnalist: "Səbəbkar sürücülük vəsiqəsini satanlardır. Daha da sonra sürücülər. Heç görmüşünüz, asta sürən, normal sürən, ağlı başında olan adam qəza törədə?!".

Aygün Akifqızı — həkim: "Sürə bilən də maşını idarə edir, sürə bilməyən də. İndi yaxşı sürənlər artıq sürməyə qorxurlar. Çünki sürücülük vəsiqələrini pulla alır əksəriyyət və 7 dəfə sürücülük təliminə getdisə, artıq özünü peşəkar hiss edir. Mənim atam mayor olsa da, mən sürücülük vəsiqəsini özüm oxuyub almışam. Hələ də mənimlə yola çıxanda bütün nişanları soruşur. Hətta öz qanunlarımızı da öyrədir. Bir sözlə, dəmirlə oyun olmaz".

Valeh Arifoğlu — gənc fəal: "Günahkar təcrübəsiz sürücülərdir, çünki hər kəs — sürə bilən də, bilməyən də maşın sürür. Sonra da qəza vəziyyəti yaradır, yaxud qəza şəraitindən çıxa bilmir və nəticədə qəza olur. Bir də bəzi avtobus sürücülərinin yarışa çıxması böyük faciələrə səbəb olur".

Vaqif Huseynov — marketoloq: "Avtoqəzalarda bir nömrəli günah subyekti — yorğunluqdur".

Emil Bayramov — menecer: "Telefon danışıqları, avtobus sürücülərinin birbaşa və dolayı yolla məsuliyyətsizliyi. Demək olar ki, 80% avtobus sürücüləri eyni qaydaları pozur. Bəzən piyadaların məsuliyyətsizliyi də fəlakətə səbəb olur. Və ən əsas səbəblərdən biri — yollarda lazım olmayan yerlərdə avtomobillərin park edilməsi, digər sürücülərin yolunu kəsməsi, tıxac yaratmasıdır. Çünki tıxacdan çıxan əsəbi sürücü maşını səbirsiz idarə edir, bununla da qəzalar baş verir".

Hikmət Yusifov — operator: "Əsas günahkar Nəqliyyat Nazirliyidir. Avtobus sürücülərindən qanuni və qeyri-qanuni o qədər pul yığılır ki, onlar da planı doldurmaq, evinə çörəkpulu aparmaq üçün yarışa girirlər, vaxt itirməmək üçün ötəşirlər, işıqforun qırmızı işığında keçirlər, yüksək sürətlə sürmək məcburiyyətində qalırlar. Avtobus sürücüsünün telefonla danışmasının da günahkarı Nəqliyyat Nazirliyidir, ona görə ki, sürücülər bir-birinin vaxtına girməmək üçün bir-birləri ilə danışırlar və bu da sürücünün fikrinin yayınmasına və qəzanın baş verməsinə səbəb olur".

Bahadur Azadi — tələbə: "Bu problemin kökündə 800 manata satılan sürücülük vəsiqələri dayanır".

78
Teqlər:
"yol terroru", sürücülük vəsiqəsi, avtobus, hadisə, sürücü, qəza
Əlaqədar
Xızıda yaşanan qəzada xəsarət alanlardan yeni xəbər var
Avtobus qəzası ilə bağlı cinayət işi açıldı
Dəhşətli qəzada xəsarət alanların siyahısı açıqlandı
Səhiyyə naziri Xızıda avtobus qəzasında xəsarət alanları ziyarət edib
Sabirabadda yol qəzası baş verib, 2 nəfər xəsarət alıb
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

17
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

17
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət
Qanda qlükozanın miqdarının yoxlanılması

Şəkərlə bağlı xərcləri əhəmiyyətli dərəcədə azaltmaq olar

8
(Yenilənib 23:07 16.01.2021)
"Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

BAKI, 16 yanvar — Sputnik. "Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir".

Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev "Virtual Diabet Məktəbi" layihəsi üzrə Anlaşma Memorandumunun imzalanması mərasimində deyib. O bildirib ki, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır:

"İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu mənfi tendensiyanı müsbətə doğru çevirməkdə yeni imkanlar açır".

Agentliyin İdarə Heyətinin sədri deyib ki, hər il dünyada ölümlərin 11.3%-i şəkərli diabetlə bağlı olur.

8